asennadas

O Centro de Referencia e Servizos de Software Libre de Galiza, Mancomún -promovido pola Consellaría de Innovación e Industria-, vén de concluír a experiencia piloto para a capacitación de empresas TIC no eido do Software Libre cunha valoración moi positiva por parte dos asistentes. O curso foi organizado co fin de establecer unha experiencia previa que permitise coñecer as necesidades reais do tecido empresarial galego en materia de formación en Software Libre ou, o que é o mesmo, coñecer o seu grao de competencias de cara á implantación e ao soporte de servizos en Software Libre.

A iniciativa piloto, enmarcada dentro do denominado “Plano de Capacitación TIC en Software Libre”, concibiuse como un complemento ao “DVD - Ferramentas informáticas para a PEME”, lanzado en novembro de 2007, e coa mesma se xerará documentación pertinente para calquera empresa galega que desexe implantar as tecnoloxías de código aberto no seu negocio.

Este curso foi impartido por C.T.I. TEGNIX, concretamente por min a primeira parte e por Pedro Silva a segunda.

Máis información en Mancomun.org.

asennadas

chuzame

En: AGNIX, Estándares, FLOSS, Negocios, Persoal, Relatorios, TEGNIX por Roberto Brenlla
Sen Comentarios »

Os dias 15 e 16 de xullo de 2008 hanse celebrar en Carballo, concretamente do Pazo da Cultura do concello, as xornadas correspondentes ao "IV Curso de Verán sobre Dinamización Lingüística, Traballando en Lingua".

Desde a súa páxina web podes acceder á convocatoria que inclúe o programa completo. Nesta ocasión teño a sorte de poder participar na mesa "Oportunidades que ofrece o Software Libre" ás 16,30 hs do martes 15.

asennadas

chuzame

En: AGNIX, Eventos, FLOSS, Galicia-Galiza, TEGNIX por Roberto Brenlla
Sen Comentarios »

O evento do "I Fórum de Software Livre de Luanda" aconteceu o sábado 28 de xuño organizado pola ASL-Angola ("Associação Software Livre Angola").

Persoalmente califico con matrícula de honra á organización e moi especialmente a Marcio Cándido pois a pesares de ter que trocar a grade (axenda) por mor de diversos acontecementos, a saber, dificultades cos vistos para pasaporte, relatores que non poideron vir, voos ateigados e sen prazas libres, etc, todo saíu á perfección. O lugar seleccionado (Hotel Alvalade), a puntualidade das palestras, a infraestrutura xeral... todo estivo perfecto. A isto hai que engadir o ambicioso obxectivo da organización en convertirse no referente africano nesta materia polo que axiña saberemos de máis fórums. Parabéns.

Trala apertura oficial do Fórum por parte das autoridades o evento celebrouse en dúas salas simultáneas, unha máis técnica e outra máis xeneralista. Tiven a sorte de facer a apertura das xornadas ofrecendo, unha vez máis, o 'achegamento' á materia. Tendo en conta que o evento tiña como unha parte importante de alumnado de Enxeñaría Informática e outra de xentes afíns ao Sw Privativo, fiquei sorprendido coa cantidade e intensidade do debate final.

Alberto Sato tivo moito éxito na sala técnica dado que en Angola tiñan interese no Asterisk. Corinto Meffe, representando ao goberno brasileiro, amosou a estratexia englobada no "Software Público" (que non de dominio público pois sigue a GPL...).

Chamoume a atención o "Projecto Software Livre da CNTI", palestra comandada por Juliana Luzolo Ngundo e compartida co brasileiro Ariel Frozza da Mandriva. Presentaron o Angolinux baseado en Mandriva, e o Aden, específica para cibercafés, moi importante dado que a penetración de internet na poboación apenas ronda o 2%.

Tamén tiven a sorte de rematar a serie de palestras amosando a realidade galega. Chamou poderosamente a atención do público a historia común, a proximidade cultural grazas á língua (as palestras deixeinas escritas en galego), o reducido número de habitantes (até menor có da capital Luanda), o elevado número de asociacións, as funcións de Mancomun.org e mailo seu éxito en Europa, as iniciativas tradutoras, como naceu a nosa empresa (C.T.I. TEGNIX), a asociación de empresas AGASOL.... así ata cubrir todo o meu tempo dispoñible.

En resumo, o evento superou con creces as expectativas deixándome coa fe en que Angola é capaz de liderar en África a implantación do Sw Libre.

Deixo unha selección de fotos ás que axiña lles engadirei comentarios. Outra serie delas tamén están no álbum de Marcio.

chuzame

En: AGNIX, Amizade, Brasil, FLOSS, Galicia-Galiza, TEGNIX por Roberto Brenlla
Sen Comentarios »

A ASL-Angola (Associação Software Livre Angola), organizadora do evento, tivo que trocar a grade (axenda) por mor dos últimos acontecementos, a saber, dificultades cos vistos para pasaporte, relatores que non poden vir, voos ateigados e sen prazas libres, etc.

Daí que o evento comece mañá, dia 28 de xuño, tendo dúas salas con sesións simultáneas. Teño a sorte de inaugurar unha delas xusto despois do acto de apertura e tamén de pechar o evento contando as experiencias galegas nesta materia.

I Fórum de Software Livre de Luanda

asennadas

chuzame

En: AGNIX, Brasil, Eventos, FLOSS, Galicia-Galiza, Persoal, Relatorios, TEGNIX por Roberto Brenlla
Sen Comentarios »

Con todo rematado (visado no pasaporte, certificado sanitario de vacinas, seguro de viaxe e un sen fin de detalles máis), xa podo confirmar que irei a Angola a participar no "I Fórum de Software Livre de Luanda". Neste evento estarán representantes de Brasil, Portugal e Angola, todo organizado polo secretario xeral da asociación angola de SwL Marcio Candido. Valeu Marcio!

Irei en representación de AGNIX, C.T.I. TEGNIX, AGASOL agardando a confirmación doutras entidades.

De ter conexión á rede alá intentarei ir informando do que aconteza.

Ata a volta!

asennadas

chuzame

En: AGNIX, Amizade, Brasil, Eventos, FLOSS, Galicia-Galiza, Persoal, TEGNIX por Roberto Brenlla
Sen Comentarios »

É unha teoría aínda a desenvolver con máis estudo, forma e coherencia xa que polo de agora só é unha idea que reflicte o que comprobo empiricamente. A idea a desenvolver amosa os seguintes estados:

1. Indiferenza: cando alguén escoita falar disto do SwL normalmente non lle adoita presta atención e menos aínda por mor de ser algo minoritario e case que un perfecto descoñecido.
2. Curiosidade: prodúcese cando a persoa volve atoparse co tema e pregúntase "por que de novo isto?" Comeza a fase de preguntas e respostas ás moitas dúbidas que lle van xurdindo.
3. Rexeite: "Isto non ten futuro porque..." O rexeite acontece principalemente porque aínda non ten respostas satisfactorias e convincentes.
4. Dixestiva: comezan xurdir respostas convincentes namentres seguen outras dúbidas sen aclarar e daquela comeza a fase de "longa dixestión" na que vai colocando todas as ideas no seu debido lugar e o conxunto comeza tomar forma coherente. Esta fase pode ser moi longa no tempo.
5. Convencimento: "Xa está, entendo toda esta vaina!"que ten lugar cando vai rematando o proceso de dixestión e comeza trocar a postura de escepticismo ou até de rexeite por outra positiva e de aceptación.
6. Activismo: cando a aceptación comeza a darlle forzas para ser un defensor, sexa público ou de boca-a-boca. Esa defensa atopará dificultades cando tente convencer a persoas que aíndase atopan nas fases iniicias de indeferenza ou rexeite.
7. Talibanismo: Os rexeites que o activismo vai atopando no camiño vanlle afianzando na súa postura ata convertirse en talibanismo, é dicir, intransixencia a outras posturas distintas á súa. Non se pode admitir o sw privativo.
8. Moderación: Tras un tempo practicando o talibanismo pódese pasar a outro nível máis moderado, onde as ideas están claras pero estas conviven xunto a situacións admitidas que non sempre están en concordancia co talibanismo. Por exemplo, decátase que saca cartos de caixeros coa VISA ou usa un móbil e BIOS que non son libres...

Como dicía en riba, a isto quero darlle máis estudo, forma e consistencia. Daquela considérese como versión pre-alfa e, por suposto, estou aberto a calquera aportación

asennadas

chuzame

En: AGNIX, Persoal, Relatorios, TEGNIX por Roberto Brenlla
3 Comentarios »

Dá comezo a iniciativa do Centro de Referencia e Servizos de Software Libre de Galiza denominada Plano de Capacitación TIC en Software Libre. Correspondeunos a C.T.I. TEGNIX impartilo e a min as dúas primeiras xornadas que se han desenvolver nesta primeira fase piloto o 13 e 14 de xuño de 2008. Dado o seu carácter experimental, este curso celebrarase nunha única edición en Santiago de Compostela. Posteriormente, e unha vez analizados os resultados obtidos, afrontarase a segunda fase do proxecto, prevista para o último trimestre do ano.

Estou confiado porque seica teño experiencia para levalo adiante con éxito, polo moito que me preparei e tamén polo seu carácter piloto. Porén, sempre quero dar o meu mellor e as présas desde que o souben con certeza ata hoxe (xa ás 03:30 hs) unido ao de estrés polo de Angola (e moitas máis circunstancias) estanme deixando canso á vez que ansioso por rematar ben todos e cada un dos compromisos que teño por diante daquí a xullo.

E agora a durmir no sofá, teño ao crío con febre durmindo coa súa nae...

chuzame

En: FLOSS, Galicia-Galiza, Persoal, Relatorios, TEGNIX por Roberto Brenlla
Sen Comentarios »

A empresa C.T.I. TEGNIX convoca unha oferta de traballo para o posto de administrador de Sistemas GNU/Linux. Requírese persoas con coñecementos na administración de sistemas baseados nesta plataforma e en servizos de rede (Apache, Samba, Bind, Openldap, Postfix...).

O posto de traballo estará orientado á posta en marcha e configuración de contornas baseadas en GNU/Linux, bases de datos MySQL e PostgreSQL, virtualización de servidores e mantemento de servizos críticos, entre outras funcións.

A continuación indícanse as especificacións:

Posto vacante: Administración de Sistemas GNU/Linux

Categoría: Informática e telecomunicacións

Requerimentos:

* Coñecementos de administración de sistemas baseados en GNU/Linux e servizos de redes (Apache, Samba, Bind, Openldap, Postfix,...)

* Disposición de traballar en grupo

* Capacidade de aprendizaxe
asennadas

chuzame

En: AGNIX, FLOSS, Negocios, Persoal, TEGNIX por Roberto Brenlla
Sen Comentarios »

Foron moitos os meses de esforzos, traballo e burocracia mais, se non se torce no derradeiro trámite, Claudio F. Filho virá a traballar connosco. Enténdase traballar a facelo como analista en C.T.I.TEGNIX, como socio de AGNIX e como un integrante máis da comunidade galega, aportando a súa adicación e ampla experiencia liderando proxectos como BrOffice, Mozilla-BR, defensa de estándares abertos na ABNT, responsable de migracións masivas, etc.

Deixo unha ligazón á procura feita polo termo "Filho" dentro de agnix.org como mostra dalgunhas das noticias a el referidas nas páxinas da asociación.

asennadas

chuzame

En: AGNIX, Amizade, Brasil, Estándares, FLOSS, Galicia-Galiza, Persoal, TEGNIX por Roberto Brenlla
Sen Comentarios »

Quen escribe vén de confirmar que do vindeiro 25 de xuño ao 1 de xullo irá convidado a un evento sobre SwL en Luanda, capital de Angola, que está a ser organizado polo angolano Marcio Cándindo e o carioca Marco Lima, participante este último nas "Xornadas GalegoLusófonas do Porriño " organizadas por AGNIX no 2006 .

A idea é expoñer as experiencias galegas nesta materia desde diversas perspectivas (comunitaria, asociativa, desenvolvedora, política, empresarial e cultural) abrindo lazos de irmandade lusófona entre as comunidades aló presentes: portuguesa, brasileira, angolana e galega.

O sitio web do evento é www.fsl-luanda.com.

asennadas

chuzame

En: AGNIX, Amizade, Brasil, Cultura Libre, Eventos, FLOSS, Galicia-Galiza, Persoal, Relatorios, TEGNIX por Roberto Brenlla
1 Comentario »

Merquei un disco duro multimedia Differo que semella ser a marca de distribución en España do HMR-700A da coreana Elliot Digital Inc.

Mentres fedellaba con el chamoume a atención algún directorio do estilo 'tmpfs', as barras separadoras do estilo *nix, é dicir '/' e cousas así. Polo tanto non foi moita sorpresa conectar vía USB ese disco duro ao meu portátil e atopar directorios montados cos nomes "lost+found" ou até un evidente "LinuxUDF".

Procuro en todo o material que me deron (guía impresa, mini-cd con instrucións...) e nada atopo de GPL, nin de Linux, nin gaitas...

Tras isto consulto con Víctor Salgado (avogado-socio de Pintos & Salgado) e a súa resposta foi clara:

En canto ao asunto que me comentas do Disco Duro, semella evidente outra nova violación da licenza GNU, dado que teñen a obriga de publicar os seus traballos e/ou desenvolvementos con base na mesma e incluíndoa expresamente.

Isto xunteino ao seu traballo que publiquei nesta entrada que inclúe este perágrafo:

"Por exemplo, se se distribúen copias dun destes programas, sexa gratuitamente, ou a cambio dunha contraprestación, débese dar aos receptores todos os dereitos que se teñen sobre a mesma. Débese asegurar que eles tamén reciben, ou poden conseguir, o código fonte do programa. E débense mostrar estas condicións de forma que coñezan os seus dereitos."

Estes feitos foron comentados onte durante a comida de TEGNIX e non houbo unanimidade... Porén tras o que me dixo Víctor Salgado, experto nesta materia, decidín contactar coa empresa coreana para logo decontado dicilo á GPL-Violations nesta mensaxe (contén erros de inglés escrito ás presas).

Veremos como remata a cousa. Teño curiosidade por saber se estou errado ou se hai un novo caso de incumprimento da GPL.

asennadas

chuzame

En: AGNIX, FLOSS, Galicia-Galiza, Historia(s), Persoal, TEGNIX por Roberto Brenlla
Sen Comentarios »

Asistín no pasado 15 de maio de 2008 ao evento organizado polo IGAPE titulado "Dia do Emprendedor" aínda que só adiquei o meu tempo á sección Sw Libre, coordinado por Javi Vázquez.

Como adoita acontecer neste tipo de eventos, un énchese con novas perspectivas, abre a mente e afianza os propios criterios. Sen concordar completamente con todos, por algo somos seres individuais que viven en colectividade, enumero algunhas ideas anotadas dignas de seren evaluadas:

• Eduardo Manchón constuiu o seu proxecto (Panoramio) xunto ao seu amigo e socio, distantes mais sempre en rede, vestindo camiseta, sen horario mais cunha confianza absoluta. Cre que é mellor traballar sen un modelo de negocio e considera que errar é sempre positivo.
• Juan Freire estivo magnífico, impactante, convincente. Para el o SwL sobrepasa as fronteiras da tecnoloxía ata convertirse nunha nova de entender a realidade. A Rede e, máis concretamente, as Redes Sociais están a demostrar que o modelo Xerárquico é obsoleto neste século, perdendo eficacia frente ás innovacións acontecidas grazas ás novas conexións e funcionalidades engadidas da coñecida como Web-2.0.
• José Juan Glez. Alonso de Igalia comentou a historia, o modus operandi e perspectivas da empresa facendo fincapé no seu caracter cooperativista e asembleario.
• Roberto Moreda de Allenta comentou a súa estratexia empresarial e deu ánimos ás novas empresas start-up porque no eido tecnolóxico adoitan seren respectadas, gozando de credibilidade polo seu elevado grao de especialización.
• Dani Armendáriz de Ikusnet, foi moi breve, se cadra demais para o moito que me estaba gustando a súa intervención. Centrouse nalgo básico, a persoa e a empresa (dinñeiro, saúde e amor).
• Nacho Correas, CEO de EBOX Plataform, pasou por todos e cada un dos anos da iniciativa empresarial, sinalando as aprendizaxes adquiridas e as súas expectativas de futuro.

Como é costume neste casos, tiven a sorte de compartir experiencias, tanto persoais como na empresa C.T.I. TEGNIX, ao longo da tarde mentres íamos de visita polos garitos e monumentos da cidade vella de Compostela.

O que teño claro é que no noso presente unha organización TIC debe primar ás persoas que as compoñen, favorecendo a xeración de ideas, abríndose á realidade e ás Redes Sociais.

chuzame

En: Amizade, Cultura Libre, Eventos, Internet, Negocios, TEGNIX por Roberto Brenlla
1 Comentario »

Para que precisas borrar completamente discos duros? Pódense pór varios exemplos. No meu caso é pola cesión do meu portátil a outra persoa con suficientes coñecementos técnicos como para atopar datos teoricamente eliminados. Outro exemplo ben sinxelo pode ser a venda do teu equipo a unha persoa descoñecida.

Borrar datos cun sinxelo 'rm' ou até formatar de novo o un disco duro non abonda para teres a certeza de que os datos no disco non sexan recuperables empregando ferramentas especializadas como 'foremost'.

Seguindo os consellos de Carlos Rodríguez, hei empregar a ferramenta Darik's Boot and Nuke, máis coñecido como DBAN que vén sendo empregada no proxecto GRUVI (Grupo de Reciclaxe Informática da UVigo).

DBAN é SwL protexido pola licenza GPL a xeito de disco de arranque (disquete ou cdrom) de doado manexo porque só tes que arrancar desde cero o teu equipo empregando ese disco, do mesmo xeito que farías para instalares un sistema operativo, por exemplo. Polo tanto é moi probable que teñas que trocar a prioridade do dispositivo de arranque na BIOS. Tes máis información en README.txt.

DBAN elimina automaticamente os datos contidos en discos SCSI, IDE, PATA e SATA, destruíndo sistemas de ficheiros FAT, VFAT, NTFS, ReiserFS, EXT e UFS con garantías e baixo diferentes métodos de borrado.

asennadas

chuzame

En: AGNIX, FLOSS, Negocios, Persoal, Seguridade, TEGNIX, Tecnoloxía por Roberto Brenlla
Sen Comentarios »

GALPon e Microsoft unidos polo mesmo fin pero non empregando os mesmos medios. Dispor de software de calidade en galego é un dos obxetivos que promove a asociación galega nas súas actividades, namentres que a multinacional norteamericana, multada en varias ocasións pola Unión Europea, anuncia as súas últimas versións do sistema operativo e suite ofimática traducidas ao galego.

GALPon defende e promove o emprego de Software Libre coma o sistema operativo GNU/Linux e a suite ofimática OpenOffice.org que levan no mercado máis de 5 anos traducidos ao galego...

Segundo as palabras da presidenta de Microsoft Ibérica que subliñou sobor os seus produtos que "este software permite extender el uso del gallego a través de las TIC y forma parte de la intención de la empresa de «adaptar» sus productos a todos los idiomas, algo que espera que sus competidores imiten porque «significará que ellos también aceptan el gallego como lengua cooficial", pódese extraer que non considera ao sistema operativo de GNU/Linux coma competidor xa que xa estaba traducido antes que calquera dos sistemas operativos da multinacional.

Na foto amosada aparecen Carlos Rodríguez, o xerente de TEGNIX e actual presidente de GALPon, xunto a Rosa María García, presidenta de Microsoft Ibérica, ambos felices e "contentos"... Ademáis, no álbum de imaxes, pódese ver a Pedro Silva de AGNIX e Miguel Bouzada de GALPon no acto.

Vía Carlos, publicado en GALPon.

chuzame

En: AGNIX, Amizade, Curiosidades, FLOSS, Galicia-Galiza, Hasefroch, TEGNIX por Roberto Brenlla
2 Comentarios »

Xa escribin algo referente á evanxelización, é dicir, dar a coñecer o Sw Libre. Adoita acontecer que non sempre un pode reflictir na escrita todas as ideas que sobre o tema posúe, sexa por mor do tempo adicado ou polo restrinxido que supón facelo nun blog en troques de conversado e expresado xestualmente. Aproveito tamén para seguir o fío do comentado por Toni a tal artigo.

Voltei ao tema porque nesta semana terei a oportunidade de intervir no IES San Clemente, convidado por Carlos Carrión e Jesús Arribi, e dase o caso que me deixan adicarlle a esta tarefa uns trinta minutos, se cadra algo máis. Ante todo estou moi agradecido mais tamén preocupado, case que tanto como no seu dia cando fora á TVG. Por que? Ben simple, como podo en tan pouco tempo evanxelizar? Na TVG foron uns 10 minutos xunto aos nervos das cámaras e mailo directo e eiquí son máis minutos, si, pero diante de profesorado experto en informática e, según me din, posiblemente non todo a prol de evolucións (antes diría 'migracións').

Desde o meu parecer, a compoñente social é a máis relevante entre todos os obstáculos a seren salvados á hora de acadar unha evolución con éxito. Daquela non se debería menosprezar. É máis, facelo con decisión xunto ao nomeamento de "defensores do cambio" pode ser até vital para o éxito da iniciativa.

Sexa como fora, tanto Carlos como Jesús son coñecedores da relevancia disto e, teño certeza, seguro que estarán aí cando algúns inconvintes xordan e sexa necesario alimentar esas forzas contrarias ao proceso. É un dos privilexios que ten o profesorado deste IES, outro pode ben ser este completo Wiki.

Para rematar, tamén será interesante comprobar como este proxecto, ben estudado e elaborado, sae adiante tendo á compoñente social como derradeira parte do proceso, inmediatamente antes da posta en marcha dos servizos libertados. É dicir, en quente, trala evanxelización virán os obradoiros explicativos das novas ferramentas. Heino seguir con atención porque, ogallá sexa certo, confirmará a regra que di que non debe haber nada estrito nunha evolución. Ben, se cadra, só unha: evanxelizar é unha tarefa obrigatoria.

chuzame

En: Amizade, Eventos, FLOSS, Persoal, Relatorios, TEGNIX por Roberto Brenlla
Sen Comentarios »