asennadas

Hai uns intres recibín un correo-e de Greenpeace solicitando a miña participación nunha campaña en defensa da Amazonia. Xa escoitara voces en contra vindas do goberno brasileiro pero, aínda así, decidín asinar. Aos poucos minutos recibín outro documento, que deixo aquí como PDF, no cal amosa a outra cara da moeda, cal é a resposta do ex-Ministro de Cultura Educación do Brasil, Cristóvão Buarque, á pregunta dun estudante estadounidense sobre esta cuestión. Segundo podes ler no PDF

«Non todos os días un latino, neste caso un brasileiro, lle dá un bo e educadísimo sopapo aos estadounidenses«.

Se che interesa este tema, por favor, non deixes de ler as dúas caras da moeda. A de Greenpeace deixo a continuación:

En: Amizade, Brasil, Ecoloxía, Persoal por Roberto Brenlla
1 Comentario »

Desde hoxe venres 27 de novembro de 2008 e ata rematar o ano abriuse a campaña «35 dias contra DRM» (35 Days Against DRM) promivida por DefectiveByDesign.

Preténdese concienciar dos perigos que supón a xestión de dereitos dixitais (DRM – Digital Restrictions Management) e daquela cada dia o sitio publicará historias sobre produtos, empresas, servizos, persoal directivo e político que causan que estas tecnoloxías e negocios estean na nosa sociedade. Na web ofrécense varias posibilidades para participares activamente.

O primeiro dia da campaña céntrase no MacBook.

asennadas

En: AGNIX, Cultura Libre, Internet, Negocios, Tecnoloxía por Roberto Brenlla
Sen Comentarios »

Comparación neste breve video entre a custosa e privativa Encarta de M$ fronte á gratuita e libre Wikipedia:

Paga a pena engadir que a nosa querida Galipedia xa sobrepasa os 41.000 artigos, achegándose perigosamente aos 42.000 da privativa Encarta. Á Galipedia podemos xuntar os +440.000 en portugués e mailos +415.000 hispana para deixar ben claro o nível da privativa. Podes afondar en máis detalles nesta compartativa entre enciclopedias (Encarta, Británica e Wikipedia).

Souben deste video por unha entrada de Abella no Twitter.

asennadas

En: AGNIX, Cultura Libre, Curiosidades, Hasefroch, Internet por Roberto Brenlla
Sen Comentarios »

Como ben conta o amigo Carlos, Blogaliza ofrece a partires de hoxe un novo complemento para contar visitas e realizar análises ao respecto toda vez que o Counterize semellaba tocado e case morto.

Ata este intre (20081126)  os datos que fornecía o Conterize do meu blog, nado en abril de 2006, é dicir, tras uns 31 meses, quedaron tal que así:

Total hits: 75700
Hits from unique IPs: 16036
Total hits, today: 50
Hits from unique IPs, today: 34
Hits, the last 7 days: 1449
Unique hits, the last 7 days: 445

Isto dá unhas cifras de 2441,93 visitas totais/mes, 517,29 visitas únicas/mes. Loxicamente son cifras medias dun contador que a todas luces ía mal (desde cando? eis a cuestión), ao que lle hai que engadir que as cifras «medias» amosan o que acontece desde o seu nacemento e agora os resultados serían diferentes. Resta ver o que dá de si o StatPress… que semella bastante completo. O tempo dirá que tal foi este troco.

asennadas

En: Amizade, Lista de blogues, Galicia-Galiza, Internet, Persoal por Roberto Brenlla
2 Comentarios »

A empresa norteamericana Motorsports Simulators ofrece a partir duns 20.000€ algo semellante aos simuladores profesionais que posúen as grandes escuderías de F1 (McLaren ou Ferrari) e que polo que elas pagaron máis dun millón de dólares.

Estes simuladores a prezos asequibles contan cun sofisticado software, sistema de amortiguación nos asentos que se moven para dar a sensación das brutais forzas G, pantallas planas que procuran dar 3D e múltilpes detalles máis. Os testimonios de pilotos que xa o probaron falan de ser sorprendentes e de máximo realismo.

Cabe engadir que a empresa cordobesa Entertainment Virtual Systems tamén os vende. Estes custan +67.000€ pero a cambio levas un armazón de monoplaza como banco de simulación.

Agora toca decidir se prefires un cursiño duns 2000€ 21.000€ para dar unhas voltas reais con fórmulas (F-Renault, F-3 e F1) durante uns poucos minutos ou investilos nun destes simuladores que podes ubicar permanentemente na túa casa.

Que prefires? Se cadra sería bo que visitaras a web desa empresa e ollaras os seus videos demostrativos.

Atopado todo isto aquí, á vez apuntando cara este sitio.

asennadas

En: Curiosidades, Racing por Roberto Brenlla
4 Comentarios »

Jon ‘maddog’ Hall, director executivo da asociación sen fins de lucro Linux International, escribe un interesante artigo na Linux Magazine onde reflicte o acontecido a carón doutras empresas pechadas durante o Open Mobile Summit de San Francisco. Eis a tradución:

Na pasada semana estiven nunha conferencia en San Francisco chamada «Open Mobile Summit». Para ser unha primeira edición, os organizadores fixeron un excelente traballo de organización, reunindo persoas de varias áreas da industria da telefonía móbil (fabricantes de móbiles, operadoras, provedores de servizo e provedores de Internet) para falar sobre «Mobilidade aberta«.

Había até representantes da Research In Motion (RIM, fabricante do Blackberry) e mencionouse moito o iPhone da Apple. A pesar de ningún dos dous ser considerado moi «aberto», ambos foron abordados nas discusións a respecto de seguridade, confiabilidade, fragmentación e de como gañar cartos.

Moitos relatores comezaron falando do número de aparellos móbiles existentes hoxe en día e do potencial de «moitos outros milleiros de millóns» do próximo futuro.

Porén, durante a conferencia comecei a decatarme de varias cousas:

• a maioría dos relatores estaba discutindo cuestións envolvendo o «primeiro mundo«;
• a maioría das conversas afastábanse da «apertura« e ía en dirección a outros aspectos;
• cando as persoas falaban de «apertura«, o foco era «é excelente que o seu produto sexa aberto mais por que debería abrir o meu?«.

Un dos poucos exemplos de persoas conversando sobre nacións en desenvolvemento foi a Nokia, que falou sobre algúns dos seus servizos dirixidos á persoas.

O motivo de eu pensar iso irônico foi que se o número de dispositivos móbiles a seren comercializados alcanzase o valor prometido, a maioría desa expansión tería que vir de «países en desenvolvemento», e aínda así unha pequena parte da conferencia prestou atención a iso ou a como o Software Libre podería axudalos.

Iso lembroume dun evento das Nacións Unidas sobre a «Exclusión Dixital«, para o cal fun convidado hai varios anos. Os membros do programa, todos representantes da alta tecnoloxía, falaran unicamente sobre canto precisaban mellorar as leis de propiedade intelectual nos países en desenvolvemento para poderen vender os seus produtos. Ningunha discusión real sobre a «exclusión dixital» ou como solucionala.

Despois dun día e medio diso, chegou a hora do meu relatorio sobre «innovación». Comecei describindo o que eu consideraba «apertura», usando o Openmoko FreeRunner como exemplo. Dixen ás persoas que un «open phone» é simplemete aquel que ten as interfaces de programación de todos os seus módulos de hardware (GSM, GPS, USB, Bluetooth, 802.11, vídeo etc.) documentadas. FreeRunner vai un ou dous pasos máis aló, documentando até os datos CAD do corpo do produto e o diagrama de circuítos da placa-nai, mais para a maioría da xente esas son frivolidades. Simplemente saber como programar o hardware xa sería suficiente.

asennadas

En: AGNIX, FLOSS, Negocios por Roberto Brenlla
Sen Comentarios »

Os vindeiros días venres 28 e sábado 29 de Novembro celebraranse na Escola Técnica Superior de Enxeñaría as Primeiras Xornadas de Coñecemento Libre e Dereito nas TIC, organizadas pola Oficina de Software Libre da USC conxuntamente coa Asociación de Usuarios de Linux da USC e o Grupo de Usuarios de GNU/Linux da Galiza, coa colaboración da Asociación de Técnicos de Informática e o patrocinio da Consellaría de Innovación e Industria e Mancomún.

Os relatorios versarán sobre o actual marco legal da informática e a información, a fenda dixital, a política interna da USC sobre licenciamento de contidos, privacidade e protección de datos, e propiedade intelectual.

Considéranse de interese para:

• Investigadores, programadores e creadores de contidos de calquera clase que teñan ou queiran decidir sobre o modelo de licenciamento do seu traballo.
• Estudantes de Informática e informáticos que busquen unha visión de conxunto dos aspectos legais da súa profesión.
• Estudantes de Dereito que busquen especialización en dereito de internet, da propiedade intelectual e das novas tecnoloxías.
• Interesados no estado actual da lexislación e xurisprudencia sobre propiedade intelectual, privacidade e protección de datos.
• Interesados sobre os aspectos xurídicos da aplicación e validez de licencias libres no marco xurídico do estado español.

Pódese atopar o programa completo, as datas e o formulario de contacto na páxina web das xornadas:

http://www.glug.es/xornadas-dereito-2008

Estades tod@s convidados.

asennadas

En: AGNIX, Eventos por Roberto Brenlla
Sen Comentarios »

Cory Doctorow é editor en Boing Boing e deste blog. Tamén é ciberactivista e o autor de varios libros, entre eles este titulado «Little Brother» que se pode traducir baixo licenza Creative Commons-Recoñecemento-Non Comercial-Compartir baixo a mesma licenza-3.0. Grazas a esta licenza e maila facilidade de dispor do texto podes traducilo e até creares unha nova obra empregando mesturas con outras historias.

Cory recrea no libro a historia dun geek de tan só 17 anos moi avezado en sistemas e redes.

Souben dela grazas a MaryBeth Panagos de Open Media Now!, a quen coñecín na OSWC’08.

asennadas

En: Amizade, Cultura Libre, Internet por Roberto Brenlla
Sen Comentarios »

Queres que unha aplicación de mensaxería instantánea che ofreza os contactos en liña e que sexa libre con licenza GPL. A máis podes querer que sexa segura mantendo conversacións cifradas para que ningunha terceira parte poida enterarse das túas mensaxes.

RetroMessenger é libre e cifra as túas mensaxes con claves PGP sen necesidade de instalacións complementarias.

RetroMessenger engade ao anterior unha mensaxería que non precisa dun servidor ou autoridade central que xestione ou monitorice as liñas abertas ou até envíe publicidade non solicitada.

Asemade podes usalo en telefonía móbil, especilamente aqueles con Window$ ou Linux (openmoko ou maemo). Podes usalo tamén na empresa pois posúe unha doada interfaz de adiministración e non precisa de mantemento dun servidor adicado a isto.

Se desenvolves wxwidgets entón podes crear novos usos porque é a a interface predeterminada e multiplataforma que emprega RetroMessenger. Se desenvolves XUL entón podes crear complementos para o Firefox e Thunderbird. Tamén podes compartir ligazóns, por exemplo de digg.com, e até votalas, tanto ti coma os teus contactos.

RetroMessenger atópase nos seus primeiros pasos de desenvolvemento pero xa é funcional e podes obter binarios en empaquetados e comprimidos en tar.bz2 aquí.

Olla o seguinte video que amosa a aplicacicón aberta desde consola para que vexas as mensaxes que xera:

Probeina uns intres e creo que de acadar masa crítica de uso así como unha evolución que mellore a súa funcionalidade (emoticóns, sons de aviso, trasnferencia de ficheiros e, por que non!, VoIP) podemos estar diante dunha aplicación con moito futuro.

asennadas

En: AGNIX, FLOSS, Internet, Seguridade, Tecnoloxía por Roberto Brenlla
1 Comentario »

Entéronme por Facebook dunha entrada que apunta cara o chuza! blog e que trae esta boa nova (c & p):

Despois duns mesiños en probas a versión oficial do Firefox 3 en galego xa está aquí. E chega cunha novidade interesante: chuza! foi a fonte de novas escollida por Mozilla e o equipo de tradución ao galego para alimentar de “últimos titulares” ao navegador de código aberto.

Pois nada, agora a chuzarlle tamén no firefox

NOTA: só veredes eses “Últimos titulares” en galego se facedes unha instalación limpa de firefox, se ata agora tiñades o firefox en español, portugués, inglés, etc… ao instalar por riba manterá a configuración anterior. Se queredes mudar ao galego so tedes que pulsar co botón dereito en “Últimos titulares” e poñer este enderezo da fonte: http://gl.fxfeeds.mozilla.com/gl/firefox/headlines.xml e no enderezo do sitio http://chuza.org. No caso de que vós cargárades ese botón da barra de marcadores (como fixen eu ) na páxina de mozilla hai instrucións sobre como restaurala.

asennadas

En: AGNIX, Amizade, FLOSS, Galicia-Galiza, Internet por Roberto Brenlla
Sen Comentarios »

A consultora Gartner apunta que o 85% das empresas xa son usuarias de software de código aberto e o 15% restante van adoptalo en 2009.

Estas conclusións foron obtidas a raíz dunha enquisa levada a cabo entre os meses de maio a xuño de 2008 que abrangue a 274 organizacións das rexións Asia/Pacifico, Europa e América.

No entanto, o Gartner dixo que 69% das empresas pescudadas non posúen unha política formal para avaliar e catalogar a utilización de open source, co cal pode significar «un gran potencial de crear violacións de propiedade intelectual«, alerta o instituto.

«As empresas precisan ter políticas para aplicacións en código aberto, decidindo cales áreas terán open source e identificando cales son os riscos asociados con propiedade intelectual ao usar o open source. Cando as políticas estiveren estabelecidas, é preciso ter un proceso de dirección para garantilas.«

De acordo co Gartner, o código aberto está sendo instalado de maneira equivalente tanto en ambientes de misión crítica canto nos que non son críticos.

As tres principais razóns para adoptar open source están relacionadas co

1. custo total de propiedade (TCO),
2. custo menor para o desenvolvemento e
3. maior facilidade para comezar novas iniciativas usando unha base de código aberto.

«Algúns dos entrevistados dixeron que eles tamén utilizan open source para se protexeren de ter só un fornecedor que é ‘dono’ de todo o seu departamento de TI» resaltou o Gartner. É dicir, avalían positivamente a independecia tecnolóxica que lles fornece o código aberto.

Outros entrevistados dixeran que a principal razón de negocios para adoptar código aberto estaba nun «tempo de resposta» (traducino de time to market) máis rápido para novos produtos e a capacidade de evitar procedementos e regras de vendas complexas.

Con todo, ter unha correcta dirección na contorna aberta é o maior desafío para as empresas, seguido polos termos conflitivos de ter varios tipos de licenzas e formulários.

«Entender cando e como a alternativa aberta debe ser usada é un proceso frustrante. Esas cuestións deberán ser resoltas lentamente. A maior popularidade do código aberto vai empurrar esas mudanzas«, dixo Wurster.

Fonte.

asennadas

En: AGNIX, FLOSS, Negocios por Roberto Brenlla
Sen Comentarios »

Gaël Duval, fundador de Mandrake e agora liderando Ulteo, vén de anunciar o lanzamento oficial de Open Virtual Desktop, segundo din «100% open source«, cousa da que xa escribira hai un tempo.

O obxectivo é que o Open Virtual Desktop sexa instalado nun servidor dunha rede local para que daquela leve as aplicacións (polo de agora só de SwL e para o vindeiro ano tamén de aplicacións de Window$) a quen as use e estea conectado a esa rede. Polo tanto, deixa de ser precisa ningunha instalación nos equipos clientes posto que cun sinxelo navegador xa se pode traballar.

Tes máis información na web de Ulteo.

asennadas

En: AGNIX, FLOSS, Hasefroch, Internet, Tecnoloxía por Roberto Brenlla
1 Comentario »