Rematou a F1

Nen tanto pois queda aínda un GP e unhas máis que agardadas novas temporadas. Este ano decidín escribir sobre a paixón que teño por este deporte-espectáculo-mundos-rosa-e-de-negocios.Valeu Senna!

Porén, no seguirei a darlle continuidade a esta labor redactora. Teño moitos compromisos a cotío que en moitas ocasións exténdense tamén ás fins de semana. Tampouco me gusta facelo comprometido, gústame redactar, informar ofrecendo o meu parecer cunha chea de ligazóns, sexan en castelán, brasileiro, inglés ou italiano.

Daquela confirmo que remato, maila ser só de xeito comprometido pois ocasionalmente é posible que siga escribindo. Será? De feito, isto tamén está a afectar a miña liña diaria coas novas sobre SwL, internet… Hai uns meses que xa nin non podo escribir a cotío, como sempre fixen desde 2003!

Grazas a quen me lera e, sobre todo, a Juan Fco. e Tonio pois sempre foi unha ledicia compartir opinións e ideas.

Até já! Grande abraço!

Chuzame! A Facebook A Twitter

GP Brasil, sábado – 20091017

Previo

Como chove! Semella cancelada a terceira sesión libre, é demais, pero bastante habitual aquí. Aínda así ábrese a pista a 15 minutos do final. Con certeza, a cualificación vai ser en mollado… ou non. Aquí tamén seca en instantes.

Tralo forte accidente de Grosjean. detense todo. Os poucos minutos en total deixaron esta clasificación: ROS NAK BUT ALO SUT GRO BUE TRU HEI WEB (10º) RAI KOV AlG BAR VET (15º) LIU HAM FIS KUB KOB.

Cualificación

Demorou o comezo por mor nos ríos de choiva que hai nas beiras da pista; cae moita cantidade de auga. Na Q1: ROS RAI KUB NAK BAR BUT KOB GRO SUT BUE (10º) TRU LIU WEB ALG ALO (15º) e saen nada menos que VET KOV HAM HEI FIS. O diluvio determinou moito esta clasificación. De feito volven agardar outro tempo previo ata a Q2.

Un novo choque que provoca bandeira vermella, desta vez foi Liuzzi ao final da recta de meta. Na Q2, todo moi xusto, quedan fóra KOB ALG GRO BUT LIU, pasan ROS NAK TRU BUE SUT WEB KUB RAI ALO BAR.

A Q3 foi a máis emocionate, con contínuos intercambios de liderado ata a pole de Rubinho. Resultado: BAR WEB SUT TRU RAI BUE ROS KUB NAK ALO.

Chuzame! A Facebook A Twitter

GP Brasil, venres – 20091016

Previo

Chegamos á penúltima carreira da temporada co título aínda por decidir maila haber un claro favorito a el pola enorme vantaxa acumulada nos primeiros GPs, Jason Button. O seu compañeiro Rubinho está a 14 puntos, Vettel a 16.

En canto a novidades entre GPs, Kubica foi confirmado como piloto de Renault por unha temporada e hai quen di que xusto para logo ir a Ferrari con Alonso. Ferrari confirma un cambio na dirección dos departamentos de electrónica e motor pois o actual Gilles Simon é substituído por Luca Marmorini quen regresa a casa tras pasar por Toyota. Massa segue dando que falar, regresou a Maranello, deu voltas en simulador, probou o Ferrari de 2007 con neumáticos lisos da GP2 e logo comenta nunha entrevista que ten «certeza absoluta» que Alonso sabía da trama Renault en Singapur 2008 para acto seguido, presionado por Ferrari, suavizalo artificiosamente.

Alonso, pola súa banda, está a recibir máis eloxios. Deste volta, Adrián Campos chega a dicir que o astriano é a «síntese de Jim Clark, Ayrton Senna e Michael Schumacher«, case nada. Rubinho tamén declara que Alonso é o mellor da grella… en fin, por algo o matrimonio Ferrari-Alonso presaxia tanto optimismo. Ademais, semella que Fernando ben aprendeu do pasado. En respostas maís que correctas, non entrou en polémica con Massa e declarou o que tanto quere un fabricante «Ferrari está por riba de calquera piloto» e que está seguro de que formarán unha moi boa parella latina.

Adestramentos

Co ceu coberto de ameazantes nubes no mítico Interlagos, tamén coñecido como circuito José Carlos Pace, a maioría de pilotos decidiron sair cedo. E, efectivamente, a choiva caeu forte tras máis forza á media hora do comezo da primeira sesión. Ata ese intre a clasificación era VET BAR HAM WEB BUT BUE TRU SUT ROS ALO NAK KUB RAI FIS ALG LIU HEI KOB KOV GRO. Olla que hai un KOB, refírese a Kobayashi, substituto do accidentado Glock no equipo Toyota. Finalmente remataron así: WEB BAR VET KOV HAM NAK BUT ROS SUT RAI (10º)  TRU HEI BUE KUB FIS (15º) ALO LIU KOB ALG GRO.

Moi entretidos os segundos adestramentos, sobre todo cara o final. Alonso, 16º na primeira, mantivo sempre as derradeiras prazas. Saía a dar tandas moi curtas, e demoraba moito no garaxe, tanto que até restando menos de media hora era o que menos voltas dera. Choiva caeu pouca e  e a pista axiña secaba. Víuselle como fedellaban nos baixos do monoposto, acho que cambiando o reparto de peso nos lastres. Tras deixalo ao seu gusto e a nos minutiños do final, sae e marca o mellor tempo aínda que por poucas décimas respecto a un sorprendente Buemi que viña de esnaquizar o seu coche na primeira sesión. Segunda tanda: ALO BUE BAR WEB BUT TRU VET ROS SUT HAM (10º) GRO KUB KOB NAK HEI (15º) LIU LOV RAI ALG FIS

Alguersuari, penúltimo nas dúas, está a tan só 0,7 segs do primeiro.

Chuzame! A Facebook A Twitter

GP Xapón, domingo – 20091004

Previo

Tralas múltiples penalizacións de onte, hai uns intres que vén de publicarse a grella definitiva. Chama a atención o sexto posto de Barrichello, non penalizado aínda non se sabe ben por que, polo espectáculo? A verdade é que o campionato posiblemente ha decidirse máis adiante porque Button si foi penalizado, sairá décimo e cunha estratexia moi semellante. Unha excelente explicación sobre este caso pode ser esta nova.

Con isto, entre outros, Alguersuari benefíciase saíndo 12º (o seu mellor ata agora) e Alonso 16º. Kovalainen tamén retrasa cinco postos por torcar o cambio e Glock non sae polo choque de onte.

Lobato anuncia que Ferrari vén de acadar o permiso da FIA para que Massa probe cun F1 do ano pasado e neumáticos de GP-2. Tamén faise unha entrevista a Gené que salientou o moito que desexan el e todos en Ferrari. Marc quere contarlle a Alonso todo o que sabe da Scuderia. La Sexta fixo unha enquisa e os resultados foron que a absoluta maioría cre no éxito de Alonso. Si, moitos desexamos iso pero aproveito para subliñar que fichar por Ferrari non é sinónimo de garantía, pois a máis mítica das escuderías ten unha historia repleta de éxitos pero tamén longas épocas de seca.

Carreira

Alonso apostou por unha parada e polo aforro de combustible ata o xiro 31 o cal serviulle para adiantar a Nakajima e Liuzzi durante a primeira parada. Boa carreira a de Alguersuari pero o catalán non remata pois perdeu o control na 130R trala segunda parada. E o safety-car sae a pouco do remate.

Resultado: VET TRU HAM RAI ROS HEI BAR BUT KUB ALO (10º) KOV FIS SUT LIU NAK GRO WEB ALG BUE. Ollo que Barrichello non se achega a Button máis que nun punto e Vettel mantén apenas as súas oportunidades.

Chuzame! A Facebook A Twitter

GP Xapón, sábado – 20091003

Previo

Todt e Vatanen confírmanse como candidatos á presidencia da F1 á par que o sol instálase en Suzuka acompañado con bastante vento.

Gran actividade na pista dado que hai que probalo todo hoxe. Maila estar aínda con febre, Glock sube ao Toyota. Webber volve accidentarse nuns adestramenots e os resultados dos adestramentos libres do sábado: TRU BUE ROS VET RAI SUT BAR KOV BUT ALG (10º) GRO HEI ALO (13º) GLO NAK HAM KUB FIS WEB LIU. Moi ben os Toro Rosso.

Cualificación

Nota: Por mor dunha sesión de mantemento do servidor que aloxa este sitio non puiden pór os comentarios da cualificación. Velaquí vai agora.

Grave accidente de Alguersuari, demora en sair porque agardaba aos servizos médicos confirmar o seu bo estado físico. A bandeira vermella para estes adestramentos restando 11 minutos.
Glock tamén sofre un accidente, máis forte aínda có de Algersuari, se cadra. Nova asistencia médica e bandeira vermella a menos de 8 minutos para o remate. Desta vez agochan todo con sábanas e Nira di en Toyota comentaron que o alemán ten danos nunha perna.

Na Q2: VET HAM TRU BUT RAI BAR BUE SUT KOV HEI (10º) ROS ALO KUB GLO ALG. Alonso non pasa, entre outras cousas, por unha bandeira amarela por mor dunha saída de Bueni deixando todo o alerón dianteiro na metade da pista. A iso únese o feito de tres pilotos ter mellorado os seus tempos, cousa prohibida. Daquela, mailas protestas inmediatas, non pode saír á Q3.

Na Q3: VET TRU HAM SUT BAR HEI BUT RAI KOV BUE. Houbo sancións de perda de cinco postos na grella a SUT BAR BUT ALO e o propio BUE, causante de todo. Alonso tampouco aminorou ata pasar polo lugar do incidente e maila aminorar e decidir cancelar o resto da súa volta a FIA considerou que merce sanción pois debeu aminorar ben antes de pasar polo punto do accidente.

Chuzame! A Facebook A Twitter

GP Xapón, venres – 20091002

Previo

Aparte da nova da fichaxe de Alonso por Ferrari da que cadrou que escribira onte sen ter a aínda a confirmación dela, houbo algunhas novidades que deixo en resumo, coma sempre. A ela hai engadir que Ferrari dismintiu as informacións do soldo e migración de persoal á Scuderia cun sinxelo «si tratta di pure invenzioni, dalla A alla S«, en evidente alusión ao xornal AS. Logo o mesmo Stefano Domenicali o comenta nunha entrevista. E longa entrevista tamén é a de Lobato a Alonso.

Chamoume moito a atención a dedicatoria de Alonso a Briatore e até asusteime cando Jean François Caubet, o director xeral, declarou que Alonso non estaría con Renault en 2010 porque podía ser tomado como unha reprimenda da escudería ao asturiano… Ao final só foi o anticipo da fichaxe con Ferrari.

A fichaxe de Alonso implica a saída de Raikkonen. Os rumores sinalan conversas con McLaren onde declaran que poden manexar ben ao finés como compañeiro de Hamilton. Pola outra banda, coméntase que  se o sistema de puntuación fora o proposto pola FIA, é dicir, aquel onde o campionato decidiríase polo número de victorias, provocaría o final deste campionato xa que logo Button sería o novo campión en Singapur. O xornal Daily Mail di ter descoberto á testemuña «X» do caso crash-gate. Sería Alan Permane, xefe de enxeñaría de Renault. Queréndose aproveitar disto, Massa solicita a cancelación da proba do pasado ano xa que logo deixaríao como campión do 2008! Por certo, Massa xa está a adestrarse con karts.

Toro Rosso confirma tamén aos seus pilotos, seguirán Buemi e o catalán Alguersuari.

Adestramentos

En canto á xornada de adestramentos de hoxe, houbo choiva tanto na primeira como na segunda. Os tempos son moi pouco significativos. Porén velaquí deixo a clasificación dos primeiros: KOV NAK SUT FIS BUE HAM ALO (7º) RAI BAR ROS WEB LIU TRU ALG (14º) KUB HEI VET BUT KOB GRO. Nesta clasificación aparece Kamui Kobayashi pois tivo que substituir a Glock, de baixa por gripe.

Na segunda tanda as posicións foron: SUT VET LIU HAM NAK BUE ALO (7º) TRU ALG (9º) KUB RAI KOB WEB GRO FIS ROS HEI KOV BUT BAR. Os tres últimos nen sairon á pista.

Chuzame! A Facebook A Twitter

Alonso na Scuderia Ferrari

Sendo un segredo a voces, Alonso ha de ser anunciado como piloto Ferrari axiña, se cadra nesta mesma semana. É iso motivo de felicidade? É iso garantía de éxito? A primeira resposta é rotundamente afirmativa, a segunda xa non tanto.

A afección alonsista e case que en xeral da F1 debe estar moi feliz pola fichaxe xa que logo o que é probablemente o mellor piloto da actualidade terá ao fin un monoposto capaz de dar espectáculo e presentar batalla a quen se lle presente nos vindeiros anos, din que cinco anos.

Non quero ser pesimista senón reflexivo e nada mellor para ilo que recabar información na recente historia da F1. Para quen olle só unha década atrás, 1999 foi o ano do comezo da época dourada da Scuderia pois con Schumacher e Brawn viñeron cinco campionatos mundiais de pilotos, o primeiro no 2000 e logo, tras dous anos de seca aínda con Brawn-Byrne-Schummy, xustamente os gañados por Alonso, só veu o de Kimi Raikkonen en 2007. Foi xusto un ano despois da saída do alemán, no ano sabático de Ross Brawn, coa axuda de Massa en Interlagos e do propio Alonso en guerra total co seu equipo McLaren. Nese mesmo GP probablemente comezaran os contactos entre o asturiano e a escuadra de Maranello. Pero Kimi tiña contrato a longo prazo e o traballo de equipo feito por Massa cedendo a victoria a Kimi deulle unha merecida renovación. As portas estaban pechadas.

No 2008 McLaren aínda gozou das rendas de Alonso coa súa aportación á posta a punto tanto de chase como de motor. Neste 2009 está sendo Brawn que, de regreso xa á competición, mercou a poderosa e xigante escudería Honda para fundar a súa propia, todo ilo a prezo de ganga.

Ollando más atrás no tempo e antes de 1999 Ferrari viña dunha longa seca de triunfos maila contar con célebres pilotos coma Prost, Mansell, Berger, Alboreto ou o arxentino Carlos Reutemann. Dúas décadas! Foi en 1979 cando os italianos obtiveron o seu último trofeo no de pilotos co sudafricano Jody Scheckter. Antes viñeron os obtidos por Nikki Lauda (75 e 77) e novamente outra seca dunha década ata 64 (Surtees). A anterior época de títulos remóntase á década dos 50.

Ferrari agora está sen Brawn e Byrne só coma consultor técnico externo, cun regulamento que conxela o desenvolevemento de motores (historicamente o punto máis forte da Scuderia agás na época dos turbo), redución de orzamentos e aparentemente con igualdade de oportunidade para os seus pilotos. Ou aprenderon moito en Ferrari ou a Alonso tocaralle sufrir novamente, e moito. Moito porque os tiffosi son moi críticos cos seus pilotos, até crueis, perdoando case todo a Ferrari como equipo.

Ogallá erre neste pronóstico pero, se cadra se a meta fora acadar máis campionatos, unha mellor escolla sería a propia Brawn. Tería ao mellor enxeñeiro aerodinámico do momento, con dous túneis de vento ao seu dispor, un óptimo estratega, ben relacionado coa FIA, con Mercedes entrando no capital social para permanecer (non para participar como acontece agora en McLaren) e, un dos puntos máis importantes, coa condición de ser o número un indiscutible dos seus pilotos. O capital viría do Santander, Telefónica, Repsol ou até doutra empresa española máis que intersada en acompañar ao asturiano.

O futuro dirá que éxito acadou. Polo de agora só se pode ser feliz de ter a Alonso na máis mítica de todas as escuderías maila non ter por ilo garantido o éxito . No pior dos casos tería gañado dous campionatos do mundo batallando con quen ostenta o récord de títulos mundiais e tras ser piloto de Ferrari, o cal «non é male«.

Chuzame! A Facebook A Twitter

GP Singapur, domingo – 20090927

Previo

Os pesos dos monopostos foron publicados e amosan unha case idéntica estratexia onde, se cadra, Hamilton, Alonso e Glock poidan deterse unhas dúas voltas despois do que fagan o resto dos sete primeiros. Co coche por debaixo do peso permitido, Heidfeld troca motor, cambio e sae dende os boxes.

Os pronósticos de choiva persisten para a carreira. Eses pronósticos confirmaban esa meteoroloxía para todo o fin de semana e ata o de agora errou. Porén, antes da carreira vense raios achegándose á cidade.

Carreira

A choiva non aparece no comezo da carreira nin no transcuros da mesma. O safety-car sae nunha primeira ocasión.  A Alonso iso non lle afecta e a Alguersuari vímolo loitando duro cun pelotón que lle quería adiantar. Xusto detrás do cataán estaba Sutil que, nunha tentativa de adiantamento, procou cun choque a unha nova saída do coche de seguridade. Finalmente  Alonso chega a marcar trala súa derradeira parada a volta rápida da carreira no xiro 53º! Alguersuari abandonou con problemas de freos tras facer unha moi boa carreira.

Resultado final desta emocionante carreira: HAM GLO ALO VET BUT BAR KOV KUB (8º) NAK RAI (10º) ROS TRU FIS LIU

Chuzame! A Facebook A Twitter

GP Singapur, sábado – 20090926

Previo

Pouco que engadir entre onte e hoxe agás o rumor de que David Richards parece pretender mercar a escudería Renault F1 por uns módicos $50 millóns e a teima de Alonso ao ignorar as protestas que lle instan a ceder a vistoria do pasado ano ao segundo, Rosberg. Cabe lembrar que o asturiano o pasado ano era o máis claro dominador dos adestramentos e só un fallo na bomba de gasolina impediulle facer unha probable pole position. Ademais, o accidente de Piquet aconteceu ben antes do primeiro terzo da carreira e logo houbo moito GP por diante ata rematar coa victoria.

Nos adestramentos libres do sábado repítense os resultados do venres, e case que o das últimas carreiras, moitos pilotos no mesmo segundo. Resultado: HAM VET ROS KOV KUB HEI BAR GLO BUE TRU (10º) NAK RAI WEB BUT ALO (15º) LIU SUT ALG GRO FIS cos sete primeiros no mesmo segundo e ata o 17º todos a menos de 1,5 segs.

Cualificación

Da comezo a cualificación sabendo que Rubinho terá que empregar unha nova caixa de cambios o cal implica unha penalización de cinco postos na grella.

Confírmase tamén que Telefónica debe patrocinar a Campos Meta.

Resultados da Q1: HAM BUT RAI HEI ROS BAR VET KOV KUB NAK (10º) WEB BUE TRU ALO GLO (15º)  e fóra quedan SUT ALG FIS GRO LIU.

Resultados da Q2: ROS WEB VET HAM GLO ALO BAR KUB HEI KOV (10º) e quedan fóra NAK BUT RAI BUE TRU.  Boa oportunidade para Rubinho de coller algúns puntos a Button, maila estar penalizado o paulista con cinco postos polo troco da caixa de cambios. Ningún Ferrari na Q1 e Alonso nela cunha única tentativa. O mellor tempo de todo o GP vai para Rosberg.

Os resultados da Q3 e grella provisional foi determinada polo accidente de Barrichello e a posterior bandeira vermella. Daquela provisionalmente os dez primeiros postos da grella quedan así: HAM VET ROS WEB ALO (5º) GLO HEI KUB KOV BAR.

Chuzame! A Facebook A Twitter

GP de Singapur, venres – 20090925

Previo

Definitivamente este é o ano das polémicas. Porén vou seguir unha orde cronolóxica dos acontecementos entre GPs. Así sábese que o Banco Santander, maila anunciar o seu acordo con Ferrari, confirma que seguirá tamén con McLaren só nos monos dos pilotos, non nos monopostos e posiblemente baixo o nome da filial Abbey.

O asunto estrela deste período entre GPs foi sen dúbida o asunto Renault en Singapur’08. Maila saír libre de toda culpa, Alonso é acusado por Nelsinho como sabedor de toda a trama dese GP. Afastándose dilo, Alonso confirma que Renault non empregará o KERS nas dúas vindeiras probas. Namentres o asturiano tira balóns fóra, Renault confirma a oferta da cabeza do equipo, Briatore. Faise pública a conversa entre boxes e piloto nese GP.

Seguindo a orde cronolóxica, sábese que BMW-Sauber é mercada pola suiza Qadbak Investments e semella que empregará motores Ferrari en 2010. Sorprendentemente a FIA anuncia a escolla da antiga Lotus con motores Cosworth no lugar da BMW…

O caso Renault segue e confírmase a saída do equipo de Briatore e Symonds. Relembrando tempos pasados, Eddie Irvine confirma que a F1 «sempre foi unha guerra«, pois míntese, sabotéase, rachan as regras… e Briatore sinala que «Mi sono sacrificato per salvare la Renault«. Logo sábase que a FIA, tanto Charlie Whiting como Max Mosley sabían do asunto antes de facelo público os Piquet, pai e fillo. E pregunto, por que non fixeron algo ao respecto daquela?

Finalmente a FIA emite o seu veredicto: Briatore é sancionado a perpetuidade, Renault será excluída se reincide en 2 años, Alonso queda eximido de toda culpa e Pat Symonds será inhabilitado durante cinco años. Piquet non recibe sanción. Renault acepta a sanción, Briatore irá recurrir (até pretende facer festa ao regreso) e Bob Bell comandará a escudería ata o remate de ano. Outras consecuencias, o final do patrocinio de ING e Mutua Madrileña a Renault, algo que tampouco é novidade pois ING xa o anunciara antes destas manobras e a Mutua vaise a onde estea Alonso. De feito, agora si, todo apunta a que Alonso irá a Ferrari pois até Raikkonen admite ofertas para o vindeiro ano 2010.

Para rematar, Alonso resposta a Autosport e ignora as protestas que sinalan inxusta a súa victoria eiquí o pasado ano. E, mentras escribo estas liñas… Grosjean (Renault) estréllase na curva 17, no mesmo lugar que o fixo Nelsinho o pasado ano! Ver para crer!

Adestramentos

Os monopostos de Renault perderon os patrocionios de ING e Mutua Madrileña xa neste GP pois agora figuran logos da propia Renault no seu lugar.

Os resultados da primeira rolda: BAR BUT WEB ALO VET KOV HAM KUB RAI NAK (10) ROS SUT BUE HEI GLO (15) TRU FIS LIU ALG GRO

Na segunda rolda, tamén sen choiva, os resultados foron: VET ALO KOV HEI BUT WEB ROS GLO HAM KUB BAR SUT TRU RAI NAK FIS BUE LIU GRO ALG. Paga a pena dicir que o tempo do asturiano foi conquerido na derradeira volta e cun segundo parcial máis ben discreto e maila todo alzouse ao segundo posto. Poderanse dicir moitas coisas de Alonso «mas anda que é uma barbaridade» como di un comentarista brasileiro.

Chuzame! A Facebook A Twitter

GP Italia, domingo – 20090913

Previo

Comezando polos pesos de saída cabe mencionar que Alonso sae bastante cargado pero coido que desta vez haberá que descontar o  peso do KERS. O máis cargado de entre os dez primeiros é Rubinho aínda que pode ser penalizado con cinco posicións por mor dun posible troco na súa caixa de cambio danada tralo incendio que tivo o motor ao remate de Spa. Nun recente comunicado, Brawn confirma que Barrichello non trocará a súa caixa. No grupo entre el, o quinto, e o noveno (VET)  apenas hai centésimas.

Alguersuari pecha a grella por tempos pero faríao igualmente pois tivo que trocar a súa caixa de cambios. Daí que diga: «desexo que chova como no ano pasado e así tería máis opcións. Tocarame cantar esta tarde«. A posibilidade de choiva existe e máis tendo en conta que a primeira carrareira da GP2 celebrouse onte á tarde baixo unha arroiada.

Para rematar este previo dicir que tralas protestas dos pilotos a organización decidiu baixar os bordos da primeira chicane.

Carreira

Mailos presaxios de choiva, a carreira da comezo en seco. Alguersuari sae dende a liña de boxes porque tamén trocou a especificación da súa suspensión dianteira.

As diferentes estratexias de paradas e mailo accidente final de Hamilton decidiron moito o resultado final: BAR BUT RAI SUT ALO (5º) KOV HEI VET FIS NAK (10º) GLO HAM BUE TRU GRO ROS LIU ALG KUB WEB

Semella que a batalla polo campionato será entre pilotos da Brawn a pesares de ter marcado un puntiño Vettel.

Chuzame! A Facebook A Twitter

GP Italia, sábado – 20090912

Previo

Durante os adestramentos de onte sabíase xa que Renault e Briatore deron comezo unha acción criminal contra os Piquet, pai e fillo, e até houbo comentarios sobre a vida persoal de Nelsinho. Tamén onte, o xornal brasileiro especializado no mundo do motor Grande Prêmio ofrecía un amplo e elocuente artigo co diálogo mantido entre o observador da FIA Herbie Blash e e Pat Symonds xunto á telemetría do que aconteceu no accidente e até un resumo do diálogo entre os boxes e o s pilotos de Renault.. A conclusión dese artigo é a confirmación da FIA de que «existe unha evidencia que, en xeral, suxire que o choque de Piquet foi deliberado e facía parte dun plano destinado a asegurar un benefício para o equipo, en que polo menos un membro da cúpula de Renault foi cúmplice«. É dicir, a FIA cre en Nelsinho.

Fóra disto, cabe dicir que Schumacher extende o seu acordo con Ferrari e sinala que disfrutou de participar no desenvolvemento do Ferrari California, o 430 Scuderia e o novo 458 Italia que será presentado o vindeiro martes no Frankfurt Motor Show.

No eido estritamente deportivo, Alonso afirma que precisa gañar de novo canto antes e que neste GP as posicións finais poden decicirse por décimas. Alguersuari está comprobando o duro que é pilotar un F1 neste trazado pois é o máis rápido e polo tanto con mínimo apoio aerodinámico.

Fisico estreou o seu Ferrari nos adestramentos libres da mañá saíndo na Parabólica o cal deixoulle como o derradeiro desta etapa. Resultado: SUT BUT HEI BAR HAM KOV LIU ALO (8º) GLO KUB (10º) GRO RAI TRU NAK BUE ROS WEB VET ALG FIS. Alguersuari semella que tivo problemas na caixa de cambios e deu mesno da metade das voltas que o seu compañeiro.

Cualificación

Na Q1 quedaron fóra GLO NAK ROS BUE ALG e tivo o seguinte resultado: RAI HAM BUT BAR KOV VET SUT LIU HEI ALO (10º) WEB FIS GRO KUB TRU

Na Q2 quedaron fóra TRU GRO KUB FIS HEI e pasaron á final BUT HAM BAR SUT LIU WEB RAI ALO KOV VET.

A cualificación da Q3 deixou a seguinte grella de saída: HAM SUT RAI KOV BAR BUT LIU ALO (8º) VET WEB (10º) TRU GRO KUB FIS HEI GLO NAK ROS BUE ALG

Chuzame! A Facebook A Twitter