asennadas

Pode que sexa o obxectivo principal do proxecto Ubuntu. A lo menos esfórzanse cumprindo prazos, con novas versións e melloras visibles a datas prefixadas. Na actualidade é a máis empregada en escritorios e, a cada novo lanzamento, máis adeptos suma.

O título está tomado desta nova (recomendo ler os múltiples cometarios que está a xerar, especialmente este), apuntando cara esta fonte e aberto a enriquecedores comentarios.

asennadas

En: AGNIX, FLOSS por Roberto Brenlla
Sen Comentarios »

Chamoume sempre a atención que un dos países máis avanzados do estado apenas tiveran políticas decididas a prol do SwL. Este tampouco é o caso, non é unha política decidida do goberno basco, pero a lo menos é un comezo no eido universitario.

Ben certo é que a sociedade basca xa ten iniciativas firmes con asociacións tanto civís como empresariais. De feito ESLE é unha das primeiras a nível estatal e aquí enos ben coñecida grazas ao seu presidente Daniel Armendáriz.

Sexa como fora, noraboa a estas primeira xornada universitaria basca sobre Software Libre.

asenandas

En: AGNIX, Cultura Libre, FLOSS por Roberto Brenlla
Sen Comentarios »

Tal dia como hoxe entregamos na oficina da Coruña a Acta Fundacional de AGNIX con data de 29 de outubro de 2003.

Unhas liñas non abondan para relembrar as moitas loitas e frontes onde participamos e as grandes melloras que a nosa sociedade acadou no eido do SwL dende aquela grazas ao esforzo de moita xente, de diversos recunchos e condicións, moitas veces de xeito anónimo.

Daí que, con espírito festeiro, imos celebrar un hacking-cocido en casa Amancio (Vilamaior 9 – Lavacolla – Santiago, mapa aquí), sede doutras xuntanzas de AGNIX, o vindeiro 8 de novembro. Quen queira vir, por favor, que mande un correo-e ao presi Manuel para reservar con antelación: mhermo @ gmail.com.

asennadas

En: AGNIX, Amizade, Eventos, FLOSS, Galicia-Galiza, Persoal por Roberto Brenlla
2 Comentarios »

Este ano, na Sala Apolo-Barna, 28 de outubro ás 20,30 h terá lugar a gala dos Oxcars, artellado polo colectivo de activistas pola cultura libre ExGAE.

Durante sete horas haberá actuacións, premios,… na que creación en código aberto e a cultura compartida serán as principais protagonistas. Xogando coa posta en escea dos grandes eventos do mercado do arte e a cultura, este acto plantéxase coma unha deconstrucción deste xeito de creación excluinte, pobre ou nulo nos contidos e absolutamente elitista, onde unha minoría produce e a maioría consume de xeito pasivo. É un xeito tamén de dar a coñecer, e polo tanto promocionar a todas aquelas persoas e colectivos que están a desenvolver a sua creatividade de xeito aberto e cooperativo, na procura de que cada vez máis persoas e espazos abandonen o consumo privativo de produción cultural e aposten pola cultura livre.

Máis en Olho Livre.

En: AGNIX, Cultura Libre, Internet por Roberto Brenlla
Sen Comentarios »

Na web Club Financiero de Vigo sinalan:

O Foro da Sociedade da Información, en colaboración con Caixanova, organizou para o 29 de outubro sendas xornadas destinadas ás PEMES e ás empresas do sector TIC, nas que se abordarán as oportunidades de negocio que ofrece o ´Software´ Libre.

A primeira das xornadas terá lugar pola mañá, a partir das 10.00 horas, e tratará de demostrar a viabilidade do software libre e animar ás PEMES para que en situacións concretas ou xerais utilíceno de igual xeito que agora usan outros software. Participan como relatores Roberto Brenlla, socio fundador de AGNIX e promotor de «GNU/Linux para O Pobo«, e Manuel Velardo, responsable de proxectos e servizos de Cenatic, quen explicarán as vantaxes competitivas do software libre en canto a aforro de custos e adaptabilidade.

A segunda xornada, que se encadra no ciclo «Encuentra TIC» do Foro da Sociedade da Información, dará comezo ás 17.00 horas, e, destinada ao sector específico das TIC, exporá como moitas empresas están aproveitando a liberdade de comerciar para facer negocios co software libre, tanto vendéndoo como dando servizos de formación e consultoría. Participan na mesma Roberto Moreda, director de Allenta Consulting, Javier Vázquez, presidente da Asociación Galega de Empresas de Software Libre, Carlos Suárez, director-xerente de Edisa Galicia Información, e Nicolás Osuna, responable de mercadotecnia de Velneo.

Podes incribirte na mesma web premendo na imaxe «deseo incribirme».

Neste caso, irei en representación múltiple: AGNIX, TEGNIX e AGASOL. Confírmanme que Claudio F. Filho intervirá en representación de TEGNIX aportando a súa ampla experiencia, especialmente no eido de migracións-evolucións e estándares abertos.

Quero agradecer a Miguel Díaz Cacho o gran esforzo na organización desta xornada.

asennadas

En: AGNIX, Amizade, Estándares, FLOSS, Galicia-Galiza, Negocios, Persoal, Relatorios, TEGNIX por Roberto Brenlla
Sen Comentarios »

É moi complexo resumir uns dias tan intensos como os vividos nunhas poucas liñas. Alédome de que se abrira un fío na lista de GUGLs comentando o acontecido. Pola miña banda deixo unha serie de imaxes comentadas (só as ‘publicables’, claro) xunto ao pouco aquí escrito. Co tempo irei completando o absorbido.

Para min o evento deste ano confirmou que o SwL está asentándose solidamente. Había máis expositores, administracións, persoas… Tamén certa endogamia pois estábamos moitas das mesmas caras, con algunhas salvedades. Por exemplo, en Málaga 2006 había dous representantes oficiais do Brasil, igual o ano pasado en Badaxoz e desta vez eran tropa, alomenos uns sete ou máis. Galeg@s? O incremento foi aínda máis esaxerado pois abonda ollar a foto incompleta da nosa comunidade.

Tiven a sorte de compartir momentos intensos, até emocionantes con Claudio F. Filho, cos brasileiros, con Tim O’Reilly… e moita, moita máis información aínda por procesar.

Persoalmente tou ledo pola miña participación como ponente cunha especie de resumo de iniciativas en SwL co fío da lusofonía.

E agora? Para cando é a seguinte?

asennadas

En: AGNIX, Amizade, Brasil, Cultura Libre, Estándares, Eventos, FLOSS, Galicia-Galiza, Persoal, Relatorios, TEGNIX por Roberto Brenlla
4 Comentarios »

Síntoo, estou na Conferencia Internacional de Sw Libre en Málaga.

Cando regrese poderei contar o acontecido e seguir coa rotina de novas e artigos.

asennadas

En: Persoal, Relatorios por Roberto Brenlla
1 Comentario »

A empresa que desenvolve o navegador privativo Opera vén de publicar os resultados dun estudo sobre a estrutura dos contidos de Internet. Para facelo crearon MAMA (Metadata Analysis and Mining Application), unha ferramenta que rastrexa a web e indexa datos dunhas 3,5 millóns de páxinas.

Preténdese obter unha análise útil para responsables de desenvolvemento, deseño e demais persoas implicadas.

Algúns dos datos deste estudo sinalan:

• Só o 4,3% valida de acordo coa W3C
• O mecanismo XMLHttpRequest típico de Ajax é usado no 3,2%, sendo máis popular en Noruega.
• CSS úsase nun 80% das páxinas.
• Javascript nun 75%
• Adobe Flash está nun 35% dos sitios web, sendo máis popular en China.
• …

Souben deste estudo grazas a esta fonte.

asennadas

En: AGNIX, Internet por Roberto Brenlla
Sen Comentarios »

A xente de eBay, actual propietaria do sistema de chamadas por Internet, nomeadamente Skype, está pensando que probablemente sería unha boa idea o transformar o Skype a Open Source.

Hai pouco, eBay anunciaba que tivo que reducir un 10% o seu persoal así como outros problemas, como a comprobación de que os usuarios deste sistema en China están sendo espiados constantemente.

De ser facerse realidade, a licenza de código aberto que tería Skype podería facer trocar de parecer á FSF (Free Software Foundation) que vén de xerar unha lista de proxectos que precisan ser creados como libres.

A fonte apunta en última instancia á nova orixinal en Linux Journal.

asennadas

En: AGNIX, FLOSS, Negocios por Roberto Brenlla
Sen Comentarios »

Deixo a ligazón a un novo álbum que fixen para incluir as fotos destes eventos de AGASOL.  Tamén vai esta ligazón que comenta o evento. Aquí deixo unha mostra:

asennadas

En: Estándares, Eventos, FLOSS, Galicia-Galiza, Negocios, Relatorios, TEGNIX por Roberto Brenlla
1 Comentario »

Juan Cudeiro, responsable de comunicación de AGASOL, entrevistounos a Ana Lorenzo (

En: AGNIX, Estándares, Eventos, FLOSS, Galicia-Galiza, Persoal, TEGNIX por Roberto Brenlla
Sen Comentarios »

Nielsen e Veronica pensaron un monte de nomes durante o embarazo «pero finalmente ocorréusenos un. Nolos dous pensamos que o neno semellaba un Linux pequerrecho e daquela decidimos chamalo así».

O artigo sinala as cuestións que adoitan xurdir nestes casos:

Insistirá Richard Stallman en que o crío teña que chamarse «GNU/Linux«?

asennadas

En: AGNIX, Curiosidades, FLOSS por Roberto Brenlla
Sen Comentarios »