asennadas

Google vén de liberar unha previa do seu kit para desenvolvementos  de aplicativos (SDK) para  Android 1.5.

O paquete da acceso a recursos da nova versión do sistema operativo móbil, apelidada de Cupcake, como soporte a vídeo e navegación máis rápida.

O novo kit de desenvolvemento trae APIs para recursos como teclados virtuais, widgets e recoñecemento de voz.

A previa pode ser baixada no sitio web do Android para desenvolvemento, onde tamén están detalladas mudanzas feitas na estrutura do novo SDK.

Android xa está en uso en aparellos da HTC e outros fabricantes prometen entregar novidades baseadas neste sistema aberto.

Mais non só hai que falar de telefonía móbil ou smartphones. A plataforma non quere ficar só aí. STBs (set top boxes), TVs, netbooks e até escritorios tamén andan analizando a mesma posibilidade. Xapón ten sido un dos redutos con máis planos para o Android. Outras grandes empresas como Acer, por exemplo, mostrou un prototipo dun escritorio con Android. Motorola está desenvolvendo un set top box co sistema. HP vén estudando o uso do Android en netbooks.

Fontes: sdk, expansión de Android
asennadas

En: FLOSS, Negocios por Roberto Brenlla
Sen Comentarios »

Ata que non comprobe como vai o novo sistema de ficheiros ext4, do que tan ben se comenta agás algunhas inxustificadas alarmas, seguierei co XFS (é GPL e posúe un excelente rendemento -olla en Debian Etch-).

Acontece que non está ben atendido polas distintas distros. Por exemplo, hai que prestar atención á hora de instalalo e non inclúe á súa defragmentación no cron e nin tan sequera instala o seu defragmentador!

Aproveitando que axiña pretendo instalar a vindeira Ubuntu 9.04 Jaunty Jackalope e que teño copias de seguridade, decidín probar a defragmentar o meu sistema. Velaquí os pasos dados, comezando pola instalación do programa necesario desde un terminal:

roberto : ~ $ sudo apt-get install xfsdump
roberto : ~ $ sudo xfs_db -r /dev/sda3
[sudo] password for roberto:
xfs_db> quit
xfs_db> frag
actual 70020, ideal 67094, fragmentation factor 4.18%
xfs_db> quit
roberto : ~ $ sudo xfs_db -r /dev/sda1
xfs_db> frag
actual 195836, ideal 195134, fragmentation factor 0.36%
xfs_db> quit

Polo tanto vexo que teño bastante fragmentado /dev/sda3, correspondente á partición /home.

Sen saír do escritorio executo a orde xfs_fsr, sen parámetros xa que logo irá defragmentar á vez todas as unidades montadas no sistema.

roberto : ~ $ sudo xfs_fsr

En: AGNIX, FLOSS, Persoal por Roberto Brenlla
2 Comentarios »

Souben por un correo-e de Alberto Barrionuevo á lista de socios de Hispalinux que «IBM negocia a compra de Sun Micorsystems«.

Os comentarios ao respecto son unha mistura de tranquilidade e inquedanza:

Alberto sinala que «Para IBM la compra tiene todo el sentido del mundo, pues ganan una tecnología impresionante a bajo coste. Para Sun también, porque andaban mal de pelas desde hace tiempo y más con la crisis que está cayendo. ¿Para el mundo del software libre es beneficioso dejar tantos huevos bajo una sola gallina?: Eclipse, OpenOffice, MySQL, Java, OpenSolaris…«

Carlos Alocen sinalou que «No tiene porque suponer una desaparición de productos. KDE está vivo después de la compra de SuSE por Novell. Y desde luego, la oferta de servicios y formación, incluyendo software, libre por parte de IBM va a crecer exponencialmente. Esto deberá preocupar y mucho a alguna otra multinacional.«

A lo que Alberto replica: «Y posiblemente dejen morir MySQL o la limiten en nuevas funcionalidades para que no les haga la competencia a DB2 (recuerdo que ya atacaron con patentes a PostgreSQL porque le estaba dando demasiada caña a su DB2…). Cuidadín con ser demasiado optimistas. Nunca es bueno poner demasiados huevos en el mismo cesto.«

Jorge Fuertes, actual presidente ded Hispalinux seña que «SuSE financiaba casi en exclusiva gran parte del proyecto KDE. Tras la compra por parte Novell aquello se acabó y se empezó a apoyar a GNOME con toda la artillería.«

Santiago Gala comenta que «Si la gente lo quiere (lo suficiente) se organizará y hará un «fork». Si no, ahí están los tgz de la última versión para lo que quiera cada uno, respetando la licencia. Si un sistema operativo libre o una BD se hunde porque una empresa deja de apoyar su desarrollo, es que había alternativas suficientes como para permitir que eso ocurra. En el caso del único producto del que realmente dependo, que es OpenOffice.org, go-oo.org, Novell y otra gente llevaban cierto tiempo contribuyendo parches más deprisa de lo que el equipo «central» en Sun los puede absorber, por lo que un fork podría ser hasta beneficioso para el desarrollo a medio plazo. En general, cuando un modelo de desarrollo muy cerrado a contribuciones externas se abre las cosas suelen mejorar en el medio plazo.«

De ser realidade tal posibilidade de compra, cal sería o teu parecer? Optimista ou pesimista? Trátase só dun ambicioso plan de consolidadción no mercado de servidores en loita contra HP xunto a un posicionamento estratéxico nun mercado en alza, nomeadamente o do SwL?

Segundo LinuxMedia «A aquisição daria ao novo conglomerado 42% do mercado geral de servidores e 65% do mercado de servidores UNIX.«

asennadas

En: AGNIX, FLOSS, Negocios por Roberto Brenlla
1 Comentario »

Bruce Perens é o creador da «Open Source Definition«, o Manifesto Open Source sobre software de código aberto. Perens representou ao Open Source no Cúmio Mundial das Nacións Unidas sobre a Sociedade da Información a proposta do Programa de Desenvolvemento das Nacións Unidas.

Bruce Perense escribe un artigo titulado «Open Source é capitalismo ou comunista?» que atopei grazas a esta fonte. Traduzo parcial e libremente algo del:

Xa hai blogueiros que afirman que o Open Source é un movimento capitalista! Hainos que din que é comercial! E, Open Source é sobre capitalismo, non sobre Freebies!

De feito, a verdade é moito máis complicada. Imos entrar na economía de software e de empresas para comprendelo.

Primeiro, son os negocios capitalismo? Con certeza, podes dicir. Pero a verdade é que as empresas raramente operan baixo un modelo puro de capitalismo. E menos agora. Baixo tal modelo, as empresas en bancarrota ou non competitivas non estarían permitidas, morrerían nunha especie de lei Darwin social.

(…) Pero non só son empresas comunistas as que erran. As empresas esixen o «común» (Commons) para operar. Vías públicas e de infraestrutura en xeral, son os exemplos usuais, pero tamén a máis ampla colección de case todo o que o goberno fai: proporcionar un marco común de dereito para que as empresas poidan competir, manter a orde civil, proporcionar educación para a forza de traballo, financiamento da investigación e do desenvolvemento.

Engade á lista do «común» que os negocios dependen do Open Source . Open Source é o sistema interestatal de estradas de software. O sistema funciona con internet e infraestruturas de telecomunicacións a través das cales as empresas comunícanse.

Daquela Open Source é comunista? Non normalmente. O seu desenvolvemento e finanzas xiran arredor de tres paradigmas distintos, e só un deles pódese dicir que non ten un obxectivo presente na empresa. Son estes:

1. Infraestrutura (Linux, Apache, Eclipse…)
2. Sen ánimo de lucro (Free Sw Foundation)
3. Lucro Directo (MySQL, Spring…)

A seguir o autor ofrece unha serie de exemplos de negocios arredor do mundo do SwL e mailo código aberto (FLOSS, para abreviar) contemplando tamén os casos mixtos, é dicir, os que empregan vías capitalistas e comunistas como Google.

asennadas

En: FLOSS, Negocios por Roberto Brenlla
Sen Comentarios »

Juan Cudeiro, responsable de comunicación de AGASOL, entrevistounos a Ana Lorenzo (

En: AGNIX, Estándares, Eventos, FLOSS, Galicia-Galiza, Persoal, TEGNIX por Roberto Brenlla
Sen Comentarios »

Comeza na Cámara de Comercio da Coruña* a serie de intervencións que AGASOL fará polos distintos centros empresariais galegos froito do convenio asinado o 8 de outubro de 2008 coa Fundación para o Fomento da Calidade Industrial e Desenvolvemento Tecnolóxico de Galicia.

Estas xornadas están tituladas «Sw Libre contra a Crise«.

(*) Cámara de Comercio da Coruña (Rúa Alameda, 30, 1º), 14 outubro ás 19,30 horas. Inscrición gratuíta no teléfono 981 21 60 72.

asennadas

En: AGNIX, FLOSS, Galicia-Galiza, Negocios, Persoal, Relatorios por Roberto Brenlla
Sen Comentarios »

Tal e como prometeran, vén de publicarse o programa (aínda provisional) da Conferencia Internacional de SwL de Málaga deste ano 2008, tambén coñecida como OSWC’08 (Open Source World Conference).

A organización ten que xestionar máis de 250  ponencias-intervencións xunto a toda unha complexa infraestrura. Polo visto en anteriores ocasións, vaia por diante a noraboa e gratitude polo enorme esforzo.

Neste ano, imos ir uns cantos desde Galicia. Uns irán pola súa conta e outros nunha furgo alugada por Mancomun.org. O que si queda claro é que a cada ano que pasa a nosa presenza é maior.

Desta vez, igual có ano pasado, animeime a presentar unha proposta que resultou ser aceptada. Falarei da oportunidade que nos ofrece a nosa língua, para uns portugués, para outros galego e para outros outras cousas, moitas das veces xeradoras de controversias e desputas. Daí que pretenda fuxir de todas esas liñas belicistas amosando con exemplos as oportunidades que nos brinda a nosa irmandade lusófona. Contarei as miñas e nosas experiencias coas comunidades brasileira, portuguesa e até angolana coas que abrimos contactos de afinidade para engadilas de xeito natural ás existentes con outras comunidades (hispana, catalá, basca…).

Unha cousa preocúpame, a data e hora na que terei que participar. Será o derradeiro dia á última hora, case que pechando o evento. Prefiría como o ano pasado, ser o segundo a abrir palestra no evento toda vez que quedas xa liberado e… garantes unha frescura de ánimo, namentres que o penúltimo dia do evento adoita ser o dia de «facer comunidade» cunha longa saída nocturna. Algo que a todas luces semella non ser o idóneo para unha intervención… e polo que haberá que se sacrificar.

asennadas

En: AGNIX, Amizade, Eventos, FLOSS, Galicia-Galiza, Persoal, Relatorios por Roberto Brenlla
Sen Comentarios »

Visto en Barrapunto e traducido ao galego a partir de Comunidad Linux:

 De acordo a unha nova e custosa investigación de O’Reilly existen polo menos 6 razóns para o rápido crecemento do software de código aberto ou open source. Axilidade e escalabilidade, independencia de fabricante, calidade e seguridade, custo e innovación. Sen importar cal destas sexa a máis forte as descargas desde Sourceforge.com continúan medrando.

Nunha área en particular o software de código libre brilla e é a habilidade de escaparse de quedar atrapado cun fabricante de software. Segundo o estudo:

«Debido a que os fabricantes de software practicamente non teñen medo de ser substituídos, atópanse na posición de cobrar altos cargos de mantemento e actualizacións. Por exemplo Oracle acaba de anunciar un aumento dun 20% no custo do seu software de base de datos (acompañado tamén dun crecemento do mantemento do mesmo) completamente seguros de que moi poucas empresas atópanse na posición de resistir este aumento debido á dificultade de substituír os seus produtos«

Sen importar o prezo asociado a relacionarse con Oracle, Microsoft, SAP, IBM, HP, etc. algúns compradores corporativos comezan a reflectir o custoso que sería desfacerse destas relacións. Tecnoloxías como SaaS que poderían ser moi boas para os clientes poden ser facilmente evitadas por fabricantes que son donos dos seus clientes.

Esta situación incita a Sun, Red Hat e a outros vendedores open source a prover aínda máis solucións abertas. Os clientes non deberían ter que elixir o menor custe entre dous vendedores. Deberían gañar opcións cando compran software, e non perdelas.

O estudo de O’Reilly e a nova orixinal en inglés.

Nota: FLOSS equivale a Free/Libre/Open Source Software

asennadas

En: AGNIX, FLOSS, Negocios por Roberto Brenlla
2 Comentarios »

No CSA ATREU! Travessa Sam José, 2 – As Atochas-Montealto

Martes 10 -20:00 > 22:00 Iniciación a GNU/Linux. Primeira parte do obradoiro de inciación ao sistema GNU/Linux, instalación de Ubuntu. Desenvolvido polo Hacktreu (CSA Atreu)

Mércores 11 -20:00 > 22:00 Permanecer en GNU/Linux. Segunda parte do obradoiro de inciación ao sistema GNU/Linux,nocións básicas para manexar o sistema. Desenvolvido polo Hacktreu (CSA Atreu)

Xoves 12 – 21:00 Blogaliza, a información alternativa Palestra ofrecida por Pedro Silva, creador de blogaliza.org,
portal de blogues en galego.

Luns 16 – 19:00 > 22:00 Programación web. Inciación ás linguaxes Html e Css, obradoiro a cargo de Trebelab (A Cova dos ratos, Vigo)

Martes 17 – 19:00 >21:00 Deseño con ferramentas libres: Inkscape. Primeira parte do obradoiro, manexo do programa de deseño vectorial
inkscape, exercicio práctico contrapublicitario. Desenvolvido polo Hacktreu (CSA Atreu)

Mércores 18 – 19:00 > 21:00 Deseño con ferramentas libres: Gimp. Segunda parte do obradoiro, manexo do programa de retoque fotográfico Gimp, exercicio práctico contrapublicitario II. Desenvolvido polo Hacktreu (CSA Atreu)

Sábado 21 – 12:00 > 14:00 – 16:00 > 20:00 Obradoiro de Cinelerra. Software libre de edición e posprodución de video, introdución teórica
máis módulo práctico. Desenvolvido por Olholivre.

Na Casa das Atochas Atocha Alta, 14 – As Atochas-Montealto

Venres 13 – 21:00 Virtual WWWorlds. Servidumes e liberacións na era dixital. Palestra ofrecida por Rosendo González. Revista Transversal

Sábado 14 - 12:00 > 14:00 – 16:00 > 19:00 Montando unha radio libre. Obradoiro práctico para a montaxe dunha radio libre, a cargo da Radio Kalimera
(Compostela)

19:00 > 22:00 Contrapublicidade. unha aproximación teórica, proxección de material contrapublicitario, a cargo de Semsumistas (Vigo)
Martes 17 - 21:00 Software libre para unha sociedade libre Palestra a cargo de Roberto Brenlla, integrante de AGNIX (asociación sen fins de lucro que promove o Software libre)

En: AGNIX, Lista de blogues, Cultura Libre, Eventos, FLOSS, Persoal, Relatorios por Roberto Brenlla
2 Comentarios »

Osalt (Open Source Alternative as Alternative) é un sitio web onde poderás atopar de xeito doado as alternativas dispoñibles en FLOSS (Free/Libre Open Source Software) ás aplicacións privativas que procuras substituir. Constitúe un sitio idóneo para persoas que se achegan ao SwL e tamén para profesionais cando precisan trocar infraestruturas privativas complexas por outras libres e/ou abertas.

Podes navegar por categorías, comparar pros e contras tanto do sw privativo como FLOSS, ou atopalo directamente facendo consultas á súa base de datos poñendo o nome da aplicación.

asennadas

En: AGNIX, FLOSS, Hasefroch por Roberto Brenlla
Sen Comentarios »

Velaquí un amplo artigo analizando a necesidade da tecnoloxía punta empregada no controvertido Circo da F1 onde abundan os túneis de vento, simuladores de motores e de dinámica de fluidos, por mencionar só algúns dos apartados esenciais onde GNU/Linux contribúe.

«O mesmo sistema que se executa sobre 2000 procesadores core con terabytes de memoria pode ser probado e axustado nun portátil dalgún enxeñeiro. Nun mundo onde cada fracción de segundo marca a diferenza, a habilidade de afinar parámetros, axustar algoritmos e empurrar as ecuacións ao límite, ben pode valer para marcar a diferenza entre gañar ou perder. Como en calquera industria de alto rendemento, os equipos de competición atoparon unha vantaxe competitiva ao traballaren con Código Aberto, por razóns prácticas, rendemento, custes e flexibilidade.«

Ese artigo foi atopado grazas a esta fonte.

Non é ningún segredo que moitos destes equipos traballen con supercomputadores dotados con sistemas operativos GNU/Linux. Porén, a centralita común a todos eles é pechada e feita por M$…

asennadas

En: AGNIX, FLOSS, Hasefroch, Negocios, Racing, Tecnoloxía por Roberto Brenlla
2 Comentarios »

Sábado 26 e Domingo 27 de Abril no Ateneo Ferrolán, terá lugar o 3º Hack Meeting [GNU/Linux] organizado por Unión Libertaria.

Sábado 26
Mañá

• 11:00hs. – Presentación das Xornadas. «Que é o Software Libre?»
• 11:15hs. – Experiencias e experimentos con GNU/Linux.
  Como empezar con GNU/Linux, vantaxes e dificultades….
• 12:00hs. – INSTALL PARTY: Instala GNU/Linux no teu computador, compartíndoo ou non con Windows.
  Se queres instalar GNU/Linux no teu computador podes traelo e axudámoste a poñelo a punto para que te inicies neste sistema operativo… Trae tamén cable de rede ou conexión wifi e os cables e enchufes necesarios para poñer todo a funcionar…

Tarde

• 16:30hs. – Edición Gráfica con GNU/Linux, Gimp, Inkscape, Scribus…
  Fai deseño gráfico e retoque fotográfico libremente e con programas libres!!!. O Gimp é un gran programa para tratamento de imaxes e debuxo, o Inkscape para facer gráficos vectoriais e o Scribus para maquetar con gran calidade todo tipo de publicacións, cartaces e o que queiras!!
• 19:00hs. – Ferramentas libres para streaming de audio e video.
  Tamén con programas libres podes facer que a túa voz se escoite e montarte unha emisora de radio por internet. Os teus berros e imaxes chegarán moi lonxe…

Domingo 27
Mañá

• 11:00hs. – LTSP: Reciclaxe de computadores como terminais lixeiras en GNU/Linux.
  Tes un computador vello? Non o tires. Con GNU/Linux e o servidor de terminais lixeiras LTSP podes poñelo a funcionar coma se fose novo. Tan rápido coma un raio. Que non o cres? Pois vén a velo!!!
• 12:00hs. – A caixa branca: Todo sobre hardware e como destripalo.
  Eres desas persoas as que lles gusta fozar en canta máquina encontra. Es un ou unha manitas? Pois esta é a túa oportunidade.

Tarde

• 16:30hs. – Edición de video con Cinelerra e proxección de video GNU/Linux.
  Un dos mellores programas para montar vídeos con todo tipo de posibilidades e efectos. E con calidade profesional!!!

Vén co teu computador!!!!

Organiza: Unión Libertaria
Colaboran: Ateneo Ferrolán, Kalimera, Hacktreu e Olholivre.

Máis info: http://linuxferrol.org/hackmeeting_ferrol_08.jpg

En: Cultura Libre, FLOSS, Galicia-Galiza por Roberto Brenlla
Sen Comentarios »