asennadas

Xa saberás que estou migrando parte do meu traballo daquí cara este outro blog (http://brenlla.tegnix.com/), sobre todo no que atinxe ao Sw Libre. Porén, tanto nese como neste, hei deter case que totalmente de pór entradas durante as vindeiras semanas.

Non, non será porque vaia marchar de vacacións senón tan só porque así poderei aproveitar que moita xente, se cadra ti tamén, si estean disfrutando delas e o tráfego en internet disminúe para adiantar eu os moitos traballos pendentes que teño por diante.

Maila esta declaración, non desboto caer de cando en vez na tentación e incluír algunha entrada… non vaia ser!
Roberto Brenlla

En: Lista de blogues, Persoal, TEGNIX por Roberto Brenlla
Sen Comentarios »

Tal e como estaba agardado, na festividade do traballo publicouse a nova Blogaliza, nomeadamente a versión 2.0, en beta como adoita acontecer en calquera proxecto de rede social.

Alén dunha desexada anovación de imaxe, a súa funcionalidade e oferta medran substancialmente con seccións tales como Letras, Planetario, Convocatorias, Novas culturais, A Praza da Verdura, Usuario do dia ou sindicación Chuza! Cultura.

Blogaliza naceu nos primeiros dias do florecimento do fenómeno dos blogues en galego, como xermolo de comunidade, punto de encontro e catálogo de blogues en galego, en 2003, grazas á iniciativa persoal de Pedro Silva aínda que na actualidade amplíase para formar parte dun proxecto empresarial.
asennadas

En: AGNIX, Lista de blogues, Galicia-Galiza, Internet por Roberto Brenlla
Sen Comentarios »

A comunidade Blogaliza acolle a máis de 1700 blogues en galego e máis de 6000 usuarios/as rexistrados/as. A portada de Blogaliza amosaba até agora o último publicado no blogomillo, todos os blogues escritos en galego, na propia blogaliza ou noutros sistemas, máis o directorio deste crecente blogomillo.

Novos Servizos

O vindeiro 1 de maio haberá unha nova Blogaliza, unha versión ampliada do habitual servizo de blogues en galego que integrará tamén noticias culturais actualizadas a diario, rede social, convocatorias de animación á creación artística e moitos outros contidos.

A partir dunha nova portada xeral da comunidade, poderase consultar a actualidade do blogomillo, con especial intensidade no ámbito da cultura através de seccións especializadas en literatura, música, cinema, artes visuais, etc. A apertura destas seccións será progresiva, comezando pola de letras.

Participación na configuración

Desde a Blogaliza hai claras expectativas do que non debe faltar, mais quérese facer un convite público a todas as persoas, colectivos e institucións que queiran facer propostas para enriquecela.

Até o 1 de maio na portada de Blogaliza accederase a un blogue aberto ás propostas de todos. Calquera pode mandar ideas e debatelas para que sexan integradas na nova blogaliza. Para iso só é preciso enviar un correo a propostas@blogaliza.org, que será publicado como nova anotación, cos comentarios abertos para, entre todos/as, ir perfilando as novas ideas.
asennadas

En: AGNIX, Amizade, Lista de blogues, Galicia-Galiza, Internet, TEGNIX por Roberto Brenlla
Sen Comentarios »

Hai menos dun mes escribín sobre o artigo de Robin Broitman, consultora experta en redes sociais aplicadas ás empresas e directora de IIG (Interactive Insight Group), titulado «HOWTO: Medra a túa Rede Social«.

Desta vez Robin sinala que as Redes Sociais xeraron unha explosión de información en liña. A xente escribe en blogs, microblogs, marca páxinas, comparte, comenta, etc. Podes dispor desta voráxine de información e coñecer o que se escribe sobre ti ou a túa empresa, os teus competidores e mailos asuntos nos que teñas interese.

O desafío é como atopar, filtrar e procesar a información que necesitas?

Robin xa ofreceu unha Superlista de Métricas dos Medios Sociais. Agora tes este conxunto de ferramentas, sitios web e servizos que axudan xustamente a atopar, filtrar e procesar a información que necesitas.

Na lista figuran Addictomatic, monitorThis, Samepoint, Social Mention, WhosTalkin?, FriendFeed Search, Omgili, HowSociable?, egoSurf, etc.

asennadas

En: Lista de blogues, Internet, Negocios por Roberto Brenlla
2 Comentarios »

Esta é unha versión actualizada dun post anterior de Robin Broitman para Interactive Insights Group (IIG).

Xa escoitamos a expresión “It’s not what you know, it’s who you know» (Non é o que sabes, é quen coñeces)” e outras múltiples variantes: «It’s Not Who You Know, It’s Who’s Linked To You«, «It’s not who you know, It’s who they know!«, «It’s Not Who You Know It’s Who Knows You«, «It’s Not What You Know, It’s Who You Are Playing«…

Segundo o seu autor, «a rede social pode marcar a diferenza. Descubrir quen se conecta, tomar tempo para construir relacións é fundamental para acadares poder na rede social. Hai pouco que sei de primeira man que é o impacto de ter persoas influentes para promover o contido do meu blog (…)«.

Robin ofrece dúas abundantes listas:

• Ferramentas e consellos sobre como atopar a xente
• Recursos especializados para conectar, construír e nutrir a rede despois de identificar as persoas axeitadas

asennadas

En: Lista de blogues, Curiosidades, Internet por Roberto Brenlla
Sen Comentarios »

Atopeime onte cun correo-e convidando a rexistrarme no Flocos.TV, o cineclube do audiovisual galego. Sobre esta iniciativa da Navalla Suiza tes este FAQ que responde a preguntas tales como «Podes colocar un vídeo na túa web?«, «Como podes promover a túa curta?» e algunhas máis.

Foi sorprendente comprobar como axiña se apuntaban usuarios namentres medraba as conexións entre eles ata conformar unha nova rede social no panorama galego. Non puiden evitar facer o meu primeiro comentario: «Noraboa a quen facedes realidade esta iniciativa. Da orgullo ver como o noso país ferve en creatividade «

Todo ilo coincidiu co remate do Cultur.gal 08 (podes ver este resume feito por ghanito) e do que a lo menos goretoxo e eu botamos en falta algún acto informativo sobre Creative Commons toda vez que só atopei unha empresa que ofertaba as súas obras baixo estas licenzas, nomeadamente Urco Editora. Había algunha máis apostando por unha cultura ‘algo’ libre?

asennadas

En: Lista de blogues, Cultura Libre, Eventos, Galicia-Galiza por Roberto Brenlla
1 Comentario »

Como ben conta o amigo Carlos, Blogaliza ofrece a partires de hoxe un novo complemento para contar visitas e realizar análises ao respecto toda vez que o Counterize semellaba tocado e case morto.

Ata este intre (20081126)  os datos que fornecía o Conterize do meu blog, nado en abril de 2006, é dicir, tras uns 31 meses, quedaron tal que así:

Total hits: 75700
Hits from unique IPs: 16036
Total hits, today: 50
Hits from unique IPs, today: 34
Hits, the last 7 days: 1449
Unique hits, the last 7 days: 445

Isto dá unhas cifras de 2441,93 visitas totais/mes, 517,29 visitas únicas/mes. Loxicamente son cifras medias dun contador que a todas luces ía mal (desde cando? eis a cuestión), ao que lle hai que engadir que as cifras «medias» amosan o que acontece desde o seu nacemento e agora os resultados serían diferentes. Resta ver o que dá de si o StatPress… que semella bastante completo. O tempo dirá que tal foi este troco.

asennadas

En: Amizade, Lista de blogues, Galicia-Galiza, Internet, Persoal por Roberto Brenlla
2 Comentarios »

Para todos os fans do microblogging popularizado por Twitter agora tedes un en galego: lareta.net. Como é de seu, está en fase beta mais xa somos varios a microbloguear por aló, anímaste?

Outros fontes xa deron conta del (Chuza! e Código Cero).

asennadas

En: AGNIX, Lista de blogues, Galicia-Galiza, Internet por Roberto Brenlla
Sen Comentarios »

Decidín probar a trocar o meu xestor de sementes a FeedBurner polo que se agora queres estar sindicad@ ao meu blog tes que subscribirte a esta ligazón.Se non sabes de que estou a falar pode interesarche ler esta páxina da Wikipedia (en castelán).

A decisión veu motivada por mor dos múltiples inconvintes que tiña o antigo pois non exportaba imaxes, formatos, caracteres especiais, etc. Agora, sexa o lector de sementes que empregues (Google Reader, extensións de Firefox,  Liferea, etc) acho que a  lectura será moito máis agradable.

Desculpade que fora sen previo aviso

É posible que durante un tempo a páxina de AGNIX reséntase por esta causa pois ela está sindicada parcialmente ao meu blog. No momento de escribir esta entrada estaba a ver dobres entradas, unha formatada e outra non, xa que logo recolleu á anterior semente e agora a nova.

asennadas

En: AGNIX, Lista de blogues, Estándares, Internet, Persoal por Roberto Brenlla
Sen Comentarios »

Pois iso cho explica Andrés Milleiro nesta páxina:

O futuro é, e debe ser OpenID. Para aquelas persoas ás que lle soe a chinés o termo pode botar unha ollada á súa definición na Wikipedia, mais básicamente ven a ser un sistema de identificación dixital descentralizado.

Maxina por un intre tódolos servizos web que utilizas: o correo electrónico, tal ou cal foro, twitter, etc… Pensa por un intre en tódalas combinacións de usuario:contrasinal que usas, e pensa por un intre que cunha soa poderías entrar a todas. ¿Moito máis cómodo, nonsi? Pois iso ven a ser, a grandes rasgos OpenID.

(…)

asennadas

En: AGNIX, Lista de blogues, Internet por Roberto Brenlla
2 Comentarios »

O estudante en Harvard Ethan Zuckerman fixo unha guía práctica poñéndose na pel dun funcionario cuxa intención é sacar á luz informacións sobre un escándalo do cal é testemuña, nun país onde pode ser perigoso facelo.

Estes consellos non se destinan a expertos en cifrado (mal nomeado criptografía), máis ben a persoas que viven en países onde non se respecta a liberdade de expresión e que temen pola súa seguridade e queren protexer a súa vida privada. Un artigo da EFF (Electronic Frontier Foundation), unha organización norteamericana de defensa das ciberliberdades, «How to blog safely«  dá informacións prácticas complementarias sobre este tema.

A personaxe de Ethan chámase Sarah, traballa como contable nos servizos do Estado. Dáse conta de que o seu xefe, un ministro, aprópiase de fondos públicos. Quere que isto saia á luz, pero teme perder o seu posto. Se o fala co ministro, sempre que obteña unha entrevista, será despedida. Fala cun xornalista que traballa para un xornal local, pero lle contesta que non pode traballar sobre este asunto coas escasas informacións que ela ten, e que necesita documentos para demostrar o que afirma.

O artigo completo (en castelán).

asennadas

En: AGNIX, Lista de blogues, Seguridade por Roberto Brenlla
1 Comentario »

No CSA ATREU! Travessa Sam José, 2 – As Atochas-Montealto

Martes 10 -20:00 > 22:00 Iniciación a GNU/Linux. Primeira parte do obradoiro de inciación ao sistema GNU/Linux, instalación de Ubuntu. Desenvolvido polo Hacktreu (CSA Atreu)

Mércores 11 -20:00 > 22:00 Permanecer en GNU/Linux. Segunda parte do obradoiro de inciación ao sistema GNU/Linux,nocións básicas para manexar o sistema. Desenvolvido polo Hacktreu (CSA Atreu)

Xoves 12 – 21:00 Blogaliza, a información alternativa Palestra ofrecida por Pedro Silva, creador de blogaliza.org,
portal de blogues en galego.

Luns 16 – 19:00 > 22:00 Programación web. Inciación ás linguaxes Html e Css, obradoiro a cargo de Trebelab (A Cova dos ratos, Vigo)

Martes 17 – 19:00 >21:00 Deseño con ferramentas libres: Inkscape. Primeira parte do obradoiro, manexo do programa de deseño vectorial
inkscape, exercicio práctico contrapublicitario. Desenvolvido polo Hacktreu (CSA Atreu)

Mércores 18 – 19:00 > 21:00 Deseño con ferramentas libres: Gimp. Segunda parte do obradoiro, manexo do programa de retoque fotográfico Gimp, exercicio práctico contrapublicitario II. Desenvolvido polo Hacktreu (CSA Atreu)

Sábado 21 – 12:00 > 14:00 – 16:00 > 20:00 Obradoiro de Cinelerra. Software libre de edición e posprodución de video, introdución teórica
máis módulo práctico. Desenvolvido por Olholivre.

Na Casa das Atochas Atocha Alta, 14 – As Atochas-Montealto

Venres 13 – 21:00 Virtual WWWorlds. Servidumes e liberacións na era dixital. Palestra ofrecida por Rosendo González. Revista Transversal

Sábado 14 - 12:00 > 14:00 – 16:00 > 19:00 Montando unha radio libre. Obradoiro práctico para a montaxe dunha radio libre, a cargo da Radio Kalimera
(Compostela)

19:00 > 22:00 Contrapublicidade. unha aproximación teórica, proxección de material contrapublicitario, a cargo de Semsumistas (Vigo)
Martes 17 - 21:00 Software libre para unha sociedade libre Palestra a cargo de Roberto Brenlla, integrante de AGNIX (asociación sen fins de lucro que promove o Software libre)

En: AGNIX, Lista de blogues, Cultura Libre, Eventos, FLOSS, Persoal, Relatorios por Roberto Brenlla
2 Comentarios »