asennadas

Previo

Os titulares son unánimes xa que logo temos a máis sorprendente das cualificacións dos últimos tempos. Olla por exemplo en Tuttosport (Impresa Fisichella: pole!), Autosport (Fisichella: The best moment of my life) ou en Quatro Rodas (Fisichella surpreende e faz pole em Spa). Quen apostase algúns cartos por unha pole de Force India abofé que hoxe tería uns bos dividendos. A felicidade do multimillonario propietario Vijay Mallya é evidente.

E xa van uns cantos exemplos de veteranos acadando éxito este ano. Sen irmos moi aló, hai unha semana en Valencia foi Rubinho gañando, hoxe temos a grella de saída cos catro primeiros todos maiores de trinta anos!

En canto aos pesos, Fisico tampouco é o máis lixeiro de todos, porque Barrichello parará unha ou dúas voltas antes. E na mesma volta que Fisichella pararán Kubica e Glock. En canto ao tempo, a FIA cre que non choverá… pero, claro, isto é Spa e non sería a primeira vez que os pronósticos erran.

Carreira

Realmente emocionante maila non ser unha carreira pletórica de adiantamentos. O accidente da primeira volta deixou fóra a BUT HAM ALG GRO e logo do Safety Car Alonso tiña as de gañar moitas posicións. De feito estivo de terceiro varias voltas ata a súa parada onde, unha vez máis, outro atranco na roda, desta vez a dianteira esquerda, estragoulle calquera opción a un bo posto final.

Sobresaínte a carreira do Force India de Fisico, sempre pegado ao Ferrari de Raikkonen. A pésima saída de Rubinho e os problemas de motor de Webber e mailo do propio Rubinho nas derradeiras voltas deixáronos moi lonxe dos primieros postos. O brasileiro polo menos descontou dous puntos na loita polo mundial.

Clasificación final: RAI FIS VET KUB HEI KOV BAR ROS (8º) WEB GLO SUT BUE NAK BAD

En: Racing por Roberto Brenlla
Sen Comentarios »

Previo

A xornada de onte en Spa-Francorchamps deixou na práctica só a segunda sesión como a efectiva para facer probas. Dela, algúns quixeron destacar que Alguersuari ficou por diante de Alonso. Sen entrar en detalles dalgo sen importancia (a clasificación dos venres), o certo é que Jaime está sentíndose cada vez máis cómodo nun F1. Pola súa banda, Alonso está moi satisfeito e até confiado nas súas posibilidades neste GP.

Tamén seguen os rumores do anuncio de Alonso en Monza, o vindeiro GP dentro de dúas semanas. Así o confirma Lobato de acordo coas conversas que mantén con compañeiros xornalistas italianos e a contínua presión que está a sufrir Raikkonen.

Tamén estase a comentar a posibilidade dun terceiro monoposto por escudería o cal fai que até o propio Domenicali anticipe que propiciaría o regreso de Schumacker a Ferrari maila ser un grave problema de visión a causa da ausencia do alemán en Valencia.

Os adestramentos libres do sábado deron o seguinte resultado: HEI TRU SUT GRO GLO KUB ROS FIS HAM BUT RAI BUE KOV VET ALG (15º) BAR ALO (17º) BAD NAK e WEB (sen tempo).

Cualificación

Webber troca de motor, confirmando un dos poucos punto fracos dos Red Bull que provoca fallos de motor, as esixencias aerodinámicas da súa parte traseira.

Na Q1 os resultados foron: FIS TRU BAR SUT WEB VET GLO ROS HEI RAI KUB KOV ALO BUT HAM (15º), eliminados BUE ALG NAK GRO BAD

Na Q2 as sorpresas foron maiúculas sen necesidade de factores externos como a choiva. Velaquí os resultados: TRU KUB VET FIS HEI BAR GLO WEB RAI ROS (10º), eliminados SUT HAM ALO BUT KOV. Pois iso, fóra Alonso, Hamilton e Button, quen comando o mundial. Sorprendente?

Si, sorprendente! Os resultados finais foron: FIS TRU HEI BAR KUB RAI GLO VET ROS.

En: Racing por Roberto Brenlla
2 Comentarios »

Desculpas

Teño que abrir unha sección pola ausencia de cobertura do GP de Europa celebrado a pasada semana en Valencia por mor de varias circunstancias. As princiapis foron que comecei un proceso gripal, estiven involucrado na instalación dun Centro Multimedia baseado en GNU/Linux co que poder gravar TV entroutras funcionalidades e tomei uns ridículos dias de vacacións nos que necesitaba afastarme dun computador (cousa que non puiden facer!).

Sexa como fora, velaquí as miñas desculpas.

Previo

Entre algunhas das cousas non sinaladas polo GP de Europa destaco que o acordo Ferrari-Santander anunciarase en Monza (11-12-13 setembro) e, segundo GPWeek, por causa do accidente de Massa o anuncio de Alonso como piloto ferrarista non acontecerá nesas datas, adiándose ata a recuperación de Felipe. Chamoume a atención que Whitmarsh de McLaren fixera público o seu inmenso arrepentimento por perder a Alonso ao tempo que da por feito que o asturiano irá a Ferrari.

A carreira en Valencia foi bastante monótona e, maila pensar moita xente que Barrichello venceu polo erro en boxes co coche de Hamilton, penso que Rubinho venceu convencendo e así o comenta o propio Lewis.

Outro detalle salientable é que en Renault están estudiando a posibilidade de incorporar de novo o KERS en Monza.

Adestramentos

Ao contrario do que adoita contecer, foron moitos os pilotos que decidiron dar voltas en Spa xa logo no comezo da sesión. Logo viuse que iso era debido a choiva que chegou con forza ao circuito impedindo mellorar eses rexistros iniciais. A choiva pode estar presente todos os dias deste GP.

A primeira sesión deu como resultado: TRU BUT ALO BUE ALG BAR RAI KOV KUB BAD FIS ROS GRO HEI NAK SUT WEB GLO, con VET e HAM sen tempo.

A segunda sesión foi xusto o contrario en canto a meteoroloxía, sol radiante e pista seca. Sabresaínte a actuación de Alguersuari pois a 20 minutos do remate permanecía no 4º posto da táboa. A orde final foi: HAM GLO RAI WEB GRO FIS TRU KUB ALG (9º) VET BUE KOV SUT ALO (14º)  NAK HEI BUT BAR ROS BAD. Ata o penúltimo, todos no mesmo segundo!

En: Racing por Roberto Brenlla
Sen Comentarios »

Previo

Dado que entre o anterior GP e este mediou case que un mes, resumo separadamente neste previo o moito acontecido neste tempo teoricamente vacacional.

O anterior GP pode ser lembrado por ter sido o regreso de Alonso á pole position, a estrea de Alguersuari e o grave accidente de Massa. Alonso sinalou que «Non creo que gañase, pero seguro que un terceiro ou cuarto podería ter feito. (…) Empezou a fallar a bomba de gasolina, tiña que trocar as reglaxes do volante, e logo no pit stop comezou a vibrar a roda dianteira até que foi polo aire.» Este feito provocou unha sanción inicial moi severa pois a FIA impúxolle a prohibición a Renault de correr en Valencia.

Pola súa banda, Alguersuari fixo un gran traballo e comprobou o duro que é competir da F1 dicindo «Aprendín moito, mai teño que dicir que hai algúns aspectos da F1 que me fixeron pensar: ‘caramba, isto é difícil’«.

Porén, a atención xeral estaba posta no estado de saúde de Massa tralo seu gravísimo accidente. Gary Hartstein, delegado-médico da FIA, afirmou que Felipe precisaría de meses ata recuperarse pero tamén chegou a temerse polo estado do ollo do piloto. Isto provocou que o lercheo de todo tipo dera comezo na prensa deportiva. A italiana Tuttosport apuntou a posibilidade de que Alonso correse en Valencia e logo puxo como a Schumacher como o substituto elixido. Finalmente o alemán consegue a aprobación da FOTA para realizar probas aínda que logo Red Bull e Williams xa vetan ao alemán para que tales probas sexan feitas cun F60, o monoposto desta tempada. Loxicamente, por outra parte, dado que Algersuari non tivo esa oportunidade na súa recente estrea pola prohibición regulamentaria a facer probas ao longo do campionato.

Neses intres BMW anuncia a súa saída da F1 a partires da seguinte temporada alegando «motivos ecolóxicos«! Acto seguido Epsilon Euskadi confirma de novo a súa candidatura para cubrir esa praza vacante e a FOTA propón a inclusión dun terceiro coche para as escuderías.

Renault confirma que apelará a sanción que lle foi imposta tendo ademais á RFEA presentando tamén alegacións a favor de Alonso dado que considera que o asturiano é a víctima real da sanción e isto, para colmo, aféctalle notablemente aos ingresos por entradas no GP en Valencia.

Unha curiosidade acontecida entre medias foi o grave accidente de Kimi Raikkonen no Rally de Finlandia o cal novamente dispara os comentarios da entrada de Alonso o vindeiro ano en Ferrari. Alguersuari tamén participou noutra proba distinta da F1 pois chegou en terceiro na primeira manga e gañou a segunda da Fórmula Renault 3.5 Series, proba celebrada en Portimão, no Algarve portugués. Logo diso, o catalán afirmou nunha entrevista a un xornal luso que «non diría que non a morrer nun F1 correndo«.

O 1 de agosto asínase por fin o Pacto da Concordia na F1 que garante a participación dos actuais equipos até 2012. Pouco despois tamén se anuncia que a FIA reabre o estudo de candidatas a substituir a BMW.

Para rematar este longo previo, deixo a noticia de que Alonso si correrá en Valencia (Renault tivo unha sanción de $50.000) e que finalmente será Badoer e non Marc Gené quen substitúa a Massa en Valencia porque Schumacher alegou dores no seu colo e a súa renuncia. Alguén chegou a afirmar que o alemán até sufriu un desmaio mentres pilotaba en Mugello.

A despedida final vai para Thomas Knopper, morto mentras disputaba unha proba de kart.

En: Racing por Roberto Brenlla
Sen Comentarios »

Previo

Espertei hoxe coas novas referidas ao grave accidente de Felipe Massa de onte: «Objeto atinge Massa, e piloto sofre forte acidente no treino na Hungria mas o Felipe Massa não corre risco de morte. Com pequena lesão no cérebro, Massa está em coma induzido«. A ampliacións de todas estas informacións telas aquí.

Onte, durante a cualificación, comenteille a un amigo que se fixara nun detalle, un recadro que amosa en verde a presión no acelerador e vermello a do freo. As dúas cores están a tope, acelerando e freando a tope á vez, o cal suxire que Felipe xa ía desmaiado a carón da barreira de neumáticos, chocando cunha forza G de valor 5, o equivalente a cinco veces o peso do seu corpo. No seguinte video da TV Globo confirman esta idea:

De todos os xeitos, teño total confianza na forma física de Massa e de calquera piloto de F1. Neste caso a sorte, pódese dicir así, foi a que fixo que a mola fora impactar xusto no límite do casco e a visera. De ter impactado na visera, hoxe estaríamos lamentando algo moito máis tráxico.

Fóra disto, a publicación dos pesos dos monopostos confirman a estratexia agresiva de Alonso quen tentará, igula que en 2003, pór terra por medio antes da súa primeira parada. Salvo o seguemento desta estratexia, a carreira de Hungría pode ser un auténtico tostón, coma sempre, xa que logo o circuito non é proclive aos adiantamentos.

Carreira

En: Brasil, Racing por Roberto Brenlla
3 Comentarios »

Previo

A estrea de Alguersuari como piloto da Toro Rosso foi moi satisfactoria maila ser o último de cada unha das tandas do venres. Hai que ter en conta que o rapaz só andivera uns 200 km cun F1 antes desta estrea e rematar a poucas décimas do seu compañeiro de equipo, o mesmo que derrotaba ao demitido Bourdais, é un gran éxito. Alguersuari confesa que se sintiu moi cómodo e até ten outro importante defensor, Vettel, quen critica ás regras da F1 que prohiben facer adestramentos privados, feito que impede o acceso a novos pilotos á categoría.

Souben que os rumores que sinalaban a saída de Nelson Piquet Jr de Renault eran certos. De feito, botárono fóra e logo dunha xuntanza coa familia Piquet ao seguinte martes tras Alemaña volveu ser readmitido. As tensións son evidentes pois Nelson xa afirma que «Briatore não entende porra nenhuma«. Daquela, o divorcio semella ser inevitable.

Nos adestramentos libres do sábado, Alguersuari soprende marcando o sextoa vinte minutos do remate, logo o segundo mellor tempo e remata mellorándoo. Pouco despois é Alonso que o supera e provisionalmente comandou a lista ata que Hamilton recupera o posto de honra na seguinte volta. O resultado final foi: HAM (1’21″009) HEI ROS KOV BUE GLO MAS NAK WEB VET (10º) KUB TRU BAR PIQ RAI ALO (16º) BUT ALG FIS SUT.

Os McLaren confirman a súa gran melloría.

Cualificación

En: Racing por Roberto Brenlla
Sen Comentarios »

Previo

Aínda agardando o acordo definitivo FOTA-FIA, foron outras, realmente poucas e de pouca trascendencia, as novidades a salientar entre GPs agás a confirmación como piloto de Toro Rosso do catalán Jaime Alguersuari, o campión máis novo da F-3 británica e tamén o máis novo en estrearse aos mandos dun F1.

Outras novas foron as dos plans de Mercedes de fornecer a tres equipos de F1 a partir do vindeiro ano, o falso anuncio de dimisión de Nelson Piquet Jr pola Renault maila seguir estando o seu posto en perigo, a nova que sinala o interese de Alonso de crear un novo equipo de ciclismo, a candidatura de Jean Todt (ex-Ferrari)  á presidencia da FIA contando co apoio de Max Mosley, máis rumores sobre Raikkonen pois dícese que está ofrecéndose a Brawn e Toyota así como o interese de Villeneuve en voltar á F1 e a confirmación de que Danica Patrick non pilotará na F1 no 2010.

Como nota tráxica está a morte de Henry Surtees, fillo do ex-campión de F1 e motociclismo, morto en accidente de F2 en Brands Hatch. O video (outro máis) do accidente amosa como un monoposto sae da pista perdendo unha das súas rodas, con tan mala sorte que xustamente foi caer na testa de Henry.

Adestramentos Libres

En: Racing por Roberto Brenlla
Sen Comentarios »

Previo

A predición de choiva pode ser determinante en Nürburgring, entroutros motivos porque pode provocar a saída do coche de seguridade e agrupar aos rezagados. De feito a mañá comezou chovendo. Ademais da meteoroloxía outro dos factores a ter en conta é a cantidade de combustible que leva cada quen. Lendo estos datos, sorprende comprobar que os Brawn leven menos carga cós Red Bull, até menos cós McLaren. Hamilton cre que as melloras dos McLaren pódenlle dar o seu primeiro pódium da tempada e axiña tamén a primeira victoria.

Tras estes, o seguinte en levar menos peso é o Renault de Alonso! Isto amosa ben ás claras que o asturiano pensa levar unha estratexia agresiva. Para nós, espectadores, isto é gran aliciente. O propio piloto confía en que «Será unha carreira interesante«.

Como anécdota cabe sinalar que Piquet desobedeceu as ordes de Renault de continuar cos neumáticos intermedios dúas voltas máis pois entrou en boxes e trocou a lisos, saíu e fixo o segundo da Q2 e puido entrar na Q3. Alonso si seguíu ás ordes de equipo… A máis Piquet sinala no Twitter que todo está ben en Renault, non hai risco de que vaian substituílo.

Carreira

Xusto antes da largada varios pilotos deciden alixeirar peso dando varias voltas antes de situarse na grella. Alonso, por exemplo, deu cinco. Todo isto é feito por mor de que a predición de choiva desminuíu, apenas se agarda mal tempo.

Saída moi beneficiosa polos que levan KERS, McLaren e Ferrari. Maila boa saída, Hamilton pincha e perde toda opción. Alonso queda atrapado tras Kubica, sempre a menos dun segundo, claro que vai máis leve. Aínda e así é superado por Fisichella.

Webber é penalizado cun drive- through por un incidente na saída. Mágoa! Alonso, facendo o que pode desde atrás, marca a volta rápida da 48ª volta, indo nos puntos, no 7º posto. Repite na 49ª deixando a marca de Webber a medio segundo! A partires daquí, carreirón do asturiano maila non poder ultrapasar aso Brawn, por moi pouco. A volta rápida é de Alonso.

O campionato fica máis emocionante. Resultados da carreira: WEB VET MAS ROS BUT BAR ALO (7º) KOV GLO HEI FIS NAK PIQ KUB SUT BUE TRU HAM

En: Racing por Roberto Brenlla
Sen Comentarios »

Previo

Ante todo dicir que onte (venres) non puiden facer a anotación por non dispor de Internet. Descoñezo o erro que tivo a miña operadora pero agora mesmo está resolto.

En fin, ao tema. Deixamos o GP de Gran Bretaña coa guerra FOTA-FIA en pleno apoxeo. Tralo GP, continúan as críticas e declaracións: Domenicali crita o estrago de cartos que supuxo o KERS, Ecclestone afirma que non permitirá que o cisma se produza, Briatore reafirmando que o tempo para acordo pasou, Montezzemolo publica un estudo que sinala que o valor de Ferrari supera á todo o da F1, un directivo de Dorna descarta encabezar un campionato paralelo, FOTA publica o seu calendario provisional con 17 etapas e… a paz semella oa fin chegar cun anuncio de Mosley e a confirmación da FIA.

Rematou o conto? Non! O teórico acordo acadado contemplaba varios puntos, como a axuda dos equipos actuais aos novos. A prensa sinala a victoria da FOTA mentras Mosley pide independencia á FIA e, sorprendentemente, declara que o cisma aínda é posible e até que «bailaron sobre a miña tumba antes de soterrarme«.

Por se esta novela de intriga non tivera suficientes ingredientes, vai o Ecclestone e di que «prefire os rexímenes totalitarios» ata eloxiar a Hitler. Logo arrepentiuse… Button engade sen modestia que «sou o mellor piloto do mundo» (a verdade e que dubido que o dixera, habería que contemplar o contexto no que dixo iso, a entonación…).

En: Racing por Roberto Brenlla
Sen Comentarios »

Previo

Tralos resultados da cualificación, a FIA comunicou os pesos dos monopostos. Alonso é o segundo con aparente menos carga. Digo ‘aparente’ porque os pesos reflictidos son os dos monopostos, non especificamente a carga de combustible. É posible que os Renault sexan dos coches máis lixeiros ou dos que menos consume da grella porque case sempre os cálculos dan unha entrada en boxes varias voltas antes do que acontece finalmente. Outra razón que me fai crer nesta posibilidade é que Renault foi deseñado para levar KERS, trebello que logo foi desbotado. Por certo, só Ferrari leva KERS…

A grella amosa a posible nova escudería dominadora desta fase do campionato: Red Bull. Button, sexto, non cre que a diferenza sexa tan grande cos Red Bull.

Falando da guerra FOTA-FIA, Max Mosley deu unha incendiaria entrevista á BBC na que, ao comezo sen dar nomes pero chamando a unha facción dos equipos ‘rebeldes’ como «chalada» (loony), finalmente insinúa que o tipo que ten aspiracións de ser o substituto de Bernie Ecclestone é Flavio Briatore. Ao final estende o cualificativo ‘loonies‘ a todos os persoeiros da facción rebelde. Remata sinalando que non cre que haxa unha rápida solución pero mantense certo en que as cousas voltarán á normalidade cando remate o proceso xudicial contra «Ferrari e maila FOTA» pois a italiana xa tiña asinado coa FIA antes desta guerra. A chave semella ser pois Ferrari. Onde estea ela, estarán as demais.

Carreira

A FIA da certas posibilidades de choiva… pero finalmente non acontece.

A pésima saída de Button e Trulli estragaron o percorrido de Alonso deixándoo por detrás dun Heidfeld co alerón dianteiro tocado pero suficiente para parar ao asturiano, mentras o compañeiro de grella, Kimi, pulou para o quinto lugar. A partir daí, dominio total dos Red Bull, cos Brawn en baixón.

O resultado final: VET WEB BAR MAS ROS BUT TRU RAI GLO FIS (10º) NAK PIQ KUB ALO HEI HAM SUT BUE.

Mentras imos cara o seguinte GP a atención está en comprobar que acontece co cisma FOTA-FIA. Polo de agora, as escuderías reuniranse esta mesma semana para comezar o deseño das características técnicas dos monopostos co gallo de «ofrecer a mellor competición posible a un custo razonable«.

En: Racing por Roberto Brenlla
7 Comentarios »

Previo

Desta vez non puiden comentar «ao vivo» o sábado nin o domingo por mor de compromisos familiares. Deixarei os comentarios a posteriori. Algo é algo.

Chamoume a atención unha comparación que fixo Alonso e que nos pode deixar máis tranquilos ao respecto da cada vez máis probable escisión FOTA – FIA. Se preguntamos «Cal é o maior espectáculo do banloncesto mundial?» Con abrumadora maioría a resposta sería NBA. Acontece que a NBA non é un campionato oficial da FIBA… Daquela o asturiano está seguro, «No 2010 correrei na mellor categoría do mundo, chámese como se chame«.

Ao remate da xornada de onte a FIA contratacou coa súa decisión de ir á Xustiza polo que adía o anuncio oficial dos equipos inscritos. Venlle ben tamén porque, con certeza, só ten a Williams como equipo histórico, os demais serían todos novos agás Force India. Pola contra, FOTA síntese moi segura e até cre que pode atraer a máis equipos ao novo campionato. E máis aínda, pois non consideran que a FIA sexa máis un interlocutor válido, garante Briatore. Mentras tanto, as emisoras europeas de TV meditan romper os seus contratos coa FOM.

Ecclestone, nunha tentativa por salvar o petate e acadar un acordo, propón que os equipos asinen por outros cinco anos deixándoos «gastar o que queiran» a pesar de que Mosley, a quen todos os equipos piden a súa cabeza, reafírmase no seu posto e desbota dimitir.

Sorprendentemente, a lo menos para min, hai quen defende a Max Mosley!

Cualificación

A cualificación da Q1 deixou como resultado: NAK WEB VET TRU BUT RAI MAS ALO GLO ROS BAR PIQ HEI KUB KOV (15º). Fóra quedan FIS BOU SUT HAM BUE. Hamilton cae fóra e non se excusa co accidente de Sutil a menos de trinta segundos do remate, o cal provocou bandeira vermella.

En: Racing por Roberto Brenlla
2 Comentarios »

Previo

Quero comezar este previo destacando as grandes victorias de Marc Gené (categoría absoluta) e Antonio García (categoría GT1) nas míticas 24 horas de Le Mans.Tamén quero salientar a inesquecible derradeira volta de Moto GP co duelo entre Rossi e Lorenzo, co italiano finalmente vencedor grazas a adiantar ao fillo de galegos na curva anterior á meta.

FOTA racha coa FIA

Agora si, hai que falar da aparente ruptura definitiva da F1. A longa historia xa presaxiaba isto maila termos todos esperanzas de que non chegara a acontecer. O anuncio (oficial en inglés) da ruptura foi feito onte trala xuntanza mantida na sede da FOTA en Enstone polos oito equipos discordantes coa FIA. Os equipos coa FOTA son: McLaren-Mercedes, BMW Sauber, Renault, Toyota, Brawn GP, Ferrari, Red Bull e Toro Rosso. Na FIA quedarían Williams, Force India, USF1, Campos e Manor. Polo tanto, a cousa non pinta ben para a FIA: sen equipos de primeira orde, sen pilotos estrela e cun dirixente de pasado turbio e caracter dictatorial.

FOTA xa iniciou as negociacións con Dorna, responsable da organización de Moto GP entroutos, para «ter unha xestión transparente, un único regulamento, animando á entrada de novos equipos e escoitar os desexos dos fans, inclusive ofrecendo prezos de entradas máis baixos en todo o mundo, así como a novos socios e accionistas. A maioría dos pilotos, estrelas, marcas, patrocinadores, promotores e compañías historicamente asociadas ao máis alto nivel do automobilismo estarán todos do lado desa nova categoría.«.

Pola súa banda, a FIA síntese «decepcionada pero non sorprendida» e  sinala que hoxe remata o prazo dado e mañá comunicarase a lista de inscritos no seu campionato de 2010. A súa intención é levar o caso á xustiza.

Adestramentos Libres

Maila estar toda a atención posta na polémica escisión entre a FIA e FOTA, os primeiros adestramentos libres transcorreron con normalidade. Paga a pena mencionar que só tres coches van co KERS: os Ferrari e Kovalainen.

Resultados: VET (1′ 19″ 400) WEB BUT BAR ALO MAS TRU HAM ROS FIS SUT KOV HEI RAI BOU GLO NAK PIQ BUE KUB

A segunda sesión deu estes resultados: VET (1’19″456) WEB SUT NAK ALO BAR HAM TRU ROS PIQ KUB KOV GLO BUT HEI BOU MAS RAI FIS BUE

En: Racing por Roberto Brenlla
1 Comentario »