Evanxelizar é unha tarefa obrigatoria
Xa escribin algo referente á evanxelización, é dicir, dar a coñecer o Sw Libre. Adoita acontecer que non sempre un pode reflictir na escrita todas as ideas que sobre o tema posúe, sexa por mor do tempo adicado ou polo restrinxido que supón facelo nun blog en troques de conversado e expresado xestualmente. Aproveito tamén para seguir o fío do comentado por Toni a tal artigo.
Voltei ao tema porque nesta semana terei a oportunidade de intervir no IES San Clemente, convidado por Carlos Carrión e Jesús Arribi, e dase o caso que me deixan adicarlle a esta tarefa uns trinta minutos, se cadra algo máis. Ante todo estou moi agradecido mais tamén preocupado, case que tanto como no seu dia cando fora á TVG. Por que? Ben simple, como podo en tan pouco tempo evanxelizar? Na TVG foron uns 10 minutos xunto aos nervos das cámaras e mailo directo e eiquí son máis minutos, si, pero diante de profesorado experto en informática e, según me din, posiblemente non todo a prol de evolucións (antes diría 'migracións').
Desde o meu parecer, a compoñente social é a máis relevante entre todos os obstáculos a seren salvados á hora de acadar unha evolución con éxito. Daquela non se debería menosprezar. É máis, facelo con decisión xunto ao nomeamento de "defensores do cambio" pode ser até vital para o éxito da iniciativa.
Sexa como fora, tanto Carlos como Jesús son coñecedores da relevancia disto e, teño certeza, seguro que estarán aí cando algúns inconvintes xordan e sexa necesario alimentar esas forzas contrarias ao proceso. É un dos privilexios que ten o profesorado deste IES, outro pode ben ser este completo Wiki.
Para rematar, tamén será interesante comprobar como este proxecto, ben estudado e elaborado, sae adiante tendo á compoñente social como derradeira parte do proceso, inmediatamente antes da posta en marcha dos servizos libertados. É dicir, en quente, trala evanxelización virán os obradoiros explicativos das novas ferramentas. Heino seguir con atención porque, ogallá sexa certo, confirmará a regra que di que non debe haber nada estrito nunha evolución. Ben, se cadra, só unha: evanxelizar é unha tarefa obrigatoria.
chuzame -
En: Amizade, Eventos, FLOSS, Persoal, Relatorios, TEGNIX por Roberto Brenlla
Sen Comentarios »
Na serie de artigos que titulei "
Algún dia contarei algo de cando o fundador da FSF (Free Software Foundation) 
Pois xa postos en novas sobre o OOo, velaquí unha outra importante: vén de anunciarse a saída da versión 2.4 con todas estas 
A zona entrou nunha escalada sen retorno como consecuencia do aumento da temperatura do mar, segundo 4.000 expertos reunidos en EE.UU.. O seu diagnóstico é pesimista. Segundo dous estudos presentados, o Polo Norte pode desaparecer xa no verán do ano 2.015, é dicir, dentro de só sete anos.
Sun Microsystems traballa nunha tecnoloxía que substituirá as conexións entre chips por feixes de luz láser, o que permitiría fabricar computadores milleiros de veces máis rápidos.
Namentres o RealID implantarase previsiblemente nos EE.UU, os xaponeses xa levan tempo con algo similar implementado. O 
