asennadas

Dende hai ano e medio o meu pai usa Ubuntu e tiña unha pequena queixa: cada vez que arrancaba o navegador Firefox este facíao en modo «Traballar sen conexión«.

Dado que a súa última actualización de distro que lle fixen foi cara a Ubuntu 8.04, decidín pegar o seu portátil para actualizalo á 9.04 e tentar arranxar ese gran inconvinte do navegador. A actualización de distro foi doada, o do navegador non tanto. Probei dúas solucións semellantes (unha, dúas) pero non me convenceron. Por que? Porque arranxaban o problema de conexión por modem USB (o meu pai emprega o programa externo «Escritorio Movistar«) e o do Firefox pero, se desexaba volver conectarme á rede cableada non podía porque o Network Manager que trae Gnome ficaba desactivado.

Claro, podía conectarme vía liña de comandos pero… é iso adecuado para o meu pai? Ao parecer se ese xestor está activado e non atopa rede (cableada ou inarámica) dalle a mensaxe ao resto de Gnome para anunciar que está «sen conexión» e daí que o Firefox comezara dese modo.

Solucioneino subsituíndo o NetworkManager polo Wicd, independente de Gnome maila interfaz Gtk. De feito, ao instalar Wicd o NetworkManager desinstálase.

Agora si, todo funciona coma é debido, sexa por modem, cable ou WiFi.
asennadas

En: AGNIX, FLOSS, Internet, Persoal por Roberto Brenlla
2 Comentarios »

Desde hai uns dias sabíase da intención de Zapatero de dotar ao alumnado de primaria cun portátil no que o sistema operativo e mailas súas aplicacións serían totalmente privativas. E as reaccións na comunidade non demoraron. O comunicado de Hispalinux con diversas ligazóns a outros informes e reaccións pode ser un dos emblemáticos entre outros moitos que están a producirse.

Un deses outros comunidados vén dunha das partes afectadas por esa medida, a Federación de APAs, concretamente o que fai un representante das APAs da Coruña baixo o título «Salvemos Microsoft«.

Ben claro é Santiago Lamelo dende o comezo do seu artigo porque non só fai mención ao derroche de cartos xusto baixo tempos de crise senón que subliña o incumprimento da Lei 30/2007 de Contratos do Sector Público ou da Lei 11/2007 de Acceso Electrónico da Cidadanía aos Servizos Públicos.

Será posible tanta ignorancia política? Non estamos á procura de oportunidades? Non estamos en tempo de crise? Como é posible malgastar tantos cartos públicos? Como é posible non ver o «vicio» que pode xerar no alumnado? Como non ensinar liberdade no canto de solucións privativas?
asennadas

En: AGNIX, Cultura Libre, Galicia-Galiza, Hasefroch, Negocios por Roberto Brenlla
2 Comentarios »

A conquista a prol dun hardware libre estase a afianzar. Olla as características do hardware (dispoñible en PDF baixo licenza GPL) do Touch Book:

• 9.4″ x 7″ x 1.4″ con teclado, peso aprox. 910 gramos
• ARM Texas Instruments OMAP3 chip
• 1024×600, pantalla de 8.9»
• 8GB micro S
• Wifi 802.11b/g/n e Bluetooth
• Aceleración 3D
• Altofalantes, micro e entrada para auriculares
• 6 USB 2.0 (3 internos, 2 externos, 1 mini)
• 10h a 15 hours de batería

A proposta vén de Always Innovating que andaba na procura dun dispositivo revolucionario que funcionara como un netbook ou como un tablet, grazas a un teclado extraíble e unha interface 3D tamén manexable por tacto (touchscreen). Tes unha galería de fotos para ollar estes detalles.

O hardware está baseado no BeagleBoard e oseu sistema operativo no OpenEmbedded que inclúe o Fennec, o navegador de Mozilla para dispositivos móbiles.

Fonte.

asennadas

En: AGNIX, FLOSS, Tecnoloxía por Roberto Brenlla
1 Comentario »

Aínda dándolle voltas ás declaracións de Negroponte, alma mater do proxecto OLPC (One Laptop per Child -un computador para cada neno-), referidas ao acordo acadado con Hasecorp para o uso de sw privativo neste portátil (en arranque dual), o certo é que na web do proxecto seguen sinalando que empregan SwL, supoño que só na parte dual do trebello.

Pois ben, onte o vin pola tele, para revitalizar ao OLPC nada mellor ca un video coa voz de John Lennon:

asennadas

En: AGNIX, Curiosidades, FLOSS, Hasefroch por Roberto Brenlla
Sen Comentarios »

A Gazelle Ultra de System76 é un portátil de 13.3″ cun lector biométrico que inclúe Ubuntu 8.10 «Intrepid Ibex» de 64 bits preinstalado. Por US$ 899 (uns 721€) a configuración básica da Gazelle Ultra ofrece un CPU Core Duo T3200 2.0 GHz, 2 Gb de RAM DDR2 de 800 MHz, vídeo Intel X4500HD, disco de 160 Gb, regrabadora de DVD, Wi-Fi Intel Link 5100 e un ano de soporte técnico.

O máis chamativo de todo pode ser a estampación do logo de Ubuntu na tapa do portátil e no teclado:

Fonte.

asennadas

En: AGNIX, FLOSS, Negocios por Roberto Brenlla
2 Comentarios »

Good OS, máis coñecido como o gOS Linux que debutara nos hipermercados Wal-Mart, vén de anunciar “Cloud” un novo sistema operativo que arranca en segundos dentro dun navegador con Google, Yahoo! e Live, opcionalmente dentro de Window$.

Cloud amosou o GIGABYTE Touch-Screen Netbook na Netbook World Summit e na rede neste enderezo: http://www.thinkgos.com. Nese sitio comentan que Cloud dispón dun panel de iconas dentro do navegador que se oculta automaticamente e é doadamente personalizable. A contorna de aplicación privativa de Cloud permite executar aplicacións clientes tales como Skype ou Media Player, abríndoas en táboas tanto en Window$ como Linux.

O cambio entre sistemas operativos faise cun simple clic.

Para saber máis do tema vaite cara esta ligazón onde din que o trebello inclúe 32 MB de disco para espazo de almacenamento e 128 MB de RAM.

Ten isto que ver coa moda «cloud computing«? Dará que falar? Acho que si.

Fonte.

asennadas

En: AGNIX, Curiosidades, FLOSS, Hasefroch, Internet, Tecnoloxía por Roberto Brenlla
Sen Comentarios »

O máis ca comentado proxecto OLPC (One Laptop per Child) deu moitos sensabores á comunidade. Así que chama a atención que «O primeiro portátil de $100 executa Linux» sexa un portátil distinto ao OLPC pois é unha nova oferta da competitiva industria chinesa.

O HiVision miniNote ofrce 1GB de flash, expansible vía ranura SD.Ten 128MB RAM, WiFi e Ethernet, tres portos USB e E/S de audio xunto a unha pantalla de 7″ paar unha resolución 800×480 px. En canto ao software, inclúe Abiword, Firefox… e actualizaicóns de seguridade en liña.

Tes este video que o amosa:

asennadas

En: AGNIX, FLOSS, Negocios, Tecnoloxía por Roberto Brenlla
Sen Comentarios »

Adeona é un sistema con licenza GPL que vai rastrexando o dispositivo portátil onde estea instalado de tal xeito que, segundo din no propio proxecto, sirve para atopalo doadamente cando o perdas ou sufras o seu roubo.

O software non traballa cun sistema central propietario, é dicir, quen instala o programa non ten que confiar en terceiras partes senón que perserva a privacidade…

Adeona está deseñado para usar o servizo de almacenamento distribuido e de código aberto chamado OpenDHT. Así, o programa cliente monitoriza continuamente a actual localización do dispositivo grazas a informacións como a súa IP e maila topoloxía de rede. Todo ilo empregando potentes cifrados para garantir o anonimato…

Os puntos suspensivos que fun deixando son provocados polo posible mal uso que poida facer desta ferramenta. Así o sinala a fonte desta nova:

«Non pode constituír Adeona un sistema de rastrexo en toda regra e un posible atentado contra a privacidade que di protexer? Explícome: instala o cliente no portátil do teu noivo/a, esposo/a, empregado/a e terás unha referencia constante e permanente da súa localización.

Tecnoloxía de dobre uso, xa o sei, pero en calquera caso, a min paréceme mellor como sistema de espionaxe que como sistema antirrobo…»

E todo ilo, claro, se quen roube o trebello non se lle dá por formatalo todo.

Curiosamente sobre este software tamén hai unha entrada recente e moi ampla nesta páxina.

asennadas

En: AGNIX, FLOSS, Internet, Seguridade, Tecnoloxía por Roberto Brenlla
Sen Comentarios »

Ben tempo levaban soando rumores sobre o que agora xa é oficial, o proxecto OLPC (One Laptop per Child) vén de anunciar un acordo con Hasefroch para proporcionar un arranque dual (GNU/Linux e Window$ para XO).

Nementres, OLPC segue subliñando que seguen absolutamente decididos en proporcionar a cada neno do mundo un sistema de aprendizaxe libre e aberto…

Máis información nesta ligazón  (inclúe a mensaxe do promotor do OLPC Nicholas Negroponte á comunidade) e na fonte.

asennadas

En: AGNIX, FLOSS, Hasefroch, Negocios por Roberto Brenlla
4 Comentarios »

A moda dos UMPC (Ultra Mobile PC) está en auxe. Ás moitas novidades destes últimos meses éngase agora a oferta do Airis Kira 100, un portátil que, aínda recomendando Hasefroch XP, leva preinstalado un GNU/Linux con OpenOffice.org.

O equipamento inclúe:

• TFT 7″ (800×480) WVGA

• Procesador Via C7- Mobile Ultra Low Voltage a 1 GHz

• Módem Fax 56 Kbps. V90, Saída VGA , Rede 10/100

• Card Reader SD/MMC/MS/CF, 2 USB 2.0

• Wireless 802.11BG

• TouchPad + 2 Bot.

• Alt. + Mic./ DC-in

• Son High Definition Audio (Compatible AC97)

• Batería de 4 horas de autonomía aprox.

• Teclado completo 77 teclas

• 243 x 172 x 29 mm (Ancho x Fondo x Alto)

• Peso 1 Kg

• Web Cam Integrada

en catro cores fashion (negro, branco, amarelo e rosa), pouco peso e un prezo de 299€.

Fonte.

asennadas

En: AGNIX, FLOSS, Hasefroch, Negocios por Roberto Brenlla
Sen Comentarios »

O pasado mes de novembro o meu pai cumpriu o seu 72º anversario. Non sabía que regalarlle. Daquela a miña nae di que lle quere mercar un portátil, pedíndome que me encargara de facelo. Tate, xa está! Vai usar Sw Libre!

O meu presente sería darlle clases e mantemento do sistema ameazándolle que, de mercar el algún trebello deses que infestan de publicidade as canles de TV nas madrugadas, estaría estragando os seus cartos pagando licenzas alén de contar coa miña rotunda negación a fornecer calquera tipo de soporte para esas porcalladas.

Predicando con exemplo, fun directo á páxina dos portátiles de Imavisions e seleccionamos un deles. Falei con Manuel Guillán e, tralo orzamento, axiña fixemos a transferencia. Mágoa non ter sabido que tiñamos que agardar 15 dias para a súa entrega pois foi algo que non lle gustou ao meu pai. Para máis atrancos, o portátil viña cun erro de fábrica e tivemos que engadir outros 15 dias, total un mes. Recibímolo o 8 de xaneiro cuns extras engadidos (maletín, lámpada e lapis USB) pola nosa espera.

Meto mans na masa e reinstalo o sistema Ubuntu que tiña pois combrobara que case todo rulaba e prefería unha outra disposición e tamaño das particións. Porén, Manuel incluiu compilacións especiais para obter o son. Éste, trala miña instalación, simplemente non daba sinais de vida porque evidentemente estragara todo o traballo de Manuel. Xunto a isto, non rulaba o lector de tarxetas e uns leds. Ofrecéronse a arranxar todo, daquela envío o portátil e un par de dias despois xa estaba de volta con todo o que podía funcionar facéndoo.

Desde aquí doulle as grazas a Imavisions, especialmente a Manuel, pola adicación e traballo pois a satisfacción tanto miña como do meu pai é total. Engado que eles non só instalan o sistema nos seus equipamentos senón que os configuran e, polo comprobado, ofrecen excelente soporte.

Onte foi o primeiro dia de clases do meu pai. Aínda que xa acudira a algún cursiño de sw privativo, ten que se afacer ao manexo do rato e aprender mecanografía (até eu debería mellorar niso!). Porén ficou abraiado coas posibilidades que se lle abren.

Creou cartafoles, arquivos de texto plano e ODF, aprendeu o socorrido que é o botón dereito do rato, entendeu rapidamente as vantaxes dos escritorios múltiples, navegou, coñeceu a Galipedia, a Wikipedia, abriu a súa conta en GMail, chateei con el estando eu ao seu carón e moito máis! Tras un bo tempo de adicación levouse no maletín o seu flamante portátil e a encomenda de traballar co KTouch.

Non sei quen está máis ledo con todo isto. Será o meu pai ou eu mesmo?

En: FLOSS, Persoal por Roberto Brenlla
4 Comentarios »