Incrementando a velocidade disminuíndo a swap
Non é primeira vez que leo críticas ao excesivo espazo de intercambio en disco, nomeadamente swap, que lle adican os sistemas GNU/Linux. En FOSSwire lle adican un breve artigo sobre isto tentando mellorar a velocidade do sistema ao reducir o espazo para swap.
A razón que sinala a conveniencia do espazo de intercambio é que o sistema operativo pode buscar un proceso pouco activo e movelo á área de intercambio no disco duro e desa forma liberar a memoria principal para cargar outros procesos. Mentres non faga falta, o proceso extraído da memoria pode quedar no disco, xa que aí non gasta memoria física. Cando sexa necesario, o sistema volve facer un intercambio, pasándoo do disco a memoria RAM. É un proceso lento (comparado con usar só a memoria RAM), pero permite dar a impresión de que hai máis memoria dispoñible.
Isto tiña sentido cando os equipos eran máis lentos e a memoria RAM dispoñible era escasa. E hoxe? Persoalmente dispoño de 2 GB para a RAM e rara vez chego ocupar o 50% desa memoria física. Daquela, para que ter tanto espazo swap? Para que relantizar o sistema?
Nunha Ubuntu o valor predeterminado para a frecuencia de uso swap (swappiness) é 60. Pódese reducir a 10 ou 15 para, deste xeito, ser empregada a swap cando a RAM estea ocupada un 85 ou 90%.
Comezo comprobando o valor orixinal da swappiness:
cat /proc/sys/vm/swappiness
Reduzo o valor obtido a 15:
sudo sysctl vm.swappiness=15
No canto de reiniciar o sistema fago un reinicio só da swappiness:
sudo swapoff -a
sudo swapon -a
Se tras probalo ves que queres ter esa opción de xeito permanente, fai
sudo gedit /etc/sysctl.conf
e modifica ou engade:
vm.swappiness = 15
(automático)
(automático)
Acelerar un sistema linux diminuíndo o espazo de intercambio…
Pois iso… unha interesante reflexión de cal debe se-la porcentaxe de uso do espazo de intercambio nos nosos días…….
Eu xa probei. Efectivamente, Ubuntu trae o 60% e cambieino exactamente como ti dis. Teño 4 GB de Ram e non noto a diferencia, de momento.
Se che serve dalgo eu tampouco noto deferenza. Porén, se imos tuneando o equipo con pequenos detalles (eliminando servizos innecesarios, swappiness…), ao final si que se nota que vai máis solto.
De tódolos xeitos, tendo 4 GB coma ti calquera equipo xa debe ir cañón
Outra das melloras que notaremos axiña ha de ser coa incorporación do sistema de ficheiros ext4. Ata o de agora emprego XFS co que si notei moita diferenza respecto ao ext3 en canto a velocidade xeral.
por que 15? estivem mirando por ai e ha gente que recomenda deixar o valor por defecto (60), outros recomendam 10 para sistemas com muita RAM e ha gente mais radical que recomenda 0. FOSSwire recomenda 10 ou 15. bom, mas eu nom vejo benchmarks por ningures, nem encontrei ninguem que explique qual e o valor mais adequado para cada caso (em funcom da RAM disponivel e da utilizacom que dela se figer).
eu tenho 4 Gb tanto no laptop quanto do desktop, mas, de quando em vez, uso aplicacoes que podem empregar quase o 100% dessa RAM (e mais que houver).
convem-me mudar o valor da swappiness ou nom? suponho que sera questom de provar…
Se cadra unha boa ligazón sexa esta: http://kerneltrap.org/node/3000
Eiquí din que é mellor deixar algo para disco para non ter «ocupada» a memoria con cousas triviais… en fin, o do número (de 0 a 100) refirirase a porcentaxe que desexas pasar a disco cando a memoria estea a piques de ocuparse. Así, para vm.swappiness = 15 comezarás a usar a swap de disco cando a memoria estea polo 85% de ocupación.
O «tuneo» é absolutamente á vontade de cada quen