á paixón
Un sevillano chama polo móbil ao seu amigo:
- Estás na túa casa?
- Uhm… si.
- Tes que vir a unha carnizaría daquí preto.
- Para que?
- Ti vén.
Foron e atopáronse con isto:
A carnizaría está en Sevilla, ao lado da Peixaría Esperanza e, acouga, non venden carne de pingüín 
Pero tamén tes estas outras curiosas imaxes:
chuzame -
En: Curiosidades, FLOSS por Roberto Brenlla
Sen Comentarios »
As primeiras “Xornadas de aplicacións web de software libre para Pemes” que organiza a Aula TIC-PEMEs da USC, recentemente creada, que xorde no eido do Plan Estratéxico das TICs 2003-2006 elaborado pola Universidade de Santiago de Compostela.
As Xornadas están orrientadas a coñecer os mellores exemplos de aplicacións web de Software Libre de "Alto Impacto Actual"
·Plataformas de éxito: Xestores de Contidos para a construcción de portais web externos, internos e mixtos, (Mambo, Drupal, Typo3); Sistemas de Publicación web para a creación de periódicos internos, externos, e-catálagos de produtos, e-revistas, Bibliotecas de empresa, Boletín de Asociacións, ... (SPIP, WordPress, e outros); Plataformas de e-formación (Moodle, Claroline); e así sucesivamente en cada unha das sesións programadas.
·Analizar exemplos reais de interese, coñecer as plataformas por dentro, comprobar as súas capacidades e curvas de aprendizaxe, comprobar a súa usabilidade, estimar a dificultade-facilidade de instalación e posta en marcha, estimar áreas de uso experimental, etc.
·Coñecer plataformas de Softawre Libre que están a ser usadas en empresas multinacionais, ONGs internacionais e locais, universidades de renome, ministerios gubernamentais e organismos internacionais, e que en moita menor medida están a ser empregadas nas pemes e nas súas Asociacións.
·Manter uns foros temáticos de debate sobre estas ferramentas, abertos ao longo da duración das xornadas, e accesibles despois da súa finalización.
Estas primeiras xornadas da Aula TIC-PEMEs terán lugar os venres de 17 a 20 h. e os sábados de 11 a 14 h. do 26 de maio ao 23 de xuño en:
·As catro primeiras sesións: Facultade de Administración e Dirección de Empresas do Campus de Lugo
·As tres seguintes: Facultade de Ciencias do Campus de Lugo
·A derradeira sesión: Facultade de Administración e Dirección de Empresas do Campus de Lugo
A Temática das mesmas será a seguinte:
·Plataformas de Xestión de Contidos (26/05/2006)
·Sistemas de Publicación web (02/06/2006)
·Plataformas de e-formación (03/06/2006)
·e-Sistemas de Traballo Colaborativo (09/06/2006)
·Comercio electrónico, creación de tendas virtuais (10/06/2006)
·Sistemas de Relación cos Clientes, CRM (16/06/2006)
·Sistemas de Xestión de Recursos da Empresa, ERP (17/06/2006)
·Software aberto e novas empresas de base tecnolóxica (23/06/2006)
Soporte Web das Xornadas
A Plataforma de e-learning será o soporte principal das xornadas, onde haberá documentación e recursos adaptados a cada temática, materiais dixitais, enlaces, foros de opinión.
A inscrición é obrigatoria e individual para cada sesión, e deberá realizarse ata tres días antes á data da sesión correspondente na aula virtual
http://ietxesta.usc.es/evapemes/
Fonte: EGANET
chuzame -
En: FLOSS por Roberto Brenlla
Sen Comentarios »
Blogger (pt-br, es) é unha verba creada pola empresa Pyra Labs, hoxe mercada por Google, que expresa un servizo que fornece unha serie de ferramentas para que as persoas poidan publicar textos en Internet co seu propio contorno web, nomeadamente blog ou blogue.
Tes varias ofertas para seres un(a) blogueiro(a): dende o devandito Blogger da multinacional Google ata o Blogaliza.
Varias son as causas para facer agora este artigo. Por unha banda, a xa cansa as acusacións de plaxios coma o lido en Slashdot reflcitindo unha nova de PlagiarismToday que sinala á práctica blogueira coma unha área gris de re-utilización de contidos.
Outro dos motivos foi o recente EnBlogs'06 xa mencionado en AGNIX onde se amosaron estudos sobor deste imparable fenómeno así coma moitas experiencias persoais.
Máis motivos. O recente texto Que che deu o teu blog? publicado pola galega-arxentina Torredebabel enquisando a varios blogueiros(as) galegos(as).
E, para rematar, menciono un curioso texto sobor das Tácticas non éticas de promocionar o teu blog que comenta varias destas técnicas coma Ping e pong ou Menéome a min mesmo (eiquí deberíamos dicir chúzome a min mesmo) 
Como é o blogueiro galego? é outro recente artigo que confirma este voráxine.
Vaia, que o fenómeno blogueiro non ten fin! Ánimo, entra na esfera do Blogomillo con http://o_teu_blogue.blogaliza.org.
chuzame -
En: Cultura Libre, Galicia-Galiza por Roberto Brenlla
Sen Comentarios »
Estiven a procurar gasoliñeiras que fornezan de biodiésel en Galiza mais non atopei a primeira!
Din que nos vindeiros anos medrará enormemente o seu número, mais non ter nin a primeira... é unha mágoa. Procureino neste mapa (din que actualizándose constantemente) e nin ren.
A aposta parece ser decidida pola banda das administracións públicas. De feito oun grupo lidrerado por Repsol YPF vén de acadar unha subvención de 20 millóns de euros para I+D+I e a actual Xunta ten intencións de crear cinco plantas destas.
Máis sobre biodiésel e outra enerxías renovables.
chuzame -
En: Galicia-Galiza por Roberto Brenlla
Sen Comentarios »
Ollando a Telegaita decateime dunha iniciativa que xa tiña ollado algo en Vieiros. Trata de fomentar o galego en Catalunya e non só para galegos, fillos ou descendentes de galegos!
Desta vez xestaron unha excursión ata as nosas terras de Vimianzo. É unha ledicia escoitar a xente da Catalunya falando galego.
A súa páxina.
chuzame -
En: Galicia-Galiza por Roberto Brenlla
Sen Comentarios »
O portal Vieiros inclúe baixo o título 'Todo o país celebra as Letras' as actividades e celebracións no Dia das Letras, adicado este ano á figura de Manuel Lugrís. Asemade, a nível mundial, este mesmo dia concorda coa celebración do Dia de Internet e Dia Mundial das Telecomunicacións e da Sociedade do Coñecemento.
Este ano temos o portal + Internet + Galego + Futuro facéndose eco destas celebracións.
chuzame -
En: Galicia-Galiza por Roberto Brenlla
Sen Comentarios »
Nestes tempos que estamos vivendo grandes momentos na F-1, não é de mais olhar um pouco para o nosso pasado, aquele que nos fiz chorar pelas perdas de vidas, aquele que muitos fãs sofremos quando asistimos aos acidentes fatais da F-1. Ricardo Perrone conta no seu blog:
O internauta Adriano me mandou este video. Confesso ter ficado com receio de publicá-lo, porém, vou deixar antes o aviso e, ao contrário de uma TV ligada, vê quem quer. É só NÃO dar play quem não quiser ver, ok? Antes que me condenem, aviso que este video mostra alguns dos acidentes fatais da F-1, e em alguns deles mostram imagens pesadas dos pilotos mortos.
No entanto, não vou me omitir sabendo que como fã da F-1 eu adoraria ver isso. Então, para os que também gostariam, segue o video.
RicaPerrone, que até hoje chora quando vê Senna batendo em Imola...
Persoalmente é algo que eu não gosto de olhar. Já assistim a várias de estas mortes desde a minha infância e mesmo assim eu estava determinado a ser um mais de êles. Nim me importava com a morte, eu estava determinado: quería ser um piloto de F-1! 
Não é o mesmo que uma tourada, não. Ou gosta ou não gosta. Sei que tem muita merda o seu contorno (márquetin por todas partes, mulheres bonitas para a vitrina, muito dinheiro para lujos desnecesários... ) e tamém algumas boas (adrenalina pura, tecnología ponta...). Além de tudo, o certo é que por ter êles feito o que fizeron, nós temos agora desde os espelhos retorvisores até o cinto de segurança... quase que todos os avanços que salvam as nossas vidas hoje quando subimos aos nossos carros tenhem relação direta com as suas mortes.
Olha o video.
chuzame -
En: Racing por Roberto Brenlla
Sen Comentarios »
Nesta fin de semana unha parella amiga xunto aos fillos de ambas fumos de excursión pedestre a Herves, concello de Carral (A Coruña).
O que ía ser un paseo converteuse nun longo routeiro, algo duro de percorrer mais gratificante ao fin e ao cabo. Rematamos cansos, suados pero ledos de termos feito todo el.
Na páxina do concello teñen información sobor deste routeiro:
Na parroquia de Beira se atopa un fermoso conxunto de muíños no rio Abelleira polo que circula unha ruta con tres opcións no que respecta á súa lonxitude...
chuzame -
En: Persoal por Roberto Brenlla
Sen Comentarios »
Galipedia é o nome da Wikipedia en galego. A Galipedia botou a andar o 8 de marzo de 2003 e ten agora mesmo 15,262 artigos. Para unha relación dos acontecimentos que foron sucedendo nesta Galipedia véxase: Wikipedia: Actualidade.
Xa que estos dias estamos a celebrar + Internet + Galego + Futuro e ollando outras iniciativas a nível estatal coma WikiesX2 ou Wikipedia para las escuelas, por que non tentar o mesmo coa Galipedia? Galipedia x2?
Especialmente o profesorado e alumnado galegos teñen unha gran oportunidade de levar adiante unha promoción da língua ao tempo que favorecer o traballo colaborativo e demais valores éticos que envolven ao proxecto Galipedia aínda que poderíamos atopar outras ideas e iniciativas ben válidas para acadarmos ese obxectivo. Démoslle liberdade á imaxinación e poñámonos a traballar!
Certo é que o profesorado galego coñecedor de Galipedia xa o está a empregar e, aínda que só baseándome en presuncións, caseque seguro que o están a facer de xeito pasivo, coma consumidores e non coma protagonistas e actores desta enciclopedia. Pasar a actuar engadindo contidos, publicar os traballos propostos ao alumnado, difundindo a súa existencia, etc, poden ser algúns exemplos.
A idea da Galipedia é a de ter, en galego, unha enciclopedia colaborativa na que afondar no coñecemento. Para isto, entre outras características:
chuzame -
En: Cultura Libre, Galicia-Galiza por Roberto Brenlla
Sen Comentarios »
Darei un novo relatorio no IES Espiñeira de Boiro o vindeiro luns 15 de maio ás 10 hs. Desta vez levo algunha sorpresa e varias melloras.
Encántame facelo nunha nova ocasión, disfruto facéndoo, tanto que até comezo a dubidar se isto de dar relatorios xera mono...
chuzame -
En: FLOSS, Persoal por Roberto Brenlla
Sen Comentarios »
Os tibunais británicos permiten a extradición do británico Gary McKinnon, coñecido co seudónimo de Solo, un apaixonado dos computadores que pode presumir de ter posto en xaque ao sistema informático do Goberno de EE.UU.
'Solo', de 40 anos, poderá ser extraditado a Estados Unidos e até ser deportado a Guantánamo, onde pode afrontar unha pena de varias décadas de prisión ademais de cuantiosas multas, aínda que será o ministro británico de Interior, John Reid, o que teña a última palabra.
A historia é moi singular. McKinnon conseguiu acceder aos computadores da NASA, o Exército, a Mariña, o departamento de Defensa e a Forza Aérea entre febreiro de 2001 e marzo de 2002, é dicir, nos meses previos e posteriores aos atentados do 11 de setembro.
Considerado autor do maior ataque informático sofrido polo Goberno estadounidense (segundo as autoridades de EEUU, puido acceder ilegalmente un centenar de computadores oficiais), McKinnon tivo o seu primeiro ordenador aos 14 anos e desde entón foi un apaixonado deses aparellos.
Autodidacta e afeccionado ás historias de extraterrestres e ovnis, 'Solo' deixou o colexio con 17 anos e comezou a traballar como perruqueiro. Con todo, nos primeiros anos da década dos 90, matriculouse nun curso de informática e comezou a traballar nese sector.
McKinnon decidiu utilizar as súas habilidades para facer unha investigación sobre un asunto do que está firmemente convencido: o Goberno estadounidense está ocultando información sobre os ovnis.
Non se trataba dun interese por homiños verdes ou por ovnis. Creo que hai naves espaciais, ou que houbo naves espaciais, das que a sociedade non ten coñecemento.
Pero a súa investigación, durante a que supostamente borrou arquivos importantes e copiou un documento con nomes de usuarios, acabou converténdose nunha obsesión: perdeu o seu traballo e a súa noiva deixouno.
Houbo un momento en que deixei de ducharme. Non me coidaba, non comía axeitadamente. Estaba todo o día sentado en casa en pixama, facendo isto (acceder aos computadores de EEUU) toda a noite.
Dende hai tres anos, McKinnon loita contra a súa extradición e en Internet hai un sitio no que se recaban apoios para a súa causa.
chuzame -
En: AGNIX por Roberto Brenlla
Sen Comentarios »
Disto teño lamentablemente moita experiencia.
Primiero foi un dunha asociación que tentou convencer ao resto de GUGLs (Grupos de Usuarios de GNU/Linux) que eu lle daba ordes e outras cousas. Ao parecer refiríase a unha mensaxe onde pedín que me chamara urxentemente dado que unha persoa pedira un orzamento e a min ocorréuseme darllo á xente desa asociación. Daquela non tiña empresa nin proxecto dela. Rectificou? Non. Aceptou reunirse conmigo para falar do tema? Non. Mais o lume nese GUGL xa estaba prendido...
Despois veu o da historia dos 50 euros que un relator non quería cobrar o cal xerou unha burocracia que me levou ben tempo resolvela. Iso fixo que recriminase ao seu autor durante dous minutos, literalmente, nada máis. Mea culpa! El levou a desputa cara ese mesmo GUGL e novamente a voltas cos lumes.
Xa levaba tempo promocionando o Sw Libre, fora onde fose: Parlamento, partidos políticos (visiteinos a todos, até a EG-EU!), concellos, empresas... Ao fin saiu o do CESGA mais publicamente só levei ostias e máis difamacións. Por exemplo, un de Trasno insistiu en que eu gañaría ese concurso... e agora segue insistindo que houbo chanchullo. E a nosa empresa (agora si a temos e somos seis socios) nin se presentou! Como é posible? Para que tantas horas de adicación? Para que tantas viaxes? Para recibir ostias difamatorias? Por suposto, non me presentei a ese concurso nin tiven nunca idea de facelo mais, segundo o difamador, todo estaba amañado ao meu favor.
O colmo aínda estaba por vir. Dende o 2003 propuxen a idea de esixir o "GNU/Linux para O Pobo". Uns poucos comezamos ese traballo de xeito voluntario. Mais no 2005 creouse unha empresa que se adica ao mesmo. Sen problemas, isto é Sw Libre! Pero por que un desa empresa púxose a usurpar a miña identidade? Certeza non teño, só logs, declaracións de xente preto ao difamador, etc. Iso si, outra difamación sae e... despois algo sempre queda.
Por que digo que algo sempre queda? Lamentablemente comprobeino no pasado Enblogs'06. Varios que estaban conmigo na comida preguntáronme: "Por que te levas mal con tódoslos GUGLs?" Pero se me levo ben con todos eles agás cos incendiados polos difamadores! E máis, é moi doado para min levarme ben coa xente. Son positivista por natureza, son moi pacífico, gústame ser pallaso e brincar coa xente... supoño que iso debe gustar, non sei. Nembargantes, no Enblogs'06 constatei que a difamación serve dalgo. Onde queda a presunción de inocencia? Ou é que teño eu que demostrar a miña inocencia?
Hoxe de novo o mesmo conto: que se AGNIX tal, que se hai movementos caciquís, etc, etc.
Estou moi farto de superar desánimos, de non recibir agradecementos por tanto traballo e, ao invés, seguir recibindo difamacións.
Ah! E todo isto sen saber eles que, afortunadamente, teño rendas para vivir sen traballar e sen meterme nestes tinglaos. Que máis da! Xa se encargarían de procurar algunha outra difamación coa que facer dano polo pracer de facelo. E se se decatan que meteron a pata? Rectificarían? A miña experiencia di que non, alomenos ata o de agora.
Iso si, no 99% estamos de acordo: todos e todas defendemos o Sw Libre.
chuzame -
En: FLOSS, Persoal por Roberto Brenlla
2 Comentarios »
Antes de coñecer a súa oferta de traballo, preme na seguinte imaxe:
Se aínda queres traballar con eles, velaí van algunhas das súas condicións:
Requisitos Mínimos: Residencia desexable en Madrí Capital, alta en IAE e autónomos, aval bancario, equipa informática, ofimática, fax, conexión a internet e veículo propio.
Rango Salario: 24.000 € Bruto/ano a 36.000 € Bruto/ano
Comisións/Incentivos: EN BASE Á RECADACIÓN
Ups, en base á recadación! Tes que atopar moita xente ruin que está a compartir cultura sen fins de lucro.
Podes ler o anuncio da oferta de emprego eiquí (fonte).
O do video vén da páxina de David Bravo (fonte).
chuzame -
En: AGNIX, Cultura Libre por Roberto Brenlla
Sen Comentarios »
O sempiterno debate que xa vén de lonxe. Ata hai unha serie específica de preguntas e respostas na páxina de GNU.org. Houbo un momento que até o propio Richard Stallman propuxera Lignux en 1996!
Agora estase a abrir outra vez e hainos que están a propor unha nova denominación: FSF/linux. Moitos outros opinan que todo isto soa ridículo e hainos que sinalan que daquela temos que chamar Sun/BSD/GNU/Firefox/Linux? porque leva todas estas licenzas e máis.
Linux a secas soa ben e é doado, GNU/Linux non o é tanto. Así alomenos parecen pensar a meirande cantidade das distribucións: Red Hat, Ubuntu, SUSE, Fedora, Mandriva, Slackware, Gentoo e tantas máis. Hainas tamén que siguen fieis á GNU/Linux coma a Debian e Ututo-e.
Esta nova liña de debate abriuse en OSNews e segue en Br-linux.
Publiqueino en AGNIX.
chuzame -
En: AGNIX, FLOSS por Roberto Brenlla
Sen Comentarios »
A pesar da apatía inicial por Internet que no seu día amosaron os militares norteamericanos, a empresa AT&T e o mesmísimo Bill Gates, moitas proxectos xordiron e medraron tomando posicións privilexiadas neste novo contorno comunicativo.
De feito Internet está hoxe presente en tódolos ámbitos, trocando a meirande parte das fórmulas de transmisión e xeración do coñecemento. Moitos cremos que isto é de seu unha auténtica eclosión e, polo tanto, non é esaxerado salientar que estamos a vivir nunha Era Revolucionaria. Comunicacións horizontais, redes socias hetereoxéneas, intercambio cultural entre pares, flexibilidade organizativa... corroboran esta idea.
Con certeza, coma en calquera revolución, para moitos isto supón un proceso forzoso de adaptación ou até de extinción e para outros un cúmulo de novas oportunidades.
Ser conscientes os galegos e galegas desta nova situación supón, ademais de todo o sinalado, a apertura de novas canles de irmandande de lingua, de comunión da diáspora galega e da normalización do galego a través do emprego da tecnoloxía. Isto último é, ao meu entender, esencial. Como podemos agardar unha normalización na fala se todos estes novos trebellos que manexamos emailos seus programas informáticos están en linguas alleas á nosa propia realidade? Neste eido as Liberdades de Coñecemento e Transmisión do mesmo, como a promovida polo Software Libre, semellan ser unha das chaves precisas para aproveitarnos desta nova revolución.
Publicaron este artigo en 17 conexións co galego.
chuzame -
En: FLOSS, Galicia-Galiza, Persoal por Roberto Brenlla
Sen Comentarios »
