asennadas

A prestixiosa revista Linux Magazine ten na súa vertente electrónica unha boa serie de artigos, todos eles descargables en PDF, que inclúe unha ampla gama de temas sobre programación en Python, unha das linguaxes máis flexibles e empregadas na actualidade.

Estes son os artigos:

• Para calquera tarefa: Python é unha linguaxe potente, segura e flexible.
• Creando un álbum de imaxes: Exercicio práctico de tratamento de arquivos.
• Señor Python: Como escribir unha interface de consulta a dicionarios online.
• O mellor de dous mundos: Java e Python: Jython, desenvolver programas en Java usando Python.
• Gráficos con Python: Traballando con Python e Gnuplot.
• Reprodutor de MP3 con Jython: Creando un mini reprodutor MP3.
• Wiki Python: Programando un wiki con 150 liña de código.
• Python planetario: Crea un centro de control para monitorar o planeta e arredores.
• AJAX: Constrúa sitios web integrando Ajax e Python.
• Diario de bordo: Creando un diario completo con Python.

Están en portugués do Brasil.

asennadas

chuzame

En: AGNIX, Brasil, FLOSS, Internet por Roberto Brenlla
Sen Comentarios »

Thorsten Berens, desenvolvedor de OpenOffice.org para Novell, presentou na pasada OOo Con 07 de Barcelona un prototipo de visor/editor dos parámetros de configuración internos de OpenOffice chamado OoConfig.

Feito en Python, parsea os ficheiros XML de configuración de OOo e amósanos os valores de cada parámetro nunha folla de cálculo OOo-Calc. Hai varias columnas, indicando nome da variable, tipo de datos, explicación detallada da súa función e valor. O obxectivo de OoConfig é similar ao about:config do Firefox dado que permite modificar valores de OOo agochados.

Xa está dispoñible para a súa descarga unha versión de probas desta ferramenta, nomeadamente ooconfig.oxt.

Fonte.

asennadas

chuzame

En: AGNIX, FLOSS por Roberto Brenlla
Sen Comentarios »

Os screenlets son pequenas aplicacións escritas en Python que poden ser definidas como unha representación virtual de obxectos arredor do teu escritorio, como notas, reloxos, regras... e calquera outra cousa imaxinable que medre a usabilidade e a harmonía do escritorio.

Podes darlle unha ollada á súa sección de pantallas ou obter máis información, ir á sección de descargas directas (Ubuntu/Debian, Fedora, OpenSuse, Gentoo, Mandriva, fonte...) emailas numerosas contribucións de terceiras partes. A súa licenza é GPL.

Fonte.

asennadas

chuzame

En: AGNIX, FLOSS por Roberto Brenlla
Sen Comentarios »