Meme do SpeedTest

Dándome un paseo polo Planeta Ubuntu (exemplo 1, 2 e 3) observo un meme que moita xente está a facer: a proba de velocidade da súa conexión a internet.

Esa proba estase facendo con SpeedTest.net. Velaquí o meu, ben maior cá maioría do que se agarda no noso país e até en Europa. Claro, a cifra varía de cando se faga e do servidor destino.
asennadastegnix_limpo_fdo_transparentemoi-pequeno

Chuzame! A Facebook A Twitter

País de todo gratis

Chris Anderson, director da revista dixital Wired, sostén que a rede instaurou un modelo económico sen precedentes onde impera, xa de forma irreversible, a filosofía do «gratis total«. Esta circunstancia, máis ca un desastre, é unha oportunidade. E así o resume Anderson: «Internet é un país onde as cousas custan cero«.

Anderson escribiu o libro «The long tail» (A longa cola) a partir dun artigo seu que levaba o mesmo título. Converteuse nun superventas, unha especie de Código da Vinci da literatura dixital. Agora acaba de pór o punto final a Free «Gratis» ( e «Libre» á vez), onde afirma que se queres triunfar, tes que ofrecer produtos e servizos a custo cero. Google fíxoo e é multimillonaria. Para predicar co exemplo, o seu ensaio, que se publicará o próximo mes de xullo, non valerá un céntimo se o usuario báixase a versión dixital. Tamén sairá unha versión clásica de tapa dura pola que haberá que pagar 24,99 dólares.

Nunha entrevista á revista MuyInteresante, Anderson completa a idea de «todo gratis«. Tamén ten un blog específico para ampliares esta idea de título, como non!, The long tail.

De ser certa a súa idea teríamos unha nova (?) razón para o éxito do SwL. De feito el emprega un netbook con GNU/Linux e sinala que empresas de telefonía xa o están a regalar aos seus clientes.

Ao respecto do Open Source e Redes Sociais, Anderson dispón dun interesante artigo: Open source is a company; social media is a country.
asennadastegnix_limpo_fdo_transparentemoi-pequeno

Chuzame! A Facebook A Twitter

Negueime a patentar Internet porque é de todos (Vinton Cerf)

Vinton ‘Vint’ G. Cerf, científico estadounidense, considerado como un dos ‘pais’ de Internet dino alto e ben claro: «Negueime a patentar Internet porque é de todos» en clara alusión aos efectos preversos das patentes.

A principios dos anos 70 Cerf comezou a traballar con Robert Kahn no desenvolvemento dun conxunto de protocolos de comunicacións para a rede militar ARPANET financiado pola axencia gobernamental DARPA. O obxectivo era crear unha «rede de redes» que derivou en Internet. Actualmente Vinton Cerf é o Chief Internet Evangelist de Google, ocupación que compaxina co cargo de presidente do ICANN.

O creador da Rede, Vinton Cerf, destacou onte o sentido global desta tecnoloxía, na que «só cabe o desenvolvemento en comunidade«. Díxoo na inauguración da 18ª Conferencia Internacional WWW que se está a celebrar en Madrí. O certame cadra nesta edición co 20º aniversario da World Wide Web, a tecnoloxía que «achegou orde ao caos de información e comandos que conformaba Internet«. Tamén é algo vivo, «que evolucionou moito ao longo destes vinte anos e que seguirá facéndoo no futuro» xa que hoxe «sería impensable un mundo sen Internet. Afixémonos a ter toda a información dispoñible a só uns clics«.

«A clave reside en que a comunidade de programadores envorcouse moito neste invento; desenvolveron aplicacións compatibles unas con outras e hanse amoldado ben aos descubrimentos doutros compañeiros da industria«, indica Tim Berners-Lee, creador da WWW.  E Cerf engade que «Cando creei Internet, negueime a patentalo. É unha tecnoloxía pensada para a sociedade, para que as persoas poidan informarse e comunicarse entre si. Os intereses particulares de liderar a industria con aplicacións patentadas e incompatibles coas do resto de programadores non teñen sentido aquí«.

E espeta, en clara referencia a empresas como Micro$oft: «Por suposto, as aplicacións propietarias (n.d.r. acho que sería mellor que dixera ‘privativas’) teñen cabida no mercado, pero o conxunto de Internet só poderá evolucionar a través dun desenvolvemento compartido, en comunidade«.
asennadastegnix_limpo_fdo_transparentemoi-pequeno

Chuzame! A Facebook A Twitter

Fiscal madrileño defende o caos de Internet

Pedro Martínez Gracia, Fiscal da Comunidade de Madrí, comenta o seguinte suceso:

O 26 de xuño de 1997 nunha sesión histórica a Corte Suprema dos Estados Unidos confirmou unha sentenza da Corte do Distrito Este de Pensilvania (Circuit Court): o «American Civil Liberties Union versus Janet Reno«. Nel se ventilaba a constitucionalidade da Lei de decencia das comunicacións. Os altos xuíces, coñecidos como os «nove escorpións«, decidiron outorgar a Internet as proteccións da Primeira Emenda para garantir a liberdade de expresión.

A sentenza define a Internet como «unha conversación universal sen fin«. E di así: «O Goberno, non pode, a través da Lei de Decencia das Comunicacións, interromper esa conversación. Como a forma participativa de expresión de masas máis desenvolvida xamais coñecida, Internet merece a máis estrita protección fronte á intromisión gobernamental. É certo que moitos atopan algunhas das expresións ou manifestacións en Internet ofensivas e é certo, tamén, que, no medio do estrondo do ciberespazo, moitos oen voces que consideran indecentes. A ausencia de regulación gubernativa dos contidos de Internet produciu, incuestionablemente, unha especie de caos«.

Pero, seguía razoando o Tribunal Supremo: «o que fixo de Internet un éxito é o caos que representa. A forza de Internet é ese caos. Como sexa que a forza de Internet é o caos, a forza da nosa liberdade depende do caos e da cacofonía da expresión sen trabas que protexe a Primeira Emenda da Constitución dos Estados Unidos«. Por esas razóns, a lei foi declarada inconstitucional.

Esa forza á que se refire a sentenza é a propia e xenuína forza da democracia, que non esquezamos reside no POBO e non nos Lobbies.

Esta sentenza sabia, como poucas soubo construír unha ponte entre o vello paradigma da ilustración e á nova sociedade emerxente para garantir a continuidade dos seus valores. Parece ser que agora se pretende destruír esa ponte, para garantir o negocio duns poucos xa enriquecidos.

Estes son os derradeiros parágrafos do artigo deste fiscal titulado «La domadora«.
asennadastegnix_limpo_fdo_transparentemoi-pequeno

Chuzame! A Facebook A Twitter

UE vota medidas teleco con torpedo

Hase votar hoxe mesmo na Comisión Europea o paquete de medidas que regularán as telecomunicacións e a sociedade da Información na UE coas consabidas «emendas torpedo«.

Con tal motivo diversas organizacións escribiron unha carta que podes mandar aos europarlamentarios que creas convinte:

Velaquí un extracto da carta aberta:

Creemos que la regulación del sector de las Telecomunicaciones se refiere al acceso y la interconexión a/de las redes, a garantizar la innovación, la competencia entre los servicios prestados y la circulación de los datos y la información y al derecho de los ciudadanos a enviarlos y recibirlos. No se refiere a la regulación de los contenidos ni a quién y cómo tiene que promoverlos o restringirlos.

Nos preocupa que las “nuevas ofertas para los consumidores”, la diversificación de las ofertas o las políticas de gestión del tráfico estén realmente disfrazando limitaciones y promocionando o priorizando determinados contenidos, servicios o aplicaciones.

Semejante cambio en la estructura fundamental de Internet llevaría a “empaquetar” Internet, restringiendo nuestros y libertades y reduciendo nuestra capacidad de comprar, aprender, crear, intercambiar, participar, colaborar, innovar, estimular nuevos negocios e ideas.

asennadas

Chuzame! A Facebook A Twitter

Miro a piques de acadar a versión 2.0

Miro é un aplicativo libre para ollares con alta calidade canles de video desde Internet (video podcasts e video rss). Miro está deseñado para ser cómodo e doado de empregar, ofrecendo milleiros de canles que podes baixar ao teu computador.

Miro tamén é quen de gardar os videos de YouTube, GoogleVideo e sitios semellantes pero tamén baixa e reproduce directamente os videos que descargas empregando Bittorrent.

O proxecto está a ser desenvolvido por Participatory Culture Foundation, fundación sen fins de lucro, conscientes de que a televisión e a multimedia en xeral son determinantes para espallar a cultura.

Podes obter Miro tanto en binarios multiplataforma como fontes.

asennadas

Chuzame! A Facebook A Twitter

Historia de Internet

Unha historia de Internet é documental con gráficos animados feito por Melih Bilgil empregando gráficos e iconas PICOL.

O video abrangue a historia dende 1957 e atopeino nesta fonte. É moi didáctico e suficientemente breve (8:10 minutos) e de seguro que o hei utilizar nalgún intre.

asennadas

Chuzame! A Facebook A Twitter

Obama aposta por Creative Commons e unha Internet Libre

Barack xa prometía mudanza para o seu mandato e no seu discurso de vitoria afirmou que a mesma chegará aos Estados Unidos. O sitio web Change.gov, estandarte virtual da transición presidencial norteamericana, revela que a postura mudou.

A pesar de explicitar o seu respecto polo DMCA (Dixital Millennium Copyright Act) e o tradicional Copyright, Obama afirma a súa política autoral adoptando unha licenza Creative Commons para todo o website, excepto cando haxa aviso previo. Desa forma, é permitido o reparto da obra, incluíndo a copia, distribución e transmisión da mesma, así como a adaptación. Sempre relembrando que o crédito é esixencia e a asignación do mesmo á obra imprescindíbel.

Esa mudanza non está sen fundamento e as propostas tecnolóxicas, tamén presentes no sitio web, revelan boas posibilidades para o futuro. Entre elas están:

a) Garantir a total e libre troco de ideas por unha internet aberta e diversas outras mídias

b) Protexer a liberdade da internet apoiando o principio da neutralidade na rede a fin de preservar os beneficios da libre competencia no ámbito virtual.

c) Animar á diversidade na propiedade das obras multimedia, promover o desenvolvemento de novas saídas para a expresión de diversos puntos de vista.

d) Protexer a Propiedade Intelectual atualizando e reformando os sistemas de dereitos autorais e patentes para incentivar a discusión cívica, a innovación e o investimento, así como garantir o tratamento xusto aos propietarios de propiedade intelectual.

Máis información en http://change.gov/.

A fonte desta nova foi atopada por este sitio.

asennadas

Chuzame! A Facebook A Twitter

Conexión a Internet con móbil e USB

Tiven que facelo onte por primeira vez, conectarme a Internet desde o meu portátil empregando o meu teléfono móbil e un cabo USB. Todo grazas a goretoxo que o explica nesta entrada, á vez sianlando estoutra fonte.

A secuencia é a seguinte:

1.- Instala o paquete wvdial e edita como ‘root’ o arquivo /etc/wvdial.conf con estas liñas, adecuadas para as operadoras Vodafone, Simyo, Yoigo:

[Dialer vodafone]
Init1 = ATZ
Init2 = ATQ0 V1 E1 S0=0 &C1 &D2 +FCLASS=0
Init5 = AT+CGDCONT=1,"IP","ac.vodafone.es";
Modem Type = USB Modem
Baud = 460800
New PPPD = yes
Modem = /dev/ttyACM0
SDN = 0
Phone = *99#
Password = vodafone
Username = vodafone

[Dialer simyo]
Init1 = ATZ
Init2 = ATQ0 V1 E1 S0=0 &C1 &D2 +FCLASS=0
Init3 = AT+CGDCONT=1,"IP","gprs-service.com"
Modem Type = USB Modem
Baud = 460800
New PPPD = yes
Modem = /dev/ttyACM0
ISDN = 0
#Phone = *99**1*1#
##Phone = *99***1#
Phone = *99#
Password = ''
Username = ''
Stupid Mode = 1
Ask Password = 0
Dial Command = ATDT
Compuserve = 0
Force Address =
Idle Seconds = 3000
DialMessage1 =
DialMessage2 =
Auto DNS = 1

[Dialer yoigo]
Init1 = ATZ
Init2 = ATQ0 V1 E1 S0=0 &C1 &D2 +FCLASS=0
Init3 = AT+CGDCONT=1,"IP","internet"
Modem Type = Bluetooth Modem
Baud = 460800
New PPPD = yes
Modem = /dev/ttyACM0
ISDN = 0
Phone = *99***1#
Username = "internet"
Password = "internet"
Stupid Mode = 1
Ask Password = 0
Dial Command = ATDT
Compuserve = 0
Force Address =
Idle Seconds = 3000
DialMessage1 =
DialMessage2 =
Auto DNS = 1

2.- Conecta o móbil ao portátil empregando o cabo USB. Nese intre elixín a opción «PC Suite» que me amosa o Nokia E65. Executo nun terminal:

sudo wvdialconf

3.- Conecto á operadora que teña tal como así:

sudo wvdial vodafone

4.- Desconecto premendo á vez as teclas Ctrl e C (Ctrl-C).

Un dos posibles axustes a facer pode vir do dispositivo que sexa recoñecido polo teu equipo. No meu e no dos artigos fonte desta entrada é /dev/ttyACM0.

En canto ás tarifas… hai que negocialas e logo elixir conexión «Dual» (UMTS/GSM) no móbil.

Por certo, podes seguir recibindo chamadas ao móbil ;-)

asennadas

Chuzame! A Facebook A Twitter

Aprobadas as enmendas torpedo

No informe elaborado polo eurodeputado británico Malcolm HARBOUR (PPE/DE), aprobado por 548 votos a favor, 88 contra e 14 abstencións, o Parlamento Europeo salienta que, «a fin de resolver as cuestións de interese público relativas á utilización dos servizos de comunicacións e incentivar a protección dos dereitos e liberdades de terceiros, as autoridades nacionais competentes deben poder crear e divulgar, co auxilio dos fornecedores, información de interese público respeitante á utilización dos servizos de comunicacións«.

A proposta do «paquete das telecomunicacións» (coñecidas como enmendas torpedo) relacionada cos consumidores visa alterar dúas directivas e un regulamento actualmente en vigor. O dereito de mudar de operador de telecomunicacións no prazo dun día, a transferencia de números, o dereito a informacións tarifarias transparentes e comparables, a posibilidade de marcar números verdes a partir do estranxeiro e unha maior eficacia do número europeo de emerxencia 112 son algunhas das novidades aseguradas polo Parlamento Europeo.

Porén, o máis importante é a proposta relacionada cos consumidores, sobre a cal o Parlamento Europeo votou hoxe en primeira lectura (proceso de co-decisión co Consello), que visa alterar a directiva relativa ao servizo universal e aos dereitos dos usuarios, a directiva sobre o tratamento de datos persoais e protección da privacidade nas comunicacións electrónicas e o regulamento relativo á cooperación na defensa do consumidor.

Esta información debe comprender advertencias de interese público sobre a violación dos dereitos de autor, outras utilizacións ilegais e a divulgación de contidos nocivos, ben como consellos e medios de protección contra riscos para a seguranza persoal, decorrentes, nomeadamente, da divulgación de información persoal.

A información de interese público debe ser «actualizada sempre que fora necesario e presentada baixo a forma dun texto facilmente comprensible, impreso e en soporte electrónico, tal como sexa determinado en cada Estado-membro, e publicada nos sitios Internet das autoridades nacionais«.

Paga a pena ler todo este artigo na páxina do Parlamento europeo (en portugués ou castelán).

Ligazón enviada por Ana Miranda.

Aínda e así a cousa puido ser ben peor toda vez que algunhas das máis polémicas enmendas foron rexeitadas.

asennadas

Chuzame! A Facebook A Twitter

Europa vota contra a liberdade en Internet

Non ofrece dúbida algunha que as novas tecnoloxías e sobre todo a regulación das tecnoloxías da información e comunicación (TICs) son o campo de batalla sobre o que se libra a loita polos dereitos civís. O que esta sucedendo no Parlamento Europeo é un claro exemplo, xa que unha noticia difundida os primeiros días de xullo de 2008, fixo saltar todas as alarmas. Ao parecer, no paquete de medidas para regular as telecomunicacións na Unión Europea (TELECOM), cuxa tramitación acaba de iniciarse, están incluídas unha serie de emendas que de aprobarse suporían un recorte das liberdades civís da cidadanía.

O vindeiro mércores 24 de setembro de 2008 hanse votar as enmendas torpedo que a clase política europea quere aprobar para posuir legalmente o control da rede.

Pedro Martínez García, Fiscal da Comunidade de Madrí, escribe na Asociación de Internautas sobre este crucial tema.

Chuzame! A Facebook A Twitter

Nace a Fundación WWW

Dado que A Facebook A Twitter