asennadas

Elephants Dream é unha película aberta, feita enteiramente con aplicacións libres e abertas como Blender. Alén disto, todos os arquivos da produción están nlibremente dispoñibles onde sexa que queiras pois ten unha licenza Creative Commons. Dela sábese xa desde hai bo tempo.

Lendo nos foros de Blender, atópome con que hai unha tradución en galego feita por Adrián Chaves. Sobre este tema, Adrián sinala:

Si, fixen a tradución, pero coido que non vai subirse ao sitio web oficial (nin a miña nin ningunha outra). Semella que o proxecto xa quedou estancado. Algo que supoño que nos casos das obras artísticas, pode ter algo de sentido.

De todas formas, teño activo un torrent da curtametraxe con 33 subtítulos, incluídos os subtítulos en galego, e aberto a máis subtítulos.

O torrent podes atopalo nesta páxina:
http://thepiratebay.org/torrent/4797765/Elephants_Dream_[HD][English][33_subs]

Por se prefires descargar o filme pola túa conta (coido que no sitio web oficial do proxecto hai descarga directa dispoñible), anexo os subtítulos.

Para visualizalos, ben podes abrir o filme cun reprodutor e logo cargalos desde o programa, ou ben podes situar os subtítulos no mesmo cartafol que o filme e co mesmo nome (a maioría dos reprodutores cargan automaticamente os subtítulos cando o nome coincide co do filme).

Esta curta foi creada polo estudio Orange Open Movie Project, sito en Amsterdam, durante os anos 2005 e 2006. Para ilo contou cun diverso equipo de artistas e desenvolvemento de todo o mundo.

Tes máis información sobre esta curta aquí.
asennadas

En: AGNIX, Cultura Libre, FLOSS, Galicia-Galiza por Roberto Brenlla
Sen Comentarios »

CC0 (Creative Commons Zero) é unha ferramenta na se que estivo a traballar dende decembro de 2007 e nestes dias vén de acadar a versión 1.0.

CC0 é máis unha renuncia ca unha licenza. É un intento da Creative Commons de mellorar o sistema de dominio público facéndoo máis internacionalizable e resolvendo os problemas que se atopan para pór algunha creación baixo o dominio público.

A idea é que, no canto de licenciar a túa creación con diversas restricións, poidas renunciar aos teus dereitos tanto como sexa posible, incluídos os dereitos morais, legalmente irrenunciables na LPI (Lei da Propiedade Intelectual) como sinala o seu artigo 14. Isto déixame en dúbida sobre a súa aplicación legal no noso estado precisamente por seren irrenunciables os dereitos morais.

Daquela de seu non se trata de dominio público porén comporte teoricamente os mesmo efectos.

Para obter a renuncia CC0 tes que seguir os mesmo pasos cós que dunha licenza normal CC coa diferenza de que tes que activar o elemento clickwrap para expresamente renunciar aos teus dereitos morais.

Tes máis información no wiki de CC, na fonte e neste artigo que analiza á CC0 en profundidade.

asennadas

En: AGNIX, Cultura Libre por Roberto Brenlla
2 Comentarios »

Coñeces Jamendo.com, un portal que inclúe a nada desdeñable cifra de +15.000 aĺbums de música libre.

Veń de anunciarse un novo servizo, Jamendo pro. Ofrece unha ampla colección de músicas, variadas e sen publicidade. Ademais, ao elixir música Creative Commons (CC), non terás que pagar canon a ningunha entidade de xestión de dereitos.

Como funciona? Compras unha licenza comercial a través de PayPal, tarxeta de crédito ou por transferencia. Tal licenza dáche acceso a numerosos estilos musicais e a un certificado que demostra que non tes que pagar polos dereitos de autor.

Tes unha necesidade específica? Contacta con Jamendo pro para que atopedes unha solución axeitada se precisas música para o teu local comercial, video, web ou evento.

Non me resisto a sinalar, especialmente para quen saiba de Jamendo por esta nova, que dous dos últimos álbums do grupo de rock industrial Nine Inch Nails foron feitos baixo licenzas CC, son récord de vendas e até gañaron premios de prestixio, como dúas veces o Grammy tras seren nomeados nunha dúcia de ocasións. Iso é xusto o que precisa a música CC para gañarlle terreo ás entidades xestoras do tipo $GA€.

Eis un exemplo de tipo hiphop:

asennadas

En: AGNIX, Cultura Libre, Negocios por Roberto Brenlla
2 Comentarios »

Javier de la Cueva fai unha análise dunha sentenza da Audiencia Provincial de Pontevedra ditada o pasado 31 de xullo de 2008.

Os feitos foron os seguintes: a Sociedade Xeral de Autores e Editores (SGA€) demandou ao establecemento El Monstruo de un Solo Ojo reclamándolle a cantidade de 1.325,70 euros como importe da música que se reproducía no local. Aproveitamos para reiterar a explicación de que a SGAE non pon multas (é unha asociación privada), senón que reclama importes que lle corresponden como un provedor máis dun establecemento (como o fan os provedores de bebidas, electricidade, gas, etcétera). A SGAE fornece a música e se esta é de autores aos que representa, ten dereito a cobrar. No establecemento, segundo a sentenza, só se reproducen dous tipos de música: música libre e maquetas de autores noveis.

En primeira instancia o Xulgado determinou que a SGAE non tiña dereito a cobrar e rexeitou a demanda, con expresa imposición de costas a devandita entidade, sentenza que agora ratifica a Audiencia Provincial de Pontevedra, volvendo impor as costas á SGAE.

En dúas ocasións anteriores a Audiencia Provincial de Pontevedra, mediante sentenzas de datas 29 de novembro de 2005 e 25 de febreiro de 2008, rexeitara os recursos doutros establecementos que alegaban o uso de música libre: o primeiro deles era unha cafetería sita en Marín e, o segundo, a Sala a Iguana.

(…)

Tal e como conclúe de la Cueva:

É unha boa nova este rigor da Audiencia de Pontevedra, que vén demostrar que se se proba correctamente o uso de música libre, non hai problemas para modificar criterios contrarios de resolucións anteriores dunha Audiencia Provincial. Os profesionais do Dereito coñecemos que poden existir criterios diferentes no ámbito de diversas Audiencias. Con todo, tras esta resolución, sabemos que o criterio é coincidente entre as Audiencias Provinciais de Madrí, Valencia e Pontevedra, as únicas que, ata esta data, resolveron sobre este tipo de música libre.

e, lido o anterior, recomendo o que escribira uns poucos dias atrás neste artigo. Promocionemos músicas Creative Commons porque habelas hainas!

asennadas

En: Amizade, Cultura Libre, Galicia-Galiza, Historia(s), Negocios por Roberto Brenlla
1 Comentario »

Xa son varios os portais web adicados a grupos e autores que licenzan as súas obras musicais baixo algunha das modalidades Creative Commons. Sirvan de exemplo, MusicaLibre.es ou SomaFM.

Desta vez hei referirme unicamente a Jamendo.com, un portal que inclúe a nada desdeñable cifra de +15.000 aĺbums de música libre. Jamendo está a mellorar de seguido a súa interfaz web para facela máis amigable e participativa. Polo de agora está a acadalo con foros, wiki, área de desenvolvemento, listas de favoritos, reseñas, amizades, etc para os seus ~20.000 integrantes dados de alta.

A calidade musical, tanto artística como de produción, é moi elevada. Podes sorprenderte se é que pensas que por non seren artistas de canles privativas a súas composicións non pagarán a pena. Anímote a que entres no portal, elixas un estilo e selecciones por clasificar o resultado por «popularidade». De seguro que atoparás auténticas «xoias».

E, por suposto, xa vai sendo hora de promocionar a quen coa música fai paralelamente o mesmo que quen desenvolve, traduce, difunde… Sw Libre.

Promociona música CC!

Deixo a miña lista provisional das sorpresa que me fun atopando neste portal:

asennadas

En: AGNIX, Brasil, Cultura Libre, FLOSS, Galicia-Galiza, Internet, Negocios, Pensamento, Persoal, Tecnoloxía por Roberto Brenlla
2 Comentarios »

Cory Doctorow é editor en Boing Boing e deste blog. Tamén é ciberactivista e o autor de varios libros, entre eles este titulado «Little Brother» que se pode traducir baixo licenza Creative Commons-Recoñecemento-Non Comercial-Compartir baixo a mesma licenza-3.0. Grazas a esta licenza e maila facilidade de dispor do texto podes traducilo e até creares unha nova obra empregando mesturas con outras historias.

Cory recrea no libro a historia dun geek de tan só 17 anos moi avezado en sistemas e redes.

Souben dela grazas a MaryBeth Panagos de Open Media Now!, a quen coñecín na OSWC’08.

asennadas

En: Amizade, Cultura Libre, Internet por Roberto Brenlla
Sen Comentarios »

Vén de saír á luz a versión 1.3 da GNU Free Documentation License coa súas FAQ (preguntas frecuentes). Esta é unha licenza moi pouco usada agás por ser empregada no octavo sitio web máis visitado, a Wikipedia.

Nesta versión inclúense métodos especiais para permitir re-licenciar contidos baseados en ferramentas wiki desde a propia GFDL cara a moito máis sinxela Creative Commons Attribution-ShareAlike license 3.0 (atribución-compartir como igual), tal e como foi solicitado pola Fundación Wikimedia.

Wikipedia planexa facer unha consulta pública para decidir cando e como migrar cara CC-BY-SA. O debate xa deu comezo e semella estar quente e duro.

Fonte.

asennadas

En: AGNIX, Cultura Libre, Internet por Roberto Brenlla
Sen Comentarios »

Susana de Lorenzo vén de recomendar esta nova referida a MúsicaLibre.es que está publicada dixitalmente en El País.

Que pasa se alguén colle unha canción doutro e a difunde como propia? É un risco ao que se enfrontan por igual os autores que usan copyrights restritivos e os libres, aínda que o perigo é maior nos últimos. Para evitalo, o sitio Musicalibre blindadou cun certificado de AENOR as licenzas copyleft que ofrece aos músicos. Son os primeiros que fan algo así no mundo.

Musicalibre é un repositorio de cancións copyleft que naceu en 2004, da man dos madrileños Alejandro Corletti e Alejandro Jareño, de 48 e 32 anos, ambos informáticos expertos en seguridade. «Coñecémonos traballando nun proxecto en Telefónica Móbiles e resultou que aos dous gustábannos Linux e a música, ademais de ser bastante rebeldes contra as estruturas de poder. Ocorréusenos levar a filosofía de Linux á música«, explica Corletti.

A principal función de Musicalibre é axudar ao contacto dos autores copyleft co público. «A única condición é que, ao subir un tema, acepten que se difunda gratuitamente para uso non comercial«, afirma Corletti. Ademais, poden rexistrar as súas cancións baixo unha Licenza de Música Libre (LML). Son licenzas como as GPL ou as Creative Commons, adaptadas ao mundo da industria musical.

Podes ler máis sobre as licenzas LML na súa sección de preguntas frecuentes. Chama a atención como se fai o rexistro:

O rexistro da licenza faise de forma automática: o autor escribe os seus datos, os da canción e un dato confidencial, como o número do DNI ou algo vinculado a el. Este dato sométese a unha operación criptográfica reversible que o converte nunha ristra de números e letras chamada hash. Segundo Corletti, «calquera perito informático poderá avalar nun xuízo que só quen coñeza o segredo que está detrás do hash é quen colocou o tema«.

O proceso segue facéndose aínda máis seguro posto que o hash envíase ao Laboratorio Criptográfico da Universidade Politécnica de Madrí, quen imprime un selado de tempo, garantindo o día e hora en que se licenciou a canción. Este selado embébese nun arquivo final que contén todos os datos xerados e faise outro hash do conxunto. Finalmente, e previa autorización do autor, publícase na web, asociado á canción.
Un aval seguro.

asennadas

En: AGNIX, Cultura Libre por Roberto Brenlla
Sen Comentarios »

A EXGAE é a primeira asesoría legal case que gratuita especializada en liberar á cidadanía das actuacións da SGAE e outras entidades xestoras. Nace coa vontade de canalizar a popular e xustificada hostilidade cara estas entidades xestoras empregando ferramentas artísticas e legais.

EXGAE aposta por outras formas de circulación da cultura. Está constituída por 24 identidades, entre asociacións e cidadanía, apoiada por case 8000 persoas.

Tentará informar e axudar á cidadanía en xeral e, en particular a asesorar comercios, creadores, artistas e produtores que non saben ou non poden loitar contra as entidades de xestión. Asemade procurará cambiar os hábitos e as normas para un uso máis xusto e beneficioso dos recursos dixitais. Para ilo xa conta con varios avogados/as.

A EXGAE foi presentada o pasado mércores 14 baixo o lema «Cambia de repertorio».

Sóubeno por sweena.

asennadas

En: AGNIX, Amizade, Cultura Libre por Roberto Brenlla
Sen Comentarios »

Na lista CC-es coméntase que Creative Commons vén de dar un importante paso para aproximarse ás teses de FreedomDefined. E é que Mike Linksvayer, de Creative Commons, anunciou a creación dun selo «aprobada para obras culturais libres» que permitirá distinguir as licenzas Creative Commons que son libres (by e by-sa, ademais das declaracións de dominio público, que non son unha licenza pero que tamén permiten usos libres das obras) das que non o son (as que teñen as cláusulas nc-»non comercial» e nd-»sen obras derivadas»).

Isto terá importantes beneficios para proxectos libres como Wikipedia, Commons e outros análogos, que atopaban dificultades para explicar por que unhas licencias CC eran válidas e outras non. Achanda de paso o camiño para a anunciada adopción por parte de Wikipedia da licenza copyleft de CC.

Desta forma sálvase a principal obxección que se lle facía á CC desde o ámbito da cultura libre (no sentido que se dá a este adxectivo no ámbito do software libre) e permitirá que non sexan confundidas unhas licenzas con outras, permitindo distinguilas dentro do rango das licenzas de CC.

Fonte.

En: AGNIX, Cultura Libre por Roberto Brenlla
Sen Comentarios »