asennadas

Para esta ocasión contouse coa inestimable presenza de Daniel Armendáriz, presidente da homóloga basca ESLE (Euskadi Software Libreko Enpresen Elkartea), conformada por 26 PEMEs que ofrecen emprego a máis de 150 persoas, a maioría delas cunha media de 2 ou 3 traballadores e facturación entre 30 e 60.000 euros.

Co mesmo espíritu de transparencia, apertura e dinamismo que comparte co Sw Libre, a futura asociación pretende:

• Fomentar a colaboración entre as empresas asociadas.
• Profesionalizar a asociación.
• Definir que é o Sw Libre a nivel empresarial para que unha empresa poda ser considerada como 'Empresa de Sw Libre'.
• Axudar ás novas empresas que vaian xurdindo neste ámbito.
• Crear un Tribunal para a resolución de conflictos de intereses.
• Colaborar cos gobernos da nosa comunidade á hora de tomar decisións estratéxicas no ámbito da Sociedade do Coñecemento.
• Participar na futura federación de asociacións de ámbito estatal e até europea.

Para isto cóntase coa axuda de Mancomun.org onde estarán as primeiras listaxes de correo-e que abrirán o debate constitucional así como un sitio web informativo.

As empresas que desexen incorporarse nesta fase constitutiva poden anotarse escribíndolle a Javi Vázquez quen guiou esplendidamente esta primeira xuntanza.