Google xestiona o teu desexo de información (V)

Google e mailo Sw Libre

Grazas a poder asistir no I FSL de Lisboa a un relatorio de Fernanda Weiden
sobre Google, empresa onde traballa xestionando o balanceamento de carga, resumo a filiación de Google co Sw Libre.

Google naceu con código libre e compoñentes hardware estándares. O seu vertixinoso crecemento seguíu así, integrando máis hardware estándar e sw libre. Detrás das innúmeras computadoras que posúe está GNU/Linux. No Google.com, no GMail... Tamén nas ferramentas (OpenSSL/SSH, Apache Axis), linguaxes de programación, compiladores, análise de datos, nas web toolkits e no 95% dos escritorios. Si, nos escritorios está o "Goobuntu", unha sinxela e interna personalización dunha Ubuntu.

Por que o emprega? Para ser independentes de empresas forncedoras de aplicacións de software, investigar o necesario e adaptalo ás súas necesiades e porque resposta á ética empresarial.

Proba disto son as súas iniciativas de liberación de código, doazóns, parches (kernel Linux, Apache, OpenSSL/SSH, MySQL, Wine, Debian, Ubuntu...) ou até o seu coñecido Summer of Code.

Por que manteñen o Summer of Code? Porque mantén vivo un ecosistema de Sw Libre pois é bo para Internet e, polo tanto, tamén o é para Google. Tamén porque é un óptimo xeito de coñecer estudantes de todo o mundo e dispor dunha ampla canteira de 'googlers' (quen traballa en Google).

Chuzame! chuzame -

En: AGNIX, Brasil, Eventos, FLOSS, Internet por Roberto Brenlla

3 Responses to “Google xestiona o teu desexo de información (V)”

  1. tonio, on 2007-10-22 at 9.34 am Said:

    A semana pasada vin o documental -El mundo según Google- e deixoume máis preguntas que respostas. Google é moooooi grande e parece ser unha empresa con obxetivos -limpos- pero non sei ata que punto. Quen nos dice que de un día para outro non trocan a mascara e se converte no dictador da rede, ou o que sería peor que fagan uso dunha mascara de cordeiro pero teñan ideas de lobo. Recomendo ver o documental, eu xa lle empezaba a ter medo a Google agora xa llo teño.
    Saude!

  2. tonio, on 2007-10-22 at 9.36 am Said:

    A todo isto, é un documental nada alarmista, só que te fai ver e plantexar preguntas…

  3. Roberto Brenlla, on 2007-10-22 at 9.44 am Said:

    De feito, Toni, entre as varias fontes onde procurei información para facer esta serie de artigos está ese video, Fernanda Weiden, Andrés Maneiro… Farei un resumo de todo axiña ;-)

Leave a Reply

« Aconteceu no I FSL de Lisboa Gotinhas de Interlagos »