asennadas

Jubarte é un proxecto de Software Libre que ten o obxectivo de crear unha suite completa de aplicativos para cálculo e a análise da viabilidade de enlaces de telecomunicacións. O programa contempla:

• Radio
  • Enlaces Punto-a-punto en visón
  • Obstrucción de elipsoides de Fresnel
• Fibras ópticas
  • Análise de enlaces ópticos en canto a atenuación e dispersión de sinais.
  • Definición de perfil da fibra.
• Satélites
  • Cálculo de elevación, arco e ángulo de polarización de antenas para satélites xeoestacionais.
  • Análise de viabilidade de enlace.
  • Cálculo de FI para MODEMs e conversores de subida e baixada.
  • Definición de transponders en uso na banda C.

O software está sendo desenvolvido a través da IDE do proxecto Lazarus, utilizando a linguaxe Object Pascal. O aplicativo está sendo distribuído sobre licenza GPL, daquela a súa utilización e distribución son completamente libres. O programa posúe versións para Linux(Gtk) e Windows(win32).

Jubarte é desenvolvido por Benjamim Góis Ildefonso da Asubiar, antigo desenvolvedor do Mux Linux. O autor non se responsabiliza polo uso do aplicativo.

Souben de Jabuarte (pantallas, descarga) por esta fonte.

asennadas

En: AGNIX, Brasil, FLOSS, Tecnoloxía por Roberto Brenlla
Sen Comentarios »

Vén de anunciarse unha nova versión de PlayOnLinux, nomeadamente a 3.3. PlayOnLinux é unha peza de sofware que che permite instalar e usar numerosos xogos deseñados para executarse no privativo Microsoft®’s Windows®.

É o maior cambio no comportamento de Wine, non é sobre gráficos ou implementación de scripts senón en canto a código interno xa que logo deixan de depender de repositorios Debian para ter un repositorio propio mantido por un intergrante do equipo.

asennadas

En: AGNIX, FLOSS, Hasefroch por Roberto Brenlla
Sen Comentarios »

MUAN ( Manipulador Universal de Animação) é un sistema de software libre para animación cadro-a-cadro, desenvolvido para GNU/Linux. Foi concibido polo Anima Mundi, Festival Internacional de Animación do Brasil, e desenvolvido polo IMPA, Instituto de Matemática Pura e Aplicada, co apoio de IBM. A súa interface gráfica permite a rápida creación, edición, manipulación e visualización de animacións, utilizando cámaras de vídeo ou webcams conectadas ao computador. Por ser elaborado para propósitos educativos, MUAN é sinxelo e doado de manexar, contendo funcionalidades que atenden tanto a principiantes canto a animadores profesionais.

A través do sistema MUAN, tórnase posible gravar imaxes fixas en secuencia e editalas no mesmo ambiente, cunha interface intuitiva e rápido rendimento. A instantaneidade favorece a espontaneidade e creatividade do traballo de animación. O MUAN non crea ou edita as imaxes en si senón que está enfocado na manipulación do secuenciamento de imaxes.

Tes esta galería de videos producidos (o primeiro, titulado «Um Lugar Chamado Quitungo» non me rulou) co MUAN. deixo esta outra mostra titulada «Descontrole Remoto«.

Podes descargar versións en código fonte, rpm e deb seguindo esta ligazón. Tamén tes un manual básico (en pt-br) e outro máis completo.

Velaquí un video dun relatorio dado durante a Campus Party 2008:

Fonte.

asennadas

En: AGNIX, Brasil, FLOSS por Roberto Brenlla
Sen Comentarios »

Miguel Branco comenta na lista de correo G11n que

En: AGNIX, FLOSS, Galicia-Galiza por Roberto Brenlla
2 Comentarios »

É unha tira cómica que atopei no Tux Vermelho sinalando como fonte Nóis da Tira.com. Velaquí un exemplo baixo o título

«Em Windows é sempre bem mais fácil…«:

Clica na imaxe para aumentala

asennadas

En: AGNIX, Amizade, FLOSS, Hasefroch, Internet por Roberto Brenlla
Sen Comentarios »

O vindeiro mércores 28 de xaneiro ás 19 hs dará comezo unha nova xornada de AGASOL titulada «SwL contra a crise. Mellore a súa rendibilidade con Linux e SwL«.

O evento terá lugar nas instalacións da Cámara de Comercio de Santiago, San Pedro de Mezonzo, nº 44 baixo – 15701 Santiago de Compostela, tel: 981 596 800. A asistencia é gratuita previa inscrición. Tal inscrición pode facerse nesta ligazón seleccionando o evento polo seu título.

asennadas

En: AGNIX, Eventos, FLOSS, Persoal, Relatorios por Roberto Brenlla
Sen Comentarios »

O Centro Nacional de Estudos Espaciais (CNES) de Francia, a axencia espacial gala, vai incorporar un software desenvolvido integramente nos laboratorios do Instituto de Automática e Informática Industrial (ai2) da Universidade Politécnica de Valencia (UPV) que mellorará a fiabilidade e seguridade dos seus satélites.

Trátase dun hipervisor, un micro sistema operativo (microkernel) que permite que unha computadora ou procesador poida usar distintos sistemas operativos á vez. Deseñado a partir de SwL, o equipo de seis investigadores da UPV liderado polo catedrático de Arquitectura e Tecnoloxía de Computadoras, Alfons Crespo, que creou este hipervisor bautizouno como XtratuM. Crespo di que «é a primeira que se adapta ao procesador que utiliza a Axencia Espacial Europea (ESA) nos seus satélites, o ‘Leon-2′«, engadindo que «os exemplos son próximos -explica Crespo- un coche de gama alta pode incorporar desde 10 a 30 sistemas informáticos embebidos que individualmente controlan a inxección, o sistema de freado… Nos satélites máis pequenos, os sistemas embebidos disparásense ata o centenar«.

O hipervisor «fai posible que se poden executar varios sistemas operativos simultaneamente sobre un mesmo procesador, co cal podemos reducir o hardware embarcado nos satélites«, argumenta Crespo. O hipervisor creado pola UPV, ademais, garante que os fallos nalgún dos sistemas que se executan á vez non afecte ao resto, e aumenta notablemente a seguridade ao incorporar mecanismos que reparan automaticamente os potenciais erros, o que é clave nunha tecnoloxía crítica como é a aeroespacial onde a máis mínima avaría pode acabar coa misión.

Máis información no seu sitio XtratuM e na fonte.

asennadas

En: AGNIX, FLOSS, Tecnoloxía por Roberto Brenlla
Sen Comentarios »

Trala súa presentación oficial o pasado 11 de decembro de 2008, agora Galinux vén de «…obter o apoio da Xunta para que se inclúa o uso dos medios de comunicación de masas para a difusión do Software Libre«.

Este iniciativa supón un novo e desexado fito no percorrido que ten por diante o SwL no noso país cara a súa implantación masiva porque, alén dos puntos de distribución previstos no seu sitio web, a súa difusión incluirá un autobús da Rede de Dinamización distribuíndo os CD por todo o país, presenza a través de valos e folletos informativos, banners na internet e mesmo anuncios na radio e na TV!

Esta boa nova foi divulgada por Suso Baleato, Coordenador do Centro de Referéncia e Servizos de Software Libre Mancomun.org, nas listas de asociacións galegas de SwL.

asennadas

En: AGNIX, FLOSS por Roberto Brenlla
1 Comentario »

TEGNIX segue os pasos previstos no seu proxecto de expansión empresarial iniciado en abril de 2008 inaugurando o seu Centro de Formación,  coincidindo coa segunda xornada do Plan de Capacitación TIC en SwL.

Coa inauguración deste centro, TEGNIX consolida a a súa oferta (arquitectura de sistemas, consultoría de migración e formación especializada) cunha óptima infraestrutura na súa propia sede. O profesorado principal está constituído por Pedro Silva (sistemas), Claudio F. Filho (migración/evolución) e eu mesmo (modelos de negocio e aspectos legais). A oferta formativa divulgarase nos vindeiros días.

asennadas

En: Curiosidades, FLOSS, Negocios, TEGNIX por Roberto Brenlla
Sen Comentarios »

Varias vías semellan confirmar que os produtos da multinacional de Redmon SI teñen portas traseiras (backdoors).

Vexamos uns exemplos. A Wikipedia ten unha entrada baixo o epígrafe NSAKEY, referente á variable _NSAKEY atopada en 1999 no Windows NT 4 SP 5. Nesa entrada chama a atención o resultado dun traballo de enxeñaría inversa tanto da clave primaria como da _NSAKEY despois chamada _KEY2. A pesares do troco de nome emailos desmentidos oficiais da multinacional, o resultado segue apuntando á NSA (National Security Agency dos EE.UU.), observa con coidado a diferenza dos correo-e, os dous baixo o nome ‘portmaster’ pero un con dominio microsoft.com e outro co dominio nsa.gov. Sobre estes preocupantes feitos afonda a BBC neste esclarecedor artigo e aínda máis contundente a alemá Heise.

En novembro de 2007 o prestixioso especialista en seguridade, Bruce Schneier, cuestiona a posibilidade de que a mesma NSA teña unha porta traseira secreta nun novo estándar de cifrado. En decembro dese mesmo ano Scheiner sinala que o xenerador de números aleatorios Dual_EC-DRBG foi engadido ao Windows Vista como parte do SP 1. Di que non está activado por defecto ao tempo que aconsella non activalo xamais polas razóns descritas no seu artigo de novembro.

Independentemente do teu grao de confianza en Micor$oft, o que semella evidente é a morea de riscos que calquera software pechado supón para a privacidade de quen o emprega.

ENGADIDO

Concordo totalmente con quen sinala en AGNIX que o CNI non ten capacidade real de auditar un sistema operativo. Só engadir uns dos 140 comentarios de /., principalmente este:

«…En cuanto al tema de la consulta del código fuente: Si no te permiten compilarlo tú mismo, y hacer un md5sum (o un diff, ya que estamos) entre el que tú has compilado y el que te han vendido,
¿cómo puedes estar seguro de que te están enseñando lo mismo?«

e este:

«…supongo que la NSA tendrá el mismo privilegio: ¿os imaginais la de agujeros de seguridad que habrán estado usando?«

Os exemplos das backdoors que sinalan a Wkipedia ou Scheiner coinciden ademais en que son portas abertas nunhas poucas liñas de código. De seguro que caberían nunha porcentaxe ridícula do que supoñen o total de liñas de código, até menos dun 1%.

asennadas

En: AGNIX, Estándares, FLOSS, Hasefroch, Seguridade por Roberto Brenlla
1 Comentario »

Meses atrás escribira un artigo contando a configuración que fixera para traballar con dous monitores á vez. Ata hoxe foime fantástico, sempre rulou e nunca trabucou. Porén, a raíz dun comentario reclamando unha interface gráfica e comprobando que o amigo Claudio xa emprega unha, decidín retomar a cuestión e facer unha pesquisa máis en profundidade.

Atopei un execelente documento wiki e outro de Debian así como unhas cantas aplicacións gráficas:

• grandr (dispoñible nos repositorios Ubuntu),
• ARandR (moi sinxelo e eficaz),
• gnome-randr-applet (un engadido opcional que podes pór nun panel),
• PyRandR (semella que con desenvolvemento paralizado desde 2006),
• un mellorable displayconfig-gtk de Ubuntu (o seu autor advirte que o Xrandr da erros con algún hardware… porén, creo que segue sendo inestable a propia interface e pouco intuitivo)
• e mailo URandR (interface python, aínda moi pouco desenvolvida, versión alpha).

Recomendo non facer probas co compiz activado. Creo que probar o grandr deixoume sen teclas maiúsculas (non activaba as shift) que puiden arranxar reiniciando compiz e mailo GTK-window-decorator.

A miña escolla entre todos os aplicativos anteriores foi o ARandR (Another XRandR gui). É moi sinxelo, eficaz, intuitivo (método drag&drop, arrastrar e soltar) e tamén podes usalo en liña de comandos porque garda as túas opcións preferidas como scripts de shell no directorio $HOME/.screenlayout. No momento de escribir estas liñas estaba dispoñible este paquete deb, válido para Debian e Ubuntu. Na súa web tes máis información.

asennadas

En: AGNIX, FLOSS, Tecnoloxía por Roberto Brenlla
Sen Comentarios »

Vese en Slashdot un artigo resume doutro artigo feito por Bruce Byfield sobre as diferenzas existentes entre quen emprega Ubuntu e quen o fai con Debian.

Por se non imaxinas xa os resultados, velaquí unha tradución libre do artigo de Slashdot:

Vai  dunha

…ollada ás estadísticas dos proxectos Popularity Contest (n.d.r. deixo a ligazón ao README do arquivo colgado por Debian, idéntico ao colgado por Ubuntu) en Debian e Ubuntu. Estes proxectos rastrexan a baixada e actualización de quen usa as súas distribucións, revelando -ningunha sorpresa aquí- que os usuarios de Ubuntu semellan máis newbies cós de Debian. Os números revelan, por exemplo, que o 86% das máquinas Ubuntu empregan o controlador privativo NVidia, onde só acontece de xeito circunstancial nas máquinas Debian. Así mesmo, quen usa Debian é máis ecléctico na súa elección de software e das opcións que veñen por defecto. O artigo remata coa ollada aos límites que as conclusións poden debuxar de estadísticas como estas.

Podes instalar ese paquete para axudares á mellorar ás distribucións Debian/Ubuntu:

sudo apt-get install popularity-contest

A aplicación execútase periodicamente de xeito transparente ao usuario empregando o servizo cron.

Podes comparar os resultados en Ubuntu e Debian clicando nas ligazóns pertinentes.

asennadas

En: AGNIX, FLOSS por Roberto Brenlla
2 Comentarios »