asennadas

Unha startup de Nova Iorque vén de lanzar unha suite de comunicacións unificada baseada en SwL con publicidade contextual como posible fonte de ingresos para competir con Micro$oft e IBM no campo empresarial.

Unison consta dun software cliente/servidor, non de tipo web. A parte servidora só se executa nun servidor con Linux pero a cliente pode ser executada en sistemas operativos priavtivos. O obxectivo é ofrecer unha alternativa de baixo custo ás suites equivalentes de M$ ou IBM. Inclúe aplicacións de correo-e, axenda, calendario, telefonía, correo de voz, mensaxería instantánea e varias máis xunto a aplicacións colaborativas, antispam e antivirus.

Crese que as empresas interesadas serán as que posúan entre 20 e 2000 empregos para que as solucións privativas implican un custo prohibitivo.

Unison ofrece unha versión con publicidade totalmente de balde. Os anunciantes son Intermedia e Ubuntu Linux. Os anuncios publicitarios aparecen no escritorio cliente así como na panle de control de administración e sempre de xeito non intrusivo, segundo sinala Rurik Bradbury, CMO (chief marketing officer) de Unison.

A versión sen publicidade véndese a US$50 por usuario/a e por ano.

A política Open Source da empresa sinala que "como engadido ao seu código privativo, Unison emprega open source e comparte todas as modificacións deses códigos coa comunidade na liña dos acordos de licenzamento xeral deses softwares software" e de seguido poñen a lista de softwares que emprega.

Tes máis información nestas ligazóns (unha, dúas).

É dicir, baséase en varias aplicacións de código aberto e libres, modifícaas, comparte esas modificacións seguindo as obrigas adquiridas polas súas licenzas e engádenas todas xuntas nunha aplicación cliente/servidor feito con código pechado. Unha boa mostra da creatividade empresarial nas TIC facendo das súas.

asennadas

En: Negocios, Tecnoloxía por Roberto Brenlla