GP Brasil, sábado – 20091017

Previo

Como chove! Semella cancelada a terceira sesión libre, é demais, pero bastante habitual aquí. Aínda así ábrese a pista a 15 minutos do final. Con certeza, a cualificación vai ser en mollado… ou non. Aquí tamén seca en instantes.

Tralo forte accidente de Grosjean. detense todo. Os poucos minutos en total deixaron esta clasificación: ROS NAK BUT ALO SUT GRO BUE TRU HEI WEB (10º) RAI KOV AlG BAR VET (15º) LIU HAM FIS KUB KOB.

Cualificación

Demorou o comezo por mor nos ríos de choiva que hai nas beiras da pista; cae moita cantidade de auga. Na Q1: ROS RAI KUB NAK BAR BUT KOB GRO SUT BUE (10º) TRU LIU WEB ALG ALO (15º) e saen nada menos que VET KOV HAM HEI FIS. O diluvio determinou moito esta clasificación. De feito volven agardar outro tempo previo ata a Q2.

Un novo choque que provoca bandeira vermella, desta vez foi Liuzzi ao final da recta de meta. Na Q2, todo moi xusto, quedan fóra KOB ALG GRO BUT LIU, pasan ROS NAK TRU BUE SUT WEB KUB RAI ALO BAR.

A Q3 foi a máis emocionate, con contínuos intercambios de liderado ata a pole de Rubinho. Resultado: BAR WEB SUT TRU RAI BUE ROS KUB NAK ALO.

Chuzame! A Facebook A Twitter

GP Brasil, venres – 20091016

Previo

Chegamos á penúltima carreira da temporada co título aínda por decidir maila haber un claro favorito a el pola enorme vantaxa acumulada nos primeiros GPs, Jason Button. O seu compañeiro Rubinho está a 14 puntos, Vettel a 16.

En canto a novidades entre GPs, Kubica foi confirmado como piloto de Renault por unha temporada e hai quen di que xusto para logo ir a Ferrari con Alonso. Ferrari confirma un cambio na dirección dos departamentos de electrónica e motor pois o actual Gilles Simon é substituído por Luca Marmorini quen regresa a casa tras pasar por Toyota. Massa segue dando que falar, regresou a Maranello, deu voltas en simulador, probou o Ferrari de 2007 con neumáticos lisos da GP2 e logo comenta nunha entrevista que ten «certeza absoluta» que Alonso sabía da trama Renault en Singapur 2008 para acto seguido, presionado por Ferrari, suavizalo artificiosamente.

Alonso, pola súa banda, está a recibir máis eloxios. Deste volta, Adrián Campos chega a dicir que o astriano é a «síntese de Jim Clark, Ayrton Senna e Michael Schumacher«, case nada. Rubinho tamén declara que Alonso é o mellor da grella… en fin, por algo o matrimonio Ferrari-Alonso presaxia tanto optimismo. Ademais, semella que Fernando ben aprendeu do pasado. En respostas maís que correctas, non entrou en polémica con Massa e declarou o que tanto quere un fabricante «Ferrari está por riba de calquera piloto» e que está seguro de que formarán unha moi boa parella latina.

Adestramentos

Co ceu coberto de ameazantes nubes no mítico Interlagos, tamén coñecido como circuito José Carlos Pace, a maioría de pilotos decidiron sair cedo. E, efectivamente, a choiva caeu forte tras máis forza á media hora do comezo da primeira sesión. Ata ese intre a clasificación era VET BAR HAM WEB BUT BUE TRU SUT ROS ALO NAK KUB RAI FIS ALG LIU HEI KOB KOV GRO. Olla que hai un KOB, refírese a Kobayashi, substituto do accidentado Glock no equipo Toyota. Finalmente remataron así: WEB BAR VET KOV HAM NAK BUT ROS SUT RAI (10º)  TRU HEI BUE KUB FIS (15º) ALO LIU KOB ALG GRO.

Moi entretidos os segundos adestramentos, sobre todo cara o final. Alonso, 16º na primeira, mantivo sempre as derradeiras prazas. Saía a dar tandas moi curtas, e demoraba moito no garaxe, tanto que até restando menos de media hora era o que menos voltas dera. Choiva caeu pouca e  e a pista axiña secaba. Víuselle como fedellaban nos baixos do monoposto, acho que cambiando o reparto de peso nos lastres. Tras deixalo ao seu gusto e a nos minutiños do final, sae e marca o mellor tempo aínda que por poucas décimas respecto a un sorprendente Buemi que viña de esnaquizar o seu coche na primeira sesión. Segunda tanda: ALO BUE BAR WEB BUT TRU VET ROS SUT HAM (10º) GRO KUB KOB NAK HEI (15º) LIU LOV RAI ALG FIS

Alguersuari, penúltimo nas dúas, está a tan só 0,7 segs do primeiro.

Chuzame! A Facebook A Twitter

X FISL, Lula comenta SwL no Brasil

Se cadra a parte máis salientable deste pasado X FISL, porén o video de Stallman bailando con GNU, sexa o que dixo o presidente Lula sobre o SwL no Brasil:

«Porque nós tínhamos que escolher: ou nós íamos para cozinha preparar o prato que nós queríamos comer, com os temperos que nós queríamos colocar e dar um gosto brasileiro na comida, ou nós iríamos comer aquilo que a Microsoft queria vender para a gente«.

Este video voi atopado en varias fontes, entre elas, esta.

Referido tamén ao presidente Lula e ao amigo Claudio F. Filho deixo este video que amosa a súa entrada no FISL con Claudio entregándolle a camiseta do BrOffice e recibindo unha emotiva aperta.

asennadastegnix_limpo_fdo_transparentemoi-pequeno

Chuzame! A Facebook A Twitter

Comeza o X Fórum Internacional Sw Livre

Desde hoxe e ata o 27 de xuño de 2009 ten lugar en Porto Alegre (Brasil) o X Fórum Internacional Software Libre «A Tecnologia que liberta«. Na súa páxina oficial tes información de relatores, programación, novas e horarios.

Grazas a súa retransmisión por streaming podes asistir ao evento tranquilamente dende o teu computador, tanto en directo como resumes informativos e entrevistas.
asennadastegnix_limpo_fdo_transparentemoi-pequeno

Chuzame! A Facebook A Twitter

Claudio F. Filho regresa a Brasil

Hai algo máis dun ano anunciaba a posible chegada de Claudio F. Filho a C.T.I. TEGNIX, S.L., algo que se concretou definitivamente en setembro do ano pasado. Lamentablemente agora hei de anunciar o regreso ao seu país por motivos estritamente persoais.

Cremos que sempre estivo satisfeito co traballo na nosa empresa pois deixámolo en total liberdade para seguir cos seus proxectos comunitarios, principalmente o BrOffice, o ambiente é absolutamente cordial, acudiu aos eventos que creu convinte (Brasil, Málaga, China…)… Porén a adaptación familiar ao noso país foi un dos maiores pesos á hora de tomar a decisión de regresar a Brasil.

A aportación de Claudio neste tempo foi máis ca proveitosa para nós. Afondamos nos problemas e solucións cando se integra (migra a) SwL grazas á súa ampla experiencia na materia, ampliamos o círculo de expertos cos que podemos contar de primeria man, recibimos unha ampla formación na xestión destes proxectos de migración, tamén en ofimática avanzada, etc. e, como non!, coa súa compañía no dia-a-dia.

Sabemos que sempre podemos contar con el dende o momento que abramos unha conversa no Jabber. Daquela, maila tristeza pola súa partida, estamos ledos polo moito que gañamos coa nosa amizade, agora aínda máis reforzada.

Forte abraço, Claudio!
asennadastegnix_limpo_fdo_transparentemoi-pequeno

Chuzame! A Facebook A Twitter

Máis de 100.000 PCs con Firefox no Banco do Brasil

O Banco do Brasil (BB) vén de anunciar que atinxiu no pasado mes de maio a marca de máis de 100.000 instalacións do navegador web Mozilla Firefox nos seus computadores. A institución utiliza ese software desde 2005 cando iniciou a implantación do GNU/Linux nas máquinas das axencias. A dirección de tecnoloxía do BB, responsable das implantacións, recibíu retornos favorables do persoal que emprega este software multiplataforma.

O BB é un dos maiores usuarios corporativos de Software Libre no mundo. Practicamente todos os computadores das súas catro mil axencias, máis de 65 mil máquinas, utilizan GNU/Linux, Br-Office e Mozilla Firefox. As outras 35 mil máquinas que utilizan o Mozilla pertencen a órganos rexionais e dependencias da Dirección Xeral, utilizan Mozilla e Br Office, pero aínda non migraron a GNU/Linux.

En 2009, os terminais de auto-atención (TAA) tamén comezaron a ser equipados con software de código aberto. A iniciativa do BB conta co apoio das comunidades de software libre nacionais e internacionais, do goberno federal e de empresas.

Esta é a fonte da nova.

Opinión

A marca acadada é moi salientable a lo menos polos seguintes motivos:

  • É un proceso de instalación feita a propósito, con decisión firme pois o normal é ter equipos que veñen con software privativo.
  • Aínda máis salientable por ser unha elección dunha entidade que acumula grandes beneficios económicos, até en época de crise. Idéntico escenario (grandes beneficios) ten Petrobras e mailo seu poder económico comezou este mesmo proceso integrador de solucións libres. Polo tanto, non só hai motivacións económicas senón outras como liberdade e independencia.
  • Daquela, que debería facer quen xestione recursos públicos se ademais ten motivos éticos e legais (Constitución, LOPD, LSSI, lei de contratos públicos…)?
  • Como é posible que gobernos recentes e mesmo actuais sigan pedindo en concursos públicos marcas de software? Ademais de ser software privativo que non cumpre estándares de empresas sancionadas internacionalmente? Velaquí unha mostra dos requerimentos técnicos dun recente concurso público (DOG nº 95, 18 de maio de 2009), aprobado pola asesoría xurídica da Xunta con data 11 de febreiro de 2009, onde se pide expresamente software da marca de Redmond.

Insisto, a ignorancia non é eximente de culpa en responsables políticos pois contan con medios máis ca suficientes para dirixirnos. Ignorar programas e promesas políticas, ao seu electorado, ao resto da cidadanía ou aos múltiples informes técnicos elaborados polos diversos organismos públicos, déixaos na situación de cómplices conscientes, incumpridores, inconsecuentes e deplorables.
asennadastegnix_limpo_fdo_transparentemoi-pequeno

Chuzame! A Facebook A Twitter

A Arte de HACKEAR Pessoas

É o título dun libro de Antonio Marcelo e Marcos Pereira, editado por Brasport. Aborda os problemas da enxeñaría social,  os crimes dixitais, ataques de phishing e afíns.

O libro consta dos seguintes capítulos:

  • Capítulo I – Hackeando Persoas
  • Capítulo II – Presentando ao Enxeñeiro Social
  • Capítulo III – Enxeñaría Social para Diversión e Lucro
  • Capítulo IV – Scripts de Ataque e Ataques Web
  • Capítulo V – Boas Prácticas e Ferramentas de Defensa
  • Apéndice – describe os principais ataques de phishing no escenario brasileiro.

Liuz Vieira comenta o  libro polo miúdo xa que logo actúa e escribe artigos na área de Seguridade TIC e tamén actúa como sicoterapeuta, dispoñendo, polo tanto,  de dous perfís idóneos. O interesante artigo de Luiz é válido tamén como resumo do libro.
asennadastegnix_limpo_fdo_transparentemoi-pequeno

A seguir deixo a tradución automática ao galego.

Chuzame! A Facebook A Twitter

Tela Azul, comedia teatral sobre SwL

A peza teatral «Tela Azul» refírese ao fondo de escritorio de cor azul que o sw privativo popularizou. Foi ideada e creada pola 4Linux e gravada durante o evento Campus Party 2008. Contou coa participación de John ‘maddog’ Hall e ten unha licenza Creative Commons Recoñecemento-Uso Non-Comercial 2.5 Brasil.

Esta breve comedia está falada en portugués do Brasil e conta con subtítulos en inglés. Sendo así, seguila é moi doado, sobre todo se coñeces algunhas traducións especiais: «bilau» é carallo, «camisinha» é condón e «software fazedor de cornos» é o window$ (dado que o persoal dun CPD terá que traballar a reo até fins de semana, implicando por ilo a necesidade de sufrir ameazas por parte da súa parella do senso de buscarse amante).

Souben dela por Claudio F. Filho quen aparece ao final da obra na sección de agradecimentos xunto a outros persoeiros brasileiros.

Por certo, durante unha cea con Manuel Hermo pensamos facer unha obra de taeatro tamén de humor sobre un tema semellante. Aínda non sabíamos desta obra «Tela Azul» e a cousa ficou nun simple desbarre. Persoalmente animaríame a facela se fósemos uns cantos ‘entusiasmados’ polo proxecto. Anímaste? Levámolo adiante? :-)

E xa que estou con videos, deixo a seguir a ligazón aos moitos videos favoritos do concurso promovido pola Linux Foundation baixo o título «I’m Linux«. Aínda estás a tempo de enviar un!

asennadas

Chuzame! A Facebook A Twitter

10º Fórum Internacional Software Livre, en Porto Alegre

Souben por Marcelo Branco da apertura do 10º Fórum Internacional Software Livre «A Tecnologia que liberta«. Este é un aniversario moi especial toda vez que…

Em 1999, quando idealizamos o fisl, e nos jogamos na construção do que é hoje a rede “Projeto Software Livre Brasil”, fomos visionários-quase-por-acaso, pois não sabíamos ao certo a dimensão que o software livre alcançaria em todo mundo. Mas os pioneiros do fisl tiveram uma firme convicção de que a luta pela liberdade e pela autonomia tecnológica de nosso país passava necessariamente pelo Software Livre e pelos ideais construídos, inicialmente por Richard Stallman e, posteriormente, pela comunidade de hackers e desenvolvedores do sistema operacional GNU/Linux.

A emotividade pola celebración deste aniversario únese a un escenario cada dia máis proclive ao SwL acentuado se cabe pola crise económica mundial e mailos recentes comunicados oficiais de apoio e investimento en diversos países do mundo. O máis recente é o investimento de 500 millóns de euros do goberno alemán.

Damos a largada para este nosso décimo aniversário num cenário global de crise econômica e de fortes ataques que as liberdades na Internet vem enfrentando em todo mundo. E é justamente por isso que o fisl se faz ainda mais importante. Nunca o software livre, e as novas formas de relacionamentos sociais, inauguradas pela nossa comunidade em escala global, foram tão importantes para a superação da crise de um velho modelo. Nunca a luta por democracia e liberdades foram tão importantes e atuais para a garantia de um desenvolvimento sustentável e um futuro melhor para o nosso país como hoje. Todos estes elementos estiveram e estarão presentes neste nosso décimo aniversário.

Vontade de ir haina ;-)

asennadas

Chuzame! A Facebook A Twitter

MUAN, animación cadro-a-cadro

MUAN ( Manipulador Universal de Animação) é un sistema de software libre para animación cadro-a-cadro, desenvolvido para GNU/Linux. Foi concibido polo Anima Mundi, Festival Internacional de Animación do Brasil, e desenvolvido polo IMPA, Instituto de Matemática Pura e Aplicada, co apoio de IBM. A súa interface gráfica permite a rápida creación, edición, manipulación e visualización de animacións, utilizando cámaras de vídeo ou webcams conectadas ao computador. Por ser elaborado para propósitos educativos, MUAN é sinxelo e doado de manexar, contendo funcionalidades que atenden tanto a principiantes canto a animadores profesionais.

A través do sistema MUAN, tórnase posible gravar imaxes fixas en secuencia e editalas no mesmo ambiente, cunha interface intuitiva e rápido rendimento. A instantaneidade favorece a espontaneidade e creatividade do traballo de animación. O MUAN non crea ou edita as imaxes en si senón que está enfocado na manipulación do secuenciamento de imaxes.

Tes esta galería de videos producidos (o primeiro, titulado «Um Lugar Chamado Quitungo» non me rulou) co MUAN. deixo esta outra mostra titulada «Descontrole Remoto«.

Podes descargar versións en código fonte, rpm e deb seguindo esta ligazón. Tamén tes un manual básico (en pt-br) e outro máis completo.

Velaquí un video dun relatorio dado durante a Campus Party 2008:

Fonte.

asennadas

Chuzame! A Facebook A Twitter

Goberno do Brasil leva aforrados 55 millóns de euros grazas ao SwL

O presidente do Serpro (Serviço Federal de Processamento de Dados), Marcos Mazoni (de quen comentei xa algo nesta entrada) dixo que, co uso de distribucións abertas GNU/Linux en órganos gobernamentais, deixouse de gastar máis de R$ 150 millóns (uns 55 millóns de euros) nos últimos anos.

Só co Expresado (solución libre de correo-e, axenda, catálogo e fluxo de traballo) foron aforrados R$ 30 millóns (~11 millóns de euros), «e olhe que ele ainda está sendo instalado.  Já está no Serpro, grande parte do Ministério da Fazenda, Presidência da República, Fundação Chico Mendes… Quando estiver no governo como um todo, a economia será bem maior«, di Mazoni.

O Serpro está facendo un novo análise sobre o uso de software de código aberto no goberno, que debe estar listo a fin deste mes. Segundo Mazoni, alén do propio Linux nas estacións de traballo dos órganos públicos, as estrelas entre os programas libres usados son a oficina electrónica representado polo BrOffice (con procesadores de textos, follas de cálculo, presentacións etc), sistemas de bases de datos como o Postgres, e aplicacións desenvolvidas na linguaxe Java, «que não nos obrigam a ter um sistema operacional proprietário nas máquinas«.

«Temos um sistema estruturante próprio (framework), e se isso fosse proprietário custaria uns R$ 20 milhões. Seu uso gera economia direta, e isso sem falar dos programas e soluções desenvolvidos com suas ferramentas«, di. «Por isso, as políticas de incentivo em TI devem fazer com que o sistema de desenvolvimento de programas siga a lógica do software livre, uma lógica de cooperação em que o trabalho seja remunerado, e não os royalties«.

«Ao fazer essa opção, diz, o governo sinaliza um caminho diferente para a indústria e o comércio, em que a evolução tecnológica anda de mãos dadas com a evolução do conhecimento (e da própria sociedade, o que é no fim das contas o objetivo principal da filosofia do free software)«.

Na parte final do evento carioca Free Software Rio, Mazoni comparou a cuestión do software á invención do avión e á eterna rixa entre os irmáns Wright e o brasileiro Santos Dumont. Mentres os primeiros levaran dez anos para perfeccionar o seu invento, xa estaban creando coñecemento propietario con vistas a patentes e pouco podían contar con estándares coñecidos, Santos Dumont creou o 14 Bis nun ano usando todo o coñecemento público dispoñíbel sobre aerodinámica na época. Despois, cando creou o Demoiselle, liberou todos os datos sobre el. «Foi a primeira licenza Creative Commons da Historia«.

Fonte.

Enténdase ben, os 55 millóns de euros aforrrados son só no goberno federal. A cifra global do aforro de todo o país, incluíndo gobernos dos 26 estados, prefeituras, empresas, outras entidades e persoas físicas, é outra ben maior.

asennadas

Chuzame! A Facebook A Twitter

Síndrome de Orwell e Google (humor)

Karlisson Bezerra é o brasileiro autor da serie de tiras cómicas titulada «Nerdson não vai à escola» liberada baixo licenza Creative Commons by-nc-sa 3.0.

Ao respecto do temor que temos pola nosa privacidade depositada en Google, Karlisson fixo esta tira:

asennadas

Chuzame! A Facebook A Twitter