asennadas

LinuxMil non é unha web que amose as infiinitas variantes e personalizacións de distros GNU/Linux existentes senón un proxecto militar arxentino que impulsa o desenvolvemento dun Sistema Operativo propio que garanta: Seguridade, Independencia Tecnolóxica e interoperabilidade na Condución co obxectivo de uso dual (civil-militar).

Trátase dun cd-vivo baseado en UTUTO outra distro que a súa vez baseada en Debian e considerada como distro libre segundo a FSF.

LinuxMil e maila fonte.

Isto lémbrame a unha nova de mísiles que empregan GNU/Linux. Daquela Carlos Neira engadiu un comentario á devandita nova que me motivou a escribirlle ao propio Richard M. Stallman. A resposta do fundador da FSF foi 'O Software Libre significa que a xente é libre de usalo para calquera propósito; as licenzas que impiden certos usos non son licenzas de Software Libre. O exemplo específico que me ofreces, a defensa con mísiles, é algo que non considero malo (supoñendo que funcione e que non sexa só malgastar os cartos)'.

E hoxe? Creo lembrar que a nova GPLv3 ten en conta este tipo de usos na contra da humanidade.

chuzame

En: AGNIX, Curiosidades, FLOSS por Roberto Brenlla
Sen Comentarios »

Ver para crer. Facturalux, hoxe coñecida como ERP Abanq, é unha aplicación aparentemente idónea para as PEMEs agás por semellar ser máis sw privativo ca libre.

Si, si, a súa licenza é GPL, é libre, estamos de acordo mais é corecto...

• Non respostar ás demandas de aclaracións nin por correo-e nin cubrindo o seu formulario de contacto?
• Non deixar facer obras derivadas da súa documentación en liña? Olla a súa licenza!
• Ter a devandita documentación dispoñible só en liña?
• Ter múltiples e minúsculas melloras a prezos desorbitados?
• O que é de libre descarga está capado e só serve para empresas que vendan produtos, non vale para as de servizos, nin autónomos nin... Digo capado porque, por exemplo, activar un desconto en factura (algo absolutamente común en calquera empresa) esixe o pagamento dunha extensión posto que a devandita funcionalidade só aparece mais non rula.
• Mercar algúns dos seus packs é un risco para quen non saiba de sw libre, licenzas e demais detalles. Non atopei por ningures unha garantía de que a licenza destes produtos tamén sexa GPL ou alomenos tenna ben agochada... Se cadra saberase tras mercalos.
• etc, etc.

O caso é que todo isto causoume perdas de tempo, cartos, paciencia e até moitas dúbidas. Por que elixiu a Xunta esta aplicación para a súa Rede de Dinamización? É ética esta filosofía de desenvolvemento?

Decididamente eu non a recomendo.  Sí a recomendo. Por que? Olla a actualización a esta entrada.

chuzame

En: FLOSS, TEGNIX por Roberto Brenlla
1 Comentario »

Esta pequena guía vén perfecta para instalares o Compiz Fusion, o nome concedido á fusión dos proxectos Compiz e Beryl que comentei há pouco que inclúe a ligazón a un video demostrativo.

Hamacker danos ao paso-a-paso (tamén estoutra):

-Teclea alt+f2 e executa gksu gedit /etc/apt/sources.list

-Engade estas liñas:

# Treviño's Ubuntu feisty EyeCandy Repository (GPG key: 81836EBF - DD800CD9)
# Many eyecandy 3D apps like Beryl, Compiz, Fusion and kiba-dock snapshots
# built using latest available (working) sources from git/svn/cvs…
# wget http://download.tuxfamily.org/3v1deb/DD800CD9.gpg -O- | sudo apt-key add -
deb http://download.tuxfamily.org/3v1deb feisty eyecandy
deb-src http://download.tuxfamily.org/3v1deb feisty eyecandy

-Garda o arquivo e fai

wget http://download.tuxfamily.org/3v1deb/DD800CD9.gpg -O- | sudo apt-key add -
sudo apt-get update

-Elimina todas as referencias ao Compiz ou Beryl que tiveras instalado, por exemplo, co xestor de software Synaptic.

sudo apt-get dist-upgrade
sudo apt-get install compiz # compiz-gnome ou compiz-kde, elixe o teu
sudo apt-get install compizconfig-settings-manager
sudo apt-get install libcompizconfig-backend-gconf

sudo apt-get install compiz-fusion-*

Agora que o tés todo instalado fai:

rm -fR ~/.beryl*
rm -fR ~/.emerald*
rm -fR ~/.compiz*
compiz –replace &

Logo executa 'ccsm'.

Hamacker comenta 'As minhas primeiras impressões é que vale a pena utilizar, é mais rápido, os zoom estão bem 'lisos', transparencias perfeitas. O compiz-backend-gnome lhe permite configurar as coisas. Ainda falta um programa ao estilo beryl-manager onde eu consiga trocar a WM a bel-prazer ou fazer ajustes. O heliodor e aquamarine permanecem nos repositórios e podem ser utilizados a seu bel-prazer (nem todos gostam do compiz). É muito bom, superou as expectativas.'

Fonte e máis información.

chuzame

En: FLOSS por Roberto Brenlla
Sen Comentarios »

Cheguei eufórico a Vilalba, esperto dende as catro da madrugada por mor dunha felicidade que non me permitiu durmir ata transmitirlle aos socios de C.T.I. TEGNIX a boa nova que provocou o meu curto sono. Así de feliz cheguei a Vilalba.

Juan, un profesor do IES Lois Peña Novo, fixo a presentación á miña dobre intervención. Fiquei abraiado coas súas verbas. Estaba eufórico así que escoitar iso aínda me deu máis enerxía, con certeza.

Non demorou moito en comezar a rir o público alí congregado, persoas de diversas idades, todas moi atentas, varias tomando apuntes... En resumo, un público ideal co que disfrutei moito, moitísimo!

Tamén tiven ocasión de conversar con Toni, Rocío, Víctor, Emilio... así que lamentei ter que marchar axiña para que os meus fillos puidesen ir a xa tradicional comida de fin de curso e a un aniversario.

Gardarei con cariño o galo de Sargadelos que me deron como agasallo en Vilalba pois foi un dia inesquecível.

chuzame

En: FLOSS, TEGNIX por Roberto Brenlla
Sen Comentarios »

O meu primeiro contacto coa língua de Cervantes foi onde nacín, no Rio de Janeiro, cun nativo español. Tamén tiven a sorte de viaxar en bus dende Rio a Buenos Aires (que viaxe!) onde practicaría algo antes da verdadeira gran viaxe, en trasatlántico con parada nas Azores.

A Cidade Maravilhosa deume unha infancia feliz, sen grandes alardes mais feliz ao fin. Chego a Vigo en maio do setenta, dalí ao Carballiño (que frío!), logo Coruña con varios días na aldea antes do comezo das clases.

Na aldea ríanse do meu acento, con cariño pois sempre fun recibido como integrante dunha ampla familia. Catro meses despois aínda tiña cor morena na pel do País Tropical de onde viña, así que o meu castelán non era precisamente abraiante. Traballei duro, sufrín moito pero o obxectivo non demorei en conquerilo.

Xa falaba castelán e unha mistura de galego con portugués do Brasil, todo ilo seseando e con gheadas... Aí é onde creo que comecei a decatarme do que estaba a gañar. Porén, entrar na xuventude levoume a case esquecer o galego e o portugués, algo que logo íase acentuar polo tempo que vivín en Madrí e Sevilla.

Facer cursos de galego normativo, descubrir internet e o software libre e abrir contactos con xentes do Brasil deume a posibilidade de gañar definitivamente as línguas que case perdera. Agora síntoas como as miñas fillas: quéroas a todas!

Só foi o avatar o que provocara que nacera onde nacín e vivira o que vivín. As circunstancias, como diría Ortega y Gasset, conduciron en gran medida á miña vontade. Outras circunstancias levaríanme por calquera outra vía aínda que posiblemente creo que a conclusión seguiría sendo a mesma, seguiría adorando ás miñas fillas, foran as que fosen.

chuzame

En: Brasil, Galicia-Galiza, Persoal por Roberto Brenlla
1 Comentario »