asennadas

Nalgo que moita xente estará de acordo é que as enquisas adoitan ofrecer resultados que non sempre levan a conclusións fieis, alomenos en termos de concordancia cuantitativa coa realidade. Porén as enquisas si ofrecen estimacións aproximadas.

O caso que agora comento pode ser un deles. A fonte apunta cara unha entrada do blog de Adrian Kingsley-Hughes titulada "Linux - Still chasing that elusive 1% market share" ou "Linux - Aínda perseguindo ese 1% de cota de mercado difícil de conquerir". Esa entrada serve para volver atopar un autor como moitos, neste caso é Adrian, que siguen ofuscados no debate de si 'Linux' é doado, máis doado ou difícil.

Sinceramente, sen entrar se realmente o SwL posúe ou non ese 1% (teño argumentos para defender que é bastante máis dun ridículo 1%) , creo que é necesario un revulsivo contundente a súa prol que confirme tanta demostración de calidade, tantas vantaxes fronte aos mínimos inconvintes, tantos esforzos da comunidade para facer medrar, dunha vez xa, o seu uso na sociedade.

Adrian erra ao centrar o seu estudo unicamente en Linux sen analizar os datos ofrecidos nos resultados da enquisa orixinal ofrecida por Market Share, que abrangue o período de xuño 2006 a xuño 2008. Se cadra abondaría comparar as cifras de MacIntel (alén da columna Mac OS) e Linux para ese período. Ambas ofertas copaban practicamente a mesma porcentaxe:0,49% e 0,44% respectivamente. Dous anos despois as cifras transfórmanse en 5,25% e 0,80%. Vese que 'Linux' practicamente duplica a súa penetración no mercado namentres MacIntel multiplicou máis ca por 10 a súa presenza. Como é posible isto? A resposta pode estar de novo na mesma enquisa. Para ese mesmo período M$ Vista partía do 0,00% e agora ten máis do 16%.

Non só "se sabe" que Vista non cubre coas expectativas nel depositadas, nin pola empresa propietaria nin pola súa comunidade usuaria. Se porén medrou tanto é pola vía de entrada que aínda non foi atacada con decisión nin polo mercado nin polas autoridades políticas. É o caso da venda minorista. Mac si está a ampliar a súa penetración grazas a medrar a súa oferta minorista. Iniciativas de mercado como Dell, Eee PC ou a galega Imavisions non abondan para pór un chisco de sentido común a tanta fuga de capitais e tanta venda masiva de sistemas operativos con portas traseiras abertas a un único goberno foráneo. Iniciativas políticas específicas neste eido simplemente non existen.

Algunha inicitaiva da Unión Europea referida a que a venda de equipos informáticos se fagan sen sistema operativo preinstalado ten que ser posta en práctica de inmediato como así o insta o Globalisation Institute.  E debe ser feita e seguida con absoluta rigurosidade, con amparo legal en todos e cada un dos puntos onde se poida facer (defensa da privacidade fronte a portas traseiras, o fomento tecnolóxico endóxeno, o fomento de estándares abertos, etc) e doutras moitas medidas posibles que amparen o interese común frente aos de empresas foráneas.

O SwL non só é parte do mercado e das súas leis, tamén é unha obriga dos gobernos de promulgaren leis para defendelo.

asennadas

chuzame

En: AGNIX, FLOSS, Negocios por Roberto Brenlla
2 Comentarios »

Os ISP´s (Internet Service Provider), ou "fornecedores de servizos de Internet", son as empresas adicadas a conectar ós usuarios a Internet, e dar outras prestacións relacionadas coa rede (venda de dominios web, etc.). Algúns deles emparellan o enderezo físico MAC (Media Access Control) dunha interface de rede a unha IP ou de Protocolo de Internet.

Isto pode ocasionar varias incomodidades. Por exemplo, imaxina que mudas de interface de rede por outra mellor. Neste caso pode que perdas a posibilidade de conectarte ao teu ISP e polo tanto a Internet. Hai pouco un amigo tivo que facelo tras conectarse á mañá a unha WiFi dun centro comercial e á tarde non podía ata que trocou a MAC da súa interface.

Con SwL normalmente podes modificar o valor dese enderezo MAC que vén de fábrica. Como facelo? Comeza copiando o campo actual HWaddr que obtés coa saída do comando ifconfig, por exemplo, 00:15:00:3C:EA:A5. Tras isto, descativa esa interface:
ifdown eth0
Sustitúe a interface pola nova e asócialle o enderezo MAC que atoparas antes,
ifconfig eth0 hw ether 00:15:00:3C:EA:A5
tralo que só tes que volver activala,
ifup eth0

Comproba que a nova interface ten a MAC que querías:
ifconfig eth0 | grep HWaddr

chuzame

En: AGNIX, FLOSS, Internet por Roberto Brenlla
5 Comentarios »

Comezo unha serie de artigos onde amosarei a miña experiencia persoal coa Informática en xeral e especialmente co Software Libre. Loxicamente comezo polos anos escuros, aqueles antes de coñecer o que era root e a GPL, aqueles cos que traballaba co sw privativo.

Souben disto da informática pola asignatura de Álxebra que cursei no ICAI tentando facer enxeñaría industrial aló polo 78-79. Daquela gravábamos códigos en tarxetas perforadas. Lembro introducir moitísimas liñas de códigos para logo imprimir a cara do Ché Guevara. Algunha cousa proveitosa tamén a fixera, si, como a resolución dalgunhas fórmulas sinxelas aínda que complexas de programar.

Outro colega, desta vez nun colexio maior de Madrí, El Pasoti, cordobés, chamounos a atención a moitos dos aloxados nese colexio polo feito de estudar informática. Que é iso? Para que serve? Lembro ben as dores de cabeza das que se queixaba, do pouco gratificante que eran as linguaxes (falaba dunha tal Cobol)...

Logo foi o dun amigo da vida, José (dende hai anos é Joe), de Chimbote (Perú) de pai iuguslavo e nae de Malpica. Foi o do HitBit de Sony, aló polos primeiros '80. Conversando con el hai uns intres, lembraba que o mercara 'pelao', é dicir, viña sen xogos. Estes poderíanse mercar a parte e a prezos elevados. Porén vendíanse revistas con códigos fontes de xogos que manualmente tiñas que introducir no trebello, algo que a Joe custáballe a veces dias para logo non rular. Se tal cousa acontecía, e case sempre lle pasaba, tiña que repasalo todo por mor dalgúns erros cometidos. Cando ao fin rulaba, disfrutaba duns primitivos bonecos movéndose en plan parvo. Ao fin Joe desfíxose do trebello, farto de tanto esforzo e tan pouca compensación.

Abandonada a enxeñaría co primeiro aprobado, estrago dous anos na mili e a seguir comezo facer CC. Económicas, afortunadamente ben mellor pois rematei os cinco cursos en cinco anos, traballando cos meus pais algúns deles e á vez estudando. Todo ben rematado en maio do derradeiro curso aínda que polo medio a cousa fora outra algo distinta. Tras rematar a carreira fixen un curso de Introdución á Informática, todo en MS-DOS. Era o ano 1989.

Mentras cursaba Económicas (daquela na Coruña tiña os tres pimeiros cursos e había que rematar en Santiago os dous derradeiros), outro amigo, Manuel Agrafojo, mostrábame os seus avances en deseño gráfico empregando Windows e Mac, logo co sorprendente Next e finalmente Mac. Hoxe segue a traballar en deseño gráfico con Mac na súa próspera empresa.

Seguirei noutro intre contando os anos previos ata coñecer o Sw Libre en 1997 e, por suposto, tamén o que veu despois.

chuzame

En: Amizade, Curiosidades, Historia(s), Persoal por Roberto Brenlla
3 Comentarios »

Provén do artigo orixinal en inglés (What is the coolest thing you can do using Linux that you can't do with Windows or on a Mac?) traducido ao castelán. Agora o deixo aquí en galego, supervisando a tradución a partir do resultado fornecido polo Apertium:

Un amigo preguntoume recentemente que podía facer en Linux que non puidese facer en Windows ou MacOS, e non teño só unha resposta senón unha lista de cousas que pensei e mandei ao meu amigo por correo-e. Logo pensei escribir este artigo para referencias futuras. Se queres podes engadir as túas á lista. Tamén hai un fío nun foro de Ubuntu sobre este asunto que lembrei namentres terminaba a lista e daquela apropieime dalgunhas ideas.

- 1. Actualizar a unha nova versión legal de balde. (nota desta tradución: diríase mellor legal e libre)
- 2. A última versión do sistema operativo execútase no mesmo computador máis rápido cá anterior.
- 3. Instalar e executar outra interfaz gráfica se non me gusta a que está por defecto.
- 4. Instalar 20 programas cun comando.

- 5. Facer que o sistema manteña actualizados os programas instalados por min.
- 6. Instalar a mesma copia do meu sistema operativo (Ubuntu) en varios computadores sen preocuparme das restricións da licenza nin das claves de activación.
- 7. Dar copias dos programas que utilizo sen quebrantar ningunha lei nin norma moral ou ética. (Nota desta tradución: non só iso, senón que é ético e moralmente recomendable distribuir coñecemento, neste caso programas).
- 8. Ter todo o control sobre todo o meu hardware sabendo que os meus programas non teñen ningunha porta traseira de ningunha empresa ou goberno.
- 9. Usar o computador sen necesitar un antivirus e sen ter que reiniciar durante meses activándose no acto todos os parches de seguridade descargados (NdT. ou calquera outro programa, de feito un dos meus computadores só reiníciase cando se vai a luz).
- 10. Usar o computador sen necesitar desfragmentar o disco duro, nunca.
- 11. Probar calquera programa, e se non me gusta, desinstalarlo sabendo que non deixará ningún rastro no rexistro que poida retardar o meu computador.
- 12. Cagarla ata necesitar reinstalar o sistema, e que só tarde media hora en polo todo a punto porque teño os meus datos e os meus programas en particiones separadas.
- 13. Iniciar un escritorio con efectos tan chulos (nota da tradución: moito máis chulos) cós de Vista nun computador de fai 3 anos en menos de 40 segundos incluíndo o tempo que tardo en escribir o meu usuario e contraseña.
- 14. Personalizar todo o que queira, legalmente, ata os meus programas favoritos. Ata podo contactar cos desenvolvedores dos programas para facerlles preguntas, exporlles as miñas ideas e ata participar no proceso de deseño ou/e escritura do programa.
- 15. Ter abertas máis de 4 fiestras dun procesador de textos con documentos nos que traballo, escoitar música, xogar cos efectos do escritorio, estar en contacto cunha gran comunidade e ter Firefox, a mensaxería instantánea e o correo electrónic, todo aberto á vez, sen ter que mendigarle a ninguén que me arranxe a lentitude do sistema e sen que o sistema funcione tan mal que faga inútil.
- 16. Usar o comando dpkg --get-selections > pkg.list para facer unha lista completa e detallada de todo o que teño instalado no computador e con facer unha copia de /etc e /home noutra partición, ser capaz de restaurar o meu sistema en calquera momento de forma sinxela.
- 17. Executo varios escritorios á vez e ata permito que varios usuarios inicien sesión no meu computador á vez e usen simultaneamente o computador.
- 18. Cambiar o tamaño dunha partición do disco duro sen ter que borrala nin perder información.
- 19. Usar o mesmo hardware durante 5 anos sen necesitar, abofé, actualizalo. Teño hardware de fai 10 anos que con Linux segue sendo útil.
- 20. Navegar por Internet mentres o sistema operativo instálase!
- 21. Usar case calquera hardware tendo o driver xa incluído no sistema eliminando a necesidade de buscar por Internet a web do fabricante para atopar o driver adecuado.
- 22. Conseguir o código fonte de case todo, incluíndo o núcleo do sistema operativo e moitos dos programas que utilizo.

Podería seguir, pero xa é o suficientemente longo

Atopado nesta fonte, onde se engaden comentarios, puntualizacións, melloras, etc.

chuzame

En: AGNIX, FLOSS por Roberto Brenlla
14 Comentarios »