asennadas

A Asociación de Empresas Galegas de Software Libre (AGASOL) da inicio o vindeiro martes día 14 de outubro na Coruña, coa xornada “Software Libre contra a crise”, un ciclo de sesións informativas destinadas a dar a coñecer ás empresas galegas as vantaxes que ofrecen as tecnoloxías libres e abertas. Esta primeira cita terá lugar no salón de actos da Cámara de Comercio da Coruña (Rúa Alameda, 30, 1º) e nela intervirei como relator. Segundo di a nova "Roberto Brenlla, economista especializado en Tecnoloxías da información e fundador de TEGNIX, unha das 24 empresas que se integran en Agasol".

A sesión dará comezo ás 19,30 horas e non estenderá máis de dúas horas. Nela está previsto desenvolver un programa dirixido a que xerentes, responsables de finanzas, estratexia ou tecnoloxías da información amplien o seu coñecemento sobre que é o Software Libre, Linux, os Estándares Abertos e as súas vantaxes competitivas en canto a aforro de custos ou adaptabilidade. Ademais se exemplificará con implantacións desenvolvidas en empresas, institucións ou mesmo na Administración.

Os asistentes, que poderán inscribirse de maneira gratuíta no teléfono 981 21 60 72, recibirán o DVD “Ferramentas informáticas para a PEME”, elaborado pola Consellería de Innovación e Industria, que inclúe un amplo recompilatorio de software de uso empresarial libre, gratuíto e legal.

Esta será a primeira cita dunha variada serie de intervencións por distintos puntos da nosa xeografía entre os que xa hai previstos eventos en Vigo e Ourense. En AGASOL seguimos a ofrecer este evento a calquera organismo empresarial que o desexe ata o remate do primeiro semestre de 2009.

asennadas

chúzame

En: AGNIX, Estándares, Eventos, FLOSS, Galicia-Galiza, Negocios, Persoal, Relatorios, TEGNIX por Roberto Brenlla
Sen Comentarios »

Publicouse en Mancomun.org unha entrevista que fixo Irene Touriño ao regreso da miña viaxe a Angola, aló por xullo de 2008.

Semella que o que me chamou Marco vai quedar como un dos meus alcumes: "Soldado do SwL"

asennadas

chúzame

En: Eventos, FLOSS, Persoal, Relatorios, TEGNIX por Roberto Brenlla
1 Comentario »

Tal e como prometeran, vén de publicarse o programa (aínda provisional) da Conferencia Internacional de SwL de Málaga deste ano 2008, tambén coñecida como OSWC'08 (Open Source World Conference).

A organización ten que xestionar máis de 250  ponencias-intervencións xunto a toda unha complexa infraestrura. Polo visto en anteriores ocasións, vaia por diante a noraboa e gratitude polo enorme esforzo.

Neste ano, imos ir uns cantos desde Galicia. Uns irán pola súa conta e outros nunha furgo alugada por Mancomun.org. O que si queda claro é que a cada ano que pasa a nosa presenza é maior.

Desta vez, igual có ano pasado, animeime a presentar unha proposta que resultou ser aceptada. Falarei da oportunidade que nos ofrece a nosa língua, para uns portugués, para outros galego e para outros outras cousas, moitas das veces xeradoras de controversias e desputas. Daí que pretenda fuxir de todas esas liñas belicistas amosando con exemplos as oportunidades que nos brinda a nosa irmandade lusófona. Contarei as miñas e nosas experiencias coas comunidades brasileira, portuguesa e até angolana coas que abrimos contactos de afinidade para engadilas de xeito natural ás existentes con outras comunidades (hispana, catalá, basca...).

Unha cousa preocúpame, a data e hora na que terei que participar. Será o derradeiro dia á última hora, case que pechando o evento. Prefiría como o ano pasado, ser o segundo a abrir palestra no evento toda vez que quedas xa liberado e... garantes unha frescura de ánimo, namentres que o penúltimo dia do evento adoita ser o dia de "facer comunidade" cunha longa saída nocturna. Algo que a todas luces semella non ser o idóneo para unha intervención... e polo que haberá que se sacrificar.

asennadas

chúzame

En: AGNIX, Amizade, Eventos, FLOSS, Galicia-Galiza, Persoal, Relatorios por Roberto Brenlla
Sen Comentarios »

O sábado 6 de setembro Rianxo sen cabos xunto coa asociación AGNIX e o patrocinio do Concello de Rianxo organizan unhas Xornadas de novas tecnoloxías baseadas en Sw Libre no Cuartel vello de Rianxo.

Os temas a tratar serán:

• Achegamento ao Software Libre (Roberto Brenlla).
• Blogaliza, how-to (Pedro Silva).
• A importancia do uso de padróns (Claudio F. Filho).
• "Install Party" de sistemas baseados en GNU/Linux (Xavi Alonso e Álex González).

Ao remate das xornadas Rianxo sen cabos terá unha Asamblea xeral onde se tratarán temas de interese para todos os seus integrantes.

Máis en RsC.

asennadas

chúzame

En: AGNIX, Amizade, Estándares, Eventos, FLOSS, Galicia-Galiza, Internet, Persoal, Relatorios por Roberto Brenlla
Sen Comentarios »

O Centro de Referencia e Servizos de Software Libre de Galiza, Mancomún -promovido pola Consellaría de Innovación e Industria-, vén de concluír a experiencia piloto para a capacitación de empresas TIC no eido do Software Libre cunha valoración moi positiva por parte dos asistentes. O curso foi organizado co fin de establecer unha experiencia previa que permitise coñecer as necesidades reais do tecido empresarial galego en materia de formación en Software Libre ou, o que é o mesmo, coñecer o seu grao de competencias de cara á implantación e ao soporte de servizos en Software Libre.

A iniciativa piloto, enmarcada dentro do denominado “Plano de Capacitación TIC en Software Libre”, concibiuse como un complemento ao “DVD - Ferramentas informáticas para a PEME”, lanzado en novembro de 2007, e coa mesma se xerará documentación pertinente para calquera empresa galega que desexe implantar as tecnoloxías de código aberto no seu negocio.

Este curso foi impartido por C.T.I. TEGNIX, concretamente por min a primeira parte e por Pedro Silva a segunda.

Máis información en Mancomun.org.

asennadas

chúzame

En: AGNIX, Estándares, FLOSS, Negocios, Persoal, Relatorios, TEGNIX por Roberto Brenlla
Sen Comentarios »

Un dos meus acompañantes no evento de Angola, nomeadamente Corinto Meffe, fixo unha boa descrición do que, baixo o seu punto de vista, aconteceu no dia do evento do "I Fórum de Sw Livre de Luanda" así como os instantes previos á súa partida xusto ao dia seguinte a media mañá.

O artigo de Corinto.

chúzame

En: Eventos, FLOSS, Persoal, Relatorios por Roberto Brenlla
Sen Comentarios »

A ASL-Angola (Associação Software Livre Angola), organizadora do evento, tivo que trocar a grade (axenda) por mor dos últimos acontecementos, a saber, dificultades cos vistos para pasaporte, relatores que non poden vir, voos ateigados e sen prazas libres, etc.

Daí que o evento comece mañá, dia 28 de xuño, tendo dúas salas con sesións simultáneas. Teño a sorte de inaugurar unha delas xusto despois do acto de apertura e tamén de pechar o evento contando as experiencias galegas nesta materia.

I Fórum de Software Livre de Luanda

asennadas

chúzame

En: AGNIX, Brasil, Eventos, FLOSS, Galicia-Galiza, Persoal, Relatorios, TEGNIX por Roberto Brenlla
Sen Comentarios »

Os vindeiros dias 20 e 21 hanse celebrar en Vilalba as "II Xornadas de Software Libre", de entrada libre enchendo este formulario de inscrición.

No evemto estarán presentes varios socios de AGNIX dando relatorios, nomeadamente Pedro Silva, Carlos Carrión e eu (Roberto Brenlla). Neste PDF atoparás máis información.

Persoalmente afondarei no tema das licenzas por mor do debate que este tema suscita nas miñas últimas intervencións. Sempre está ben deixalo aclarado o mellor posible

asennadas

chúzame

En: AGNIX, FLOSS, Galicia-Galiza, Persoal, Relatorios por Roberto Brenlla
2 Comentarios »

Hoxe martes (17 de xuño de 2008) AGNIX estará presente na Casa das Atochas palestrando sobre "SwL para unha sociedade libre" encadrado nunha serie delas das que podes ter información aquí e en Olholivre.net.

O evento terá lugar ás 21 hs en  Atocha Alta, 14 - As Atochas-Montealto (A Coruña).

Vémonos alá!

asennadas

chúzame

En: AGNIX, Amizade, Cultura Libre, Eventos, FLOSS, Relatorios por Roberto Brenlla
Sen Comentarios »

É unha teoría aínda a desenvolver con máis estudo, forma e coherencia xa que polo de agora só é unha idea que reflicte o que comprobo empiricamente. A idea a desenvolver amosa os seguintes estados:

1. Indiferenza: cando alguén escoita falar disto do SwL normalmente non lle adoita presta atención e menos aínda por mor de ser algo minoritario e case que un perfecto descoñecido.
2. Curiosidade: prodúcese cando a persoa volve atoparse co tema e pregúntase "por que de novo isto?" Comeza a fase de preguntas e respostas ás moitas dúbidas que lle van xurdindo.
3. Rexeite: "Isto non ten futuro porque..." O rexeite acontece principalemente porque aínda non ten respostas satisfactorias e convincentes.
4. Dixestiva: comezan xurdir respostas convincentes namentres seguen outras dúbidas sen aclarar e daquela comeza a fase de "longa dixestión" na que vai colocando todas as ideas no seu debido lugar e o conxunto comeza tomar forma coherente. Esta fase pode ser moi longa no tempo.
5. Convencimento: "Xa está, entendo toda esta vaina!"que ten lugar cando vai rematando o proceso de dixestión e comeza trocar a postura de escepticismo ou até de rexeite por outra positiva e de aceptación.
6. Activismo: cando a aceptación comeza a darlle forzas para ser un defensor, sexa público ou de boca-a-boca. Esa defensa atopará dificultades cando tente convencer a persoas que aíndase atopan nas fases iniicias de indeferenza ou rexeite.
7. Talibanismo: Os rexeites que o activismo vai atopando no camiño vanlle afianzando na súa postura ata convertirse en talibanismo, é dicir, intransixencia a outras posturas distintas á súa. Non se pode admitir o sw privativo.
8. Moderación: Tras un tempo practicando o talibanismo pódese pasar a outro nível máis moderado, onde as ideas están claras pero estas conviven xunto a situacións admitidas que non sempre están en concordancia co talibanismo. Por exemplo, decátase que saca cartos de caixeros coa VISA ou usa un móbil e BIOS que non son libres...

Como dicía en riba, a isto quero darlle máis estudo, forma e consistencia. Daquela considérese como versión pre-alfa e, por suposto, estou aberto a calquera aportación

asennadas

chúzame

En: AGNIX, Persoal, Relatorios, TEGNIX por Roberto Brenlla
3 Comentarios »

Dá comezo a iniciativa do Centro de Referencia e Servizos de Software Libre de Galiza denominada Plano de Capacitación TIC en Software Libre. Correspondeunos a C.T.I. TEGNIX impartilo e a min as dúas primeiras xornadas que se han desenvolver nesta primeira fase piloto o 13 e 14 de xuño de 2008. Dado o seu carácter experimental, este curso celebrarase nunha única edición en Santiago de Compostela. Posteriormente, e unha vez analizados os resultados obtidos, afrontarase a segunda fase do proxecto, prevista para o último trimestre do ano.

Estou confiado porque seica teño experiencia para levalo adiante con éxito, polo moito que me preparei e tamén polo seu carácter piloto. Porén, sempre quero dar o meu mellor e as présas desde que o souben con certeza ata hoxe (xa ás 03:30 hs) unido ao de estrés polo de Angola (e moitas máis circunstancias) estanme deixando canso á vez que ansioso por rematar ben todos e cada un dos compromisos que teño por diante daquí a xullo.

E agora a durmir no sofá, teño ao crío con febre durmindo coa súa nae...

chúzame

En: FLOSS, Galicia-Galiza, Persoal, Relatorios, TEGNIX por Roberto Brenlla
Sen Comentarios »

Por fim, posso quase confirmar, a viagem dará certo. Foi o Marcio Candido que contatou com a embaixada angolana para eles agirem o meu visto e passaporte.

Assim não terei atrasso nenhum e poderei estar lá com toda a turma brasielira e portuguesa pois o voo sae o 24 de junho. O regreso está previsto para o 1 de julho.

Lá estarão também:

Brasil:
Alessandro de Oliveira Faria (CABELO) - NETi TECNOLOGIA,
Fabianne Balvedi - Estúdio Livre,
Fabiano Augusto Parizotto - Assessor de Planejamento da CELEPAR,
Corinto Meffe – Min. Planejamento,
Prof. Sérgio Amadeu - Faculdade de Comunicação Cásper Líbero,
Elizier dos Santos - Serviço Federal de Processamento de Dados,
Alberto J. Azevedo - Projeto Security Experts,
Fernando Oliveira - Líder do Rio de Janeiro Perl Mongers,
Henrique Andrade - Diretor de Inclusão Digital da UNE,
Paulino Michelazzo - Fábrica Livre,
Alberto Sato - VoIPCenter e Asterisk on Line.

Portugal:
Paulo Trezentos – ADETTI / Caixa Mágica,
Marco Lima - PSL Rio de Janeiro – Perl Mongers,
Marcio Garcia - The Source.

Suiza:
Fernanda Weiden - Google

chúzame

En: Amizade, Brasil, Eventos, FLOSS, Galicia-Galiza, Racing, Relatorios por Roberto Brenlla
1 Comentario »

No CSA ATREU! Travessa Sam José, 2 - As Atochas-Montealto

Martes 10 -20:00 > 22:00 Iniciación a GNU/Linux. Primeira parte do obradoiro de inciación ao sistema GNU/Linux, instalación de Ubuntu. Desenvolvido polo Hacktreu (CSA Atreu)

Mércores 11 -20:00 > 22:00 Permanecer en GNU/Linux. Segunda parte do obradoiro de inciación ao sistema GNU/Linux,nocións básicas para manexar o sistema. Desenvolvido polo Hacktreu (CSA Atreu)

Xoves 12 - 21:00 Blogaliza, a información alternativa Palestra ofrecida por Pedro Silva, creador de blogaliza.org,
portal de blogues en galego.

Luns 16 - 19:00 > 22:00 Programación web. Inciación ás linguaxes Html e Css, obradoiro a cargo de Trebelab (A Cova dos ratos, Vigo)

Martes 17 - 19:00 >21:00 Deseño con ferramentas libres: Inkscape. Primeira parte do obradoiro, manexo do programa de deseño vectorial
inkscape, exercicio práctico contrapublicitario. Desenvolvido polo Hacktreu (CSA Atreu)

Mércores 18 - 19:00 > 21:00 Deseño con ferramentas libres: Gimp. Segunda parte do obradoiro, manexo do programa de retoque fotográfico Gimp, exercicio práctico contrapublicitario II. Desenvolvido polo Hacktreu (CSA Atreu)

Sábado 21 - 12:00 > 14:00 - 16:00 > 20:00 Obradoiro de Cinelerra. Software libre de edición e posprodución de video, introdución teórica
máis módulo práctico. Desenvolvido por Olholivre.

Na Casa das Atochas Atocha Alta, 14 - As Atochas-Montealto

Venres 13 - 21:00 Virtual WWWorlds. Servidumes e liberacións na era dixital. Palestra ofrecida por Rosendo González. Revista Transversal

Sábado 14 - 12:00 > 14:00 - 16:00 > 19:00 Montando unha radio libre. Obradoiro práctico para a montaxe dunha radio libre, a cargo da Radio Kalimera
(Compostela)

19:00 > 22:00 Contrapublicidade. unha aproximación teórica, proxección de material contrapublicitario, a cargo de Semsumistas (Vigo)
Martes 17 - 21:00 Software libre para unha sociedade libre Palestra a cargo de Roberto Brenlla, integrante de AGNIX (asociación sen fins de lucro que promove o Software libre)

chúzame

En: AGNIX, Blogroll, Cultura Libre, Eventos, FLOSS, Persoal, Relatorios por Roberto Brenlla
2 Comentarios »

Durante a miña pasada intervención na Cova da Terra, unha das asistentes, nomeadamente Saleta, quixo que afondara nalgo concreto: a colaboración entre israelitas e palestinos grazas a proxectos TIC.

Ata ese dia só sabía do caso OpenOffice.org no cal os dous pobos traballaron conxuntamente por mor dun mesmo problema: a súa escrita vai de dereita á esquerda. Daquela actuaron con lóxica posto que perante un problema común procuraron unha solución conxunta.
Hoxe souben que en Ramallah, vila ben coñecida nos medios como continuo foco de enfrontamentos, está unha start-up á que The New York Times lle adica este artigo.

Ghost Inc. é unha empresa que desenvolve o G.ho.st (Global Hosted Operating SysTem), unha especie de WebOS (Sistema Operativo Web) con escritorio virtual xa que sempre se está ante unha páxina web. Este servizo en Internet que ofrece:

• integración web con tercerias aplicacións,
• 3 GB para servizo de correo-e, calandario, contactos,
• 5 GB de espazo en disco duro virtual,
• widgets,
• multi-idioma, etc.

Tes máis ligazóns e información na Wikipedia.

Hai tempo que este tipo de tecnoloxía (WebOS) está presente con diversas alternativas, sempre seguindo o paradigma SaaS (Software as a Service, Sw como servizo). Porén este caso chama a atención porque os israelitas e palestinos foron quen de unirse para levar adiante un proxecto TIC esquecendo as diferenzas que acotío lles separan.

Sobre a controversia do futuro das licenzas libres ante un escenario SaaS escribirei noutro intre pois considero que merece un capítulo aparte.

asennadas

chúzame

En: AGNIX, Curiosidades, Historia(s), Internet, Negocios, Relatorios por Roberto Brenlla
Sen Comentarios »

Quen escribe vén de confirmar que do vindeiro 25 de xuño ao 1 de xullo irá convidado a un evento sobre SwL en Luanda, capital de Angola, que está a ser organizado polo angolano Marcio Cándindo e o carioca Marco Lima, participante este último nas "Xornadas GalegoLusófonas do Porriño " organizadas por AGNIX no 2006 .

A idea é expoñer as experiencias galegas nesta materia desde diversas perspectivas (comunitaria, asociativa, desenvolvedora, política, empresarial e cultural) abrindo lazos de irmandade lusófona entre as comunidades aló presentes: portuguesa, brasileira, angolana e galega.

O sitio web do evento é www.fsl-luanda.com.

asennadas

chúzame

En: AGNIX, Amizade, Brasil, Cultura Libre, Eventos, FLOSS, Galicia-Galiza, Persoal, Relatorios, TEGNIX por Roberto Brenlla
1 Comentario »