asennadas

Ganeti, xestor de servidores virtuais liberado por Google

Google Inc. vén de lanzar baixo licenza GPLv2 o seu software xestor de servidores virtuais. Ganeti, está dispoñible en Google Code onde comezou sendo un pequeno proxecto na oficina da Google en Zúric (Zürich, Suiza) e desde o inicio vén sendo usado internamente polo propio equipo da xigante das buscas online.

O Ganeti é capaz de xerenciar servidores virtuais na plataforma Xen sobre sistema Linux en clústers de PCs comúns. Tras ser instalado nunha máquina física (ou clúster) equipada con GNU/Linux e Xen, o xestor encárgase das tarefas de creación de discos virtuais, instalación de sistemas operativos, inicio e parada de máquinas virtuais ademais de ter soporte a fallos de hardware.

En almacenamento o sistema oferce soporte á moderna tecnoloxía DRBD, especialmente desenvolvida para clústers, e até inclúe soporte a LVM e espellos RAID-1 locais e de rede (este a través de DRBD), os cales melloran sensiblemente a resistencia dos datos a fallos de hardware ou rede. Tamén ofrece gran facilidade para a realización de backups e migración de máquinas virtuais entre clústers distinguidos.

O tamaño recomendado para os clústers, segundo o equipo do Ganeti, é de até 25 máquinas físicas. A máis importante limitación do sistema, polo de agora, é a ausencia de soporte á virtualización completa (full virtualization), restrinxíndose á paravirtualización.

A fonte e un amplo artigo describindo como instalalo e dar os primeiros pasos nunha Debian.
asennadas

En: AGNIX, FLOSS, TecnoloxÃa por Roberto Brenlla
Sen Comentarios »

Optimizando un kernel

Teño un portátil Dell XPS M1330 que véu cunha Ubuntu e agora o teño actualizado á versión 9.04. Case todo é de Intel (tarxetas de son, gráfica, rede, procesador…). É unha mágoa que un distribuidor de hardware como Dell non se tome a molestia de deixar optimizado o kernel dos seus equipos e sinxelamente instale os compoñentes para que esa distro funcione.

Púxenme mans á obra para compilar un kernel máis optimizado para o meu equipo, relembrando vellos tempos (hai dez anos!). A tarefa é para tomala con calma, paciencia e insistencia¹.

Comecei instalando o necesario e aconsellable:

sudo apt-get install hardinfo kernel-package linux-source-2.6.28 build-essential makedumpfile libqt3-mt-dev

Posiblemente isto faga que instales outros paquetes por dependencias con estes. O seguinte é descomprimir as fontes do kernel, copiar a súa configuración actual e comezar a configuralo:

cd /usr/src ; sudo tar xjvf linux-source-2.6.28.tar.bz2 sudo ln -s linux-source-2.6.28/ linux cd linux ; sudo cp -vi /boot/config-`uname -r` .config sudo make xconfig

Nestes intres comeza a tarefa que vou facendo aos poucos, con paciencia, información e estratexia. Para ilo é bo contar coa infromación do sistema actual. Entroutros emprego a aplicación gráfica hardinfo e a saída do comando lsmod.

Para comezar a eliminar/engadir opcións ao teu núcleo podes comprobar que este artigo recomendado polo amigo Tonio suxire ir á opción Kernel Hacking e deseleccionar Compile the kernel with debug info. Outra incuestionable é a de seleccionar en Processor type and features / Processor family o teu procesador, no meu caso Core2. Gárdao e pecha.

Só con esas dúas xa notarías melloras e, polo tanto, recomendaría que fixeras a túa primeira compilación para que sirva de base progresiva á túa cada vez máis depurada personalización. Daquela o seguinte sería personalizar o arquivo /etc/kernel-pkg.conf onde podes pór o teu nome e correo-e (non vaia ser que logo o queiras compartir ) . O seguinte sería ler a páxina man make-kpkg e logo facer (sempre dentro de /usr/src/linux):

sudo su cp .config ../config-2.6.28-13-brenlla-20090710 make-kpkg clean make-kpkg --initrd --us --uc --append-to-version=-brenlla-20090710 kernel-image kernel-headers cd .. dpkg -i linux-headers-2.6.28-brenlla-20090710.deb dpkg -i linux-image-2.6.28-brenlla-20090710.deb

A primeira compilación pode demorar unha hora, as depuradas menos de media… Revisa o teu GRUB (/boot/grub/menu.lst), reinicia e arranca elixindo o te novo kernel. Se todo rula como é desexado, próbao durante uns dias para teres a certeza de que é adecuado para o teu equipo. De ser así, repite o proceso e vai depurando o teu kernel eliminando as moitísimas opcións que non necesitas indo pouco a pouco, tendo a certeza do que fas así ad infinitum cando xa queiras ir probando ao límite dos teus coñecementos.

(1) O de ter calma é importante pois hai opcións mutuamente dependentes, polo que cometer un erro é moi doado. Na miña segunda compilación fun «a saco«, eliminei varias opcións e trala compilación tiña WiFi pero non rede por cabo…

asennadas

En: AGNIX, FLOSS, Historia(s), Persoal, TecnoloxÃa por Roberto Brenlla
Sen Comentarios »

Google Chrome OS, sistema operativo

Tralo esforzo feito nos últimos anos por Google para desenvolver un máis ca competente conxunto de aplicacións baseadas na web e maila presentación de Google Chrome hai nove meses, finalmente é oficial: Google está desenvolvendo o seu propio sistema operativo, chamado Google Chrome Operating System ou Google Chrome OS.

«A nosa intención é volver pensar o que debería ser un sistema operativo«, din no anuncio oficial Introducing the Google Chrome OS.

Trátase dun sistema operativo lixeiro, de código aberto, pensado inicialmente para ser executado en netbooks, aínda que nada impediría velo en calquera tipo de máquina nun futuro próximo, xa que está deseñado para correr en procesadores x86 e ARM; Google está xa traballando con diversos socios para pór máquinas no mercado con Google Chrome OS a mediados do ano que vén.

A idea é dispor dun sistema lixeiro que arrinque moi rapidamente e que permita aos usuarios un acceso practicamente inmediato aos seus datos, que vivirán na nube (Cloud Computing). Para iso utilizará un núcleo Linux cun sistema de fiestras e Google Chrome como «casa» das súas aplicacións.

Souben disto por Iñaki Quenerapú quen sinalou esta fonte.
asennadas

En: AGNIX, FLOSS, Internet, Negocios por Roberto Brenlla
Sen Comentarios »

Bolsa de Londres abandona plataforma M$

«Quen fora tolo dabondo para crer que o software de Microsoft era suficientemente bo para ser empregado en operacións de misión-crítica recibíu unha boa bofetada este pasado setembro cando o sistema Windows TradElect da LSE (London Stock Exchange) levou ao mercado a unha parada de case unha xornada laboral enteira. Aínda que a LSE negara que o colapso fora debido ao TradElect, tamén rexeitaron explicar cal foi realmente o problema. Fontes da LSE dixéronme ese día que o problema foi o TradElect«. Así da comezo o artigo de Steven J. Vaughan-Nichols anunciando o definitivo abandono do sistema da LSE.

Ese parón provocou a saída do posto da xerente desta Bolsa responsable da incorporación desa tecnoloxía, Clara Furse. Pola contra, sábese que o novo CEO (xerente), Xavier Rolet, xa decidiu poñer fin a TradElect.

TradElect funciona en servidores HP ProLiant executando Window$ Server 2003, sendo un software mestura de programas feitos en C# e .Net, todo ilo creado por Micro$oft e Accenture. O conxunto confiaba as transaccións na base de datos M$ SQL Server 2000. O obxectivo era manter tempos de resposta menores a dez milisegundos.

Ese obxectivo xamais chegou a acadarse. Aínda peor, a principal competidora, a rival Chi-X coa súa plataforma MarketPrizm confirmou que si foi capaz de entregar este nivel de rendimento. «A resposta é Linux«.

Steven engade «Só podo preguntarme cantos fallos máis de software empresarial feito para Window$ hai e mantéñense agochados polos departamentos TIC de empresas que non queren revelar que estúpidas foron as súas decisións ao confiar en solucións de software de Window$ que probaron ser arcaicas e irritantes«.

Finlamente, Steven suxire que confíe a súa infraestrutura en Linux xa que logo a tecnoloxía Chi-X está a demostralo en CME (Chicago Mercantile Exchange), NYSE (New York Stock Exchange), etc.

Nótese que Chi-X ofrece unha solución tecnolóxica aberta e estandarizada maila ser privativa, que se executa sobre GNU/Linux.

Souben deste artigo por Fernando Acero.
asennadas

En: AGNIX, FLOSS, Negocios por Roberto Brenlla
Sen Comentarios »

Análise histórico da lista top500.org

Manuel Xosé Lemos fixo unha recolleita de datos da lista dos maiores 500 supercomputadores ofrecida pola web top500.org desde a data 06/1993.

O resultado podes ollalo neste PDF (licenza CC-by-sa). Nel obsérvase que a familia de sistemas operativos agrupados na categoría «Linux» entrou na lista en 06/1998 e desde entón ata hoxe o seu crecemento foi abraiante.
asennadas

En: Amizade, FLOSS, TecnoloxÃa por Roberto Brenlla
Sen Comentarios »

Linux suma outros 4 supercomputadores na lista top500

Souben por Eskorpio da publicación da nova lista dos 500 maiores supercomputadores do mundo feita por top500.org para o primeiro semestre de 2009.

Desta vez, seleccionando por familia de sistemas operativos (Operating system Family) os resultados amosan que, respecto da anterior lista, «Linux» rabuñou outros catro supercomputadores máis ao resto de sistemas, elevando a súa cifra total a 443, o cal supón o 88,60 %.

É obvio que, se a esa cifra engadimos outros como OpenSolaris ou *BSD, o montante total do SwL sube ata o 89%. Supera esa barreira se se consideran tamén os sistemas mixtos…
asennadas

En: AGNIX, Amizade, Curiosidades, FLOSS, Negocios, TecnoloxÃa por Roberto Brenlla
1 Comentario »

Invisible Linux

Para Jim Zemlin, director executivo da Linux Foundation, xa non necesitas preocuparte polo teu sistema operativo. Así o reflicte este artigo referíndose aos múltiples trebellos (gadgets) que están aparecendo no mercado.

E segue. Non compras un sistema operativo. Compras un gadget que executa un programa. O gadget e o seu software son unha unidade. O editor Dana Blankenhorn nomeáno como ‘Invisible Linux‘.

Dana cre que esta vía foi perdida, unha vez máis, por Window$. Os esforzos por empregar a fabricantes de equipos orixinais de Taiwan e mailos seus minúsculos netbooks para crear unha alta competitividade na venda de Window$ ao detalle foi perdida.

Jim Zemlin non se deixa disuadir. Tampouco defende Linux porque o que está a suxerir ten a súa lóxica. Isto é o que está a demostrar a feira CompuTex: «usa Linux no teu trebello, amosa unicamente o aplicativo e recolle unha marxe comercial extra«.

Iso está a acontecer co novo teléfono móbil HTC, un teléfono co Android de Google feito en Taiwan. Como se sabe, Android é unha contorna operativa completa baseada no núcleo Linux V2.6..

Non precisa saber se o teu sistema GPS está executando Linux, ou o teu teléfono, ou calquera outro dispositivo embutido estea a realizar un conxunto de tarefas definidas.De igual modo non se necesita saber que o buscador Google executa GNU/Linux, que a maioría dos sitios web executan servidores Apache en GNU/Linux…

A quen lle importa se Linux é visible ou invisible mentres estea aí?

E ti, pensas o mesmo?
asennadas

En: FLOSS, Hasefroch, Negocios por Roberto Brenlla
Sen Comentarios »

Cursos da Linux Foundation

Linux Foundation está ofrecendo os seus primeiros cursos online de tan só dous dias de duración cada un. Estes cursos foron demandados por persoas interesadas en dispor de formación neutral, independente de empresas forncedoras.

Pretenden ser cursos tecnicamente avanzados, feitos en conxunción cos actuais líderes da comunidade de desenvolvemento do kernel Linux.

Os cursos dispoñibles polo de agora son:

LF01 Creating Applications For Linux 2 dias $1099
LF02 Essential Linux Device Driver Development Skills 2 dias $1099
LF03 Linux Kernel Debugging and Performance 2 dias $1099
LF04 Git Essentials For Developers 2 dias $1099

Todos os cursos inclúen instrucións en directo e exercizos prácticos, con preguntas e respostas aos instrutores, desenvolvedores expertos.

Podes acadar máis información sobre cada un destes cursos no seu sitio web ou mandando un correo-e a Mike Woster (mwoster _ARROBA_ linuxfoundation _PUNTO_org).
asennadas

En: AGNIX, FLOSS, ProgramaciÃ³n, TecnoloxÃa por Roberto Brenlla
1 Comentario »

Apoiando economicamente á FSF e a Linux Foundation

Sábese de moitas maneiras de contibuir co Software Libre, desde o seu simple uso, pasando por localizar, desenvolver, difundir… ata apoiar economicamente. Se queres apoiar á FSF (Free Software Foundation) podes dirixirte a esta páxina onde atoparás distintas modalidades de contribución económica. Basicamente son dúas: membro asociado (desde 120 a 500 dólares/ano ou máis -estudantes 60$-) e donante ocasional.

De igual modo, a Linux Foundation vén de abrir esta mesma vía de contribución contemplando a modalidade individual (99$/ano) e corporativa (desde 5.000$ a 500.000$). A LF ofrece diversas beneficios por facelo, por exemplo, conta de correo-e, camisetas, entradas a eventos, etc.

Dende logo que tamén se pode contribuir economicamente a algún dos múltiples proxectos existentes.
asennadas

En: AGNIX, FLOSS por Roberto Brenlla
Sen Comentarios »

Creando aplicacións para Android

No boletín semanal de noticias de IBM publicado onte destaca un artigo adicado a crear unha primeira aplicación para a plataforma Android. Como se sabe, Android é unha contorna operativa completa baseada no núcleo Linux® V2.6.

De entrada, o obxectivo comercial marcado para Android foi o sector de telefonía móbil. Porén, o rango completo dos servizos computacionais e mailo seu soporte funcional danlle un potencial que vai ben máis aló dese campo.

No artigo de Frank Ableson faise unha introdución á plataforma Android e apréndese a codificar unha aplicación básica para el.

Lembra que tes máis información en Google Code así como unha lista das acutais aplicacións aquí.
asennadas

En: FLOSS, TecnoloxÃa por Roberto Brenlla
2 Comentarios »