asennadas

Tiven a sorte de participar hoxe na xuntanza promovida pola secretaria de Modernización e Innovación Tecnolóxica, Mar Pereira. Convocados íamos CESGA, Mancomun.org (tamén presente a Fundación para o Fomento e Calidade), as oficinas de SwL das tres universidades e AGASOL.

Tras unha primeira posta en común das actividades realizadas por cada entidade, na que por parte de AGASOL estivo o seu xerente Luis A. Fernández, collín o relevo para a segunda na que pretendín amosar as necesidades de AGASOL e as propostas/suxestións para o futuro.

Na posterior rolda de prensa, Mar Pereiro deixou clara a estratexia do actual goberno da Xunta nesta materia, especialmente en materia de cumprimento de estándares abertos. É de agardar que estea dispoñible a presentación empregada. Salientable foi a confirmación da continuidade de Mancomun.org perante unha pregunta directa da prensa.

Tes nesta ligazón a nota de prensa oficial emitida pola Xunta de Galicia.

Roberto Brenlla

En: AGNIX, Estándares, FLOSS, Galicia-Galiza, Negocios por Roberto Brenlla
2 Comentarios »

Iso é o que vaticina Bill Brown, vicepresidente de marketing da Touch Revolution. Tamén cre que neste mesmo ano 2009 diversos fabricantes de dispositivos electrónicos han lanzar trebellos con Android, o GNU/Linux de Google.

O executivo dixo á Forbes que famosas empresas producirán os máis variados tipos de produtos: sistemas para control doméstico, dispositivos multimedia e teléfonos residenciais baseados no sistema operativo.

Ademais sinala que cada produto traerá conexión Wi-Fi e pantallas táctiles (sensibles ao tacto, touchscreens) entre 4,3 e 10 polgadas. Algúns deles funcionarán como tablet PCs, haberaos gañando espazo nas paredes de salas e cociñas.

Os principais motivos nas que apoia as súas hipóteses a prol da adopción masiva de Android: versatilidade, recursos para interfaces táctiles e distribución gratuíta (libre).

A propia Touch Revolution vén de anunciar un «desk-phone«, chamado Nimble, con pantalla de 7 polegadas touchscreen e Android e que debe chegar ao mercado en 2010.

A fonte a punta cara esta nova orixinal.
Roberto Brenlla

En: AGNIX, Curiosidades, FLOSS, Negocios, Tecnoloxía por Roberto Brenlla
Sen Comentarios »

EOI, escola de negocios fundada en 1955, xerentada pola Fundación EOI de carácter público, sen ánimo de lucro e dependente do Mº de Industria, Turismo e Comercio, vén de publicar un estudo titulado «La oportunidad del software libre. Capacidades, derechos e innovación«.

Tal estudo é conciso, directo, de rápida e doada consulta. En apenas 15 páxinas amosa os mapas de viabilidade (tecnolóxica, económica, administrativa, xurídica e política), de recomendacións cun un repertorio delas. Tales recomendacións van dirixidas maioritariamente a mandatarios políticos, valorando cada unha delas de 1 a 3 (valor máximo) por novidade, custo, rapidez, visibilidade e eficacia.

Podes descargar este documento, liberado baixo licenza Creative Commons
Recoñecemento-Compartir baixo a mesma licenza, directamente aquí.

Fonte.
asennadas

En: AGNIX, FLOSS, Negocios por Roberto Brenlla
Sen Comentarios »

Souben por Roberto Santos que a Comisión de Ciencia e Tecnoloxía da Asemblea Lexislativa aprobou un proxecto de lei para que o Estado costarriqueño empregue Sw Libre.

A aprobación deuse a semana pasada, tramitado baixo o expediente 16.912, que textualmente di: «Todas as institucións e empresas do Estado empregarán Software Libre nas súas diferentes opcións, nos seus sistemas de información e no manexo dos datos, garantindo o respecto aos dereitos da propiedade intelectual«.

O texto agrega que o software privativo só utilizaríase como unha excepción por motivos de seguridade ou incompatibilidade.

Soamente entre o 2003 e o 2004, o Goberno central gastou ¢5.000 millóns (colóns costarriqueños, aproximadamente uns 6,42 millóns de euros) en licenzas para poder operar programas informáticos privativos. Outros estamentos públicos como o Instituto Nacional de Seguros informou de que só no 2007 orzou máis de ¢650 millóns para licenzas (830.000 euros).

Máis na fonte.
asennadas

En: AGNIX, Estándares, FLOSS, Negocios por Roberto Brenlla
3 Comentarios »

AGASOL (Asociación Galega de Empresas de Sotware Libre) celebrou a súa asemblea xeral o pasado luns 20 de xullo. Entroutros temas, esta asemblea aprobou a necesidade de adecuación dos estatutos, o informe de actividades realizadas, o plan estratéxico para o período 2009-10, a creación de novos grupos de traballo e a continuidade en materia de difusión.

A nova xunta directiva está composta por:

• Presidente: Roberto Brenlla de Tegnix.
• Vicepresidente: Jorge Vázquez de Redegal.
• Secretario: José Ramón Pena Rodríguez de Inforede.
• Tesoureiro: Xaime Garaboa Fernández de Signo.
• Vocal: David Pardo de Corunet.
• Vocal: José Manuel Monteagudo de Bora Telecom.
• Vocal: Óscar Glez. Represas de ITG.
• Vocal: Marcos Pita de Egalcom.

Dado que asumín a presidencia de AGASOL, a miña carga de traballo increméntase notablemente. Maila todo, seguirei loitando para tentar manter o compromiso tácito de escribir a cotío. Aproveito para anunciar que posiblemente mude o meu cara Tegnix (irá a brenlla.tegnix.com) onde me centrarei en asuntos técnicos e empresariais, deixando o actual para a restante temática.

Agradezo ás empresas de AGASOL a confianza que me deron,a Javi Vázquez polos seus consellos e adicación na anterior etapa, a Luis A. Fernández, xerente da asociación, pola súa enerxía e absoluta entrega e á nova xunta directiva polo traballo voluntario que de seguro lles esixirá moito esforzo persoal.

O anuncio oficial de AGASOL.
asennadas

En: FLOSS, Galicia-Galiza, Negocios, Persoal por Roberto Brenlla
Sen Comentarios »

A nosa empresa, oficialmente C.T.I. TEGNIX, S.L., estrea web hoxe. Queda moito por facer, moito, con certeza, pero a lo menos inclúe a nosa nova imaxe corporativa e ten poucos atrancos a resolver para cumprir coas esixencias da W3C.

Pouco a pouco iremos migrando contidos ata deixar este blog para asuntos non-técnicos e todo o que publico do mundo FLOSS aló.

Xa vos irei informando.
asennadas

En: AGNIX, Estándares, FLOSS, Negocios, Persoal, TEGNIX por Roberto Brenlla
Sen Comentarios »

Sei por Fernando Acero que USPS, o Servizo Postal dos EE.UU., vén de actualizar o seu sistema informático de quince anos de idade para mellorar o seu rendimento e reducir os custos xerais de mantemento. O traballo feito para actualizar o PTS (U.S. Postal Service’s Product Tracking System) é parte dun proxecto maior que pretende empregar estándares sobre unha «base open source e menos custosa como Linux«, sinala John Byrne, director de Integrated Business Solutions Centers da USPS.

O servizo está trocando 1.300 servidores Sun Solaris cara un contorno Linux de Hewlett-Packard, empregando Novell SuSE Linux no mainframe e plataformas de computación distribuída para acadar unha maior interoperabilidade entre os dous ambientes, dixo Byrne.

O resto dos detalles podes completalo na fonte da nova.
asennadas

En: AGNIX, FLOSS, Negocios por Roberto Brenlla
Sen Comentarios »

Google conta con varios socios do sector hardware para apoiar o lanzamento do seu sitema operativo, o anunciado Google Chrome OS.

Entre estes socios hardware destacan Acer, Asus, HP, Freescale, Lenovo, Qualcomm, Texas Instruments, Toshiba e tamén Intel. Chamativo é o feito de que Adobe estea interesado en colaborar creando aplicacións ofimáticas online.

É incuestionable a repercusión e o avanzo que o Sw Libre e mailo código aberto poden ter coa concreción desta iniciativa, enteoutras cousas polo poderío da entidade que lidera isto, Google, pero tamén a certeza que teremos a partires de agora de que as presións de M$ para facer desaparecer das loxas calquera dispositivo con SwL terá menos forza. Como anticipa esta primeira lista de socios, son varios e moi potentes os apoios, non só unha iniciativa illada doada de identificar e esmagar.

Pero, que significa Google Chrome OS para liberdade dos usuarios? Esa é unha das cuestións a ser atendida mentras o proxecto segue o seu curso.
asennadas

En: AGNIX, FLOSS, Hasefroch, Internet, Negocios por Roberto Brenlla
Sen Comentarios »

Tralo esforzo feito nos últimos anos por Google para desenvolver un máis ca competente conxunto de aplicacións baseadas na web e maila presentación de Google Chrome hai nove meses, finalmente é oficial: Google está desenvolvendo o seu propio sistema operativo, chamado Google Chrome Operating System ou Google Chrome OS.

«A nosa intención é volver pensar o que debería ser un sistema operativo«, din no anuncio oficial Introducing the Google Chrome OS.

Trátase dun sistema operativo lixeiro, de código aberto, pensado inicialmente para ser executado en netbooks, aínda que nada impediría velo en calquera tipo de máquina nun futuro próximo, xa que está deseñado para correr en procesadores x86 e ARM; Google está xa traballando con diversos socios para pór máquinas no mercado con Google Chrome OS a mediados do ano que vén.

A idea é dispor dun sistema lixeiro que arrinque moi rapidamente e que permita aos usuarios un acceso practicamente inmediato aos seus datos, que vivirán na nube (Cloud Computing). Para iso utilizará un núcleo Linux cun sistema de fiestras e Google Chrome como «casa» das súas aplicacións.

Souben disto por Iñaki Quenerapú quen sinalou esta fonte.
asennadas

En: AGNIX, FLOSS, Internet, Negocios por Roberto Brenlla
Sen Comentarios »

Souben por Jesús Amieiro que Nokia pode estar a desenvolver un teléfono móbil co Android de Google. O novo dispositivo tería pantalla táctil (touchscreen) e sería amosado na conferencia Nokia World en setembro coa esperanza de relanzar a súa cota de mercado no segmento dos smartphones.

Nokia, que fabrica preto de catro en cada dez teléfonos móbiles vendidos no mundo, foi perdendo terreo no mercado de teléfonos que poden acceder a internet, enviar correo e baixar aplicacións de terceiros, por causa de produtos coma o Apple iPhone e mailo BlackBerry Storm. A plataforma Android, entrementres, vén gañando terreo e agárdase que máis de media dúcia de teléfonos con Android deberían estar dispoñibles a final do ano.

Analistas do HSBC sinalan que Nokia tiña o 47% do mercado mundial smartphone en 2007, que caeu a 35% no verán pasado e posiblemente caia ao 31% a finais do ano. Ademais, o segmento smartphone é crítico, pois é a única parte do mercado de telefonía móbil que está crecendo.

Optar por empregar Android, unha plataforma «fonte aberta» plataforma á que calquera pode acceder para desenvolver, é un troco de estratexia bastante importante. Hai un ano, a Nokia mercou Symbian e abriuna de xeito semellante ao Android pero a resposta a esa apertura foi infructuosa. Pola contra Android está a atraer a unha multitude de desenvolvedores ofrecendo os seus «widgets» a través do Android Marketplace.

Xa hai quen instalou Android nun dos dispositivos existentes de Nokia, o N810 Internet Tablet, pero o vindeiro desta seria é agardado que se publique con integración total de Android.

Tamén hai especulacións de que Nokia estea estudando ampliar a súa oferta da gama smartphone tralo acordo de colaboración con Intel.

Fonte.
Jesús Amieiro engade máis fontes, unhas confirmando (esta e estaoutra) e outras negándoo (esta e estoutra).

asennadas

En: AGNIX, FLOSS, Internet, Negocios, Nokia N800 por Roberto Brenlla
Sen Comentarios »

Unha consola de peto con Software Libre fabricada en Corea do Sur procura abrir un oco no xa de seu apertado mercado destes trebellos. Batizada co nome de GP2X Wiz, ofrece as mesmas prestacións que calquera das ‘ raíñas ‘ do entretemento dixital portátil: reprodución de boa parte dos formatos multimedia, pantalla táctil, conexión WiFi e unha oferta ilimitada de xogos.

Israel López, informático que participou na construción e mellora desta consola pasou polo «Curso Internacional de Verán da Universidade de Estremadura: Desenvolvemento de videoxogos con Software Libre«, contribuíu ao desenvolvemento dos primeiros prototipos desta consola e ao deseño dun dos xogos incluídos no seu recente lanzamento ao mercado internacional.Participou ademais na mellora de determinados elementos do hardware.

A principal virtude desta consola segundo López é o feito de dispor dunha arquitectura aberta que permite a cada usuario programar as súas propias aplicacións, en lugar das particulares blindaxes que establecen os fabricantes de PSP ou Nintendo DS, como a necesidade dunha autorización por parte destes fabricantes e unha confusa burocracia para poder participar na programación de xogos. Ademais pódense descargar xogos de forma legal e gratuita. Son varias as tendas que venden a GP2X Wiz a un prezo que oscila entre os 150 e os 160 euros.

Fonte.
asennadas

En: AGNIX, Eventos, FLOSS, Negocios, Tecnoloxía por Roberto Brenlla
1 Comentario »

«Quen fora tolo dabondo para crer que o software de Microsoft era suficientemente bo para ser empregado en operacións de misión-crítica recibíu unha boa bofetada este pasado setembro cando o sistema Windows TradElect da LSE (London Stock Exchange) levou ao mercado a unha parada de case unha xornada laboral enteira. Aínda que a LSE negara que o colapso fora debido ao TradElect, tamén rexeitaron explicar cal foi realmente o problema. Fontes da LSE dixéronme ese día que o problema foi o TradElect«.  Así da comezo o artigo de Steven J. Vaughan-Nichols anunciando o definitivo abandono do sistema da LSE.

Ese parón provocou a saída do posto da xerente desta Bolsa responsable da incorporación desa tecnoloxía, Clara Furse. Pola contra, sábese que o novo CEO (xerente), Xavier Rolet, xa decidiu poñer fin a TradElect.

TradElect funciona en servidores HP ProLiant executando Window$ Server 2003, sendo un software mestura de programas feitos en C# e .Net, todo ilo creado por Micro$oft e Accenture. O conxunto confiaba as transaccións na base de datos M$ SQL Server 2000. O obxectivo era manter tempos de resposta menores a dez milisegundos.

Ese obxectivo xamais chegou a acadarse. Aínda peor, a principal competidora, a rival Chi-X coa súa plataforma MarketPrizm confirmou que si foi capaz de entregar este nivel de rendimento. «A resposta é Linux«.

Steven engade «Só podo preguntarme cantos fallos máis de software empresarial feito para Window$  hai e mantéñense agochados polos departamentos TIC de empresas que non queren revelar que estúpidas foron as súas decisións ao confiar en solucións de software de Window$ que probaron ser arcaicas e irritantes«.

Finlamente, Steven suxire que confíe a súa infraestrutura en Linux xa que logo a tecnoloxía Chi-X está a demostralo en CME (Chicago Mercantile Exchange), NYSE (New York Stock Exchange), etc.

Nótese que Chi-X ofrece unha solución tecnolóxica aberta e estandarizada maila ser privativa, que se executa sobre GNU/Linux.

Souben deste artigo por Fernando Acero.
asennadas

En: AGNIX, FLOSS, Negocios por Roberto Brenlla
Sen Comentarios »