asennadas

Byzanz é unha aplicación de liña de comando coa posibilidade de ser minimamente gráfica se a engades como applet nun panel de GNOME. Con ela podes gravar o teu escritorio completo, partes seleccionadas del ou tan só unha fiestra. O resultado é gradado nun arquivo en formato .GIF animado.

Unha das vantaxes del frente aos xa coñecidos Istanbul, xvidcap ou record-my-desktop é que ese formato, aínda sen ser libre, é visible por calquera navegador. Isto, unido ao pouco peso dos resultados obtidos, faino idóneo para fins didácticos.

Un exemplo de uso de liña de comandos pode ser:

byzanz-record -c -x 0 -y 0 -w 600 -h 600 -l ficheiro.gif

Opcións da aplicación:
  -d, --duration=SECS      Duración por defecto 10 seg
  --delay=SECS             Retraso ata dar comezo (1 seg)
  -l, --loop               Let the animation loop
  -c, --cursor             Record mouse cursor
  -x, --x=PIXEL            X coordinate of rectangle
  -y, --y=PIXEL            Y coordinate of rectangle
  -w, --width=PIXEL        Width of recording rectangle
  -h, --height=PIXEL       Height of recording rectangle
  -v, --verbose            Be verbose
  --display=PANTALLA       Pantalla de X que se vai usa

Como sinalei enriba, podes obviar a liña de comandos se decides engadir un applet nun panel (botón dereito enriba no panel, atopalo e aceptar).

Instálase doadamente en Ubuntu e creo que en calquera outra distro:

sudo aptitude install byzanz

Algo que deberán resolver é a gravación tendo activados os efectos de escritorio (compiz-fussion) xa que logo con eles non grava como é debido.

Souben desta aplicaicón grazas a esta fonte.

asennadas

chúzame

En: AGNIX, FLOSS por Roberto Brenlla
Sen Comentarios »

Kerala, un pequeno estado do sur da India, vén de gañar a honra de ser a primeira entidade que examinou simultaneamente a 500.000 persoas en Teconoloxías da Información empregando todas elas GNU/Linux. Trátase do proxecto IT@School do Departamento Xeral de Educación dese estado.

A variante de GNU/Linux empregada é unha inicitaiva da escola e desenvolvida en colaboración coa FSF (Free Sw Foundation). Nas súas páxinas fan constar textualmente:

IT@School project had developed its own OS in Linux in association with Free Software foundation namely IT@School Linux The platform of IT education completely shifted from Windows to non proprietary software – Linux

A fonte sinala que este feito posibilitou a entrada no libro Limca dos records, o equivalente indú ao libro Guinness do que tamén están á espera de recoñecemento .

asennadas

chúzame

En: AGNIX, Curiosidades, FLOSS por Roberto Brenlla
Sen Comentarios »

O Learn Linux Project (Proxecto Aprende Linux) ofrece cursos en liña para que poidas aprender en profundidade un amplo espectro de temas sobre GNU/Linux.

Para seguires estes cursos terás que saber suficiente inglés, ter nocións de computadoras, tanto de hardware como software, e unhas mínimas aptitudes de programación.

A secuencia de cursos é:

• Fundamentos
• Administración de Sistemas
• Administración de Redes
• Programación en Shell
• Interioridades
• Servizos

Para todas estas seccións tes a posibilidade de baixar un PDF, seguilo en liña ou empregar a vía do tele-ensino mediante Moodle. En calquera danche unha idea en horas da duración de cada parte do curso.

Estes cursos están baixo licenza Creative Commons.

asennadas

chúzame

En: AGNIX, FLOSS por Roberto Brenlla
Sen Comentarios »

iTALC (Intelligent Teaching and Learning with Computers) é unha ferramenta didáctica con licenza libre GPL deseñada para asistir ao profesorado. A pesares do seu nome, esta ferramenta non é unha contorna de aprendizaxe senón que pretende dotar de control ao profesorado grazas ás súas funcionalidades de visualización de escritorios remotos.

Estas mesmas funcionalidades poden ser de utilidade tamén para profesionais doutro tipo de especialidades pois corre perfectamente en equipos modestos. Recoméndase 512MB RAM, procesador de 1GHz e tarxeta gráfica na parte máster (profesor/a) e aínda menos requerimentos para os clientes.

iTALC é multiplataforma, doado de se instalar (zona de descargas) con binarios para Debian, Ubuntu, SUSE, Gentoo e até para M$-Window$. Tamén podes compilar o paquete desde a fonte. Podes ollar o seu wiki para seguir en pantallas o proceso de instalación.

Con iTALC poderás:

• comprobar como se están a empregar os computadores e tomar snapshots
• controlar remotamente aos computadores clientes
• amosar demostracións nunha fiestra ou en escritorio completo en tempo real
• bloquear aos clientes
• enviar mensaxes aos clientes
• prender e apagar os computadores de xeito remoto
• ensino fóra do centro vía conexións VPN (redes privadas virtuais)

Máis información neste artigo.

asennadas

chúzame

En: AGNIX, FLOSS por Roberto Brenlla
Sen Comentarios »

Para contextualizar é bo que leas antes:

• A primeira xuntanza (marzo 2007)
• O resume do que aconteceu desde entón ata esta reunión.

Estes foron os puntos que finalmente tratamos coa conselleira de Educación Laura Sánchez Piñón e que a seguir deixo:

Asunto: Estratexia TIC na Educación galega

Reunión: 22 de febreiro de 2008

DEFICIENCIAS

Comunidade e o profesorado observan as seguintes deficiencias en materia TIC no ensino galego:

• Herdanzas de políticas anteriores baseadas en pagamentos por licenzas.

• Non hai seguimento decidido cara a adopción de estándares abertos (UE, PEGSI)

• Fuga de capitais polo pagamento de licenzas a empresas foráneas.

• Non se está a cumprir o PEGSI en materia TIC agás, con matizacións, nos servizos centrais.

• Heteroxeneidade de estratexias e actuacións a diferentes niveis.

• Escaseza de persoal no SIEGA, só 20 técnicos. Imaxinemos unha empresa cuns 40.000 empregados, canto persoal está adicado aos sistemas e información? Abondaría con vinte?

• Quen é o persoal TIC nos centros? É adecuado que non sexan profesionais TIC?

• Non está na actuación da Consellería favorecer a pirataría e os estándares propietarios pero está a acontecer e sen remedio aparente a curto prazo (fuga de capitais).

• Non se está a cumprir o acordo de goberno de 2005 en materia TIC agás, con matizacións, nos servizos centrais.

• (...)

SOLUCIÓNS

Comunidade e o profesorado propoñen as seguintes solucións:

• Analizar os exemplos de Estremadura ou Andalucía en materia de implantación de estándares abertos, independencia tecnolóxica, aforro económico por licenzas, xeración de emprego endóxeno, libre transmisión do coñecemento e, en resumo, ética educativa e política. Sen ir tan lonxe, temos o noso caso de éxito no aforro económico na plataforma PLATEGA.

• Xerar un Plan de Actuación que implique de facto:

  • Análise funcional cara a estandarización, homoxeneización de estratexias TIC nos centros e independencia tecnolóxica.

  • Multidepartamental, con compromisos firmes e consolidados das partes implicadas.

  • Seguimento que evite a distorsión na interpretación dos obxectivos a acadar

  • Dotar de recursos adecuados. O aforro resultante sufraga con creces o esforzo inicial.

  • Reconversión do actual Plan de Formación cara a consecución de resultados en función dos seus perfís e das súas responsabilidades TIC nos centros.
  • Cumprimento estrito da súa axenda

• Aproveitar as sinerxias do trinomio "Contidos educativos + sistemas + centros PTIC"

• Crear un responsable TIC con titulación técnica que atenda un axeitado número de centros.

   

ACTUACIÓNS URXENTES

Comunidade e o profesorado consideran urxente:

• Incrementar o número de persoal TIC no SIEGA e o persoal técnico nos centros

• Concretar a distribución de Software Libre elixida para o ensino

• Promover un Sistema de Información Base Común para todos os centros que favoreza a colaboración e o soporte entre o profesorado

• Concienciar sobre as bondades dos estándares abertos, o Software Libre e maila libre transmisión do coñecemento como ética educativa.

Asistentes: Benjamín Lois, Carlos Carrión, Manuel Morán e Roberto Brenlla.

Deixo o pdf da Reunión Conselleira de Educación, Laura S. Piñón - 20080222.

Os que alí estivemos saímos moi satisfeitos de como trancorreu a hora que tivemos pois o cordial interese amosado foi confirmado polas constantes solicitudes de ampliación de información a cada punto tratado ou a cada anécdota contada. Foi do sentir unánime a naturalidade coa que axiña nos atopamos. Sorprendeunos que xa empregara sistemas libres durante a súa estadía en Cambirdge.

Entre os compromisos asumidos, a conselleira confirmou que ampliará información sobre o Sw Libre e a súa ética, aproveitará unha viaxe que ten por facer a Andalucía para comprobar as súas experiencias en materia educativa e TICs libres, replantexará o actual Plan de Formación especialmente nestas materias e tamén emitirá un comunicado oficial da Consellería.

chúzame

En: AGNIX, FLOSS, Galicia-Galiza por Roberto Brenlla
3 Comentarios »