A Xunta impulsará o Sw Libre. Mancomun.org segue adiante.

Tiven a sorte de participar hoxe na xuntanza promovida pola secretaria de Modernización e Innovación Tecnolóxica, Mar Pereira. Convocados íamos CESGA, Mancomun.org (tamén presente a Fundación para o Fomento e Calidade), as oficinas de SwL das tres universidades e AGASOL.

Tras unha primeira posta en común das actividades realizadas por cada entidade, na que por parte de AGASOL estivo o seu xerente Luis A. Fernández, collín o relevo para a segunda na que pretendín amosar as necesidades de AGASOL e as propostas/suxestións para o futuro.

Na posterior rolda de prensa, Mar Pereiro deixou clara a estratexia do actual goberno da Xunta nesta materia, especialmente en materia de cumprimento de estándares abertos. É de agardar que estea dispoñible a presentación empregada. Salientable foi a confirmación da continuidade de Mancomun.org perante unha pregunta directa da prensa.

Tes nesta ligazón a nota de prensa oficial emitida pola Xunta de Galicia.

Roberto Brenllategnix_limpo_fdo_transparentemoi-pequeno

2 ResponsesA Xunta impulsará o Sw Libre. Mancomun.org segue adiante. to “”

  1. Menos mal que non se cargan Mancomún porque eu xa me temía o peor.

    Por certo, menuda teima teñen collida co tema da “imposición”, no tema da lingoa crearon un problema onde non o había con esa excusa e agora veñen co mesmo conto no software… non me gusta nadiña.

  2. […] de enterarnos, vía Roberto Brenlla, dunha xuntanza que tivo lugar hoxe pola mañá, entre os representantes do CESGA, de mancomun.org, […]