asennadas

Google Chrome é un navegador web desenvolvido por Google e compilado en base a compoñentes de código aberto como o motor de renderizado WebKit e a súa estrutura de desenvolvemento de aplicacións (Framework).

Chromium é o proxecto de software libre detrás de Google Chrome. A porción realizada por Google está amparada por licenzas de uso BSD e Creative Commons attribution 2.5, con outras partes suxeitas a unha variedade de licenzas de código aberto permisivas incluíndo MIT License, Ms-PL e a tripla licenza MPL/GPL/LGPL. Polo tanto, pode ser considerado como libre maila dispor de licenzas incompatibles coa GPL como é o caso da MPL.

Decidín probalo tralo anuncio dunha primeira versión alpha para GNU/Linux e atopei este artigo onde din como incluir un repositorio propio e esqueceres de actualizacións manuais.

Velaquí o que debes facer (en Ubuntu Jaunty):

Incluir o repositiorio

deb http://ppa.launchpad.net/chromium-daily/ppa/ubuntu jaunty main

Incorporar as chaves GPG e instalalo:

gpg --keyserver keyserver.ubuntu.com --recv 4E5E17B5
gpg --export --armor 4E5E17B5 | sudo apt-key add -
sudo apt-get update
sudo apt-get install chromium-browser

Primeira sorpresa, que velocidade de arranque! Moita simpleza xeral, se cadra demais pois tes que animarte a investigar un chisco (ben pouco) como xestionar marcapáxinas e outras opcións, todo en inglés.

Chromium distínguese inicialmente de Chrome polas cores. O logo do Chromium é en tons azuis, o Chrome é catricor.

As animacións en flash aínda non rulan de xeito predeterminado.
asennadas

En: AGNIX, Cultura Libre, Curiosidades, FLOSS, Internet, Negocios por Roberto Brenlla
1 Comentario »

Moblin estaba a ter unha historia un tanto rara. No pasado mes de abril Intel entregou o seu proxecto Moblin á Linux Foundation e moita xente creu que o xigante dos micorprocesadores quixo afastarse do proxecto. Porén, Intel logo anunciou que estaba traballando con Novell para levar Moblin aos escritorios dos netbooks. Semella que máis ca afastarse do proxecto, Intel desexaba ver que se trataba dun proxecto Linux e non un del.

Moblin está baseado en Fedora, emprega o escritorio e aplicacións de GNOME pero tamén é diferente de calquera outra distro.

Como de distinta é Moblin? Ben, máis ca un sistema centrado en aplicacións como a maioría dos sitemas operativos, Moblin está centrada en funcións. No canto de abrir un navegador tes un separador na barra de menús para cambiar o teu status en Twitter ou acceder a Internet. A pantalla principal, nomeadamente M-Zone, é o centro de comando do usuario para atopar ao amizades activas e comunicarse con elas..

É eficaz o obxectivo «centrada en funcións«? Adrian Kingsley-Hughes cre que non.  A primeira vez que arrancou Moblin enfrontouse a un conxunto de misterios na navegación. O único xeito de saber o que fai cada unha desas cousas é premer nela e agardar ver que acontece. O estado actual deste sistema transforma un netbook nun dispositivo moi limitado e é posible que moita xente non chegue saber como engadir aplicacións ao sistema, cousa que en calquera distro é moito máis doado.

O proxecto é prometedor, adecuado para netbooks pero polo de agora Adrian opina que Moblin transforma o seu netbook nunha plataforma xoguete para empreglo con Twitter.

Tes varias pantallas do sistema en funcionamento e un artigo do New York Times analizando a estratexia de Intel.

En apoio da Moblin vén Linpus,  empregado principalmente en modelos como Acer Aspire One, Northtec Gecko e Airis Kira,  xa que anunciou que mostrará no Computex (Tapei, 2-4 Xuño) a súa versión de Linpus Lite baseada en Moblin 2.0 con versións da interfaz de usuario de Linpus e Intel (Fayer Wayer).
asennadas

En: AGNIX, FLOSS por Roberto Brenlla
1 Comentario »

Só son «Nubes escuras sobre os bos traballos da Fundación Gates» segundo sinala o xornal Los Angeles Times, un medio do propio país da fundación presidida por Bill Gates e maila súa esposa que onte estivo en entrevista persoal co presidente do goberno Zapatero. A mesma fundación á que lle deron o premio Príncipe de Asturias no 2006. Daquela, cando recibira ese premio, escribín que tal feito era vergoñento. Ao dia seguinte dubidaba «Non sei se estou errado«. Agora acho que non.

Tal artigo ofrece datos sorprendentes. Ceñíndome ao que resume Paul Brawn (director de Linux Magazine), por quen souben desta nova, a fundación

Só o 10% da fundación adícase á caridade e filantropía. O resto invéstese en banca, petro-químicas, faramaceúticas, etc.

É certo, ao tempo que investen para erradicar a poliomielite e sarampelo $218 millóns tamén, case o dobre, $423 millóns van para Eni, Royal Dutch Shell, Exxon Mobil Corp., Chevron Corp. e Total (Francia) que polucionan máis aló do permitido a delta do Níxer. Os investimentos poden ser xestionados por diversas organizacións dependentes da fundación, por exemplo a Bill & Melinda Gates Foundation Trust é unha delas.

Para coñecer estes e outros investimentos en detalle hai que acudir á fonte pois o seu artigo é ben extenso.
asennadas

En: AGNIX por Roberto Brenlla
2 Comentarios »

Vancouver, o terceiro maior concello de Canadá, adoptará estándares abertos e comezará a substitución do seu software privativo por outros de fonte aberta.

O comunicado oficial da cidade de Vancouver subscribe os seguintes principios:

• Datos abertos e accesibles
• Estándares Abertos
• Open Source Software

A concellala promotora da idea,  André Reimer, sinala que «a comunidade online local está moi, moi feliz, e agora só temos de ollar cara adiante á implementación e entender o xeito de facelo«.

A fonte apunta cara un artigo onde hai moita máis información.

En: AGNIX, Estándares, FLOSS por Roberto Brenlla
Sen Comentarios »

O vindeiro xoves 28.05.2009 ás 19.00 hs na Fundación C.E.L. en Lugo darei un novo relatorio, desta vez titulado «Vantaxes competitivas dunha infraestrutura informática libre na empresa«.

O evento terá lugar no Site (Sala de Innovación Tecnolóxica Empresarial) – Pazo de Feiras e Congresos ( olla o mapa).

Máis detalles nesta ligazón.
asennadas

En: AGNIX, Eventos, FLOSS, Galicia-Galiza, Negocios, Persoal, Relatorios, TEGNIX por Roberto Brenlla
Sen Comentarios »

Tempo atrás Miguel Bouzadas traducíu ao galego un documento (PDF) porposto por Hispalinux de cara a conseguir asinaturas de responsables políticos ante as pŕoximas eleccións europeas.

A iniciativa europea chámase Free Software Pact.

Podes axudar conseguindo a sinatura de quen se presente a estas eleccións e enviala á rolda dos GUGLs ou ao meu correo-e.

asennadas

En: Amizade, FLOSS por Roberto Brenlla
Sen Comentarios »

Previo

Poucas novidades agás polo chisco máis de optimismo que hai nas negociacións que levan a cabo FOTA (equipos de F1) e FIA.

Hamilton arranca no último posto dado que tralo accidente que tivo onte na Q1 McLaren decidiu trocarlle a caixa de cambios e iso penalizoulle co derradeiro lugar na grella de saída.

En canto aos pesos oficiais, sinalar que Alonso é o máis pesado dos que saen nas dez primeiras prazas, superado tan só por Nakajima que sae xusto tralo asturiano. Por certo, segundo La Gazzeta o asturiano irá a Ferrari o vindeiro ano.

Carreira

Mailos problemas cos neumáticos super-brandos, a carreira foi cansina. Alonso foi moi rápido, a súa posición é enganosa. Foi un dos máis rápidos e constantes agás cando tivo que ir tras coches lentos como Force India.

Clasificación final: BUT BAR RAI MAS WEB ROS ALO BOU FIS NAK HEI GLO TRU HAM SUT

Constátase a melloría de Ferrari, que por fin sube ao pódium, así como a necesidade dunhas poucas décimas máis a Renault.

En: Racing por Roberto Brenlla
4 Comentarios »

Seica Red Hat apelará xunto a outras 18 empresas TIC a adxudicación directa dun contrato a M$ por parte dunha axencia do goberno de Suiza. Este desafío pretende a apertura do goberno para que considere a existencia de alternativas libres e abertas, con todas as vantaxes que ilo suporía.

A inercia gubernamental suiza fixo que asumira un contrato tri-anual que ascende a 14 millóns de francos suizos anuais, uns 9,12 millóns de euros. A autoridade responsable da adxudicación directa foi a Building and Logistics (BBL), dependente do goberno federal, e a beneficiada Microsoft. O obxecto do contrato refírese a estacións de traballo comúns, aplicacións ofimáticas, mantemento e soporte. A BBL xustifica tal contrato na inexistencia de alternativas suficientes…

Velaquí que precisamente Red Hat xa dispón de exemplos e casos de éxito no país: o cantón Solothurn (lembra que migraron os seus escritorios cara Debian), a cidade Zurich, a Axencia Federal de Ciencias da Computación e Telecomunicacións (BIT), o Instituo Federal da Propiedade Intelectual, etc.

A oportuna visita de Bill

O noso presidente do goberno recibirá ao filántropo Bill Gates o vindeiro martes no propio Palacio da Moncloa. Teoricamente, a oportuna visita circunscríbese unicamente a conversar sobre a cooperación en África Occidental e Centroamérica. Será?

En negreta escribín «oportuna» porque ben sabemos e saben os de Redmond da forza que a comunidade está a amosar polo tema do Ensino 2.0.

Polo tanto, a actuación de varias empresas con Red Hat deberíamolo ter presente por estos lares, por exemplo, vía AGASOL ou ASOLIF (Asociaciones de Software Libre Federadas).

A fonte destas novas foron Fernando Acero e Roberto Santos.
asennadas

En: AGNIX, FLOSS, Negocios por Roberto Brenlla
Sen Comentarios »

Previo

Entre o xoves, dia dos primeiros adestramentos, e este sábado sucederon moitas novidades.

No iate de Briatore reuníuse toda a cúpula dos equipos da F1 para ver como enfrontar a normativa imposta pola FIA para a vindeira temporada. O acordo foi aparentemente unánime e así o comunicou Montezzemolo á prensa. Tras isto houbo unha nova reunión co mandatario da FIA, Mosley. Esta xuntanza durou tres horas e as posturas están máis preto dun desaxeble acordo.

Pola outra banda, onte abriuse o prazo para a inscrición de equipos para a vindeira temporada. Os primeiros en inscribirse foron Adrián Campos, que estrea na categoría cunha escudería española nomeada «Campos Meta 1«, e a norteamericana USF1.

En: Racing por Roberto Brenlla
Sen Comentarios »

Souben por Julián Coccia que o deputado arxentino Jorge Rivas foi atacado brutalmente cun golpe na testa o ano 2007. Segundo os médicos que o trataron, as súas posibilidades de vida eran practicamente nulas. Jorge quedou atrapado dentro do seu propio corpo, incomunicado durante un moi longo e penoso período de tempo.

Grazas ao soporte da súa familia, dos profesionais que o rodean, pero principalmente da súa propia forza de vontade para, como el mesmo o expresa, «volver vivir plenamente«, Jorge puido saír adiante dende o seu estado de coma.

Eduardo Lazzati, un profesional arxentino que nos principios da súa investigación acudiu a Linux Español, logrou comunicar a Jorge empregando Software Libre. Ess proxecto chámase HADA (Human Answering with Digital Assistant). A solución é unha combinación de diversos módulos, que van desde a detección do movemento dos ollos e cabeza, ata un sintentizador de voz que reproduce os textos que Jorge escribe.

O deputado arxentino puido asumir, ao fin, o seu escano onte (nova e video).  En YouTube hai outro video que conta todo o acontecido.
asennadas

En: AGNIX, Curiosidades, FLOSS, Tecnoloxía por Roberto Brenlla
Sen Comentarios »

Onte na Cámara de Comercio da Coruña tiven un lupsus ao suxerir a web Digg.com como sitio onde gardar ligazóns interesantes e clasificables con tags (etiquetas).

Desculpade, errei! O sitio que emprego cada vez máis é Delicious.com.
asennadas

En: Eventos, Internet, Persoal, Relatorios por Roberto Brenlla
2 Comentarios »

Unha empresa máis para o bote. Cisco foi descoberta e acusada formalmente a finais do pasado 2008 por incumprir o acordo de adhesión que supón calquera licenza, neste caso a GPL.

Comprobando o que lle viña en riba, agora acadan un novo acordo de adhesión polo cal a multinacional propietaria de Linksys acepta crear a figura do «director de software libre» quen hase encargar da defensa dos intereses dos consumidores en relación á GPL e reportará directamente á FSF. Tamén liberará o código e a FSF recibirá unha importante compensación monetaria.

Estamos a comprobar como a comunidade é forte e ampla dabondo para denunciar os abusos e ninguneos de empresas que empregan códigos libres e abertos como se as súas licenzas o permitiran ou, peor aínda, foran de dominio público.

Souben desta boa nova por Menéame.net. Paga a pena entender mellor disto por estoutro artigo da propia FSF.
asennadas

En: AGNIX, FLOSS, Negocios por Roberto Brenlla
Sen Comentarios »