asennadas

A mercadotecnia estuda as técnicas de desenvolvemento e aproveitamento dos mercados. Asigno a verba mercadotecnia ao anglicismo marketing pois nos diversos cursos e materias sobre Economía así mo deron a entender aínda que con inevitables salvedades. De feito, os conceptos marketing, mercadotecnia, mercadeo e comercialización estanse a empregar como sinónimos.

Aclarado isto vou ao que ía. Está dificil a rápida implantación do Sw Libre sen unha boa mercadotecnia. É algo que esixe unha políca moi estudada, coordinada e executada con decisión. En Sw Libre isto está disperso se ben hai empresas con políticas activas de mercadotecnia mais case sempre pobres en recursos e constancia temporal.

Está claro, o Sw Libre é imposible evitalo, estará universalizado como commodity alomenos no eido público pois así o esixen as regras de xogo que supoñen as leis e até constitucións. Alén diso, estará máis e máis no mercado. Acontece que a velocidade de adopción perante tantas evidencias positivas semella lenta demais. Por que?

É complexo de seu, seino. Mais gran parte da culpa de toda esta velocidade ralentizada débese, ao meu entender, á nula ou mínima coordinación no eido da política de mercado. Vexo necesaria unha inicitaiva comunitaria común potente, seria e a prol da difusión polos mesmos e máis medios masificados que empregan as alternativas privativas que ata o de agora predominan. Son moitas distros, fabricantes que non fornecen por defecto distros libres, políticas xordas e un longo et cetĕra que adoitan incluir illadas inicitaivas.

Está dificil sen un bo 'marketing'.

chuzame

En: FLOSS, TEGNIX por Roberto Brenlla
Sen Comentarios »

As inquedanzas actuais arredor dun crecemento sostible da economía xunto coa sensibilización ecolóxica fixeron nacer o concepto 'verde'. Porén non é ese 'verde' ao que se refire o que o amigo Claudio F. Filho me trasmitiu estes pasados dias durante a súa estadía galega.

Sw Libre 'verde' é un concepto que xa está a ser tido en conta en Brasil polas empresas clientes que precisan de servizos especializados nesta materia. No noso mercado estamos situados en procesos divulgativos pois aínda precisamos dar a coñecer o Sw Libre como a alternativa máis eficaz para a maioría das organizacións, tanto públicas como privadas. As organizacións brasileiras xa coñecen de sobra esta alternativa e agora comeza a xurdir nelas a sensibilidade polo Sw Libre co aditivo 'verde'. Na contorna política, social e económica na que nos atopamos é a cotío maior a sensibilidade polo ben da humanidade e a do noso hábitat. Impórtanos a ecoloxía, a contaminación, as correntes migratorias, a reciclaxe do lixo... todo! Como non ía haber inquedanza por un Sw Libre 'verde'?

Non é o mesmo contratar servizos a empresas forncedoras especializadas en sw libre e estándares abertos que teñen integrantes e políticas a prol de contribuir á comunidade que elixir contratar outras que só negocian co que outros fan ou, no mellor dos casos, moi puntualmente achegan algunha contribución. As primeiras, as que contribúen habitualmente, sexa como fora, e até en proxectos alleos ao leitmotiv da propia empresa, ésas son as empresas de Sw Libre 'verde'.

Saber disto alédame moito pois non atopara como describir un dos valores que sempre perseguín para a nosa empresa. O obxectivo está acadado e garanto que é un pracer disfrutar del ao compartir o traballo con integrantes entregados á comunidade.

chuzame

En: AGNIX, Amizade, FLOSS, TEGNIX por Roberto Brenlla
1 Comentario »

A industria farmacéutica está aferrada á liña promovida polas decimonónicas patentes como garantía aos seus masivos desembolsos adicados a I+D. Está na 'cutting edge' e nin ten tempo para ollar cara os veloces desenvolvementos que se acadan co modelo que está a empregar o Sw Libre, ou máis xenericamente FLOSS (Free and Libre Open Source Sw).

Por que non empregan este modelo? É algo que levo ben tempo compartindo coa audiencia dos meus relatorios e a nivel persoal. Pouca xente entende o que estou a comentar e outra moita sinxelamente está a velo como imposible de acadar. Mais imposible tamén era combatir co modelo do sw privativo e nembargantes.... aí está o Sw Libre.

No canto de facer grandes investimentos onde só se pode confiar nun grupo reducido con grandes mentes, pódese rexistrar a autoría libre dunha descoberta sobor dun potencial avance para a cura dunha enfermidade, por exemplo, o cancro. Ao ter autoría con licenza libre, toda a humanidade pode tentar atopar a saída eficiente por esa vía. E, de atopala, comunicaríano á fonte, retroalimentando o seu desenvolvemento. Daquela a empresa farmacéutica non tería que investir tanto, os resultados serían acadados máis rapidamente e os prezos finais dos fármacos non serían desorbitantes por mor da pouca amortización debida a custosos investimentos individuais. A Humanidade é quen gaña.
E cando un enferme, a quen acudiría? A quen distribúe algo iniciado por outra empresa ou á empresa fonte dese desenvolvemento?

Seica pode esixir máis liñas encher esta idea con argumentos pero... sirvan estas poucas liñas para recreala e subliñar que co paso dos anos non deixa de variar na miña mente.

chuzame

En: FLOSS por Roberto Brenlla
Sen Comentarios »

Linux é unha marca rexistrada propiedade de Linus Torvalds e está administrada polo Linux Mark Institute. Pois ben, o LMI é quen garante as licenzas da marca 'Linux' a negocios e grupos que queiran usar a devandita marca nos seus produtos.

Precisamente digo isto cando hai 16 anos que se solicitara axuda para o seu incipiente desenvolvemento pois Linus anunciaba a súa versión 0.01 en Usenet. Hoxe, se queres, aínda podes descargar aquelas versións históricas.

Cando un se refire a marcas rexistradas ten que empregar o símbolo ® ou, como mínimo, un pequeno tributo ao seu propietario, como acotío vense en artigos e novas como notas ao pé de páxina.

Acontece que GNU non o fai, como tampouco o fan Debian e moitas distros, nin sitios web ou asociacións locais de entusiastas do Software Libre. De feito, a legalidade di que GNU/Linux é un intento de construir unha nova marca sobor dunha xa extistente. Daquela Debian GNU/Linux, sexa unha distro libre, gratuita e nobre, está a infrinixir tal legalidade.

Mais non pasa nada por iso! No Sw Libre hai bo rollito... Pero é que GNU está continua e xustamente reinivicando a propiedade e autoría do sistema operativo e maila marca á vez que a liberdade que conleva.

Aquí entraríase en quen ten que pedir licenza a quen. Linux construiuse grazas a GNU, por existir ferramentas libres como gcc, gnu-bash... verdade? Mais é verdade que ese kernel foi feito por Linus, non por GNU pero con xente de GNU.

Alén destas controversias de quen licenciaría a quen, acho que a cousa está ben claro pois véxoa como unha elección natural. GNU é dificil de dicir, sexa no idioma que sexa. Non é tan natural e armonioso como Linux. Por motivacións comerciais ou en termos fonéticos AFI, Linux gaña. Só é por iso!

O demais é tomarse a xustiza sen atender á legalidade

Deixo unhas ligazóns onde seguir ampliando información.

www.pjhyett.com/posts/224-how-not-to-open-source
bleedingedgeopensource.blogspot.com.../is-gnulinux-trademark-violation.html

chuzame

En: FLOSS por Roberto Brenlla
Sen Comentarios »

Servizos de balde, grandes ingresos

"O acceso a información sempre foi un pulo para a sociedade, sempre foi unha corrente liberalizadora e xeradora dunha era vibrante na historia", sinala un dos seus responsables de marketing. Hoxe ese acceso é masivo, tanto en cantidade de información como en público consumidor dela.

Pode a cantidade ir acompañada de calidade? Con a creatividade desbordante xerada nuns escenarios laborais de envexa xurden Google Earth, Maps, Mail, Calendar, Docs & Spreedsheet, Picassa, Blogger ou a mercada YouTube, escurando á oferta competidora con moita facilidade. Así, hai cantidade e calidade.

E os ingresos do xigante, u-lo? Os servizos son todos de balde mais os ingresos son enormes e sempre proveñen da publicidade. Ata a súa chegada á escena, a publicidade a tiñamos invasiva, agora é tamén pode ser contextual. Non agrada comprobar que os anunciantes queiran invadir o noso espazo como acontece a cotío coa insistente presenza nas TV, nos xornais ou nas pop-ups. Con Google témola cando a queremos atopar, os anuncios están por todas partes mais son presentados con limpeza, sen agredir, e iso que os temos por todas partes!

Proba do éxito desta fórmula é o seu valor actual en bolsa, máis de 116.000 millóns de euros.

chuzame

En: Internet por Roberto Brenlla
Sen Comentarios »

No Blig do Gomes está completa, traducida ao pt-BR e con comentarios moi agudos. Copio e pego o esencial, a sentenza íntegra:

Uma reunião extraordinária do Conselho Mundial da FIA foi realizada em Paris no dia 13 de setembro de 2007. As seguintes decisões foram tomadas:

"O Conselho Mundial retira da Vodafone McLaren Mercedes todos seus pontos no Mundial de Construtores de 2007 e a equipe não pode mais marcar pontos até o fim da temporada (os pontos ganhos pelas outras equipes não serão afetados)

"Além disso, a equipe terá de pagar uma multa de US$ 100 milhões, descontadas as perdas das premiações da FOM como resultado da dedução dos pontos.

"Diante das circunstâncias excepcionais pelas quais a FIA deu aos pilotos imunidade em troca de evidências, não haverá punição alguma aos pilotos no que diz respeito aos seus pontos (mas nenhum representante da McLaren poderá subir ao pódio caso a equipe vença alguma das corridas restantes do campeonato).

"O Conselho Mundial receberá um informe completo e detalhado sobre o carro da McLaren de 2008 e tomará uma decisão na reunião de dezembro de 2007 no que diz respeito a alguma sanção que possa ser imposta ao time para a temporada de 2008."

As explicações completas desta decisão serão publicadas no dia 14 de setembro de 2007.

chuzame

En: Racing por Roberto Brenlla
2 Comentarios »

Traballando en Google

Con teórica neutralidade, si, mais con torrentes de imaxinación para a procura máis eficaz de toda a información da Internet, así traballa Google.

Como nun campus universitario, o ambiente de traballo en Google está feito a base de reclutar só á xente máis intelixente, ofrecéndolles salas de masaxe, futbolíns ou sofás de cores RGB e ximnasios, por exemplo. Así é o traballo en Google, cada quen traballa como máis cómodo se sinta e daquela se mellora o rendemento laboral, como así corroboran estudos de prestixiosas consultoras laborais. Practicas voleibol con outros integrantes durante un descanso e logo levas o teu portátil cara a tarraza onde poste a traballar. Alén diso, tes a certeza de dispor semanalmente da quinta parte do teu tempo para facer exclusivamente aquilo que máis che motive e divirta. Traballar con diversión coa que xerar creatividade, esa é a súa política laboral, de envexa.

Para traballar aló, por exemplo, chégase tras resolver un problema matemático dun anuncio nun cartaz da estrada e, se adiviñas o seu resultado e lle engades '.com', entrarás nunha web cos datos de ofertas de traballo na empresa.

A cantidade de información que ten este buscador ofrécese con calidade pois sempre se está á procura da utilidade e na personalización dos resultados acadados, só iso, sen maldade. Incrible ou certo segundo confiemos no que din deles mesmos. Así, compróbase como todos os seus servizos foron e son sempre de balde ou como participan no mecenado de aplicacións de software libre.

Google di estar plenamente consciente de que moitos dos seus integrantes están preocupados cun potencial troco de rumbo na dirección da súa política empresarial. Daí que queiran manter esa escala de valores inicial coa que comezou a súa andaina cara o que hoxe son.

Con todo, tradúcese este 'buen rollito' laboral á información que manexa ou é o noso 'big brother'? Esa é unha inquedanza cada vez maior por parte de todos os que empregamos os seus servizos.

Máis na terceira parte.

chuzame

En: Internet por Roberto Brenlla
Sen Comentarios »

Presentación

Se cadra este sinxelo título amosa o obxectivo esencial de Google. Ben, alomenos un deles...

A cantidade enorme de información persoal que na actualidade dispón Google fai que a súa organización e maila súa xestión sexa a maior materia prima coa que darnos logo valor engadido. E non só se nutre da información persoal senón de bibliotecas, mapas xeográficos, videos e unha innúmera cantidade doutros valores moi apreciados pola sociedade, todos eles conectables para ofrecer resultados moi rendibles tanto para cada un de nós como para Google.

As indexacións son filtradas, cuantificadas e logo valoradas para seren ofrecidas como resultados ás nosas necesidades é a fórmula adecuada coa que este magnate da rede nos cautiva. Todo iso cunha matemática visión da neutralidade. Subliñan que traballan con algorítmos o máis neutrais posibles pois non producen información propia ou de habela ésta é só ínfima.

Vint Cerf vicepresidente e xefe evanxelizador de Internet que contribuira decididamente ao seu nacemento ao final da década dos sesenta traballa actualmente en Google. Cerf certifica que a posibilidade de obter información filtrada é a realidade que nos rodea, pois calquera medio fai uso de filtros ao manipularen aínda que mínimamente o que nos pretende dar como 'verdade'. Ao escribir, ao gravar, ao fotografar, ao editar... sempre haberá factores humanos incidindo cos seus filtros. En Google tamén, pero sinalan que son manipulados por algoritmos e un mesmo ao ir facendo escollas de resultados desas informacións. Nós mesmos damos vida e sentido a eses algoritmos.

chuzame

En: Internet por Roberto Brenlla
1 Comentario »

É incríble o que vin hoxe nos informativos matinais de TeleCinco. Segundo uns estudos, creo lembrar que dunha universidade norteamericana, os españois son os máis metirosos pois cada dez minutos de promedio soltan algunha mentira.  Neste grupo de 'mentiras' inclúense as piadosas, é dicir, os cumprimentos, os piropos, as louvanzas que damos aos nosos fillos, etc.

Aínda así paréceme descomunal ese repugnante hábito pois dende hai ben anos deixei por completo de seguir eses hábitos tan estendidos como semellan estar na nosa sociedade.

Si, é certo, teño un par de cousas agochadas aos meus fillos, mais iso non implica que lles minta. De feito,  a sinceridade é un valor que teñen moi presente pois acotío demostramos con palabras e feitos que é así como debe ser levada a nosa vida, co peito aberto e a verdade como un dos baluartes da nosa propia seguridade como persoas.

Ao meu entender, ben distinto é a diplomacia frente á mentira. Tento ser diplomático no  senso de dicir a verdade sen ter que danar. Hai milleiros de xeitos de dicir as verdades, daquela procuro empregar aquela que menos fira ou dane, mais sempre perservando por en riba de todo a verdade, con certeza.

Noxento hábito o da mentira, pois alén de ser deplorable faime sentir até un bichiño raro e, ao tempo, seguro de estar conforme co meu entendimento da vida que estou a vivir.

chuzame

En: Curiosidades, Persoal por Roberto Brenlla
Sen Comentarios »

Como todo ciclo que se precie, o económico ten as súas propias oscilacións. A maioría son debidas á súa propia natureza mais case que todas elas poden ser redirixidas pola vontade política nesta precisa materia.

A alza dos tipos de interese do euribor, referecencia á meirande cantidade de préstamos, xunto ao endebedamento masivo das nosas familias, a aposta por evitar o crecemento baseado no sector da construción sen ofertar alternativas que arrastren con tanta potencia e eficacia ao resto dos sectores, a entrada masiva de inmigrantes e maila actual situación de inicio de inestablidade laboral e ecónomica inicialmente mais tamén social de contado e unha longa serie doutros componentes que aquí podería entrar a avaliar, poden xerar tensións aínda insospeitadas a dia de hoxe.

Aquí, unha vez máis incido nunha das miñas paixóns, o Software Libre. Termos un sector enteiro controlado por nós mesmos, co subsecuente aforro de licenzas e xeración de emprego masivo cualificado de alto nível, pode ser o factor que volva a equilibrar tal oscilación económica. É grande a loita e esforzo que moita xente doa para que a política troque decididamente a prol desta aposta mais só pequerrechos movementos vanse sucedendo. Aí estaría precisamente a nosa diferenza estratéxica, na velocidade de adopción. Lamentablemente isto está a acontecer moi devagar, esfumándose daquela calquera vantaxe competitiva.

Que se decaten canto antes desta alternativa é primordial para a nosa sociedade. A locomotora do 'turismo e construción' non é eterna polo que é preciso apostar decididamente polas economías alternativas como a ecolóxica, o Software Libre e demais. Preocúpame máis isto có euribor.

chuzame

En: FLOSS, Persoal por Roberto Brenlla
1 Comentario »

A ISO (International Organization for Standaritazion) publicou o resultado nesta nova.

Nela sinálase textualmente:

The five-month ballot process ended on 2 September and was open to the IEC and ISO national member bodies from 104 countries, including 41 that are participating members of the joint ISO/IEC technical committee, JTC 1, Information technology.

Approval requires at least 2/3 (i.e. 66.66 %) of the votes cast by national bodies participating in ISO/IEC JTC 1 to be positive; and no more than 1/4 (i.e. 25 %) of the total number of national body votes cast negative. Neither of these criteria were achieved, with 53 % of votes cast by national bodies participating in ISO/IEC JTC 1 being positive and 26 % of national votes cast being negative.

Comments that accompanied the votes will be discussed at a ballot resolution meeting (BRM) to be organized by the relevant subcommittee of ISO/IEC JTC 1 (SC 34, Document description and processing languages) in February 2008 in Geneva, Switzerland.

The objective of the meeting will be to review and seek consensus on possible modifications to the document in light of the comments received along with the votes. If the proposed modifications are such that national bodies then wish to withdraw their negative votes, and the above acceptance criteria are then met, the standard may proceed to publication.

Otherwise, the proposal will have failed and this fast-track procedure will be terminated. This would not preclude subsequent re-submission under the normal ISO/IEC standards development rules.

Aínda hai un pequeno burato onde a M$ pode enmendar os defectos de forma da súa proposta de estandar e ir a unha derradeira votación en febreiro... Nembargantes é bo lembrar que o ODF (Open Document Format) foi aprobado o ano pasado limpamente, con unanimidade de votos positivos.

Por último, deixo o meu comentario sobre a escolla do nome Office OpenXML. É unha obviedade: XML xa e estandar, libre e aberto! O que sobra aí só é o Office de Hasefroch que contamina todo o demais

chuzame

En: FLOSS, Hasefroch por Roberto Brenlla
3 Comentarios »

Ollando ao mapa das votacións do OOXML decátome das innúmeras irregularidades e presumibles amaños que nas altas esferas adoitan acontecer.

Así, Suecia recoñeceu as súas irregularidades pois un empregado da subsidiaria sueca de M$ ofrecera diñeiro a cambio do seu voto afirmativo ante o comité, pero retiraron rapidamente a oferta e comunicaron esta circunstancia voluntariamente ao SIS.

Un caso misterioso é o polonés e outro tamén o venezolano de Hugo Chávez, ben coñecido pola súa enemizade a todo o que sexa ianqui.

Por estes lares sabemos dalgún caso curioso... Tampouco nos libramos.

chuzame

En: AGNIX, FLOSS, Hasefroch por Roberto Brenlla
Sen Comentarios »

A casualidade fixo que atopase á empresa galega, concretamente do Grove, nomeada Imavisions SLL.

Varias veces comentei da importancia que supón que as PEMEs forncedoras de equipos informáticos comecen canto antes a venda de equipos con GNU/Linux preinstaldo pois este é precisamente un dos maiores frentes que ten o Sw Libre para comezar a súa ampla incorporación na sociedade. Alén disto é unha aposta de futuro e mesmo do noso presente e confirma que facelo é a mostra da flexibilidade das pequenas empresas como unha das súas maiores vantaxes competitivas.

Imavisions non só fornece equipos novos, tanto PCs como portátiles, con transparente e total información, senón que instala GNU/Linux neses equipos ou até nos equipos que a clientela ten, algo tamén trascendental pois non só hai xentes interesadas no Sw Libre con coñecementos dabondo para instalar un sistema operativo e configuralo ao detalle. Precisamente éstas adoitan ser a minoría dos casos que podemos atopar.

Noraboa pola iniciativa!

chuzame

En: AGNIX, FLOSS por Roberto Brenlla
1 Comentario »