Realtek ALC880 nunha Ubuntu

Teño un bo portátil dende hai máis de dous anos con Centrino 2 GHz, 2 GB RAM… e tras pasar a garantía decateime que non tiña son externo cando conectaba auriculares. Cría que era erro de hardware pero… non. Hoxe arranxeino.

Fixen a seguinte rutina, mantendo o conxunto de software normal da Ubuntu Gutsy:

$ uname -r

2.6.22-14-generic

$ cat /proc/asound/card0/codec#0 | grep Codec

Codec: Realtek ALC880

Con isto só tiven que facer:

$ sudo gedit /etc/modprobe.d/alsa-base

e engadir ao final unha liña como esta:

options snd-hda-intel model=auto

Antes probara con estes dous valores agora comentados (#):

# options snd-hda-intel model=3stack
# options snd-hda-intel model=6stack-dig

Reinicio e problema arranxado! Funcióname tanto o micro como os auriculares. É máis, antes estorbábanse os recursos de son e agora semella que non. Refírome a, por exemplo, arrancar o Pidgim (con avisos de son activados) e logo o Twinkle (VoIP), nestes casos xurdíanme mensaxes de erro por recusros ALSA de son ocupados.

Mágoa porque pensaba mercar novo portátil pero agora non teño excusa, hei manter o mesmo un bo tempo máis. Rabia que me dá! :-)

Chuzame! A Facebook A Twitter

En: FLOSS por Roberto Brenlla

2 Responses to “Realtek ALC880 nunha Ubuntu”

  1. Galcet, on 2008-01-16 at 4.35 p.m. Said:

    Pois alegrome… sin embargo teño unha pequena crítica. Sempre se fala da ‘libertade’ que che dan estes S.O. a hora de fedellar sobre eles (cousa certa!), pero tes que recoñecer que ou eres moi friki ou como usuario normal xamais darias arranxado o problema. Sí xa sei, e cuestión de poñerse as pilas pero non todo o mundo ten que saber de informática, ou sí¿?

    Eu de momento e por sorte nunca me pasaron cousas así, sempre me funcionou todo… e máis vale porque senon ia sudar tinta.

  2. Roberto Brenlla, on 2008-01-16 at 5.16 p.m. Said:

    Si, si, dende logo que hai que ter coñecementos para poderes arranxar este tipo de cousas ou agardar (ás veces un monte de tempo) a que se arranxen en vindeiras versións.
    Porén… (risos) eu non teño perfil técnico (+risos) e alomenos poiden arranxalo. Dígoo porque se empregara outro S.O., e o digo por experiencias pasadas, se non rula, NUNCA rulará. Así de triste, non é?
    Neste caso non perdes a esperanza, velaí a diferenza da liberdade e de vivires en comunidade. Sen perfil técnico só fixen procuras a raíz dun outro portátil que merquei ao meu pai, as instruccións do fornecedor (Imavisions, do Grove), San Google, C&P, probas e paciencia ;-)

« »
Olark Livehelp