asennadas

House of Hackers é unha rede social para que os hackers teñan un punto de encontro, formen grupos e debatan asuntos de seguridade.

De acordo co blog gnucitizen.org, a rede é exclusiva e apoiará a cultura e o modo de vida hacker, coas súas ideoloxías e visións políticas, adicándose principalmente á formación de opinión na esfera de seguridade.

Ademais de crear grupos, os especialistas da House of Hackers terán oportunidade de prestar servizo ás empresas, que poderán recrutar probadores de seguridade ou analistas directamente pola rede social.

Através de taxas aceptadas pola inserción de novas vacantes, os responsables da rede social patrocinarán programas de investigación que deben ser iniciados en breve, aínda que o programa estea nas súas fases iniciais de desenvolvemento.

A web Heise Security cre que esta iniciativa pode ser vista con malos ollos polas autoridades ao temeren que o doado acceso á informacións poida ser usado para o mal, promovendo invasións, por exemplo.

Vindo de onde vén, tal crítica significaría que esta rede xa non sería de hackers senón de crackers, o cal ben saben que non é o mesmo.

Fonte.

asennadas

chuzame

En: AGNIX, Cultura Libre, Historia(s), Seguridade por Roberto Brenlla
Sen Comentarios »

Un dos erros máis estendidos á hora de diferenciar o Sw entre Libre (aínda que xuntemos eiquí ao de Código Aberto non 100% libre) e os demais é nomear a estes últimos como Sw Propietario.

Entón, que quere dicir isto? É que o SwL NON ten propietarios? Ah, si teñen propietarios, houbo alguén que o fixo e o segue a facer. Se é así, daquela son os dous Propietarios? Os dous recoñecen o Dereito de Autor. Que hai de errado nisto? Realmente o único errado é xustamente o sentido que lle pretende dar o seu uso habitual pola sociedade.

Se un olla na entrada da Wikipedia o termo "Dereito de Autor" (está en castelán) compróbase que restrinxe o Dereito de Autor ao ámbito do coñecido Copyright, tanto así que a propia ligazón inclúe ese termo. Porén ao final da entrada dase unha ligazón a algo máis adecuado cuxo título é "Right o Left?" de Rebelion.org.

Segundo sinala Víctor Salgado (Pintos & Salgado), con quen compartín uns minutos onte, "a licenza libre GPL é a auténtica esencia do Dereito de Autor" posto que amosa ás claras a potestade que ten o propietario da obra, neste caso Sw, de elixir o que si ou non se pode facer con ela.

Adoro o nome Privativo acuñado (ou alomenos divulgado) por Richard. M. Stallman! É, baixo o meu punto de vista e con algunha obxección, o máis adecuado para aclarar o que hai detrás dos distintos Sw amparados polo Dereito de Autor: uns privan de dereitos e outros outorgan dereitos. Daquela un é Privativo e outro é Libre, mais os dous son Propietarios. Velaquí a diferencia!

Esforcémonos en chamar ás cousas polo seu nome correcto, o mesmo que xa facemos con hacker e cracker, expliquémolo á xente. É tan importante isto que gran parte desa mesma sociedade cre que o libre NON ten propiedade e, por tanto, pode facer con el o que queira!

Ollo señorías TIC que aínda non comprededes o que é SwL en toda a súa extensión, tede moito coidado con violar o Dereito de Autor das licenzas libres. Non vaia ser que vos denunciemos en GPL-Violations ou poñades en perigo o voso negocio enteiro, como pode acontecer no caso McAfee, por empregar códigos abertos e libres no seu Sw comercial.

asennadas

chuzame

En: AGNIX, Amizade, Cultura Libre, FLOSS, Internet, Persoal por Roberto Brenlla
3 Comentarios »

Kaltura é unha completa plataforma libre á que haberá que seguir de preto porque pode encher un óco apenas coberto por solucións privativas ata o de agora. Pódese descargar o seu código fonte en Sourceforge.

Kaltura posúe importantes aliados, tanto clientes como socios. Entre estes están a Wikipedia, Google, Beta Records, Creative Commons, Drupal, etc.

Esta plataforma libre posibilita integrar facilmente contidos multimedia cheos de funcionalidades engadidas como procuras de videos, suba, descarga, importación, edición, anotación, misturado e compartición en rede.

Con todas estas características non é de estrañar que Kaltura pretenda ofrecer video interactivo a cada sitio web para crear daquela a maior rede de video distribuido.

Fonte.

asennadas

chuzame

En: AGNIX, Cultura Libre, FLOSS, Internet, Tecnoloxía por Roberto Brenlla
Sen Comentarios »

Leopoldo Abadía, xubilado de 75 anos, profesor do IESE durante 31 anos, fundador e presidente do Grupo Sonnenfeld, foi collecionando as súas propias definicións ás siglas, determinadas teminoloxías profesionais ou até xergas, ata convertir o seu blog nun novo recurso apto para neófitos ávidos de explicacións sinxelas.

Con ilo gáñase simpleza e, como tamén é lóxico, pérdese moitas veces rigor. Porén xa o estou gardando no meu marcapáxinas por se algunha vez pódeme axudar nalgo, habiltualmente no referente a termos económicos, financierios, políticos, etc.

Dicionario de LAP.

Atopeino ollando un reportaxe na TV (ás veces até din cousas que pagan a pena!) .

chuzame

En: Cultura Libre, Curiosidades por Roberto Brenlla
Sen Comentarios »

O enfrontamento existente no mercado TIC está moi presente en 'Invincible Iron Man' (O invencible Home de Ferro), a película do coñecido heroe da serie Marvel que se estrea neste dias.

O curioso do tema é que o protagonista, Tony Stark, o empresario-heroe multimilionario, enfróntase ao vilán descrito como "terrorista do código aberto".

No Universo Marvel, con personaxes tan coñecidos como Capitán América, Hulk, Spiderman, etc, Tony Stark (Ironman) está do lado das grandes empresas. O guionista, Matt Fraction, comenta que na revista electrónica Comic Book Resources:

"O mundo é perigoso e, apesar de todos os seus avances, a tecnoloxía conleva novos perigos. Está o lado bo e o lado malo, e Tony non quere asumir esa responsabilidade. É unha gran responsabilidade, daí que en Invincible Iron Man #1 vemos que cando a tecnoloxía é empregada para propósitos nefastos Tony o sente profundamente."

O primeiro inimigo na nova serie é Ezekiel Stane (Zeke), fillo dun antigo adversario de Stark, que Fraction describe como:

"O código aberto frente ao código pechado de Stark. El non ten cuartel xeral, non ten base, non ten conta bancaria. Totalmente fóra do sistema, flexible, móbil. Iso vai totalmente contra a sabedoría empresarial de Tony, o xeito que el aprendeu de fazer as cousas – con bancos, advogados, industrias, probas-. Stane é diferente. Ele é máis esperto, máis móbil, com reaccións máis veloces.

(...)

Zeke é un home de negocios post-nacional, un tipo de terrorista de código aberto".

Souben desta nova lendo dias atrás en Slashdot e hoxe de novo en NoticiasLinux.com.br.

A verdade é que escoitei varios tipos de FUDs referidos ao SwL sen que nunca chegaran superar o do calificativo 'comunista'. Agora si, até somos 'terroristas'!

Actualización

Subliño que o que vin da pelí nada semella o que pode acontecer cos comics. Nela vin como o protagonista aparecía nunha foto con Bill Gate$ por mor de ser proclamado como o inventor da plana base e, se cadra, un escritorio semellante oa KDE na escena de Pepper, a secretaria de Tony Stark, no copiado de arquivos secretos da empresa armamentística.

chuzame

En: AGNIX, Brasil, Cultura Libre, Curiosidades, FLOSS, Hasefroch, Historia(s) por Roberto Brenlla
Sen Comentarios »

Nos pasados dias Jaques Wagner, gobernador do Estado de Bahía, nordeste brasileiro, asinou un protocolo oficial de intencións con Hasefroch polo cal esta multinacional capacitará a 4.500 estudantes a baixo custe dentro do programa "Aluno Monitor Microsoft", na contorna “English for all” de aprendizaxe do idioma inglés dotando de infraestrutura privativa aos telecentros dese estado.

A sociedade, coordinada a través do Projeto Software Livre - Bahía, leva adiante a campaña "Por uma Bahia Tecnologicamente Livre e Desenvolvida!" que, entre outras medidas, inclúe este cartaz titulado "Wagner, diga não às drogas!":

Fonte.

asennadas

chuzame

En: AGNIX, Brasil, Cultura Libre, Curiosidades, FLOSS, Hasefroch por Roberto Brenlla
Sen Comentarios »

Dexio outra mostra da voz e tenacidade de Susana porque desta vez, alén de cantar, inclúe a súa produción multimedia baseada integramente en ferramentas libres: Kino, Audacity, The Gimp... sobre Ubuntu GNU/Linux.

O resultado é este:

Noraboa Susana!

Canta: Susana de Lorenzo

Piano: Rupert Twine

Tema: Dos cantares populares

Compositor: Fernando Jaumandreu Obradors

chuzame

En: Amizade, Cultura Libre, FLOSS, Galicia-Galiza, Persoal por Roberto Brenlla
Sen Comentarios »

Case que todos temos unha serie de marcapáxinas con dicionarios e tradutores para diferentes linguas. Telos non abonda para garantirmos un resultado de procuras satisfactorio.

Por que? Máis ca nada por mor de novos termos nados ao abeiro das novas tecnoloxías, especialmente Internet e telefonía móbil, xunto á xerga empregada con cada nova xeración, a incorporación á nosa sociedade de persoas con variopintas nacionalidades ou a invasión de terminoloxía anglosaxona.

Así, podes ter dificultades en ataopares termos hispanos como perrea, chota, gañán, ñardo, chimba... ou os anglosaxóns newbie, IMHO, FAQ...

Para ese tipo de terminoloxía tes:

• Diccionario Urbano (español internacional)
• Banco de Neologismos (catalán e español) do Centro Virtual Cervantes
• Urban Dictionary (anglosaxón) con APIs e ferramentas complementarias

chuzame

En: Cultura Libre, Curiosidades, Internet por Roberto Brenlla
Sen Comentarios »

Sábado 26 e Domingo 27 de Abril no Ateneo Ferrolán, terá lugar o 3º Hack Meeting [GNU/Linux] organizado por Unión Libertaria.

Sábado 26
Mañá

• 11:00hs. - Presentación das Xornadas. "Que é o Software Libre?"
• 11:15hs. - Experiencias e experimentos con GNU/Linux.
  Como empezar con GNU/Linux, vantaxes e dificultades....
• 12:00hs. - INSTALL PARTY: Instala GNU/Linux no teu computador, compartíndoo ou non con Windows.
  Se queres instalar GNU/Linux no teu computador podes traelo e axudámoste a poñelo a punto para que te inicies neste sistema operativo... Trae tamén cable de rede ou conexión wifi e os cables e enchufes necesarios para poñer todo a funcionar...

Tarde

• 16:30hs. - Edición Gráfica con GNU/Linux, Gimp, Inkscape, Scribus...
  Fai deseño gráfico e retoque fotográfico libremente e con programas libres!!!. O Gimp é un gran programa para tratamento de imaxes e debuxo, o Inkscape para facer gráficos vectoriais e o Scribus para maquetar con gran calidade todo tipo de publicacións, cartaces e o que queiras!!
• 19:00hs. - Ferramentas libres para streaming de audio e video.
  Tamén con programas libres podes facer que a túa voz se escoite e montarte unha emisora de radio por internet. Os teus berros e imaxes chegarán moi lonxe...

Domingo 27
Mañá

• 11:00hs. - LTSP: Reciclaxe de computadores como terminais lixeiras en GNU/Linux.
  Tes un computador vello? Non o tires. Con GNU/Linux e o servidor de terminais lixeiras LTSP podes poñelo a funcionar coma se fose novo. Tan rápido coma un raio. Que non o cres? Pois vén a velo!!!
• 12:00hs. - A caixa branca: Todo sobre hardware e como destripalo.
  Eres desas persoas as que lles gusta fozar en canta máquina encontra. Es un ou unha manitas? Pois esta é a túa oportunidade.

Tarde

• 16:30hs. - Edición de video con Cinelerra e proxección de video GNU/Linux.
  Un dos mellores programas para montar vídeos con todo tipo de posibilidades e efectos. E con calidade profesional!!!

Vén co teu computador!!!!

Organiza: Unión Libertaria
Colaboran: Ateneo Ferrolán, Kalimera, Hacktreu e Olholivre.

Máis info: http://linuxferrol.org/hackmeeting_ferrol_08.jpg

chuzame

En: Cultura Libre, FLOSS, Galicia-Galiza por Roberto Brenlla
Sen Comentarios »

Un novo tema sobre SwL vén de aparecer na rede, desta vez un rap brasileiro feito por Mano Robson con licenza Creative Commons. Estaría ben que incluira a letra...

Pódelo baixar directamente aquí ou ir ata a páxina onde está dispoñible.

Sóubeno por esta fonte.

Se queres outros interesantes temas musicais, tes o Himno do GNU (inclúe letra) ou o Rap do Kill -9 (inclúe video e letra).

asennadas

chuzame

En: AGNIX, Brasil, Cultura Libre, Curiosidades por Roberto Brenlla
Sen Comentarios »

Ultimamente adoito visitar a web Tecnocidanos que, xestionada por Antonio Lafuente, ten o subtítulo "en defensa de la gobernanza, la participación en ciencia y el procomún".

No artigo que acabo de ler, titulado La Economía del Fair Use, inclúense ligazóns e conceptos moi interesantes baseados na seguinte apreciación:

"... sobre as dimensións que ten a economía baseada nas excepcións ás leis da propiedade intelectual que, en termos xerais, coñécense como piratería (apropiación gratuíta ilegal) e fair use (apropiación gratuíta lexítima)."

Non comparto deste mesmo xeito o termo piratería. Mais ben prefiro estoutro da RAG:

2. fig. Roubo, estafa ou apropiación de bens alleos, por medios fraudulentos. Algún día descubriranse as súas piraterías.

... aínda que tampouco está afinada a súa definición.

Estamos ben cansos de comprobar as sentenzas confirmando que as descargas (multimedia) empregando as distintas tecnoloxías P2P son legais. A ver se dunha vez fica claro isto, posto que existe o dereito á copia privada. O que se considera ilegal é o beneficio económico que se obtén das copias, por exemplo, o coñecido fenómeno top manta.

É dicir, poderíase dicir que existen:

• Piratería é a obtención de beneficios económicos sobrepasando ao amparado polo dereito lexítimo de copia. Un exemplo é o top manta.
• Dereito á copia privada é a apropiación lexítima, amparada por lei, e gratuita de bens culturais a pesares das licenzas restritivas impostas polos seus autores. Exemplo, as copias descargadas en redes P2P. Persoalmente isto poderíase asemellar ao Fair Use que sinala Lafuente.
• Copias de obras con licenza Copyleft, aquelas obtidas lexitimamente que até animan á distribución, modificación e publicación como libre transmisión do coñecemento.

Loxicamente, posto resumidamente e con moitas salvedades e puntualizacións.

Dito isto, volvo ao artigo de Lafuente. Nel inclúense varias cifras impresionantes ao redor do fair use, coma as obtidas polos motores de busca máis coñecidos e empregados en Internet. Por exemplo, sinala que:

"As empresas que viven do fair use achegan o 16,6% do PIB dos Estados Unidos, xeran 2,2 billóns (10 elevado a 12, non os billóns anglosaxóns) de dólares e dan emprego a 17 millóns de traballadores. Hai máis datos e todos son impactantes como, por exemplo, que a industria do fair use xera máis riqueza que a do copyright, cuxo valor queda nos 1,3 billóns (10 elevado a 12) de dólares."

Abraiante! Daquela, como corolario, temos que deixar de facer procuras que poidan xerar intereses económicos posto que os resultados, de seguro, serán convintemente manipulados.

Cada vez está máis claro que terá que aparecer algún motor de buscas baseado intensamente nas Redes Sociais, se cadra filtrando os mesmos resultados que se obteña cos tradicionais

Nota: Incluín como imaxe a portada dun libro que ten algo que ver con todo o mencionado neste artigo, polo que pode ser válida a súa lectura no eido norteamericano. Velaquí a ligazón de Fair Use.

chuzame

En: Cultura Libre, Internet, Negocios por Roberto Brenlla
Sen Comentarios »

extremaduraVista é unha rede de cámaras de alcance rexional que ofrece en tempo real, a internet, imaxes de todos os puntos da rexión estremeña, así como servizos de valor engadido tales como datos meteorolóxicos, contidos audiovisuais, etc.
Desde este portal, atopamos vistas reais e instantáneas de localizacións estremeñas, gozando da contorna privilexiada de Estremadura, coñecendo as súas posibilidades, visitando de forma virtual lugares de gran interese.

Toda a tecnoloxía de servidores que emprega extremaduraVista está baseada na distribución gnuLinEx.

A Rede de Webcams de Estremadura, extremaduraVista, constitúese como un proxecto de promoción da imaxe de Estremadura en Internet que se materializa na instalación de 150 cámaras por todas as comarcas da rexión aproveitando as infraestruturas da Intranet Rexional de Telecomunicacións da Xunta de Estremadura e naqueles puntos xeográficos da Rexión que recollan a vista máis significativa de cada lugar, polo seu interese histórico, turístico, social ou cultural. Xa que logo, queda claro, que o fin último é mostrar, exclusivamente, o Patrimonio Natural e Cultural da nosa rexión e de ningún xeito a persoas.

As imaxes e datos xeradas polas cámaras e compoñentes de extremaduraVista, son catalogados como "coñecemento libre" e compartidos pola Xunta de Estremadura baixo os termos de licenza pública Recoñecemento - Non comercial - Compartir baixo a mesma licenza 2.5 España de Creative Commons.

Fonte e máis información.

asennadas

chuzame

En: AGNIX, Cultura Libre, FLOSS, Internet, Tecnoloxía por Roberto Brenlla
Sen Comentarios »

Baixa a música

Gnuuuuu!
Gnuuuuuu!
Gnuuuuuuu!

Linha de comando eh o maior maior barato
você nunca mais vai esquecer
dar um cat no arquivo
ls pra listar
e pra mudar o diretório eh o cd

Gnuuuuu!
Gnuuuuuu!
Gnuuuuuuu!

eu sou bom de cama, sei fazer café
e ninguém reclama do meu cafuné
mas…
ARTISTA EH O CARALHO!!!
eh o caralho!!!

uh! uh! uhuhuh… APT-GET!!!
uh! uh! uhuhuh… aptitude!!!
uh! uh! uhuhuh… apt-fode!!!

E E e a Peço Paz para Agitar
Eu agora vou falar da liberdade pra codar
é muito simples é conhecimento aberto,
produção compartilhada é bom vc ficar esperto

Primeiro passo é escolher a sua distro
a tarefa é difícil pois são muitas pra instalar
tem o demudi , o debian e o ubuntu,
o slack redhat o fedora e o gentoo

agora é hora de particionar o disco,
uma tarefa de alto risco então faça o seu backup
Configurar o X parece complicado
mas se vc ficar ligado a parada vai rolar

e pra subir a entrada firewire
é só recompilar o kernel e o lance fica staile
brother…

configure make install, configure make install, configure make install…

Technical Info:
letra e voz: giuliano djahdjah
base: produzida no software hydrogem por cristiano scabello e felipe machado
baixo: josé balbino
guitarra: neilton devotos
cavaquinho: daniel taterka
coro: equipe do estudiolivre

Fonte.

Se cadra podes querer ollar e escoitar outra canción friqui, refírome á titulada Rap do Kill -9.

asennadas

chuzame

En: AGNIX, Brasil, Cultura Libre, Curiosidades, FLOSS, Internet por Roberto Brenlla
1 Comentario »

Este é un artigo feito en febreiro de 2008 e publicado na edición impresa da revista Código Cero, páxina 4 do seu nº 60 (PDF), referido á anovación de AGNIX.org:

Anóvase AGNIX.org

AGNIX constituíuse como asociación de ámbito galego sen ánimo de lucro en outubro de 2003 coa finalidade de formar e divulgar o Software Libre á cidadanía. Nestes primeiros anos levou adiante un amplo e variado conxunto de proxectos e participou activamente en moitos outros como colaboradora ou convidada.

Aínda sen sermos pioneiros na elaboración de cds-vivos, presentamos no 2003 o GNIX ás distintas asociacións galegas¹, daquela nomeado "GNU/Linux para O Pobo". O obxectivo era claro: amosar a posibilidade real de dispór de alternativas tecnolóxicas libres e, polo tanto, éticas e enriquecedoras para a sociedade xeral.

Durante unha xuntanza de asociacións en maio de 2004 acordouse que AGNIX organizara en nome de todas elas as "I Xornadas de Sw Libre para o Ensino Secundario", algo que hoxe semella ter continuidade. Namentres isto acontecía AGNIX comezou a xestar a chegada do fundador do proxecto GNU, Richard M. Stallman, feito que sucedería a finais de abril de 2005 da man da Facultade de Ciencias de Ourense. Stallman repartiría a súa breve estadía por distintas localidades e universidades galegas.

Nas xornadas de Fene levadas a cabo en decembro de 2005 sementouse a tradución ao galego por parte de Daniel Romero e Ana Salgado do libro² de Jordi Màs "Software Libre: tecnicamente viábel, economicamente sostíbel e socialmente xusto". Fene contou tamén coa presenza de Miguel A. Blanco, o espectáculo de Xavier de Blas e o habitual editor de agnix.org Alessandro Faria (Cabelo).

A primeiros de 2006 viñeron as xornadas de Ames, onde houbera obradoiros do GNIX e repetiría espectáculo Xavier de Blas. Susana Sotelo, do colectivo A Casa Encantada, anuncia a dispoñibilidade do GNIX-ling, un cd-vivo enfocado á filoloxía. No verán de 2006 Manuel Hermo colle ás rendas da asociación e organízanse as "I Xornadas Galego-lusófonas" no Porriño con ampla participación da comunidade tanto brasileira como galega.

Xa no ano 2007 preséntase o proxecto Belenus³ elaborado pola asociación baixo a coordinación de Pedro Silva, á vez principal desenvolvedor do GNIX e actual administrador do noso anovado sitio web agnix.org. Mantemos contactos coa Asociación do Pobo Saharaui co obxectivo de implantar o Belenus en campamentos no deserto.

Claudio F. Filho, relator no Porriño, fíxose socio de AGNIX e aproveitou a súa intervención no OpenOffice.org Conference 2007 de Barcelona para visitarnos e intervir en diversos actos. Claudio convidou á comunidade galega a participar no "II Encontro Nacional BrOffice.org" en outubro de 2007 e promoveu o BrOffice Zine que está a ser traducido ao galego baixo a nosa coordinación.

Tamén grazas ás sinerxias xeradas nas xornadas do Porriño, AGNIX foi convidada a participar no "I Fórum Sw Livre de Lisboa" onde novamente abre novas vías de colaboración coas comunidades lusa e brasileira.

AGNIX.org⁴ é a face máis visible da nosa asociación. Leva publicado novas e artigos a cotío desde xaneiro de 2004, cun traballo de edición sempre altruísta alén de serio e constante. Agora está a anovarse procurando unha maior relación coa comunidade internauta, empregando tecnoloxías que ofrecen doadas edicións, sindicación, filtrado de novas... sempre no eido do Software Libre e maila libre transmisión do coñecemento.

1. http://www.linux-galicia.org/

2. http://www.mancomun.org/

3. http://breogan.agnix.org/

4. http://www.agnix.org/

asennadas

chuzame

En: AGNIX, Cultura Libre, FLOSS, Internet, Persoal por Roberto Brenlla
Sen Comentarios »

A estas alturas levo xa varios anos evanxelizando, refírome a dar a coñecer o SwL. Cría que esta tarefa remataría con certa celeridade mais, a cada dia que pasa, decátome de que é e pode seguir sendo unha tarefa eternamente inacabada.

Nesta semana, por exemplo, estiven en Ribadeo e Noia. Nestes e, case que sempre, noutras localidades adoito estar moi a gusto. Axiña consigo (non sei ben como!) un ambiente aberto, extrovertido e até divertido. Si, síntome fantasticamente ben evanxelizando. É que xa van moitas, moitísimas intervencións, relatorios e cursos.

Porén, repetir basicamente o mesmo discurso podería chegar a cansar. Se isto non acontece é pola fe que eu mesmo posúo xunto, supoño, ao meu propio caracter. Comezo a crer que, si, son contaxiante, bo transmisor de ideas e varios atributos máis cos que me alaban. E claro, isto faime sentir moi agradecido e dame máis forzas se cabe.

Nos últimos tempos é doado atopar xentes que xa coñecen algo do SwL (aínda que o asimilen só a Linux). Entón xorden novas cuestións: estamos completamente preparados para calquera tipo de usuario? pode xurdir desencanto cando haxa que lidar con algunhas complexidades e carencias? podemos ficar co estigma 'SwL só é para expertos' ata sermos desbotados masivamente como a alternativa idónea?...

Outro detalle que me chama a atención é o feito seguinte. Desde que comecei a miña andaina procurei contaxiar a quen se atopara ao meu redor, o cal sempre me resultou unha tarefa ingrata pois os froitos foron case que nulos. Dun a un, a miña capacidade de convencer semella estéril. Pásalle así a todo o mundo? Danme a razón, si, e até sorpréndense co que digo pero pouquísima xente ten dado o salto. Sen embargo, é sorprendente comprobar que se falo a un grupo, sexa como relator ou profesor, todo rula marabillosamente. Incrible? Abofé, é esa a miña experiencia, é empírico!

Decátome que aínda resta moito esforzo por diante, como se a evanxelización fora unha eterna tarefa inacabada.

chuzame

En: Cultura Libre, FLOSS, Persoal, Relatorios por Roberto Brenlla
2 Comentarios »