asennadas

Isto é un punto e seguido ao anterior artigo do mesmo título.

Non podía deixar escapar a oportunidade de escribir a Aurélio Jarga comentado o que eu escribira e dándolle as ligazóns oportunas. Imaxinaba que todo transcorrería moi ben pois cadrou de serme presentado virtualmente por Julio Neves no pasado FSL de Lisboa. Si, era o mesmo nerd que facía virguerías tanto cun skate como cun script en bash!

Pois ben, sen transcribir literalmente a súa resposta, díxome que naquela época os políticos quixeran apoderarse de todo o protagonismo do Sw Libre no Brasil ata o punto de menosprezar a quen desenvolve. É claro que iso non pode ser ou, mellor dito, como é iso posible? Espero que eiquí tomemos estas leccións como aprendidas, estou case certo que así será.

Pola outra banda, por suposto, concorda co meu parecer de que todo isto da comunidade de Sw Libre é xustamente o que a verba 'comunidade' pretende significar, é cousa de todos e todas, en cooperación e até en competición, como espello da sociedade á que pertencemos.

chuzame -

En: AGNIX, Amizade, FLOSS, Persoal, Relatorios por Roberto Brenlla