asennadas

Blueman é un xestor Bluetooth feito en GTK+, licenza GPLv2,  deseñado para ser sinxelo e intuitivo nas tarefas habituais:

• Conexión poro 3G/EDGE/GPRS vía perfil DUN.
• Conéctase e crea redes bluetooth
• Conéctase a dispositivos de entrada
• Conéctase a dispositivos de audio enviando/recibindo/navegando ficheiros vía OBEX

Blueman intégrase perfectamente co Network Manager 0.7 en GNOME, facendo doadas as conexións a redes de banda larga polo móbil.

Tes varias pantallas do programa na súa versión 1.0 e varios formatos de paquete para descargalo. Outras opcións a máis de Blueman podes atopar aquí.
asennadas

En: AGNIX, FLOSS, Internet por Roberto Brenlla
1 Comentario »

Dende hai ano e medio o meu pai usa Ubuntu e tiña unha pequena queixa: cada vez que arrancaba o navegador Firefox este facíao en modo «Traballar sen conexión«.

Dado que a súa última actualización de distro que lle fixen foi cara a Ubuntu 8.04, decidín pegar o seu portátil para actualizalo á 9.04 e tentar arranxar ese gran inconvinte do navegador. A actualización de distro foi doada, o do navegador non tanto. Probei dúas solucións semellantes (unha, dúas) pero non me convenceron. Por que? Porque arranxaban o problema de conexión por modem USB (o meu pai emprega o programa externo «Escritorio Movistar«) e o do Firefox pero, se desexaba volver conectarme á rede cableada non podía porque o Network Manager que trae Gnome ficaba desactivado.

Claro, podía conectarme vía liña de comandos pero… é iso adecuado para o meu pai? Ao parecer se ese xestor está activado e non atopa rede (cableada ou inarámica) dalle a mensaxe ao resto de Gnome para anunciar que está «sen conexión» e daí que o Firefox comezara dese modo.

Solucioneino subsituíndo o NetworkManager polo Wicd, independente de Gnome maila interfaz Gtk. De feito, ao instalar Wicd o NetworkManager desinstálase.

Agora si, todo funciona coma é debido, sexa por modem, cable ou WiFi.
asennadas

En: AGNIX, FLOSS, Internet, Persoal por Roberto Brenlla
2 Comentarios »

Repasando os meus RSS atopeime con esta aplicación, nomeadamente Gnaughty, «Fast and Easy Porn Downloader«.

Ante todo hai que dicir que o proxecto é libre, con licenza GPL, aloxado en Sourceforge e retomado depois dun tempo estancado.

O seu obxectivo é obter contido adulto explícito, como películas porno e imaxes, dende directorios de internet. Ademais non inclúe, spyware nin adware, contempla múltiples categorías de porno, soporta proxy, permite descargas paralelas, etc.

Tes unha chea de paquetes preparados para intslares tanto as fontes como binarios.
asennadas

En: Curiosidades, FLOSS, Internet por Roberto Brenlla
Sen Comentarios »

Moblin estaba a ter unha historia un tanto rara. No pasado mes de abril Intel entregou o seu proxecto Moblin á Linux Foundation e moita xente creu que o xigante dos micorprocesadores quixo afastarse do proxecto. Porén, Intel logo anunciou que estaba traballando con Novell para levar Moblin aos escritorios dos netbooks. Semella que máis ca afastarse do proxecto, Intel desexaba ver que se trataba dun proxecto Linux e non un del.

Moblin está baseado en Fedora, emprega o escritorio e aplicacións de GNOME pero tamén é diferente de calquera outra distro.

Como de distinta é Moblin? Ben, máis ca un sistema centrado en aplicacións como a maioría dos sitemas operativos, Moblin está centrada en funcións. No canto de abrir un navegador tes un separador na barra de menús para cambiar o teu status en Twitter ou acceder a Internet. A pantalla principal, nomeadamente M-Zone, é o centro de comando do usuario para atopar ao amizades activas e comunicarse con elas..

É eficaz o obxectivo «centrada en funcións«? Adrian Kingsley-Hughes cre que non.  A primeira vez que arrancou Moblin enfrontouse a un conxunto de misterios na navegación. O único xeito de saber o que fai cada unha desas cousas é premer nela e agardar ver que acontece. O estado actual deste sistema transforma un netbook nun dispositivo moi limitado e é posible que moita xente non chegue saber como engadir aplicacións ao sistema, cousa que en calquera distro é moito máis doado.

O proxecto é prometedor, adecuado para netbooks pero polo de agora Adrian opina que Moblin transforma o seu netbook nunha plataforma xoguete para empreglo con Twitter.

Tes varias pantallas do sistema en funcionamento e un artigo do New York Times analizando a estratexia de Intel.

En apoio da Moblin vén Linpus,  empregado principalmente en modelos como Acer Aspire One, Northtec Gecko e Airis Kira,  xa que anunciou que mostrará no Computex (Tapei, 2-4 Xuño) a súa versión de Linpus Lite baseada en Moblin 2.0 con versións da interfaz de usuario de Linpus e Intel (Fayer Wayer).
asennadas

En: AGNIX, FLOSS por Roberto Brenlla
1 Comentario »

Para completar o artigo sobre como defragmentar o sistema de ficheiros XFS deixei por facer a automatización desa tarefa.  Para ilo pódese empregar cron, rexido por un crontab, un arquivo de configuración que especifica as ordes a seren executadas periodicamente.

No canto de facelo manualmente, tes algunhas posibilidades gráficas. Para GNOME tes gnome-schedule e para KDE o KCron. Instálanse doadamente porque veñen por defecto nos repositorios das principais distros. Para traballar con elas tes este excelente manual do KCron, moi válido tamén para gnome-schedule.
asennadas

En: AGNIX, FLOSS por Roberto Brenlla
1 Comentario »

tint2 é un panel/barra de tarefas sinxelo deseñado para os modernos xestores de fiestras. Foi feita especificamente para openbox3 pero tamén pode traballar con outros xestores de fiestras (GNOME, KDE, etc ..). Está baseado no código de ttm.

O obxectivo é manter unha apariencia limpa, non intrusiva e de conformidade coas especificacións de freedesktop.

Tint2 presenta unha barra que soporta

• Cor/transparencia na fonte, icona, borde e fondo
• Personaliza eventos do rato
• Tarefas con posibilidade de arrastrar e soltar (drug and drop) entre escritorios
• Reloxo con letras, cor e transparencia
• Multi-monitor
• Área de notificación

Máis na web do proxecto tint2.
asennadas

En: AGNIX, FLOSS por Roberto Brenlla
Sen Comentarios »

yougnome permite crear unha copia de seguridade de todas as cousas relacionadas co teu Gnome nun arquivo de tipo tar.gz. Este programa xa dispón de interfaz gráfica.

Que garda yourgnome? Velaquí a lista:

• Todos os temas.
• Configuración de gnome-panel.
• Bluetooth-manager (axustes).
• Axustes de Evolution.
• Configuración de file-roller.
• Configuración de gnome-screensaver.
• Configuración de gnome-session.
• Configuración de gnome-terminal.
• Configuración de gnome-volume-control.
• Confuguraciones de metacity e compiz.
• Configuración de update-manager
• etc.

Tes información de como empregalo nesta ligazón e na fonte. Aínda así tiven que facer algúns axustes como, por exemplo, darlle permisos de escritura ao directorio creado «$HOME/yourgnomeTEMP»  e non gardar o backup nese mesmo directorio xa que logo hano borrar tras facer tal backup.

asennadas

En: AGNIX, FLOSS, Seguridade por Roberto Brenlla
Sen Comentarios »

Ollando en LWN.net cun dos comentarios apuntando cara ZDNet e esta á súa vez cara este sitio descubro que HP ten o seu Netbook Mini 1000 cunha versión personalizada de Ubuntu, até con seus propios repositorios. Curiosamente están no dominio Cannonical.com.

Segundo algúns comentarios, o lamentable do caso é a ausencia de mención e das marcas rexistradas de Ubuntu a pesares de ser unha derivación dela, por moito que se distinga dela e abofé que o fai. A cousa pode ir máis aló do propio menosprezo a Ubuntu pois semella que no mesmo saco podemos incluir a GNOME, ao xestor multimedia Elisa… respectando a outros como Gimp, Nautilus, OOo… Olla esta galería de imaxes.

Quen estea acostumado a empregar GNU/Linux poderá retomar o control do sistema premendo «Alt+F2″ para abrir un terminal para acceder á liña de comandos.

Hai varias cuestións a debatir daí que será interesante seguir esta nova.

ACTUALIZACIÓN:

Semella que HP liberou a súa interface para netbooks (via Menéame) aínda que ao remate do fío de ligazóns regreso ata DownloadSquad, quen segue a manter a incerteza sobre a liberación.

asennadas

En: FLOSS, Negocios, Pensamento por Roberto Brenlla
Sen Comentarios »

A Comunidade somos todos/as, desde quen desenvolve ou traduce ata quen usa ou exerce mecenado interesado.

Acontece que nestes últimos dias estanse a producir iniciativas pro-activas co gallo de acadar o financiamento necesario para axilizar os desenvolvementos do SwL.

Así, GNOME dispón da campaña «Became a friend of GNOME» (Faite amigo de GNOME) cos seus apartados:

• Adopta un hacker, 10 dólares mensuais
  
• Asóciate, dende 25 a 500 dólares
• Patrocina, de 500 a 1200 dólares
• Sexa mecenas, a partires de 1200 dólares

Pola súa banda, KDE está a promover as diversas alternativas ás que a comunidade pode destinar doazóns, sinalando como exemplos os de Amarok, KOffice e até outros de tipo artístico, no seu sitio openDesktop.org.

Alén dos casos de financiamento vía mecenado, moitas veces directamente implicado por intereses recoñecidos como o que acontece co desenvolvemento do kernel Linux ou do servidor web Apache, podemos ollar un par deles que pagan a pena salientar pola proximidade das datas no que se conqueriron grandes resultados.

Jimmy Wales, mentor da Wikipedia, xa o fixera antes pero desta vez as expectativas superaron tódalas previsións porque o seu chamamento a prol de financiamento voluntario implicou unha recadación de máis de 6 millóns de dólares apenas nunha semana!

Outra proba do poder económico do voluntariado vén da actualidade política. No canto da clásica financiación empresarial á que recurren os partidos políticos, Obama foi quen de acadar o máis dobre do seu opoñente republicano. Namentres este seguíu a liña clásica de contactos empresariais que lle aportasen os cartos para a campaña republicana, o democrático elixiu a liña 2.0: «vaite á miña web e ingresa o que poidas«. E a masa social ingresou! Agora Obama débelle á sociedade, non ás empresas.

Poderemos a comunidade repetir estes casos de éxito? Seremos agradecidos dabondo como para facilitar un desenvolvemento do SwL aínda máis veloz có actual? Complementaremos o esforzo voluntario co económico? Confío en que si, conformaríame que fora en menor intensidade cós exemplos Wikipedia ou Obama.

asennadas

En: FLOSS, Historia(s), Internet, Negocios, Pensamento por Roberto Brenlla
Sen Comentarios »

Un xeito moi sinxelo de convertir formatos de son nun escritorio Gnome é instalares os códecs que desexas e logo engadir ao menú contextual do xestor de ficheiros Nautilus un guión nomeado «nautilus-script-audio-convert«.

Para a familia Debian, como as Ubuntu, sería:

sudo apt-get install nautilus-script-audio-convert

Alén desta extensión tes dispoñible outra interesantes como «nautilus-cd-burner», «nautilus-gksu», «nautilus-image-converter», «nautilus-share»…

Se, a pesares de instalar este ou outros scripts, non o tiveras dispoñible no menú contextual vaite ao directorio «/usr/share/nautilus-scripts«. Selecciónao e cópiao a «$HOME/.gnome2/nautilus-scripts» deixándoo con permisos de execución. Agora só tes que darlle ao menú contextual do Nautilus, submenú «Scripts» xa o terás á vista.

asennadas

En: AGNIX, FLOSS por Roberto Brenlla
Sen Comentarios »

O desenvolvedor de Trolltech Jens Bache-Wiig está a traballar nun motor de novo estilo para que Qt poida xestionar o tema por defecto de GTK+. Isto fará posible que as aplicacións para Qt poidan compartir a apariencia e sensación dunha contorna GNOME.

O atranco de deseñar aplicaións par KDE que poidan ser levadas cara GNOME dun xeito natural pode ser mititgado grazas ao tema de GTK+ que emprega widgets Qt. Porén non había ningún equivalente para usuarios GNOME. a solución de integración visual actual vén do estilo Qt QCleanlooks.

Mellorará este proxecto a integración de aplicacións deseñadas para un ou outro escritorio?

Na fonte tes un afondamento nesta materia.

asennadas

En: AGNIX, FLOSS por Roberto Brenlla
Sen Comentarios »

Nos escritorios GNOME normalmente deixaba a visualización das tipografías en «Suavizado de Subpíxel (LCD)».

Atopei unha alternativa que realmente mellorou o visualizado global. Vai a Sistema > Preferencias > Apariencia, preme en «Detalles» e logo aí elixe na sección «Suxestións» a opción «Lixeiro» deixando o resto como estaba (no meu caso a resolución en 96ppp, subpíxel (LCD) e orde de subpíxel RGB).

asennadas

En: AGNIX, FLOSS por Roberto Brenlla
Sen Comentarios »