asennadas

Resulta fascinante a posibilidade cada vez máis real de que o hidróxeno substitúa masivamente aos combustibles fósiles. Non só porque evitaríamos os efectos perversos da combustión do petróleo ou por ser o hidróxeno o elemento químico máis abundante no universo senón porque pode supoñer unha nova Era Revolucionaria xusto en medio da actual revolución provocada por Internet.

Hai uns meses vin un documental sobre as pilas de combustible e a súa hipotética evolución cara unha implantación masiva. A idea era dispor de pequenas centrais de abastecemento de hidróxeno necesario para as devanditas pilas. A consecuencia do proceso xerador de enerxía virtualmente continuo sería posible reabastecer de hidróxeno o teu coche ao tempo que o mesmo coche axuda á xeración de enerxía á quen che fornece de hidróxeno, por exemplo o aparcadorio dun centro de oficinas ou o edificio onde tes o teu piso. Prodúcese así unha rede onde se comparte enerxía a cambio de hidróxeno, algo así como unha Internet da Enerxía.

asennadas 

chuzame

En: AGNIX, Ecoloxía, Internet, Tecnoloxía por Roberto Brenlla
Sen Comentarios »

Adeona é un sistema con licenza GPL que vai rastrexando o dispositivo portátil onde estea instalado de tal xeito que, segundo din no propio proxecto, sirve para atopalo doadamente cando o perdas ou sufras o seu roubo.

O software non traballa cun sistema central propietario, é dicir, quen instala o programa non ten que confiar en terceiras partes senón que perserva a privacidade...

Adeona está deseñado para usar o servizo de almacenamento distribuido e de código aberto chamado OpenDHT. Así, o programa cliente monitoriza continuamente a actual localización do dispositivo grazas a informacións como a súa IP e maila topoloxía de rede. Todo ilo empregando potentes cifrados para garantir o anonimato...

Os puntos suspensivos que fun deixando son provocados polo posible mal uso que poida facer desta ferramenta. Así o sinala a fonte desta nova:

"Non pode constituír Adeona un sistema de rastrexo en toda regra e un posible atentado contra a privacidade que di protexer? Explícome: instala o cliente no portátil do teu noivo/a, esposo/a, empregado/a e terás unha referencia constante e permanente da súa localización.

Tecnoloxía de dobre uso, xa o sei, pero en calquera caso, a min paréceme mellor como sistema de espionaxe que como sistema antirrobo..."

E todo ilo, claro, se quen roube o trebello non se lle dá por formatalo todo.

Curiosamente sobre este software tamén hai unha entrada recente e moi ampla nesta páxina.

asennadas

chuzame

En: AGNIX, FLOSS, Internet, Seguridade, Tecnoloxía por Roberto Brenlla
Sen Comentarios »

Un dos planos máis interesantes para o Fedora 10 pode ser o proxecto BetterStartUp. A intención do equipo de desenvolvemento é centrarse en solucións que fagan o arranque de Fedora moito máis rápido ou case instantáneo.

A introdución dese recurso vai mudar o arranque do sistema. O RHGB (Red Hat Graphical Boot) que mostraba a barra de progreso do arranque será abandonado e, segundo a intención dos desenvolvedores, inmediatamente tralo GRUB virá a entrada por GDM ou KDM, aínda que a integración dese recurso con outros xestores de entrada (login) semella máis complicada do esperado. Daquela tralo GRUB veremos unha entrada que, silenciosamente, executará todas as tarefas de arranque do sistema.

Parte desa idea vén da man doutro proxecto nomeado Plymouth. De acordo coa súa descrición, el é independente do servidor X e xa está 52% pronto.

A fonte está  a ser referenciada por varias webs (unha, dúas, tres...).

asennadas

chuzame

En: AGNIX, FLOSS, Tecnoloxía por Roberto Brenlla
Sen Comentarios »

Stackswitch é un novo complemento (plugin) para Compiz Fusion que ofrece un vistoso xeito de trocar de tarefas no escritorio. Con el pódense separar as fiestras de xeito similar ao Exposé de Mac pero en tres dimensións coma se estivesen nunha mesa, permitindo elixir a que nos conveña.

Fonte.

Podes ollar os efectos acadados neste video.

asennadas

chuzame

En: AGNIX, Curiosidades, FLOSS, Tecnoloxía por Roberto Brenlla
Sen Comentarios »

Xa sabíamos do BluePad, unha aplicación que é quen de transformar o teu teléfono móbil nun mando a distancia vía Bluetooth. Este proxecto está a ser levado por Joaquim Rocha e Valério Valério da Universidade de Évora (Portugal).

Hoxe atopei esta nova apuntando cara un artigo que explica como instalar e operar con anyRemote, unha aplicación que fornece funcións de control remoto sexa a través de Bluetooth, Infravermello, Wi-Fi ou tan só via TCP/IP, co cal amplía o espectro de posibilidades.

A aplicación anyRemote soporta moitos teléfonos dos actuais como Nokia, SonyEricsson, Motorola... e dispón de interfaces gráficas para Gnome(imaxes) e KDE (imaxes), tamén via web.

asennadas

chuzame

En: AGNIX, FLOSS, Tecnoloxía por Roberto Brenlla
Sen Comentarios »

Realmente é unha extensión de C/C++ optimizada para desenvolover aplicacións para procesadores multinúcleo en plataformas Intel ou AMD.

A responsable desta nova linguaxe é Intel que ten por obxectivo evitar ter que facer particións de código manuais para que se executen en núcleos específicos. Así, con esta linguaxe a partición faise automaticamente.

"Coa  linguaxe Ct é case como se estiveras escribindo para unha máquina dun único núcleo", sinala Mohan Rajagopalan de Intel. O compilador da Ct fai a paralelización e para ilo tamén está desenvolvida unha API.

Quen programe en C/C++ deben aprender Ct rapidamente, xa que menos do 5% da linguaxe será nova. Ademais, os programas compilados en Ct poden ser escalados para cantos núcleos estean dispoñibles. "Unha vez que o código é compilado, a biblioteca descubre a plataforma e fai o axuste apropiado".

Fonte e Software Multi-Core.

asennadas

chuzame

En: AGNIX, Tecnoloxía por Roberto Brenlla
Sen Comentarios »

Sweetter é un servizo microblogging, onde podes escribir o que estás a facer, pensar... e os demais poden votar. Daquela, segundo vaias acadando máis ou menos puntuación o teu karma variará.

Sweetter non é Twitter, pois tes karma, lista de cousas por facer e outras funcionalidades que poderás engadir ou personalizar grazas a que é libre con licenza AGPLv3. Está a ser desenvolvido por SUGUS (group of GNU users from the University of Seville).

Tamén podes participar nos servizos Twitter ou Jaiku empregando Sweetter pois dispón dos complementos (plugins) adecuados. Outros poden ser feitos para crear o teu propio servizo microblogging.

asennadas

chuzame

En: AGNIX, Lista de ligazóns, FLOSS, Internet, Tecnoloxía por Roberto Brenlla
Sen Comentarios »

VideoLan VideoConference (VLVC) é un complemento (plugin) para o reprodutor de video VLC. Engade funcionalidades de videoconferencia, capacitando desde 2 a 10 persoas a escoitar e ver cada quen aos demais coa axuda dun computador e unha cámara web.

É SwL con licenza GPL alén de multiplataforma, polo que podes descargar fontes e binarios. Lamentablemente a súa instalación non é trivial e deberás ler os arquivos readme e howto_compile. Tes unha guía de uso, outra técnica e unha galería de pantallas.

VLVC admite calquera destes modos de uso:

• Sala de conversa: cada quen pode escoitar e ver aos demais, cada quen pode falar.
• Conferencia: unha persoa transmite aos demais como servidor, é dicir, só unha persoa pode ser escoitada e ollada.
• Anfiteatro: é unha versión avanzada do modo "Conferencia" posto que quen administra (servidor) dá ou retira o dereito individual a intervir.
• Encontro: similar ao"Anfiteatro" pero coa capacidade de dar ou retirar a capacidade de intervención a varias persoas á vez.

O proxecto naceu no 2003 grazas a un grupo de estudantes da Ecole Centrale Paris e na actualidade novos grupos de estudantes están a xuntarse ao proxecto.

asennadas

chuzame

En: AGNIX, FLOSS, Internet, Tecnoloxía por Roberto Brenlla
Sen Comentarios »

Google lanzou o seu servizo Google Earth Outreach, deseñado para supervisar os glaciares e masas de xeo en proceso de desaparición. A nova función é resultante dun proxecto de cooperación entre Google, o goberno británico e un centro de meteorología denominado Met Office Hadley Centre e British Antarctic Survey.

O obxectivo primordial é mostrar as consecuencias inmediatas do quecemento global, xunto con facer posible visualizar a forma en que a temperatura do globo terráqueo aumentará durante os próximos 100 anos. Co novo servizo, Google aspira a mostrar os efectos que terá o cambio climático e así evitar a detonación dunha catastrófica bomba climática.

"Este proxecto mostra os cambios climáticos reais, baseados en estimacións moderadas. Só ao facer posible que a xente entenda o impacto que terá o cambio climático para eles mesmos e para os demais, iniciarán medidas necesarias para evitar os peores efectos do cambio climático", explica a Ministra de Medio Ambiente de Gran Bretaña, Hilary Brenn, nun comunicado de prensa.

Para comezares a crear mapas virtuais podes seguir estes titoriais.

Fonte e máis info.

chuzame

En: Curiosidades, Ecoloxía, Internet, Tecnoloxía por Roberto Brenlla
7 Comentarios »

Alessandro Faria (Cabelo) mandou este artigo:

Neste documento veremos de forma simples e objetiva, como efetuar uma compilação cruzada gerando um programa HelloWord para o famoso console PlayStation 3. A distribuição utilizada foi o OpenSuSE 10.3 e o equipamento foi um despretensioso PC de 32 bits.

O artigo completo.

asennadas

chuzame

En: AGNIX, Amizade, Brasil, Curiosidades, FLOSS, Tecnoloxía por Roberto Brenlla
Sen Comentarios »

Unbound é unha solución libre (licenza BSD), segura e de alto rendemento, alternativa ao moi coñecido servidor de nome de dominios BIND (Berkeley Internet Name Domain).

Unbound 1.0 foi desenvolvido por NLnet Labs, VeriSign, Nominet e Kirei. Pretende que coa a licenza BSD poida convertise nunha alternativa sólida para ISP (fornecedores de servizos de Internet) e tamén para fabricantes de dispositivos con software embebido.

Tes este amplo artigo con a súa presentación así como a fonte.

asennadas

chuzame

En: AGNIX, FLOSS, Internet, Negocios, Tecnoloxía por Roberto Brenlla
Sen Comentarios »

Logo do éxito e interese que espertou o Obradoiro de Robótica organizado por AULUSC en colaboración coa Dirección Xeral de Xuventude da Xunta de Galicia na última edición da Xuventude Galiza Net (XGN08), decidimos levar a cabo unha actividade na que poder fomentar o uso das plataformas libres neste eido: XCARFOS 08Con esta primeira edición, organizada polos grupos de usuarios de Linux de Galicia AULUSC e GLUG, tratarase o uso de ferramentas open source para o control automático, con especial énfase nesta edición no uso de microcontroladores Atmel e a solución de open hardware Arduino.

As xornadas están orientadas á construción de robots baseados no Arduino e á explicación de como aproveitala potencia dos microcontroladores co uso do PC e de software de control robótico aberto.

Datas de PREINSCRICIÓN: do 21 ó 27 de maio deste mes

Data de INSCRIPCIÓN: do 28 ó 29 de maio

Data de CELEBRACIÓN: 17 e 18 de xullo

Máis info en http://xcarfos.aulusc.org.es

Fonte ofrecida por Óscar Casal.

asennadas

chuzame

En: AGNIX, Eventos, FLOSS, Tecnoloxía por Roberto Brenlla
Sen Comentarios »

Froito da coñecida ferramenta de traballo colaborativo alemá eGroupWare e da súa adaptación feita pola empresa Celepar para atender ás necesidades corporativas do estado de Paraná nace Expresso Livre.

Non se trata dun fork do eGW, posto que sempre manteñen contactos e persevan a versión estable da súa API, tan só dunha mellora xeral da contorna. Así, a alta estabilidade e escalabilidade desta solución están avaladas polo elevado número de persoas que a están a empregala na rede corporativa dese estado, máis de cen mil. Aleń diso destacan o emprego exclusivo de estándares, a súa elevada usabilidade, a independencia da plataforma (tanto en cliente como servidor) e libre mobilidade para quen a empregue.

Está desenvolvido en PHP e AJAX, é rápido e inclúe as seguintes funcioanlidades:

• ExpressoMail para o seu sistema de correo web.
• Axenda sincronizada co módulo anterior, onde os usarios reciben avisos de compromisos adquiridos.
• Libro de enderezos que permite diferenciar entre os corporativos, grupais e persoais.
• Fluxos de traballo
• Boletíns internos para comunicados corporativos
• Mensaxería instantánea

Para teres unha mellor idea do seu potencial ofrécese a posibilidade probares unha demostración en liña.
Souben dela grazas a Claudio F. Filho.

asennadas

chuzame

En: AGNIX, Amizade, Brasil, Estándares, FLOSS, Internet, Negocios, Tecnoloxía por Roberto Brenlla
Sen Comentarios »

iCub é unha plataforma robótica aberta que está a promover a investigación colaborativa en sistemas cognitivos artificiais. iCub é un robot humanoide, de 94 centímetros de alto de mesmo tamaño e forma similar que un neno de 2 anos, dotado de 53 grados de liberdade. Será capaz de gatear, erguerse, as súas mans permitirán unha hábil manipulación de obxectos e con articulación total de cabeza e ollos.

RobotCub é un proxecto integrado por 10 centros de investigación europeos, complementados por 3 centros americanos e 3 xaponeses, financiado pola Unión Europea vía a Unidade Cognitiva (E5) da compoñente de Tecnoloxías da Sociedade da Información do Sexto Programa Marco (FP6). O proxecto lanzouse o 1 de Setembro de 2004 e ten unha duración prevista de 5 anos e cun financiamento de 8.5 millóns de euros.

O proxecto RobotCup ten dous obxectivos principais asociados:

1. Crear un novo robot humanoide avanzado, o iCub, para dar soporte á comunidade de investigadores en cognición imposta.

2. Avanzar no noso entendemento de varios factores decisivos en cognición, mediante a explotación da plataforma na investigación de capacidades cognitivas.

O iCub é un robot humanoide posúe capacidades visuais, auditivas, vestibulares e sentido do tacto. Unha das grandes vantaxes de iCub é que é un sistema totalmente aberto, o deseño e a documentación de todo o hardware e software se licenza baixo as licenzas da GNU Free Software Foundation, de forma que o sistema poida ser libremente replicado e personalizado. Os deseños mecánicos e electrónicos estanse liberando baixo licenza FDL (GNU Free Document Licence) e todo o software embebido (controladores, interfaces e sistema cognitivo) baixo licenza GPL (GNU Geral Public Licence).

iCub pode supoñer unha revolución na Intelixencia Artificial, establecendo unha plataforma base para a investigación nestas áreas como un proxecto totalmente aberto, establecéndoo como estandar de facto.

A fonte apunta cara este artigo.

asennadas

chuzame

En: AGNIX, FLOSS, Tecnoloxía por Roberto Brenlla
Sen Comentarios »

O artigo explicativo comeza así:

Un Servidor estaba farto de non poder acender a música desde un bar, xusto antes de chegar a casa, ou enviar un arquivo que che pide un amigo por teléfono cando non estás diante dun computador... etc, etc... Velaquí chega a solución, Teléfono Móbil.

Non deixes de ollar os comentarios posto que ofrecen outras alternativas

asennadas

chuzame

En: AGNIX, Curiosidades, FLOSS, Tecnoloxía por Roberto Brenlla
Sen Comentarios »