asennadas

Traducido deste artigo, atopado nesta fonte.

Lendo o blog de Adam Williamson atopámonos cunha reflexión moi interesante sobre as razóns que ten para estar en desacordo con Canonical e co Señor Mark Shuttleworth. Para quen non o saiba Canonical é a empresa que promove o desenvolvemento de Ubuntu.

Fóra de polémicas, a maioría dos comentarios teñen unha razón esmagadora e por iso decidimos pasar a traducir todas estas ideas.

Moi importante empezar antes con isto: é a miña opinión persoal, escrito no meu propio blog persoal. Este, evidentemente, trata sobre Mandriva e está formado polas miñas propias experiencias traballando alí, pero non é a opinión oficial de Mandriva e, por favor, non lelo como tal. Se vostede desexa a opinión de Mandriva, pídaa aos amigos de PR mediante unha declaración oficial e seguramente non se parecerá nada a isto.

Ata agora só citei implicitamente o modelo de negocios de Mark Shuttleworth / Canonical (A cualificación das miñas repostas en ZDnet caeu a -21, a miña peor cualificación ata o de agora , pero curiosamente, ninguén refutou o meu argumento). Sería peor só expor o meu punto de vista, desde o meu diminuto púlpito.

Escribín do que penso acerca de Ubuntu. É unha boa distribución. Fai unha chea de cousas correctamente. Ao redor de 2004 foi mellor distro que MDK / MDV en varios aspectos. Non creo que nunca fose mellor en todos os sentidos, e penso que MDV é un produto mellor agora. Isto trátase de Canonical e do Señor Shuttleworth.

Primeiro os feitos: Canonical é unha empresa privada. Non ten investidores externos e non está inscrita en ningunha bolsa de valores.Isto significa que non ten ningunha obriga legal de prover información ao publico, sobre os seus activos, responsabilidades, ingresos, custos ou nada que siga semellante. A única información que temos é a que voluntariamente comentaron os empregados de Canonical en entrevistas, etc.

A través desta información non temos moito detalle, pero coñecemos o principal. Canonical non fai diñeiro e nunca fixo diñeiro. Segundo a chamada de prensa co señor Shuttleworth, citada arriba, non esperan facer diñeiro durante un tempo. Eu non se se isto é certo pero lin que persoalmente lle custou ao señor Shuttleworth 10 millóns de dólares durante os últimos 4 anos. Suxerindo perdas anuais de aproximadamente 2.5 millóns .Canonical ten unha gran cantidade de persoal remunerado, tanto en desenvolvemento como en áreas auxiliares (non podo atopar unha cifra fiable sobre este tema, pero creo que é mais ca en Mandriva) e conta claramente cunha importante mercadotecnia e un orzamento divino, tendo en conta a campaña ShipIt e a súa presenza en (e o patrocinio de) as maiores conferencias por todo o mundo.

(Segue…)

asennadas

Agora os feitos acerca de Mandriva: É unha sociedade con cotización oficial (no Euronext Exchange) e envíos públicos dos resultados financeiros trimestrais, que poden ser atopados con todos os detalles, se o desexa. A partir de 1998 a 1999, tivo unha modesta ganancia, case na súa totalidade das vendas de produtos en caixa aos usuarios domésticos. De 1999 a 2004 (especialmente logo da flotación pública en 2001) a nova dirección intentou ampliar o negocio rapidamente en toda clase de diferentes áreas, co resultado de que os custos aumentaron e a empresa empezou ter grandes perdas.

Desde entón, o equipo de xestión externo traballou nisto e a empresa baseouse en tres áreas básicas:

• Vendendo produtos de Linux aos usuarios domésticos,
• vendendo produtos de Linux aos usuarios «corporativos»
• e ofertas OEM – como a de sistemas con Mandriva pre -cargados no Emtec Gdium NETBOOK , ou como o trato que temos de sistemas pre-cargados con Positivo, en Brasil..

Mandriva non é actualmente rendible pero as súas perdas reducíronse de xeito constante durante os ultimos tempos, e prevese alcanzar o limiar de rendibilidade razoablemente pronto, se todo segue segundo o plan. Pero, sobre todo, a venda de produtos aos usuarios finais é unha parte da empresa que está diminuíndo en importancia ano tras ano. Está agora ao redor do 20% do total de ingresos.

Isto non é por elección natural, senón por necesidade; Ubuntu mais ou menos afundiu o mercado de distribucións de Linux, é dicir, hoxe menos usuarios normais pagarían pola súa distribución.

Bo, visto o visto esta é a miña opinión:

O que o Señor Shuttleworth fixo con Canonical e Ubuntu, foi tirarse de cabeza á piscina das distribucións. Non podo dicir que saiba algo sobre as súas motivacións persoais. Nunca mo atopei nin establecín conversación con el. É de dominio público que a súa motivación é o de promover o uso de Linux e o software libre en xeral. Iso é un gran obxectivo e non me quedo coa conciencia tranquila, dicindo que non é o seu verdadeiro interese.

Con todo, aínda que aceptase que é o seu obxectivo, sigo cuestionando os seus métodos.

Ubuntu está fundamentalmente nunha posición de competencia inxusta dentro do mercado de distribucións de Linux. Seica o Sr Shuttleworth di con frecuencia que a súa verdadeira competencia é Microsoft, pero con isto, tende a actuar coma se outras distribucións fosen irrelevantes, no mellor dos casos, e un obstáculo no peor.

Ubuntu é unha distribución comercial cun gran número de desenvolvedores pagados -como Mandriva, Red Hat (e, en certa medida, Fedora), SuSE. Con todo, non é nin remotamente autosustentable e non ten previsto selo nun período de tempo razoable.

Isto é claramente inxusto. Se o Señor Shuttleworth fose un home de medios típicos e levase o «plan de negocio» de Canonical a un banco ou a algunha fonte de financiamento (grupos de capital de risco, etc) para o financiamento, sairía dos tribunais entre risas. Bo, en calquera momento logo da explosión dos punto.com , de todos os xeitos. Imaxinemos a reunión:

* Capitalista de Risco #1: Así que, señor Shuttleworth, quere proporcionar a varios millóns de dólares de financiamento anual a súa nova distribución Linux comercial. Cal é o plan de negocios?
* Shuttleworth: Bo, imos dar o produto de forma gratuíta, e non temos ningún produto mediante o que se gañará diñeiro. Imos gastar moito diñeiro na súa promoción. Tamén imos enviar o produto en calquera parte do mundo de forma gratuíta.
* CR1: Um. E cando empezamos a gañar diñeiro?
* Shuttleworth: Bo.. creo que uns dez anos de rodaxe.
* CR1: Ooookay! E como imos empezar a facer diñeiro?
* Shuttleworth: Non calculei exactamente todos os detalles , pero a palabra «servizos» ten un lugar moi destacado!
* CR1: Moitas grazas, señor Shuttleworth. Creo que xa coñece o camiño ata a porta.

Credes que estou esaxerando? Le a fraude que é a web de servizos de Canonical. A continuación, comparalo co dunha empresa de verdade. Canonical non ten un plan de negocios, ten unha colección de vagas aspiracións e unha clara tendencia a tirar o diñeiro por todo por todos lados e tocar un pouco de todos os paus (é dicir, Ubuntu Server). Non vos recorda a alguén?

Entón, como vai funcionar Canonical con isto? Por que está todo financiado polo Señor Shuttleworth, do seu propio diñeiro. A única persoa á que ten que xustificar o seu plan de negocios é a si mesmo, e asi é moi facil facer as cousas.

Bo, é así. E que problema hai con isto?
Imaxínese que vostede é un tipo que vende tallas de madeira. Vostede non é Wal-Mart, pero que ten un honesto negocio en marcha. Claro, a madeira, basicamente é gratis, se vostede puxo o seu propio tempo e esforzo nela e á súa xente gústanlle as súas tallas, pagan unha tarifa razoable para eles polas tallas. E Vostede obtén un beneficio por isto.

Cando un home rico preséntase na cidade. E reclama unha conferencia de prensa.

«Gústanme as tallas de madeira. Non hai suficientes persoas que teñan tallas de madeira. Gustaríame dar ao mundo de máis tallas de madeira, quero darlle un gran impulso. E polo tanto creei o Imperio de Figuras Gratuítas de madeira do Home Rico».

O «Imperio de Figuras Gratuítas de madeira do Home Rico» é o triplo de grande que a súa tenda, moi ben iluminado, e con aire acondicionado. Hai un taller con cinco ben remunerados e cualificados talladores de tallas de madeira, que fan fermosas tallas.Tal vez non son tan bos como os teus, con todos os seus anos de experiencia, pero a súa madeira é máis consistente e de maior calidade, xa que pode darse o luxo de pagar un alto prezo ao provedor de madeira.

Para os clientes que non poden achegarse ao Imperio, tamén terán unha talla porque teñen preparado un buque que lla deixa na porta da súa casa. E todas as tallas son completamente gratis. Como O Imperio de Figuras Gratuítas de madeira do Home Rico, pode xestionar esta fazaña? Non ten unha forma máxica de facer diñeiro.Non, eles perden diñeiro, posto de primeira man porque o home rico págao todo.

Como che sentes? Bastante fodido e anoxado, imaxínome. Como diaños se supón que se pode competir co Imperio de Figuras Gratuítas de madeira do Home Rico? Non se pode.

Estás descolocado. Podes atopar outro traballo, atopar algún tipo de tallas de madeira acertadas que O Imperio de Figuras Gratuítas de madeira do Home Rico non calculou aínda, unha forma de abarcalo ou tragas o teu orgullo e vas pedirlle traballo ao home rico. Un atractivo conxunto de opcións, e que sucede cando o home rico queda sen diñeiro ou simplemente perde o interese? Nunca se explicou adecuadamente.

Esta é a repercusión que tivo, a chegada de Canonical ao mercado das distribucións Linux. A competencia está xenial pero a competencia desleal non. É moi difícil para unha empresa verdadeiramente independente e debidamente financiada competir co Sr Shuttleworth e a súa xigante Caixa Máxica de moedas. O campo de xogo non está nivelado.

O perigo é que esta competencia desleal en última instancia termina con todos provedores comerciais de Linux, verdadeiramente independentes, con excepción de Red Hat. Entón vostede ten como elección a:

- Red Hat (que é grande e teñen un produto moi estable e ben apoiado pero que non todos queren eses antigos e caros produtos da empresa ou unha comunidade cun produto de escritorio extremadamente experimental, non hai nada no medio).

Novell (e moita xente non lle gusta esa idea);

Ubuntu ou unha distribución comunitaria, unha vez máis, moi grande pero non ten porqué ser o que todos buscan.

E que sucede cando o Señor Shuttleworth queda sen diñeiro e Canonical/ Ubuntu ten en realidade que empezar a facer diñeiro dalgún xeito? Non creo que esta pregunta sexa respondida aínda.

Ultimamente, o xeito que ten o Sr Shuttleworth de promover o cambio a Linux está sendo destruír o ecosistema das distribucións de Linux.

Creo que, se el se propuxera ser máis desinteresado podería ter un impacto máis positivo cun plan que traballou xunto co ecosistema existente, e non quitarlles a auga dicindo «Ao meu xeito ou á rúa!»

Grazas a katnatek pola súa axuda coa tradución.

E ti, cres que Canonical fai competencia desleal?

En: AGNIX, FLOSS, Negocios por Roberto Brenlla