asennadas

Tiven a sorte de participar hoxe na xuntanza promovida pola secretaria de Modernización e Innovación Tecnolóxica, Mar Pereira. Convocados íamos CESGA, Mancomun.org (tamén presente a Fundación para o Fomento e Calidade), as oficinas de SwL das tres universidades e AGASOL.

Tras unha primeira posta en común das actividades realizadas por cada entidade, na que por parte de AGASOL estivo o seu xerente Luis A. Fernández, collín o relevo para a segunda na que pretendín amosar as necesidades de AGASOL e as propostas/suxestións para o futuro.

Na posterior rolda de prensa, Mar Pereiro deixou clara a estratexia do actual goberno da Xunta nesta materia, especialmente en materia de cumprimento de estándares abertos. É de agardar que estea dispoñible a presentación empregada. Salientable foi a confirmación da continuidade de Mancomun.org perante unha pregunta directa da prensa.

Tes nesta ligazón a nota de prensa oficial emitida pola Xunta de Galicia.

Roberto Brenlla

En: AGNIX, Estándares, FLOSS, Galicia-Galiza, Negocios por Roberto Brenlla
1 Comentario »

Integrantes do Grupo de I+D OpenInnova elaboraron un estudo chamado «O custo de oportunidade derivado das traxectorias tecnolóxicas» (PDF) e «O verdadeiro custo da elección tecnolóxica: Como empregar (sabiamente) os cartos do contribuínte!» (PDF) onde se fai referencia ao beneficio económico que se pode obter mediante o fomento das tecnoloxías de código aberto (FLOSS, Free/Libre & Open Source Software) na nosa sociedade. Máis particularmente, nunha primeira parte do artigo céntrase no gasto actual das TIC nas administracións públicas mentres que na segunda parte, analiza o aforro que suporía a substitución do software privativo polo de código libre e aberto.

OpenInnova é o movemento de software de fontes abertas ao redor de novos modelos de colaboración e creación de coñecemento. Ou o que é o mesmo, a necesidade de compartir e cooperar distintas empresas para a distribuír a innovación no mercado.

Baseándose no último informe bienal IRIA 2008 (PDF) (Informe sobre Recursos Informáticos das Administracións Públicas) cos datos obtidos do ano 2007 lográronse uns interesantes resultados. Sen dúbida o máis portentoso de todo o artigo son os datos que se achegan acerca da cantidade económica que as administracións públicas do noso país poderían aforrar se cambian o sistema operativo de privativo a libre. En total suporían 37,2 millóns de euros anuais (entre software e hardware). Cantidade suficiente para ter en conta a substitución. Até se o cambio non fose total senón parcial, o aforro seguiría sendo bastante substancial chegando a ser de 15,5 millóns de euros.

Se analizamos os datos de 2007, tal e como o fixo o estudo, segundo os equipos utilizados: sistemas grandes, sistemas medios, sistemas pequenos e computadores persoais (servidores, sobremesa e portátiles). Os sistemas grandes ou mainframes utilizan o sistema operativo UNIX (56%), Linux (22%) mentres que Windows NT e OS só alcanzan o 11% do total. En canto aos sistemas medios, Windows lidera cun 55% mentres que Linux obtén un 19% e Windows XP un 11%. A batalla nos sistemas pequenos lidéraa Linux cun pouco máis da metade seguido do Windows 2003 (24%). Para rematar, non podemos deixar pasar a oportunidade de nomear a hexemonía case absoluta do sistema operativo Windows (XP, 2000 e Vista) cun 98% do total de instalacións nos computadores persoais.

Tal e como expón o grupo Proinnova, a Administración do Estado gastouse 1500 millóns de euros en Tecnoloxías da Información e as Comunicacións, o que supón un incremento de máis de 200 millóns de euros con respecto ao último informe con datos do 2005. Unha vez máis o gasto en informática foi superior (80%) ao de telecomunicacións (20%).

Respecto dos gastos de software, a cantidade gastada polas administracións públicas é de 1241 millóns de euros repartidos da seguinte forma: 39% corresponde a servizos, 25% para gastos de persoal, software 13% e hardware, o único que sufriu un retroceso, queda co 21%.

Souben destes informes por Roberto Santos quen recomendou este artigo que da comezo tal que así: «Nada no mundo é máis perigoso cá ignorancia sincera e a estupidez concienzuda.» (Martin Luther King, Marcha en Wáshington polo traballo e a liberdade, 1963 )
asennadas

En: AGNIX, FLOSS, Negocios por Roberto Brenlla
Sen Comentarios »

Velaquí un dos maiores erros de quen computa a relación de custos de solucións libres e privativas. É habitual considerar como custo de migración o custo que supón saír ou abandonar solucións privativas. Grave erro!

É un erro cometido no pasado, xusto cando elixiron opcións privativas sen ter en conta o que custaría deixar tales solucións. De feito isto mesmo é o que hai que facer en dirección e creación de empresas: non só hai que calcular o custo de crear a empresa, a súa facturación anual… senón tamén o que custa abandonar o proxecto e pechar a empresa. É, polo tanto, asunto de sentido común.

Acontece que este erro é trasladado inxustamente á fase de integración de solucións libres, na coñecida como fase de migración, no canto de facelo cando correspondía, é dicir, na hora da adopción de solucións privativas como parte do seu TCO (Total cost of ownership, custo total de propiedade).

A abrumadora maioría das solucións privativas non empregan estándares abertos, algo que no Software Libre é unha regra practicamente unánime. En consecuencia, outro factor positivo a ter en conta á hora de adoptar solucións libres é o seu practicamente nulo custe de saída.

Por se o sentido común non abondase, deixo o que reflicte o coñecido Plan de Actuación do Goberno Británico para a adopción do SwL. Textualmente o Plan sinala no punto 5:

Non–Open Source Software
• The Government will, wherever possible, avoid becoming locked in to proprietary software. In particular it will take exit, rebid and rebuild costs into account in procurement decisions and will require those proposing proprietary software to specify how exit would be achieved.

Souben deste importante matiz por un fío das listas de Hispalinux.
asennadas

En: Estándares, FLOSS, Negocios por Roberto Brenlla
Sen Comentarios »

Pois aí está, unha máis para o grupo de diante. Guatemala opta polo SwL para as súas institucións gubernamentais. O vicepresidente Rafael Espada ordenou suspender o uso ilegal de programas informáticos algo que o xornal Siglo XXI incidira nunha reportaxe que destapaba que» 3 de cada 10 programas utilizados nas entidades públicas carecían de licenza«.

As entidades consultas coincidiron en que lles falta orzamento e por iso optaron por este tipo de software libre «ou de código aberto, que é gratuito e pode obterse por medio de Internet«.

Maila ser motivos aparentemente económicos, benvida sexa a súa escolla pois xa se decatarán do que significa realmente o termo ‘libre‘.
asennadas

En: AGNIX, Cultura Libre, Eventos, FLOSS, Negocios por Roberto Brenlla
2 Comentarios »

Seica Red Hat apelará xunto a outras 18 empresas TIC a adxudicación directa dun contrato a M$ por parte dunha axencia do goberno de Suiza. Este desafío pretende a apertura do goberno para que considere a existencia de alternativas libres e abertas, con todas as vantaxes que ilo suporía.

A inercia gubernamental suiza fixo que asumira un contrato tri-anual que ascende a 14 millóns de francos suizos anuais, uns 9,12 millóns de euros. A autoridade responsable da adxudicación directa foi a Building and Logistics (BBL), dependente do goberno federal, e a beneficiada Microsoft. O obxecto do contrato refírese a estacións de traballo comúns, aplicacións ofimáticas, mantemento e soporte. A BBL xustifica tal contrato na inexistencia de alternativas suficientes…

Velaquí que precisamente Red Hat xa dispón de exemplos e casos de éxito no país: o cantón Solothurn (lembra que migraron os seus escritorios cara Debian), a cidade Zurich, a Axencia Federal de Ciencias da Computación e Telecomunicacións (BIT), o Instituo Federal da Propiedade Intelectual, etc.

A oportuna visita de Bill

O noso presidente do goberno recibirá ao filántropo Bill Gates o vindeiro martes no propio Palacio da Moncloa. Teoricamente, a oportuna visita circunscríbese unicamente a conversar sobre a cooperación en África Occidental e Centroamérica. Será?

En negreta escribín «oportuna» porque ben sabemos e saben os de Redmond da forza que a comunidade está a amosar polo tema do Ensino 2.0.

Polo tanto, a actuación de varias empresas con Red Hat deberíamolo ter presente por estos lares, por exemplo, vía AGASOL ou ASOLIF (Asociaciones de Software Libre Federadas).

A fonte destas novas foron Fernando Acero e Roberto Santos.
asennadas

En: AGNIX, FLOSS, Negocios por Roberto Brenlla
Sen Comentarios »

A comunidade está a facer o que pode (basicamente inundar a rede con entradas e novas ao respecto) para evitar á escola 2.0 tal e como a concibe o presidente do Goberno.

Víctor Domingo, actual presidente da AI (Asociación de Internautas), nunha entrevista para ElEconomista.es sinala que ZP ten «unha oportunidade de ouro» para apostar polo Software Libre, advertindo ao xefe do Executivo sobre as «dificultades» que terá para «explicar o gasto en case medio millón de licenzas de sistemas operativos» tendo ademais «unha referencia moi importante» en Estremadura.

Hispalinux non queda atrás e rotundamente espeta «É a maior estafa que se produciu nos últimos 30 anos«.

A cousa está plantexada cun financiamento tipo «vaporware«, a cidadanía cre que sairalle gratis pero a cousa non é tal. Segundo o xornal El País, as comunidades autónomas terán que corresponsabilizarse co gasto, estendendo un bono dixital e «créditos de baixo custo para as familias máis desfavorecidas«. Daí que sexa moi meneada a nova cuxo artigo orixinal está titulado «Anda, la escuela 2.0 tenía truco» que resume a proposta de ZP tal que así:

• Vostede pasa por caixa para comprar o computador. Toshiba (ou Intel) fai a onda.
• Se vostede é deses millóns de españois que as pasan putas. Pase vostede polo banco. Banesto fai a onda.
• Úseo a súa comunidade autónoma ou non, o pc virá con windows. Microsoft fai a onda.
• Cada vez que queira un librito dixital, vostede pasará por caixa. As editoriais fan a onda.

E se vostede non fai a onda, xa sabe. Será un antipatriota que non soubo ler entre liñas o que quería dicir o artigo 27.4 da Constitución. Si, ese que di «O ensino básico é obrigatorio e gratuíto«.

Dígase tamén que entre as presumibles empresas beneficiadas, alén das multadas pola UE Intel e M$, podería estar a editorial Santillana, pertencente ao grupo PRISA (El País, Canal Satélite Digital, Cuatro…), casualmente afín ao goberno e en grave crise económica.

Hai moitos máis artigos analizando esa escola 2.0. Entre eles destaco «Un ordenador para cada niño en Primaria» e «Zapatero se equivoca«.

SwL non ten cor política

Se cadra paga a pena lembrar que o SwL non ten cor política. Son moitos os exemplos de adopcións da liberdade tecnolóxica tanto de gobernos dun extremo como doutro. Polo tanto esta voráxine de críticas contra ZP non debería considerarse nin contra o seu grupo político nin contra a súa persoa, si sobre esa medida. Obviamente, se tal medida viñera doutro grupo, doutra cor, a reacción sería exactamente e mesma, con certeza.
asennadas

En: FLOSS, Hasefroch, Internet por Roberto Brenlla
2 Comentarios »

Non era de estrañar! Richard M. Stallman, criticou a iniciativa do Goberno de regalar un computador persoal portátil a cada alumno das escolas públicas e concertadas, porque significaría «vender o futuro do país a Microsoft«, un programa de software privativo.

Ao seu xuízo, «o presidente do Goberno, José Luís Rodríguez Zapatero, debe decidir ser o partido socialista ou o partido monopolista«. Neste sentido, apuntou que «unha escola ética debería prohibir recibir esas computadoras» nos centros escolares, xa que «

Stallman preguntouse «por que –o Goberno español– quere regalar Microsoft ás escolas?» e comparouno con «regalar drogas adictivas«, ao que engadiu que «a primeira dose é gratis e, cando se é dependente hai que pagar«.

Como alternativa ao software privativo, Stallman propuxo ao Goberno español «proporcionar aos nenos ordenadores portátiles cheas de software libre para ensinar aos nenos de España a vivir en liberdade, a participar nunha comunidade e axudar aos seus próximos«. «O estado ten unha misión de protexer a liberdade, a independencia e a capacidade dos cidadáns na informática» e, desde o seu punto de vista «faise a través do software libre«.

Fonte.
asennadas

En: AGNIX, Cultura Libre, FLOSS, Hasefroch, Pensamento por Roberto Brenlla
Sen Comentarios »

Moita aceptación na rede está tendo a nova do mini-pc libre e ecolóxico que aínda será lanzado o vindeiro 13 de maio no II encontro internacional de Software e Coñecemento Libre de Madrí, LibreMeeting 2009.

O mini-PC da marca iUnika é un computador portátil de 700 gramos que combina software exclusivamente Libre (baseado en GNU/Linux), o uso de enerxías renovables (mediante placa solar), o respecto ao medio ambiente (grazas á súa construción en bioplástico -un material que non aumenta o nivel de CO₂ na atmosfera-), e a mobilidade (mediante conectividade GSM).

«iUnika é o primeiro fabricante de hardware que se comprometeu a utilizar exclusivamente Software Libre en todos os seus produtos«, explica Pablo Machón, presidente da Free Knowledge Foundation. iUnika está situada en España, China e Hong Kong, e ten acordos con distribuidores de todo o mundo. O computador básico porase á venda durante este mesmo mes de maio a un prezo aproximado de 130 euros.

Tralas sospeitas dun plan do goberno de distribuir mini-pc con software privativo para o alumnado de primaria, paga a pena engadir esta iniciativa.  Alén de estar repleta de valores (éticos, ecolóxicos, xeradora de emprego endóxeno de alta cualificación…) é, como diría Eduard Punset, unha idea oportuna. Ilo daralle ás a prol da súa divulgación. De feito xa acontece así, mesmo antes do seu lanzamento.
asennadas

En: FLOSS, Pensamento, Tecnoloxía por Roberto Brenlla
Sen Comentarios »

A iniciativa ten tres partes: un Centro de Expresión e Innovación de Novas Tecnoloxías, unha versión online do proxecto e un Centro de Referencia a nivel estatal en tecnoloxías de Software Libre en Madrí.

Máis en europapress.es
asennadas

En: FLOSS por Roberto Brenlla
Sen Comentarios »

Co anuncio de que o presidente electo norteamericano Obama gravará semanalmente un video en YouTube que se enviará a Change.gov, diversas cuestións emerxen tales como a que unha candidatura baseada parcialmente nunha plataforma de apertura de goberno avivada por Internet pode comezar a empregar a tecnoloxía para facer transparente ao goberno.

Alén das populares políticas de Slashdot, tales como a Net Neutrality (neutralidade da rede), como cres que o goberno (dos EE.UU. ou de calquera parte) pode utilizar mellor a tecnoloxía para captar ao público e facer o goberno máis transparente e accesible?

O lector Rick Zeman sinala unha historia do New York Times sobre como Obama terá que deixar algúns dos seus gadgets de comunicación debido á Presidential Records Act. En vez disto, el confía ser o primeiro presidente dos EE.UU. en ter un portátil na mesa do Despacho Oval.

Servirán as novas tecnoloxías para acadarmos gobernos máis transparentes e políticas máis abertas á participación da cidadanía?

Traducindo ou Opinando?

asennadas

En: Internet por Roberto Brenlla
Sen Comentarios »

Os principais órganos, bancos oficiais e empresas estatais de procesamento de datos federais, asinaron un «Protocolo de Intención para a Adopción do Open Document Format – ODF«. Asemade a entidade tamén fai pública a súa protesta contra a decisión da ISO de aceptar como estándar para a mesma finalidade a outro formato ademais do ODF, nomeadamente o OOXML.

O anuncio sobre a intención de adoptar o estándar ODF, como formato de documento público do goberno brasileiro obrigará aos demais órganos, non asinantes deste documento, dentro do espírito da «interoperabilidade» a mudaren os seus procedementos para asegurar a publicación e tamén a lectura de documentos oficiais neste formato estándar.

Máis neste artigo de Claudio para o BrOffice.org.

asennadas

En: AGNIX, Brasil, Estándares por Roberto Brenlla
Sen Comentarios »

O goberno da Revolución Cidadana promove o uso de Software Libre como Política de Goberno. A Subsecretaría de Informática inicia a implementación de Software Libre nas entidades do Goberno Central.

O Software Libre permítelle ao Estado ter soberanía tecnolóxica, maior seguridade informática, libre acceso a datos e programas, aforro de recursos económicos ao non ter custos de licenzas e é un xerador de emprego para profesionais ecuatorianos.

Con éxito e gran acollida desenvólvese a implementación de Software Libre no Ministerio de Deporte (89 funcionarios) e Ministerio de Cultura (60 funcionarios) como parte do proceso de capacitación. A implementación de Software Libre contempla a preparación, instalación, capacitación e soporte técnico na suite de oficina de Software Libre.

A implementación iniciou cun proceso de sensibilización e difusión do Software Libre en grupos de 45 funcionarios, desde o mes de xaneiro ata a última semana de febreiro, nas que se realizou tamén a capacitación correspondente. O persoal dos Ministerios de Deporte e Cultura recibiron capacitación sobre o uso e manexo de folla de texto, folla de cálculo, presentacións, correo electrónico e navegador de Internet con ferramentas de Software Libre.

Fonte.

asennadas

En: AGNIX, FLOSS por Roberto Brenlla
Sen Comentarios »