GNU, Linux, Internet… F1 e demais
Dende que asumín maiores responsabilidades e o mundo sumíunos a todos nunha crise estou a abandonar este blog. En parte por migrar a parte técnica a este de Tegnix, tamén por decidir deixar de escribir sobre F1 e, como non!, por non ter tempo para todo.
Sexa como fora, vémonos seguro na rede e cun chisco de sorte tamén «ao vivo«, sempre coa paixón como enerxía.
En: Persoal por Roberto Brenlla
Sen Comentarios »
Nen tanto pois queda aínda un GP e unhas máis que agardadas novas temporadas. Este ano decidín escribir sobre a paixón que teño por este deporte-espectáculo-mundos-rosa-e-de-negocios.
Porén, no seguirei a darlle continuidade a esta labor redactora. Teño moitos compromisos a cotío que en moitas ocasións exténdense tamén ás fins de semana. Tampouco me gusta facelo comprometido, gústame redactar, informar ofrecendo o meu parecer cunha chea de ligazóns, sexan en castelán, brasileiro, inglés ou italiano.
Daquela confirmo que remato, maila ser só de xeito comprometido pois ocasionalmente é posible que siga escribindo. Será? De feito, isto tamén está a afectar a miña liña diaria coas novas sobre SwL, internet… Hai uns meses que xa nin non podo escribir a cotío, como sempre fixen desde 2003!
Grazas a quen me lera e, sobre todo, a Juan Fco. e Tonio pois sempre foi unha ledicia compartir opinións e ideas.
Até já! Grande abraço!
En: Amizade, Persoal, Racing por Roberto Brenlla
3 Comentarios »
Esta é unha carta aberta que veño de enviar ao director do xornal La Voz de Galicia referente ao artigo que cubría a actuación desa Compañía Lírica onte na Praza de María Pita da Coruña.
Estimado Sr. Director,
Onte tiven o enorme pracer de asistir a un gran espectáculo na Praza de María Pita. Si, ben certo é que o son foi o protagonista non convidado e culpable, realmente cabe dicir que «o único culpable«, do que onte alí aconteceu. Todo, absolutamente todo, acadou o grao magnífico agás o son. Mailo seu transitorio protagonismo, o espectáculo deixou ao público efusivamente agradecido coa absoluta entrega e profesionalidade da Compañía Lírica de Galicia.
Testigos fumos dos ocasionais abucheos, especialmente os dalgún irritado espectador que tamén foi o primeiro en levantarse entre o público para defender o gran papel que estaba a levar adiante todo o elenco nesas adversas circunstancias.
O público era ben consciente do que alí acontecía pois nin «ese» atranco, nin as tres ou catro tentativas de choiva o inmutaron dos asentos. Así, ao remate de cada peza entregaba toda a súa enerxía en forma de aplauso e mailos coñecidos vítores «Bravo!, Bravo!«.
Porén, ler hoxe no xornal «La zarzuela se convirtió en mímica – El público abucheó a la Compañía Lírica de Galicia en la plaza de María Pita debido al sonido deficiente» éncheme de profunda tristeza e dor allea. Por que insultar cun titular así? É certo que o público berrou á Compañía Lírica? Quen onte estivo alí ben sabe que iso só non é verdade.
Moito do público onte alí congregado é seguidor asiduo destas compañías e asociacións culturais. Sabemos que o de onte foi ocasional, concreto e puntual. Nada que rexeitar á organización, nin ao Concello da Coruña nin a nada que non fora exactamente o sinalado: o son. Só iso!
Daquela, dado o alcance que as novas acadan en xornais tan prestixiosos coma o seu, prégolles que rectifiquen ese inxusto titular, subsanen adecuadamente o seu erro e deixen en alto lugar o que onte sempre estivo a esa altura.
Licenza:
Recoñecemento – Compartir baixo a mesma licenza 3.0 España de Creative Commons.
http://creativecommons.org/licenses/by-sa/3.0/es/deed.glCordialmente,
Roberto Brenlla
En: Amizade, Eventos, Galicia-Galiza, Persoal por Roberto Brenlla
Sen Comentarios »
Xa saberás que estou migrando parte do meu traballo daquí cara este outro blog (http://brenlla.tegnix.com/), sobre todo no que atinxe ao Sw Libre. Porén, tanto nese como neste, hei deter case que totalmente de pór entradas durante as vindeiras semanas.
Non, non será porque vaia marchar de vacacións senón tan só porque así poderei aproveitar que moita xente, se cadra ti tamén, si estean disfrutando delas e o tráfego en internet disminúe para adiantar eu os moitos traballos pendentes que teño por diante.
Maila esta declaración, non desboto caer de cando en vez na tentación e incluír algunha entrada… non vaia ser!
Roberto Brenlla
En: Lista de blogues, Persoal, TEGNIX por Roberto Brenlla
Sen Comentarios »
A anovación de TEGNIX comezada en 2007 contemplaba a incorporación dunha nova imaxe corporativa. Trala solicitude de orzamentos a diversos gabinetes de deseño e profesionais independentes, finalmente decidimos seguir a proposta feita por Claudio F. Filho quen recomendou ao profesor e amigo Daniel Confortin.
Daniel traballa con ferramentas lbres (Gimp, Inkscape, Scribus) e conta con ampla experiencia profesional en Brasil, por exemplo creando a imaxe do FISL (Fórum Internacional de Software Livre). A súa metodoloxía foi moi enriquecedora para TEGNIX toda vez que todo o proceso foi consensuándose ata acadar un resultado final do que todo o equipo síntese orgulloso.
O paquete que se adxunta inclúe o manual que é un resumo executivo de todo ese proceso obviando, entroutras, a selección de fontes, o traballo telemático, as enquisas a profesionais, o proceso de concreción, etc.
Dado o interese espertado en persoas adicadas ao deseño gráfico ás que lles comentamos todo isto, TEGNIX libera este manual baixo licenza Recoñecemento-Compartir baixo a mesma licenza – v3.0 España Creative Commons.
En: AGNIX, Amizade, Brasil, FLOSS, Historia(s), Internet, Negocios, Persoal, TEGNIX por Roberto Brenlla
Sen Comentarios »
A prol do Sw Libre, sempre!
Moitas persoas levamos anos loitando activamente e con teima a prol do Sw Libre. Porén, queda tanto para acadar ese obxectivo! Daí que nos aledemos moito por cada logro atinxido, como compensación a tanta fe e esforzo.
Antes de 2005 nin iniciativas políticas había, agás as actuacións testimoniais dalgúns concellos, centros de formación ao profesorado e pouco máis. Maila ausencia de apoios oficiais, facíanse xornadas de difusión, traducíase software, nacían GUGLs (Grupos de Usuari@s de GNU/Linux), consolidábanse as primeiras empresas forncedoras… todo un conxunto de ítems que axudaron a que as diversas forzas políticas levaran ás eleccións autonómicas, evidentemente en distinto grao de intensidade e credibilidade, propostas a prol dos estándares abertos e o SwL.
A partires de 2005 sucedéronse excelentes novas. No acordo de goberno acadado polo bipartito facíase mención expresa tanto o SwL como os estándares abertos. «Será certo? Serán só declaracións?«, pensábamos con ansiedade.
Trocamos ansiedade por paciencia cando agardamos un ano completo polo nacemento da ben querida mancomun.org en maio de 2006. Logo viñeron PEGSI, Rede de Dinamización, o contundente apoio á língua, o diálogo cos diversos axentes da comunidade e outras moitas emblemáticas actuacións. Moitas positivas, todas mellorables, algunhas até criticables pero non temo errar ao afirmar que a valoración xeral en canto ao SwL foi positiva maila vir todo dunha única consellería.
Do lado desesperanzador véu a nulo cumprimento do PEGSI dentro dos propios órganos do goberno bipartito da Xunta. Proba dilo é que o sw privativo aínda está a imperar na abrumadora maioría dos escritorios, a documentación interna manexada segue sendo intercambiada con formatos pechados e a integración de SwL apenas deixa de ser testimonial. O que hai neste eido é máis debido á teima de individualidades que ás decisións firmes de quen lle competía facelo.
Máis no meu outro blog.
En: AGNIX, FLOSS, Galicia-Galiza, Pensamento, Persoal por Roberto Brenlla
Sen Comentarios »
AGASOL (Asociación Galega de Empresas de Sotware Libre) celebrou a súa asemblea xeral o pasado luns 20 de xullo. Entroutros temas, esta asemblea aprobou a necesidade de adecuación dos estatutos, o informe de actividades realizadas, o plan estratéxico para o período 2009-10, a creación de novos grupos de traballo e a continuidade en materia de difusión.
A nova xunta directiva está composta por:
Dado que asumín a presidencia de AGASOL, a miña carga de traballo increméntase notablemente. Maila todo, seguirei loitando para tentar manter o compromiso tácito de escribir a cotío. Aproveito para anunciar que posiblemente mude o meu cara Tegnix (irá a brenlla.tegnix.com) onde me centrarei en asuntos técnicos e empresariais, deixando o actual para a restante temática.
Agradezo ás empresas de AGASOL a confianza que me deron,a Javi Vázquez polos seus consellos e adicación na anterior etapa, a Luis A. Fernández, xerente da asociación, pola súa enerxía e absoluta entrega e á nova xunta directiva polo traballo voluntario que de seguro lles esixirá moito esforzo persoal.
O anuncio oficial de AGASOL.
asennadas
En: FLOSS, Galicia-Galiza, Negocios, Persoal por Roberto Brenlla
Sen Comentarios »
A seguir deixo ás ligazóns ás miñas dúas presentacións na OSREVOLUTION’09 da USC na que participarei este mércores.
En: Eventos, FLOSS, Galicia-Galiza, Persoal, Relatorios, TEGNIX por Roberto Brenlla
Sen Comentarios »
A nosa empresa, oficialmente C.T.I. TEGNIX, S.L., estrea web hoxe. Queda moito por facer, moito, con certeza, pero a lo menos inclúe a nosa nova imaxe corporativa e ten poucos atrancos a resolver para cumprir coas esixencias da W3C.
Pouco a pouco iremos migrando contidos ata deixar este blog para asuntos non-técnicos e todo o que publico do mundo FLOSS aló.
Xa vos irei informando.
asennadas
En: AGNIX, Estándares, FLOSS, Negocios, Persoal, TEGNIX por Roberto Brenlla
Sen Comentarios »
Teño un portátil Dell XPS M1330 que véu cunha Ubuntu e agora o teño actualizado á versión 9.04. Case todo é de Intel (tarxetas de son, gráfica, rede, procesador…). É unha mágoa que un distribuidor de hardware como Dell non se tome a molestia de deixar optimizado o kernel dos seus equipos e sinxelamente instale os compoñentes para que esa distro funcione.
Púxenme mans á obra para compilar un kernel máis optimizado para o meu equipo, relembrando vellos tempos (hai dez anos!). A tarefa é para tomala con calma, paciencia e insistencia1.
Comecei instalando o necesario e aconsellable:
sudo apt-get install hardinfo kernel-package linux-source-2.6.28 build-essential makedumpfile libqt3-mt-dev
Posiblemente isto faga que instales outros paquetes por dependencias con estes. O seguinte é descomprimir as fontes do kernel, copiar a súa configuración actual e comezar a configuralo:
cd /usr/src ; sudo tar xjvf linux-source-2.6.28.tar.bz2
sudo ln -s linux-source-2.6.28/ linux
cd linux ; sudo cp -vi /boot/config-`uname -r` .config
sudo make xconfig
Nestes intres comeza a tarefa que vou facendo aos poucos, con paciencia, información e estratexia. Para ilo é bo contar coa infromación do sistema actual. Entroutros emprego a aplicación gráfica hardinfo e a saída do comando lsmod.
Para comezar a eliminar/engadir opcións ao teu núcleo podes comprobar que este artigo recomendado polo amigo Tonio suxire ir á opción Kernel Hacking e deseleccionar Compile the kernel with debug info. Outra incuestionable é a de seleccionar en Processor type and features / Processor family o teu procesador, no meu caso Core2. Gárdao e pecha.
Só con esas dúas xa notarías melloras e, polo tanto, recomendaría que fixeras a túa primeira compilación para que sirva de base progresiva á túa cada vez máis depurada personalización. Daquela o seguinte sería personalizar o arquivo /etc/kernel-pkg.conf onde podes pór o teu nome e correo-e (non vaia ser que logo o queiras compartir 
) . O seguinte sería ler a páxina man make-kpkg e logo facer (sempre dentro de /usr/src/linux):
sudo su
cp .config ../config-2.6.28-13-brenlla-20090710
make-kpkg clean
make-kpkg --initrd --us --uc
--append-to-version=-brenlla-20090710
kernel-image kernel-headers
cd ..
dpkg -i linux-headers-2.6.28-brenlla-20090710.deb
dpkg -i linux-image-2.6.28-brenlla-20090710.deb
A primeira compilación pode demorar unha hora, as depuradas menos de media… Revisa o teu GRUB (/boot/grub/menu.lst), reinicia e arranca elixindo o te novo kernel. Se todo rula como é desexado, próbao durante uns dias para teres a certeza de que é adecuado para o teu equipo. De ser así, repite o proceso e vai depurando o teu kernel eliminando as moitísimas opcións que non necesitas indo pouco a pouco, tendo a certeza do que fas así ad infinitum cando xa queiras ir probando ao límite dos teus coñecementos.
(1) O de ter calma é importante pois hai opcións mutuamente dependentes, polo que cometer un erro é moi doado. Na miña segunda compilación fun «a saco«, eliminei varias opcións e trala compilación tiña WiFi pero non rede por cabo…
En: AGNIX, FLOSS, Historia(s), Persoal, TecnoloxÃa por Roberto Brenlla
Sen Comentarios »
Os vindeiros 20-24 de xullo hanse celebrar na Aula 10 da Facultade de Xeografía e Historia da USC un curso conformado por unha serie de conferencias baixo o título «A Revolución do Software Libre» (OSREVOLUTION 09).
Podedes ver o programa completo, a listaxe de ponentes, prezos, prazos e demais información nas páxinas da Oficina de Software Libre e do curso, respectivamente.
O curso está pensado para un público tanto xeralista interesado en coñecer máis en profundidade o Software Libre como a persoas afeitas á esta temática xa que permitirá abordar moitos aspectos que decote quedan en segundo plano.
asennadas
En: AGNIX, Cultura Libre, Estándares, Eventos, FLOSS, Galicia-Galiza, Persoal por Roberto Brenlla
Sen Comentarios »
Dende hai ano e medio o meu pai usa Ubuntu e tiña unha pequena queixa: cada vez que arrancaba o navegador Firefox este facíao en modo «Traballar sen conexión«.
Dado que a súa última actualización de distro que lle fixen foi cara a Ubuntu 8.04, decidín pegar o seu portátil para actualizalo á 9.04 e tentar arranxar ese gran inconvinte do navegador. A actualización de distro foi doada, o do navegador non tanto. Probei dúas solucións semellantes (unha, dúas) pero non me convenceron. Por que? Porque arranxaban o problema de conexión por modem USB (o meu pai emprega o programa externo «Escritorio Movistar«) e o do Firefox pero, se desexaba volver conectarme á rede cableada non podía porque o Network Manager que trae Gnome ficaba desactivado.
Claro, podía conectarme vía liña de comandos pero… é iso adecuado para o meu pai? Ao parecer se ese xestor está activado e non atopa rede (cableada ou inarámica) dalle a mensaxe ao resto de Gnome para anunciar que está «sen conexión» e daí que o Firefox comezara dese modo.
Solucioneino subsituíndo o NetworkManager polo Wicd, independente de Gnome maila interfaz Gtk. De feito, ao instalar Wicd o NetworkManager desinstálase.
Agora si, todo funciona coma é debido, sexa por modem, cable ou WiFi.
asennadas
En: AGNIX, FLOSS, Internet, Persoal por Roberto Brenlla
2 Comentarios »
Este blog ten o seu contido baixo unha licenza Recoñecemento- Compartir baixo a mesma licenza 3.0 España de Creative Commons.
(automático)
(automático)
